Morgunblaðið - 24.10.2002, Blaðsíða 12

FRÉTTIR
12 FIMMTUDAGUR 24. OKTÓBER 2002 MORGUNBLAÐIÐ
HÁSKÓLI Íslands fór ekki að
stjórnsýslulögum við ráðningu lekt-
ors í félagsvísindadeild í upphafi árs
2001. Umboðsmaður Alþingis kemst
að þessari niðurstöðu í nýju áliti sínu
eftir að einn fjögurra umsækjenda
um lektorsstöðuna kvartaði yfir
málsmeðferð skólans við ráðn-
inguna. Þá gerir umboðsmaður at-
hugasemdir við þann níu mánaða
drátt sem varð á að háskólinn svar-
aði erindi hans.
Málavextir eru þeir helstir að um-
rætt starf lektors var auglýst laust í
mars árið 2000. Fjórir háskólakenn-
arar sóttu um. Dómnefnd var skipuð
til að meta hæfi umsækjenda og skil-
aði hún áliti í ágúst árið 2000 þar sem
allir voru taldir hæfir til að gegna
starfinu. Umsækjendum var gefinn
kostur á að koma að athugasemdum
við álit dómnefndar en því næst vís-
aði félagsvísindadeild umsóknunum
til umfjöllunar á skorarfundi í sept-
ember sama ár. Eftir nokkra skorar-
og deildarfundi var það niðurstaðan
að mæla með einum umsækjendanna
og varð sá er kvartaði til umboðs-
manns ekki fyrir valinu. Óskaði sá
eftir tækifæri til að svara rökstuðn-
ingi skorarinnar, sem fallist var á.
Gripið var til atkvæðagreiðslu á
deildarfundi félagsvísindadeildar í
byrjun desember og meirihluta at-
kvæða hlaut sá kennari sem rektor
háskólans, Páll Skúlason, ákvað síð-
an í byrjun janúar 2001 að ráða í
starfið, samkvæmt tilmælum deild-
arinnar.
Einn umsækjenda kvartaði til um-
boðsmanns í júní árið 2001. Hafði
hann þá óskað eftir rökstuðningi frá
rektor fyrir ráðningunni en ekki
fengið, að hans mati, og ekki heldur
verið tilkynnt skriflega um niður-
stöðu stöðuveitingarinnar.
Meðal þess sem kvartað var yfir
var tilgreining þeirra sem stóðu að
umsögn skorarinnar um umsækj-
endur. Umboðsmaður Alþingis telur
að það hafi átt að liggja skýrar fyrir
hvaða einstaklingar tóku þátt í um-
fjöllun skorarinnar. Þá hafi máls-
meðferð ekki verið í samræmi við
stjórnsýslulög við úrlausn á því
hvort atkvæðisbærir fundarmenn á
skorar- eða deildarfundi hafi verið
vanhæfir og hvort þeir hafi átt að
víkja af fundi af þeirri ástæðu.
Verulegur annmarki
á málsmeðferð
Í bréfi til umboðsmanns viður-
kennir háskólinn að umsögn fé-
lagsvísindadeildar hafi ekki verið í
samræmi við reglur þar sem engin
grein hafi verið gerð fyrir þeim sjón-
armiðum sem réðu niðurstöðu deild-
arfundar. Telur umboðsmaður að
það hafi dregist úr hófi að tilkynna
umsækjendum um ráðninguna og
það hafi ekki réttlætt þann drátt þótt
skortur hafi verið á upplýsingum til
að rökstyðja ákvörðunina. Þá telur
umboðsmaður að verulegur ann-
marki hafi verið á málsmeðferð há-
skólans og að undirbúningi ákvörð-
unar rektors hafi ekki verið hagað
með þeim hætti að fyrir lægju upp-
lýsingar til að veita rökstuðning fyrir
ákvörðuninni. Þá stangist það á við
stjórnsýslulög að umræddum um-
sækjanda hafi ekki enn verið veittur
rökstuðningur sem uppfylli kröfur
sömu laga.
Með hliðsjón af þessu beinir um-
boðsmaður þeim tilmælum til Há-
skóla Íslands að framvegis verði
málsmeðferð skólans við ráðningu
kennara hagað í samræmi við sjón-
armiðin í álitinu. Tekið verði til at-
hugunar hvort þörf sé á að móta til-
teknar skráðar reglur um hæfi eða
vanhæfi atkvæðisbærra fundar-
manna á deildar- og skorarfundum.
Þá er þeim tilmælum beint til skól-
ans að þess verði gætt við skipulagn-
ingu stjórnsýslunnar að erindum
umboðsmanns verði svarað innan
hæfilegs tíma.
Umboðsmaður Alþingis um ráðningu lektors í félagsvísindadeild
Háskóli Íslands fór ekki
að stjórnsýslulögum
Sigurður Kári Kristjánsson hef-
ur ákveðið að gefa kost á sér í
prófkjöri Sjálfstæðisflokksins í
Reykjavík, sem fer fram dagana
22. og 23. nóvember nk. vegna al-
þingiskosning-
anna næsta vor.
Hann sækist eft-
ir kosningu í 7.
sæti.
Sigurður Kári
Kristjánsson er
29 ára Reykvík-
ingur, fæddur 9.
maí 1973. Hann
útskrifaðist með
stúdentspróf frá
Verzlunarskóla Íslands árið 1993,
embættispróf í lögfræði frá Há-
skóla Íslands 1998 og hlaut mál-
flutningsréttindi fyrir héraðsdómi
árið 1999. Hann starfar sem hér-
aðsdómslögmaður í Reykjavík.
Sigurður Kári hefur gegnt ýmsum
trúnaðarstörfum fyrir Sjálfstæð-
isflokkinn. Hann var formaður
Sambands ungra sjálfstæðismanna
1999–2001, sat í miðstjórn Sjálf-
stæðisflokksins 1999–2001, sat í
framkvæmdastjórn Sjálfstæð-
isflokksins 1999–2001, sat í stjórn
SUS 1997–1999 og sat í stjórn
Heimdallar 1995–1997.
Sigurður sat í Háskólaráði fyrir
Vöku, félag lýðræðissinnaðra stúd-
enta 1995–1997, framkvæmda-
stjóri lögfræðiaðstoðar Orators
1997–1998, formaður Orators, fé-
lags laganema, 1995–1996 og for-
seti Nemendafélags Verzl-
unarskóla Íslands 1992–1993.
Sigurður Kári
Kristjánsson
UMSÓKNIR Afganistan og Austur-
Tímor um aðild að Interpol voru
samþykkt með yfirgnæfandi meiri-
hluta á allsherjarþingi Interpol sem
nú stendur yfir í Yaoundé, höfuð-
borg Kamerún. Aðildarlöndin eru
nú 181 en aðeins Sameinuðu þjóð-
irnar hafa fleiri aðildarríki en Int-
erpol.
Í fréttatilkynningu frá ríkislög-
reglustjóra kemur fram að meðal
forgangsmála alþjóðalögreglunnar
sem rædd hafa verið á þinginu eru
alþjóðleg hryðjuverk og skipulögð
glæpastarfsemi, barnaklám og
smygl á fólki milli landa. Á þinginu
hafa verið lagðar fram tillögur að
auknu samstarfi aðildarríkjanna í
þessum málaflokkum sem vænta má
að verði til þess að betri árangurs sé
að vænta við að koma lögum yfir þá
sem stunda glæpastarfsemi af þessu
tagi.
Fulltrúar Íslands á þinginu eru
Haraldur Johannessen, ríkislög-
reglustjóri, formaður sendinefndar-
innar, Þórir Oddsson, vararíkislög-
reglustjóri og Smári Sigurðsson,
yfirmaður alþjóðadeildar ríkislög-
reglustjórans.
Aðildarríki Int-
erpol orðin 181
Lára Margrét Ragnarsdóttir al-
þingismaður gefur kost á sér í próf-
kjöri Sjálfstæðisflokksins í Reykja-
vík, sem fram fer dagana 22. og 23.
nóvember. Hún gefur kost á sér í
fimmta sætið.
Lára Margrét er
fædd í Reykjavík
í október árið
1947 og hefur
setið á þingi fyrir
Sjálfstæðisflokk-
inn frá árinu
1991. Hún lauk
viðskiptafræði-
prófi frá Háskóla
Íslands árið 1977
og stundaði
framhaldsnám við Verslunarhá-
skólann í Björgvin 1979–1981.
Lára Margrét var skrifstofustjóri
hjá Læknasamtökunum 1968–1972,
ráðgjafi í sjúkrahússtjórn hjá Arth-
ur D. Little, Boston, Bandaríkj-
unum, 1982–1983 og forstöðumaður
áætlana- og hagdeildar Ríkisspít-
alanna 1983–1985. Hún var fram-
kvæmdastjóri Stjórnunarfélags Ís-
lands 1985–1989, kennari í
heilsuhagfræði við Hjúkrunarskól-
ann 1985–1986 og við Nýja hjúkr-
unarskólann 1986–1989. Hún
gegndi starfi forstöðumanns þróun-
ardeildar Ríkisspítalanna 1989–
1991.
Lára Margrét hefur verið í Íslands-
deild Evrópuráðsþingsins frá 1991
og formaður þess frá 1995. Hún var
varamaður fastanefndar Evr-
ópuráðsþingsins um tengsl milli
þjóðþinga og almannatengsl 1993–
1994, formaður 1994–1997, varafor-
maður félags-, heilbrigðis- og fjöl-
skyldunefndar Evrópuráðsþingsins
1997–2000, formaður frá 2000. Hún
sat þing Vestur-Evrópusambands-
ins 1995–1999 og var formaður Ís-
landsdeildar þess. Hún var varafor-
seti Evrópuráðsþingsins 1998–2000
og hefur setið í stjórn International
Institute for Democracy frá 1999.
Í DAG STJÓRNMÁL
Lára Margrét
Ragnarsdóttir
„ÞAÐ má segja að náttúran sjái um
friðun rjúpunnar þetta árið,“ segir
Jón Sigurðarson rjúpnaskytta á
Vopnafirði sem á myndinni er með
dagsfeng, 13 rjúpur og einn ref.
Jón segir að yfirleitt geti veiði-
menn náð mörgum fuglum í upp-
hafi veiðitímabilsins, en frá 15.
október, þegar veiðin hófst, hafi
gengið á með dimmum éljum á
norðaustanverðu landinu. Slíkt
veðurfar gefi fuglunum frið auk
þess sem erfiðara sé að koma auga
á rjúpuna í hvítum snjónum.
Jón segist bæði skjóta rjúpu fyr-
ir sjálfan sig og í verslanir. Hann
segist vera búinn að fara í fjögur
skipti á rjúpu það sem af er vetrar,
í fyrsta skiptið náði hann 25 rjúp-
um en á mánudag fékk hann 13
stykki auk þess sem hann náði
þessum fallega ref. Jón segir að
mikið virðist vera af ref á Norð-
austurlandi um þessar mundir.
Morgunblaðið/Jón Sigurðarson
Veðurfar
truflar
veiðar
FORYSTUMENN heilsugæslu-
lækna áttu í gær fund með heilbrigð-
isráðherra og kynntu ráðherra af-
stöðu félagsfundar heilsugæslu-
lækna til nýgengins úrskurðar
kjaranefndar og áhrif hans á ein-
staka hópa. Samkvæmt upplýsing-
um Þóris Kolbeinssonar, formanns
Félags íslenskra heilsugæslulækna,
spunnust svo umræður í framhaldi af
því um hvernig mætti leysa þau
vandamál sem við er að etja. Engar
ákvarðanir voru teknar á fundinum
en ráðherra lýsti áhuga á að fá for-
svarsmenn lækna aftur á sinn fund
síðar til að ræða þessi mál frekar.
Kynntu ráðherra af-
stöðu heilsugæslulækna
ALMENN launahækkun samkvæmt
kjarasamningum Samtaka atvinnu-
lífsins og Flóabandalagsins verður
3,15% 1. janúar 2003. Er það sama
hækkun og kjarasamningar SA og
Starfsgreinasambandsins kveða á
um. Almenn launahækkun verður
2,75% í stað 2,25%. Við það bætast
0,4% á grundvelli samnings SA og
ASÍ um rautt strik frá desember
2001. Heildarhækkunin verður því
3,15%.
Laun hækka
um 3,15%
um áramót
SKIPTAFUNDUR fór fram í gær í
þrotabúi Japis ehf. sem lýst var
gjaldþrota í júní sl. Eins og fram hef-
ur komið í Morgunblaðinu námu
lýstar kröfur tæpum 130 milljónum
króna en í skiptaskrá, sem lögð var
fram í gær, kemur fram að sam-
þykktar kröfur nema nú tæpum 82
milljónum króna. Sú tala gæti átt
eftir að hækka að sögn Steingríms
Þormóðssonar, hrl. og skiptastjóra,
en hann segir eignir í þrotabúinu
vera litlar sem engar.
Launakröfur frá 28 aðilum nema
tæpum 16 milljónum króna en þar af
voru samþykktar kröfur um 12,2
milljónir. Hæstu launakröfur koma
frá Lífeyrissjóði verslunarmanna og
Ábyrgðarsjóði launa. Almennar
kröfur bárust frá 82 aðilum að and-
virði 111 milljóna króna. Þar af hefur
skiptastjóri samþykkt kröfur upp á
69,5 milljónir en hafnað öðrum að
svo stöddu þar sem beðið er um frek-
ari gögn. Stærsta almenna krafan
kom frá Tollstjóranum í Reykjavík,
eða 29,4 milljónir, en þar af sam-
þykkti skiptastjóri 19,5 milljónir.
Steingrímur segir nokkra kröfu-
hafa hafa mótmælt skiptaskránni og
var skiptafundi frestað um óákveð-
inn tíma. Verið er að kanna hvað sé
til af eignum í þrotabúinu.
Samkvæmt ársreikningi 2000
námu eignir Japis ehf. um 200 millj-
ónum króna.
Gjaldþrot Japis ehf.
Samþykkt-
ar kröfur
upp á 82
milljónir
♦ ♦ ♦