Morgunblaðið - 24.10.2002, Blaðsíða 16

AKUREYRI
16 FIMMTUDAGUR 24. OKTÓBER 2002 MORGUNBLAÐIÐ
MIKIÐ var um dýrðir í gamla bænum í
Laufási í Grýtubakkahreppi sl. laugardag,
þar sem gestum og gangandi var boðið að
fylgjast með hefðbundinni matargerð
haustsins. Nokkur fjöldi fólks lagði leið sína
í Laufás en þó hefur veðrið og ekki síst
hálka á vegum aftrað mörgum áhugasöm-
um frá því að koma á staðinn. Það var hins
vegar vel tekið á móti þeim sem komu í
heimsókn og á staðnum var margt að sjá.
Starfsmenn og velunnarar gamla bæj-
arins hafa verið að leggja síðustu hönd á
haustverkin í sveitinni. Sýnd voru hand-
tökin við sláturgerð og var ekki laust við að
unga fólkið setti upp grettinn svip er það
fylgdist með vambahreinsun og þegar verið
var að svíða kindahausa og lappir. Þá var
svipurinn líka ansi skrýtinn þegar Ingibjörg
Siglaugsdóttir, húsfreyja í Laufási, sýndi
unga fólkinu innyfli úr kind en tók sig svo til
blés í lungun úr skepnunni. Þá fengu gestir
að smakka grasamjólk, rúgbrauð með kæfu
og slátur. Laufáshópurinn sýndi gamalt ís-
lenskt handbragð við tóvinnu og á markaði
voru m.a. til sölu nýjar kartöflur, rófur, gul-
rætur, harðfiskur, reyktur silungur og ís-
lenskt handverk. Þá sýndi Doug Rögnvalds-
son frá Edmonton í Kanada vestur-íslenskan
rokk, sem faðir hans Jón Rögnvaldsson þró-
aði og hannaði vestra en Jón fluttist ungur
úr Skagafirði til vesturheims.
Starfsdagur í gamla bænum í Laufási
Kristján Einarsson t.v., Guðbrandur Siglaugsson og Doug Rögn-
valdsson við rokk sem Doug smíðaði.
Þórey Ketilsdóttir sagar horn af
kindahaus sem á að fara að svíða.
Vel tekið á móti gestum
Pétur Axelsson, Þórey Ketilsdóttir og Inga Margrét Árnadóttir
svíða kindahausa og lappir.
Morgunblaðið/Kristján
Ingibjörg Siglaugsdóttir, húsfreyja í Laufási, sýndi Birgittu, Guðbjörgu, Jennýju og Kristu hvernig verka á vambir.
Jenný Karlsdóttir t.v. var að
brydda sauðskinnsskó og Sæunn
Þorsteinsdóttir prjónaði smokka,
eða handstúkur.
Ingibjörg Siglaugsdóttir blæs
í kindalungu.
Björgvin Richardsson var með
Freyju, sex mánaða dóttur sína, í
Laufási og smjattaði sú stutta á lifr-
arpylsu og var hin ánægðasta.