Morgunblaðið - 23.01.2003, Blaðsíða 4

FRÉTTIR
4 FIMMTUDAGUR 23. JANÚAR 2003 MORGUNBLAÐIÐ
...fegurð og ferskleiki
Ókeypis KARIN HERZOG „OXYGEN BAR“
fimmtudag, föstudag og laugardag
Í Hollywood eru „OXYGENS BARS“ þar sem stjörnurnar koma í „MINI
FACIALS“ frá KARIN HERZOG og endurheimta ferskleikann eftir
strangar upptökur. Nú gefst þér líka tækifæri að prófa án endurgjalds,
svo komdu og leyfðu okkur að dekra við þig.
Pantaðu tíma í Snyrtivörudeild Hagkaups Smáralind, sími 530 1000.
Á sama tíma bjóðum við glæsilegan kaupauka, þegar keyptir eru tveir
hlutir í Karin Herzog.
Súrefnisvörur
Karin Herzog
Snyrtistofan Salon Ritz, Laugavegi, býður upp á bæði stuttar
og langar súrefnismeðferðir.
www.karinherzog.ch
HVERNIG hefði Ísland litið út ef
tekin hefði verið mynd af því úr
gervitungli síðla sumars árið 874 í
þann mund að Ingólfur Arnarson
hrökklaðist út til Íslands og nam
hér land? Kannski dytti flestum í
hug að nefna að landið hafi verið
viði vaxið milli fjalls og fjöru eins
og Ari fróði segir. En færrum
myndi þó detta í hug að Þingvalla-
vatn hafi verið nánast eins og Jök-
ulsárlón er núna, Vatnajökull klof-
inn í tvennt og staðir á borð við
Eyrarbakka og Stokkseyri á kafi
lengst úti í sjó.
Þetta er þó meðal þeirra útlína
sem greina má á tölvugerðri mynd
sem Hrafn Gunnlaugsson gerði
þegar hann renndi augunum nær
1130 ár aftur í tímann í þann
mund sem landið byggðist. Mynd-
in varð til vegna vinnu við kvik-
myndina, Ísland í öðru ljósi, sem
frumsýnd verður nú um páskana.
Hrafn er höfundur og leikstjóri en
Ari Kristinsson sá um tölvu- og
myndvinnslu. Í kvikmyndinni
reynir Hrafn að draga upp mynd
af því hvernig Ísland hefur breyst
frá landnámi og hvaða þátt menn
og hvaða þátt náttúran hafa átt í
að móta ásjónu landsins. Hrafn
segist sömuleiðis beina sjónum
sínum að búferlaflutningum, flótt-
anum úr sveitunum og myndun
þéttbýlis og hvernig ný samskipta-
og samgöngutækni geti breytt bú-
setu og lifnaðarháttum.
„Ég hef,“ segir Hrafn, „verið að
vinna að myndinni í tvö ár en til
þess að reyna að átta okkur á því
hvernig landið hefur breyst frá
því menn settust hér að reyndum
við að ímynda okkur að við gætum
skoðað landið úr gervitungli um
það leyti sem Ingólfur nam land.
Það var engan veginn létt eða auð-
velt verk og það er raunar alveg
ársvinna á bak við þessa „gervi-
tunglamynd“ af landinu. Við höfð-
um samband við fjöldann allan af
stofnunum og listamönnum en
hann Ari á þó mestan heiður af
gerð gervitunglamyndarinnar.“
Hrafn segir þá félaga hafa
kynnt sér jökla, skógarþekjur,
vatnsþekjur, eldgosaþekjur, land-
ris og landsig, sjávareyðingu á
ströndum o.s.frv. Hann minni að
þeir hafi skoðað ein hundrað at-
riði eða þætti til þess að geta gert
myndina. „En slík mynd verður
alltaf huglægt verk. Við reyndum
þó að gera gervitunglamyndina
okkar sem vísindalegasta án þess
að fara út alger smáatriði því það
má endalaust deila um þau. En
satt að segja hefðum við ekkert á
móti því að það kæmu fram ábend-
ingar um að okkur hefði einhvers
staðar orðið á í messunni því við
munum halda áfram að vinna í
henni þangað til að frumsýningu
kemur. Við hugsuðum okkur að
myndin af Íslandi væri tekin í
ágúst, það er stórstreymt og há-
flæði þegar smellt var af en þegar
fjaraði út kæmi kannski aðeins
fleiri brúnir fram hér og þar. En
það er engu að síður skemmtilegt
að sjá hversu hún líkist miðalda-
kortum af Íslandi.“
Breytingarnar sem
verða af nauðsyn
Efni kvikmyndarinnar? „Í Ís-
landi í öðru ljósi reyni ég að skoða
hvernig landið hefur breyst og
hvað sambúðin við manneskjuna
hefur þýtt. Menn tala stundum um
rask og kannski eyðileggingu. En
á það orð yfirleitt nokkurn rétt á
sér? Verða breytingarnar ekki af
nauðsyn og stundum illri? Menn
hafa auðvitað þurft að nýta landið
á hverjum tíma og þannig hurfu
t.d. skógarnir af illri nauðsyn. En í
kvikmyndinni reyni ég ekki að
finna sökudólga eða berja bumbur
heldur erum við, alveg eins og ég
gerði í myndinni Reykjavík í öðru
ljósi, að velta upp hugmyndum og
spurningum. Við látum öðrum eft-
ir að svara en spyrjum einfaldlega
hvers vegna lítur þessi staður
svona út.“
Hrafn bendir í þessu sambandi á
að Þingvellir séu að miklu leyti
manngerðir. „Og Morgunblaðið
kallaði Elliðavatn risavaxinn
vatnstank í útjaðri Reykjavíkur í
grein árið 1917, ef mig minnir
rétt. Þessi útivistarparadís
Reykjavíkur er uppistöðulón og
nær algerlega manngerður stað-
ur. Og nú deila menn um hversu
nærri lóninu byggð megi rísa. Að
sögn sérfræðings sem er að rann-
saka lónið Elliðavatn mun það fyll-
ast á næstu 60 til 80 árum.
Það eru svona hlutir sem við
leikum okkur að. Hvaða staðir eru
nákvæmlega eins og þeir voru í
upphafi?
Í kvikmyndinni skoðum við
einnig atvinnuhættina, spyrjum
spurninga á borð við þá hvort til
sé nokkuð sem heitir flótti úr
sveitunum, eru þetta ekki bara
eðlilegir búferlaflutningar með
breyttum lífsháttum?“
Gervitunglamynd af
Íslandi árið 874
Gervitunglamynd Hrafns af Íslandi þegar Ingólfur Arnarson kom hingað út síðla sumars árið 874.
AÐKOMUGÖNGIN vegna Kára-
hnjúkavirkjunar eru orðin um 150
metrar að lengd en þegar allt er um
garð gengið verða þau 720 metrar.
Nokkurt misgengi jarðlaga kom í ljós
við gangagerðina og hefur það hægt á
framkvæmdum en að sögn Rúnars
Ágústs Jónssonar, staðarstjóra Ís-
lenskra aðalverktaka, kemur mis-
gengið ekki á óvart. „Við áttum von á
misgengi sem þessu og gerðum ráð
fyrir því. Við erum að fara í gegnum
móberg og þess vegna er alltaf von á
misgengi. Stundum er lítið af mis-
gengi í móberginu en stundum mikið.
Við erum rétt að byrja og vonandi
verður ekki oft misgengi á vegi okk-
ar.“
Rúnar sagðist eiga von á að nú færi
að sjá fyrir endann á misgenginu.
„Við erum alveg samkvæmt áætlun.
Frostið skiptir líka einhverju máli en
við áttum auðvitað von á því svo það
kemur okkur heldur ekki á óvart.“
Framkvæmdir við Kárahnjúkagöng
Verkið á áætlun
þrátt fyrir frost
FRAMKVÆMDIR til að verja
ágang landrofs við Jökulsá á Breiða-
merkursandi hefjast síðar í vetur, en
Vegagerðin hefur óskað eftir tilboð-
um í gerð og styrkingu brúarstæðis
á þjóðvegi eitt hvort sínum megin ár-
innar. Tilboð verða opnuð um mán-
aðamótin og er stefnt að því að verk-
ið verði unnið í vetur og vor en skal
því vera að fullu lokið 1. júní 2004.
Um er að ræða styrkingu rofvarn-
ar á samtals 1.000 metra löngum ár-
bakka, gerð tveggja grjótþröskulda
þvert yfir farveg árinnar og gerð 240
metra varnargarðs austan megin
hennar. „Þarna er verið að styrkja
brúarstæðið hvort sínum megin,
grjótverja í kringum brúna og
styrkja farveginn. Það ást úr þessu í
haust,“ segir Reynir Gunnarsson,
rekstrarstjóri Vegagerðarinar á
Höfn.
Segir hann að grjótþröskuldurinn
verði settur til að varna því að far-
vegur árinnar dýpki enn frekar.
Breiðamerkurlón hefur síðustu ára-
tugi stækkað sífellt og brotið meira
og meira af landinu. Reynir segir að
þær framkvæmdir sem nú verði far-
ið í séu til að varna þeirri þróun.
Jökulsá á Breiðamerkursandi ógnar samgönguleið
Brúarstæði og árfarveg-
ur styrkt vegna landrofs
TALSMAÐUR ítalska verktakans
Impregilo, Leo Bertini, sem leiðir
samningaviðræður við Landsvirkjun
vegna tilboðs fyrirtækisins í gerð
stíflu og aðrennslisganga Kára-
hnjúkavirkjunar, segir að ásakanir
erlendis um að fyrirtækið hafi greitt
mútur vegna tiltekinna verka séu al-
rangar og eigi ekki við nein rök að
styðjast. Frásagnir erlendra fjöl-
miðla hafi einnig verið rangar í
mörgum tilvikum.
Eins og fram kom í Morgun-
blaðinu í síðustu viku hefur Impreg-
ilo oftar en einu sinni verið bendlað
við mútur, samkvæmt frásögnum í
fjölmiðlum og frá erlendum stofnun-
um. Aðallega hefur þetta verið vegna
stíflugerðar í Afríkuríkinu Lesótó en
þar voru 14 önnur fyrirtæki sökuð
um hið sama, þ.e. að hafa greitt mút-
ur. Einnig hafa birst fréttir í erlend-
um fjölmiðlum um meintar mútu-
greiðslur í tengslum við stíflugerð í
Argentínu og Gvatemala.
Bertini segir að vegna málsins í
Lesótó þá hafi aldrei sannast neitt á
Impregilo, enda hafi dómstóll vísað
málinu frá og fyrirtækið eigi ekki yf-
ir sér neina ákæru þar í landi, sam-
kvæmt hans bestu vitund í dag.
Hann nefnir einnig að Impregilo
hafi verið sakað um mútugreiðslur
vegna Ilisu-stíflunnar í Tyrklandi.
Það hafi heldur ekki átt við nein rök
að styðjast því ekkert hafi orðið að
því að fyrirtækið gerði tilboð í það
verk, af ýmsum ástæðum, m.a. um-
hverfisástæðum.
Bjartsýnn á samning við LV
Aðspurður hvort fregnir hér á
landi og erlendis um meintar mútu-
greiðslur hafi haft áhrif á samninga-
viðræðurnar við Landsvirkjun telur
Bertini svo ekki vera. Farið hafi ver-
ið ítarlega í gegnum öll skjöl sem
fyrirtækið hafi lagt fram vegna til-
boðsins og engu verið haldið þar frá.
Bertini segir viðræðurnar við
Landsvirkjun ganga samkvæmt
áætlun og ekkert óvænt hafi komið
upp og segist hann vera bjartsýnn á
að samningar takist. Viðræðurnar
taki sinn tíma og erfitt að meta hve-
nær þeim ljúki.
Bertini segir það liggja fyrir að
Impregilo verði að flytja inn ein-
hverja starfsmenn, takist samningar
um verkið. Mikill vilji sé til þess að
ráða sem flesta Íslendinga til starfa
við virkjunina. Um stórt verk sé að
ræða sem geti skipt Impregilo
nokkru máli að fá, þó að verið sé að
skoða stærri framkvæmdir í Evrópu
og víðar.
Impregilo neitar
ásökunum um mútur
SKIPVERJI á togaranum Breka VE
hefur játað á sig smygl á 50 lítrum af
sterku áfengi og 100 kg af nautakjöti
sem tollverðir í Vestmannaeyjum
fundu í fyrradag. Varningurinn
fannst í bifreið sem var ekið var frá
togaranum þar sem hann lá við festar
í Friðarhöfn, en skipið hafði verið toll-
afgreitt á Neskaupstað á sunnudag.
Smygl í
Breka VE
♦ ♦ ♦