Morgunblaðið - 24.10.2002, Blaðsíða 34

UMRÆÐAN
34 FIMMTUDAGUR 24. OKTÓBER 2002 MORGUNBLAÐIÐ
Tölvuþjálfun
Windows Word
Internet Excel
Það er aldrei of seint að byrja!
60 stunda námskeið þar sem þátttakendur
kynnast grundvallarþáttum tölvuvinnslu
og fá hagnýta þjálfun.
Vönduð kennslubók innifalin í verði.
Innritun stendur yfir.
Fjárfestu í framtíðinni!
BÍLDSHÖFÐI 18, SÍMI 5671466
Á FUNDI fræðsluráðs 14. októ-
ber sl. var lagt fram svar Fræðslu-
miðstöðvar Reykjavíkur við fyrir-
spurn fulltrúa Sjálfstæðisflokksins
um stöðu framkvæmda við byggingu
skólahúsnæðis og áhrif þessara tafa
á skólastarfið. Svarið byggist á upp-
lýsingum frá átta skólastjórum mið-
að við 10. október sl. en rétt er að
hafa í huga að skólasetning var fyr-
irhuguð í flestum skólum borgarinn-
ar 22. ágúst sl. Það er óviðunandi að
skólahúsnæði skuli ekki vera tilbúið
og frágengið við upphaf skólaársins
og jafnvel eftir að talsvert er liðið á
það. Það er fyrst og fremst skóla-
stjórnendum og samhentum hópi
kennara og annarra starfsmanna að
þakka að hægt hefur verið að halda
uppi hefðbundnu skólastarfi.
Ástandið
Lýsingar skólastjóranna eru
ófagrar og skulu hér gefin fáein sýn-
ishorn: „Rafmagns- og tölvumál
[eru] ekki frágengin svo og ýmis
annar frágangur, ekki búið að kom-
ast fyrir leka í tengingu við nýbygg-
ingu, salernisaðstaða nemenda í al-
mennum rýmum ekki komin í
endanlegt horf.“ „Framkvæmdum í
og við skólann [er] enn ekki lokið,
enn er verið að vinna og vantar ým-
islegt.“ „Viðbyggingu ólokið, bygg-
ingarsvæði afgirt, þak óklárað og
lekur og ýmsum frágangi ólokið.“ Þá
kemur kemur fram í máli eins þeirra
að símakerfi sé ekki komið í notkun
og að gengið sé milli húsa um lekan
bráðabirgðagang.
Áhrif á skólastarfið
Í fjórum skólum var skólahaldi
frestað frá einum og upp í átta daga.
Aðrir segja að þó að skólahaldi hafi
ekki verið frestað hafi kennarar ekki
komist til undirbúningsstarfa á rétt-
um tíma og því undirbúningur
kennslu lítill. Þetta segir þó heldur
ekki alla söguna þar sem ástandið
veldur óþægindum eins og fram
kemur í svari skólastjóranna: „Mikil
þrengsli á skólalóð.“ „Fyrir utan al-
menn óþægindi vegna hávaða og
ryks þá seinkaði að kennsla í verk-
legum greinum hæfist, smíðakennsla
ekki hafin ennþá.“ „Ryk og steypu-
fýla til óþæginda, ýmsar smá redd-
ingar í gangi, yfirálag á skólaliðum
vegna ræstinga, allt þetta skapar
slæman anda á vinnustað.“ „Bílar,
vinnuvélar og iðnaðarmenn á ferð
innan um nemendur, anddyri skól-
ans verið lokað í þrjár vikur og mold-
arhaugar á skólalóðinni.“ „Ástand á
lóð, skortur á tengingum, málning-
arvinna innanhúss og þrifnaður hef-
ur skapað óþægindi og leiðindi.“
Langþreyttir foreldrar
Ríkissjónvarpið birti frétt 23.
september sl. undir fyrirsögninni
„Langþreyttir foreldrar“ og er þar
vísað til foreldra barna í Hlíðaskóla
vegna seinagangs við framkvæmdir
nýrrar skólabyggingar. Í viðtali við
formann foreldrafélagsins kemur
fram að tafirnar bitni á skólastarfinu
enda vinnuaðstæður barna og starfs-
fólks með öllu óviðunandi. Formað-
urinn segir að litlar skýringar hafi
fengist á þessum töfum en óánægja
foreldra beinist ekki síður að því að
ekið er með hluta nemenda í Hlíða-
skóla í Vesturhlíðaskóla á hverjum
morgni og í það fer tími sem börnin
eiga að vera í kennslustundum. Börn
í 1. bekk missi raunverulega 10 mín-
útur úr kennslu á hverjum einasta
morgni sem samsvari um 5 kennslu-
stundum á mánuði.
Þögn í aðdraganda
borgarstjórnarkosninga
Er þetta eðlilegt ástand? Fræðslu-
yfirvöld hafa sér það vissulega til af-
sökunar að skólaárið hefur lengst en
það lá fyrir um áramótin 2000/2001
þegar um það var samið. Hvers
vegna hljómuðu engar viðvörunar-
bjöllur frá fræðsluyfirvöldum í vor
áður en skóla lauk? Hvers vegna
kom hvergi fram að allar líkur bentu
til þess að einhverjir skólar yrðu að
byrja talsvert seinna en aðrir? Og
hvers vegna báru borgaryfirvöld þá
ekki fram afsökunarbeiðni vegna
þess að skólahúsnæði og skólalóðir
yrðu alls ekki komin í eðlilegt og við-
unandi horf? Svarið er ofureinfalt.
Það var óþægilegt fyrir meirihlutann
vegna borgarstjórnarkosninganna
sem fram fóru laugardaginn 25. maí
sl.
Lagalegar skyldur
Ég hef áður í blaðagrein gert
grein fyrir lagalegum skyldum borg-
arstjórnar og fræðsluráðs í þessu
máli skv. lögum nr. 66 frá 1995 um
grunnskóla. Þar er m.a. kveðið á um
að gerð skólamannvirkja sé undirbú-
in af sveitarstjórn í samráði við
skólanefnd og að í hverju skólahverfi
skuli vera skólahúsnæði sem full-
nægi þörfum grunnskóla. 12. gr.
fjallar um hlutverk skólanefnda í
þessu tilviki fræðsluráðs: „Skóla-
nefnd fylgist með og stuðlar að því
að skólum sé tryggður aðgangur að
sérfræðiþjónustu og að jafnan sé
fyrir hendi fullnægjandi húsnæði og
annar búnaður, þar með talin útivist-
ar- og leiksvæði nemenda.“
Tillaga um skólahverfi
Allur þessi vandræðagangur sýnir
enn frekar mikilvægi þess að stytta
hinar löngu boðleiðir innan fræðslu-
stjórnar Reykjavíkur og minnka
miðstýringu fræðslumála í Reykja-
vík með því að skipta Reykjavík í
skólahverfi. Borgarfulltrúar Sjálf-
stæðisflokksins munu senn leggja
fram tillögu þar að lútandi eins og
kynnt var á blaðamannfundi 4. sept-
ember sl. Óskandi er að óþægindi og
þjáningar foreldra, nemenda og
starfsfólks skólanna í haust verði
ekki með öllu óþarfar og R-listinn
taki á sig rögg og samþykki tillögur
okkar.
Þolrifin reynd
Eftir Guðrúnu Ebbu
Ólafsdóttur
„R-listinn
taki á sig
rögg og
samþykki
tillögur
okkar.“
Höfundur er borgarfulltrúi og
fulltrúi Sjálfstæðisflokksins í
fræðsluráði.
MÉR er það mikil gleði að fá að
segja frá því að þessa dagana er Gíd-
eonfélagið að Íslandi að gefa þrjú-
hundruðþúsundasta eintakið af Biblíu
eða Nýja testamenti hér á okkar
kæra landi. Á þessu hausti fá öll 10
ára börn Nýja testamentið að gjöf
eins og undanfarna áratugi. Þau börn
sem fædd eru árið 1992 eru fimmtug-
asti og fyrsti árgangur Íslendinga
sem fær Nýja testamentið að gjöf frá
Gídeonfélaginu. Því ættu nú flestir Ís-
lendingar 10–60 ára að hafa fengið
Nýja testamentið að gjöf frá félaginu.
Takk fyrir viðtökurnar
Vegna þessara gleðilegu og sögu-
legu tímamóta viljum við félagsmenn
í Gídeonfélaginu fá að þakka lands-
mönnum fyrir móttökur Nýja testa-
mentisins um leið og við biðjum þjóð-
inni okkar blessunar Guðs í öllu lífi,
leik og starfi, glímu og gleði.
Nokkrar staðreyndir
– Gídeonfélagið var stofnað í
Bandaríkjunum af þremur sölumönn-
um árið 1899.
– Ísland er þriðja landið sem Gíd-
eonfélagi er komið á fót, árið 1945.
– Félagið starfar nú í 175 löndum
og eru félagar yfir 240.000. Félagið
hefur komið í umferð yfir einum millj-
arði af Biblíum og Nýja testamentum
um allan heim.
– Gídeonfélagið á Íslandi hóf að
gefa Biblíur og Nýja testamenti strax
árið 1947.
– Nýja testamenti á nú að vera
hægt að finna við hvert sjúkrarúm á
sjúkrahúsum.
– Entök með stóru letri eiga að
vera við hvert náttborð á hjúkrunar-
og elliheimilum.
– Eitt eintak á íslensku og annað á
þýsku, ensku og frönsku er að finna á
herbergjum hótela og gistiheimila.
– Nýja testamenti á að vera hægt
að finna í hverjum fangaklefa í fang-
elsum landsins.
– Hjúkrunarfræðingum, sjúkralið-
um, lögreglu- og slökkviliðsmönnum
hafa verið gefin eintök. Þá er þeim
komið fyrir í skipum og bátum, flug-
vélum og víðar.
– Gídeonfélagið er frjáls og óháð
leikmannasamtök sem vinna að
markmiði sínu með vitnisburði, þjón-
ustu og dreifingu orðsins.
– Nánar má kynna sér sögu Gíd-
eonfélagsins á Íslandi, Það er ég sem
sendi þig, sem skráð var af sr. Sigurði
Pálssyni og kom út í tilefni af 50 ára
afmæli Gídeonfélagsins á Íslandi, árið
1995.
Umfangsmesta verkefnið
Umfangsmesta verkefni Gídeon-
félagsins á Íslandi hefur frá árinu
1954 verið að gefa heilum árgangi Ís-
lendinga eintak af Nýja testament-
inu. Fyrstu árin voru það 12 ára börn
sem fengu bókina góðu að gjöf. Ald-
urinn var síðan færður niður í 11 ár og
loks 10 ár árið 1981 að beiðni þáver-
andi menntamálayfirvalda, svo nota
mætti bækurnar við verkefni í
kennslunni.
Íslendingar fæddir 1942–1992 eða
þeir sem eru 10–60 ára ættu því nú að
hafa fengið Nýja testamentið að gjöf
frá félaginu. Alls hafa farið á milli
220.000 til 230.000 eintök í þetta verk-
efni. 70.000 til 80.000 eintök hafa síð-
an farið í önnur verkefni og þá að-
allega í þau sem hér að ofan er getið.
Auk þeirra verkefna sem hér að of-
an er getið hefur Gídeonfélagið á Ís-
landi hin síðari ár kostað árlega kaup
á 10.000 til 20.000 Nýja testamentum
á erlendum tungumálum sem komið
er í umferð á meðal þeirra þjóða sem
þörfin er talin mest hverju sinni. Fara
þau kaup og ráðstöfun í gegnum al-
þjóðaskrifstofu félagsins.
Íslendingar 10–60 ára
Er ekki upplagt í tilefni þessara
tímamóta að taka Nýja testamentið
fram og hefja í því lestur? Gefðu
þannig anda Guðs tækifæri á að leika
um þig og leyfðu þér að njóta þess.
Vertu með opinn huga og í bæn um að
orðið ljúkist upp fyrir þér og verði þér
innblástur, til uppörvunar, hvatning-
ar og eilífrar blessunar.
Þakkargjörðar- og
fyrirbænahátíð
Vegna þessara sögulegu tímamóta
efnir Gídeonfélagið á Íslandi til þakk-
argjörðar- og fyrirbænahátíðar í að-
alstöðvum KFUM & K við Holtaveg
föstudaginn 25. október nk. kl. 20.30.
Á meðal gesta sem flytja munu
ávarp á hátíðinni eru forseti Íslands,
hr. Ólafur Ragnar Grímsson, Tómas
Ingi Olrich menntamálaráðherra og
biskup Íslands, hr. Karl Sigurbjörns-
son.
Hátíðarfundurinn er opinn öllum
vinum og velunnurum Gídeonfélags-
ins sem og öllum þeim sem fengið
hafa Nýja testamentið að gjöf frá fé-
laginu, á meðan húsrúm leyfir.
„Fel Drottni vegu þína og treyst honum,
hann mun vel fyrir sjá.“
(Davíðssálmur 37:5.)
300.000
Eftir Sigurbjörn
Þorkelsson
Höfundur er rithöfundur,
framkvæmdastjóri Laugarneskirkju
og forseti Landssambands
Gídeonfélaga á Íslandi.
„Er ekki
upplagt í til-
efni þessara
tímamóta
að taka Nýja
testamentið fram og
hefja í því lestur?“
Þumalína
Allt fyrir mömmuna og barnið
Skólavörðustíg 41
Póstsendum, s. 551 2136
ÞAÐ er að færast fjör í leikinn,
myndlistarmenn ryðja sér leið inn á
síður Morgunblaðsins og breiða þar
út boðskapinn um listina. Þar hafa
nokkrir góðir drengir verið heldur
ódrengilegir í að básúna eigið ágæti
með því að berja hver á öðrum. Hjá
þeim ríkir sandkassalögmálið eins og
hefð er fyrir í samskiptum íslenskra
myndlistarmanna með ólík sjónar-
mið. Einn segist aldrei fá að vera með
því hinir séu svo frekir, leiðinlegir og
vitlausir. Annar segir að hinn geti
bara sjálfum sér um kennt því’ann sé
svo stífur, gamaldags og púkó. Aðrir
hafa beint spjótum sínum að lista-
safnabáknunum og sagt að þetta sé
allt þeim að kenna. Þetta er allt sam-
an gott og blessað og allir hafa eitt-
hvað til síns máls. Það er samt eitt-
hvað við svona samskipti sem ég skil
ekki. Kannski er það bara af því að ég
er úr sveit. Í sveitinni minni voru ekki
svo margir krakkar til að leika við,
maður lék sér bara við þá sem voru til
taks. Engum datt í hug að efna til ill-
deilna, það hvarflaði ekki að okkur.
Líklega eins gott, annars hefðum við
ekki haft neinn til að leika við.
Í Listaháskólanum var okkur
kennt mikilvægi þess að mynda sér
skoðanir. Segja það sem okkur
fannst. Áhersla var lögð á að við hefð-
um skoðanir á öllu og það strax. Lík-
lega til að tryggja viðhald á hinni
löngu hefð fyrir sandkassalögmálinu.
Mér fannst þetta aldrei sniðugt, vildi
hugsa mig um. Það kann að hafa
stýrst af ótta við að særa einhvern að
óþörfu, í fljótfærni og missa við það
leikfélaga. Það varð því mín sjálf-
stæða skoðun að mynda mér ekki
skoðun fyrr en eftir ítarlega umhugs-
un.
Nú ætla ég að segja það sem mér
finnst. Mér finnst skrif myndlistar-
mannanna Kjartans Guðjónssonar
og Guðmundar Odds, auk nokkurra
annarra, í hæsta máta ógeðfelld og
engan veginn myndlistinni til fram-
dráttar. Ég skil vel að Kjartani svíði
að hann og þessir gömlu gaukar fái
hvergi að sýna án þess að borga fyrir
það og að það sé sárt að listasöfnin
vilji ekki segja: „Viltu vera memm?“
Og Guðmundur Oddur, mér finnst þú
yfirleitt nokkuð svalur, en er ekki
óþarfi að vera að berja á þessum
gömlu mönnum? Lífið er nefnilega
hringrás og fyrr en varir verður þú í
þeirra sporum, þá með hugmynda-
listina gatslitna og gráa fiðringinn.
Mig langar að segja ykkur fréttir.
Það er komin ný kynslóð í íslenskri
myndlist! Hún einbeitir sér að vinnu
sinni og finnur sér vettvang fyrir list
sína án þess að vera að þessu væli um
hvað hún eigi bágt. Unga kynslóðin
hefur nefnilega, ennþá, gaman af
vinnu sinni og það sem meira er; hún
býður öllum að taka þátt í henni með
sér. Flest eru þau búin að átta sig á
að Ísland er miðað við heiminn eins
og sveitin mín var miðað við Reykja-
vík. Þar þurfti ekki að spyrja með
höfnunarótta í röddinni: „Viltu vera
memm?“ Það fengu allir að vera með.
Þannig er það líka núna hjá unga
myndlistarfólkinu, t.d. í félagsskapn-
um Viðhöfn sem stendur fyrir Opna
galleríinu og í gluggagalleríinu
Heima er best, menningarstarfsemi
Margrétar. Þar er öllum frjálst að
sýna ókeypis.
Svona nú strákar, ég skora á ykkur
að hætta að ýfa fjaðrirnar. Ef ykkur
langar að skrifa um myndlist skrifið
þá um unga fólkið, grasrótina. Nei
annars, snúið ykkur frekar að því
sem þið hafið þó hæfileika til, –
myndlist. Takið smááhættu, lifið á
brúninni og keppist við að ná besta
staðnum til að sýna verkin ykkar á
næsta Opna galleríi. Það yrði alveg
skínandi! Ykkur er líka hjartanlega
velkomið að sýna verkin ykkar –
hvorum í sínu gluggaparinu – hjá
mér í Heima er best. Hver veit nema
við gætum átt góðar og uppbyggileg-
ar samræður við undirbúning þeirrar
sýningar?
Hugmynd að uppbygg-
ingu úr svörtu og hvítu
Eftir Margréti O.
Leópoldsdóttur
Höfundur er myndlistarmaður
og læknir.
„Ég skora á
ykkur að
hætta að ýfa
fjaðrirnar.“