Morgunblaðið - 23.01.2003, Blaðsíða 6
FRÉTTIR
6 FIMMTUDAGUR 23. JANÚAR 2003 MORGUNBLAÐIÐ
„ÞAÐ var mjög gaman í
Venesúela og ég upplifði eng-
ar óeirðir en gosleysið kom
einna verst við mig,“ segir
Baldvin Blær Oddsson, 18 ára
Kópavogsbúi, sem fór sem
skiptinemi á vegum AFS til
Venesúela í haust með nær
ársdvöl í huga en varð að
koma heim fyrir jól vegna
ástandsins í landinu. Honum,
eins og öðrum sem voru í
landinu, verður bættur skað-
inn og fer hann til Argentínu í
mars.
Petrína Ásgeirsdóttir,
framkvæmdastjóri AFS á Ís-
landi, segir að árlega dvelji
um 110 íslenskir unglingar á
aldrinum 15 til 18 ára erlendis
á vegum samtakanna en um
40 erlendir nemendur komi
hingað til ársdvalar í ágúst á
hverju ári. Nú sé verið að
taka á móti umsóknum um
dvöl í 28 löndum í fjórum
heimsálfum í sumar og haust,
en krakkarnir geti valið um
ársdvöl, hálfsársdvöl, þriggja
mánaða dvöl eða 4 til 6 vikna
sumardvöl. „Frá janúar og
fram til mars fara 18 ungling-
ar frá okkur til Argentínu, Ástr-
alíu, Brasilíu, Frakklands, Japans,
Kosta Ríka, Malasíu og Paragvæ en
við vorum með helgarnámskeið
fyrir þá og foreldra þeirra í byrjun
mánaðarins, þar sem við bjuggum
þá undir dvöl í öðrum menningar-
heimum.“
Styrkir í boði
AFS hafa starfað á Íslandi í 46
ár, en þetta eru alþjóðleg sjálf-
boðaliðasamtök sem starfa á sviði
alþjóðlegrar fræðslu og samskipta í
54 löndum með það að markmiði að
víkka sjóndeildarhring fólks, veita
því alþjóðlega menntun og auka
þannig þekkingu og skilning milli
þjóða.
Þátttökugjald fyrir 10 til 11 mán-
aða dvöl er frá 571.000 til 611.000
krónur fyrir utan ýmsan kostnað
eins og lækniskostnað, vasapening
o.fl., um 500.000 kr. fyrir rúmlega
5 mánaða dvöl og um 300.000 kr.
fyrir þriggja mánaða dvöl í Evr-
ópu, en ýmsir styrkir eru í boði. Í
sumar veitir Íslandsbanki t.d. tvo
125.000 kr. styrki vegna dvalar í
Suður-Ameríku eða Austur-
Evrópu, og einn 100.000 kr. styrk-
ur er veittur vegna ársdvalar í
Indónesíu.
Í haust voru fjórir íslenskir nem-
ar í Venesúela en Petrína segir að
vegna ástandsins í landinu hafi al-
þjóðaskrifstofa AFS ákveðið að láta
alla skiptinema á vegum samtak-
anna fara þaðan. „AFS leggur allt-
af megináherslu á öryggi þátttak-
enda. Verkfallið hafði staðið lengi
og engar breytingar fyrirsjáan-
legar. Vöruskortur var farinn
að segja til sín, allir skólar lok-
aðir sem og stofnanir og versl-
anir og mikil harka á milli
stríðandi fylkinga. Nemarnir
voru ekki allir varir við
ástandið og því ekki tilbúnir að
fara en því er ánægjulegt að
geta boðið þeim tækifæri til að
fara til annars lands í staðinn.“
Mikil reynsla
Baldvin Blær segir að hann
hafi oft velt því fyrir sér að
gerast skiptinemi og hafi loks
látið verða að því eftir að hafa
lokið fjórum önnum við
Menntaskólann í Kópavogi.
„Mig langaði til að brjóta upp
námið og fara í eitthvað annað
nám. Suður-Ameríka var
fyrsta val en dvölin varð
styttri en til stóð.“
Baldvin var í Maracaibo, þar
sem búa um tvær milljónir
manna, og segir að ástandið
hafi ekki verið svo slæmt í
borginni þegar hann fór þaðan
fyrir jól. „Það var reyndar orð-
ið erfitt að fá bensín og um 12
tíma biðraðir eftir því. Inn-
fluttar vörur voru líka af
skornum skammti og bjórinn var
að klárast auk þess sem allt gos var
búið. Hins vegar trúði ég því ekki
fyrst að ég yrði sendur heim og
hélt að menn væru að grínast.“
Í byrjun mars fer Baldvin til Arg-
entínu og verður þar í nokkra mán-
uði. „Það var fúlt að þurfa að fara
svona snemma frá Venesúela en
gott að fá að fara til Argentínu í
staðinn. Ég var búinn að leggja
mikinn pening í þetta og því hefði
verið lítið að fá aðeins þrjá mánuði
en alþjóðaskrifstofunni bar samt
ekki skylda til að bæta okkur
þetta.“
Baldvin segir að hann hafi öðlast
mikla reynslu. „Þetta var skemmti-
legt, Suður-Ameríkubúar eru opn-
ari en Íslendingar og það er auð-
velt að kynnast fólki.“
Um 110 íslenskir unglingar erlendis á vegum AFS á hverju ári
Gosleysið verst
í Venesúela
Morgunblaðið/Kristinn
Kópavogsbúinn Baldvin Blær Oddsson var í
Venesúela í haust og fer til Argentínu í mars.
NEMENDUR eldri en 20 ára þurfa
að greiða rúmlega fimmfalt hærra
skráningargjald en þeir sem eru inn-
an við tvítugt vegna fjarnáms við
Fjölbrautaskólann við Ármúla, en
sama gjald var fyrir alla fyrir ára-
mót. 27 ára nemandi, sem ætlaði í
námið í janúar, segist ekki hafa haft
efni á því, en skólameistari segir
gjaldið í samræmi við lög og reglu-
gerðir.
Bryndís Steinunn Brynjarsdóttir
segir að það sé mjög ánægjulegt að
almenningi skuli vera boðið upp á
fjarnám og nokkur hækkun á milli
ára sé eðlileg, ekki síst í FÁ, þar sem
um tilraunaverkefni hafi verið að
ræða, en hækkunin hafi verið alltof
mikil. Hún hafi ætlað að byrja í fjar-
námi við FÁ í janúar en segir að
skráningargjaldið hafi hækkað nán-
ast á einni nóttu og hún hafi ekki haft
efni á því. „Fyrir áramót kostaði 9
eininga nám 4.250 krónur en nú
23.000 krónur fyrir eldri en 20 ára.
Hækkunin var ekki tilkynnt fyrr en
rétt fyrir skráningu og það var of
seint fyrir mig.“
Kostnaði við kennslu var borið við
þegar hækkunin var réttlætt, að
sögn Bryndísar. „Í skólanum var
mér bent á reglugerð um hvernig
reikna eigi út kennslukostnað, en þar
er vísað til leigu á húsnæði, hita, raf-
magns og þrifa, en mér finnst ósann-
gjarnt að nemandi sem kemur ekki í
skólann þurfi að borga fyrir þessa
þætti. Skólameistarinn segir að þetta
gjald sé lægst í Ármúlaskóla en til
dæmis í VMA þarf að greiða um 41
þúsund fyrir 9 einingar en standist
nemandi prófin fær hann endurgreitt
og þá standa eftir 4.250 krónur.“
Bryndís segir að ekki séu til neinar
reglugerðir um fjarnám. „Þetta er
allt öðruvísi nám en dagskóli og
kvöldskóli og ofan á skráningargjald-
ið bætist síðan kostnaður vegna yf-
irsetu kennara í prófum.“
Í samræmi við lög
Sölvi Sveinsson, skólameistari FÁ,
segir að fjarnám 49 nemenda hafi
hafist við skólann haustið 2001. Frá
1999 til 2001 hafi FÁ verið þróunar-
skóli í upplýsingatækni og það mark-
mið hafi verið sett upp að bjóða upp á
fjarnám í öllum áföngum. Vorið 2001
hafi verið rúmlega 100 nemendur í
fjarnámi og þá hafi kviknað sú hug-
mynd að bjóða upp á fjarnám allt ár-
ið. Heimild frá menntamálaráðu-
neytinu hafi fengist til að bjóða upp á
þetta og kostnaður nemenda hafi ein-
ungis verið fólginn í 4.250 kr. innrit-
unargjaldi fyrir hverja önn.
„Það komu um 700 manns í sum-
arfjarnámið og rúmlega 1.100 í
haust.“ Hann segir að þegar dæmið
hafi verið gert upp hafi komið í ljós að
rúmlega helmingur nemanna hafi
verið nemendur í framhaldsskólum
en hinir utan þeirra. „Þegar við fór-
um að ræða við ráðuneytismenn um
framhaldið fannst þeim eðlilegt að
um þetta giltu sömu reglur og um
skólahald með hefðbundnu sniði. Það
er að segja að nemendur í venjuleg-
um dagskóla greiða innritunargjald
og efnisgjald. Nemendur í kvöld-
skóla og öldungadeildum greiða allt
að þriðjungi kennslukostnaðar.“
Sölvi bendir á að a.m.k. 2.000
manns séu í öldungadeildum og þeir
greiði allt að þriðjungi kennslukostn-
aðar. „Ráðuneytismönnum fannst að
það væri í samræmi við lög og reglu-
gerðir að nemendur á öldungadeilda-
aldri í fjarnámi greiddu samskonar
gjald. Það er ástæðan fyrir því að
gjaldið hækkar.“
Að sögn Sölva taka nemendur í
fjarnámi engan þátt í rekstrarkostn-
aði vegna húsnæðis, rafmagns, hita
og svo framvegis. „Þetta er bara hluti
af kennslukostnaði.“
Fjarnám rúmlega fimm sinnum dýrara fyrir 20 ára og eldri
Varð að hætta við námið
vegna aukins kostnaðar
ÞAÐ er ekki á hverjum degi sem
boðið er upp á ódýrasta eldsneytið á
landinu í Stykkishólmi. En svona er
staðan í gær, miðvikudag. Lítrinn af
bensíni kostaði í Stykkishólmi í
88,20 kr. og var það 10 króna af-
sláttur af hverjum lítra. Sama átti
við um dísilolíu, þar einnig um 10
króna afslátt á hverjum lítra og
kostaði hann 36,10 krónur. Ástæðan
fyrir því að Olís var að bjóða Hólm-
urum svona kostakjör var að tekinn
var í notkun nýr kortasjálfsali Olís í
Stykkishólmi. En það var meira en
bensín sem er á góðum kjörum hjá
Olís, því boðið var upp á kaffi og
meðlæti. Starfsmenn bensínstöðvar-
innar höfðu í nógu að snúast enda
notfærðu bæjarbúar sér tilboðið og
lærðu á nýja kortasjálfsalann. Til-
boðið stóð því miður bara einn dag
því Olísmenn töldu að Hólmarar
þyrftu ekki lengri tíma til að læra á
nýjungarnar.
Morgunblaðið/Gunnlaugur Árnason
Það tók Guðmund Ágústsson ekki langan tíma að kenna Högna Bærings-
syni á nýja kortasjálfsalann og fékk hann að launum bensín á góðu verði.
Bensín á útsölu
Stykkishólmi. Morgunblaðið.
KARLMANNI á þrítugsaldri sem
var á mánudagskvöld úrskurðaður
í vikulangt gæsluvarðhald vegna
gruns um að hafa framið kynferð-
isbrot gegn ungri konu var sleppt
um sólarhring síðar. Samkvæmt
upplýsingum frá lögreglunni í
Reykjavík þótti ekki ástæða til að
halda honum lengur og er hann
ekki lengur grunaður um verkn-
aðinn.
Að sögn Sigurbjörns Víðis Grét-
arssonar, aðstoðaryfirlögreglu-
þjóns í Reykjavík, kærði konan
brotið í byrjun árs. Rannsókn lög-
reglu leiddi síðan til þess að grun-
ur féll á manninn og var hann
handtekinn á mánudagsmorgun og
úrskurðaður í vikulangt gæslu-
varðhald. Á þriðjudagskvöld var
ljóst að ekki var ástæða til að
halda honum lengur, honum var
sleppt og er hann ekki grunaður
um brotið.
Manni sleppt úr
gæsluvarðhaldi