Morgunblaðið - 23.01.2003, Blaðsíða 20
ERLENT
20 FIMMTUDAGUR 23. JANÚAR 2003 MORGUNBLAÐIÐ
HÖFUÐBORGARSVÆÐIÐ
VILJAYFIRLÝSING um samstarf
vegna uppbyggingar íbúð-
arbyggðar við og á Kársnesi í
Kópavogi verður lögð fram til sam-
þykktar bæjarráðs í dag. Gert er
ráð fyrir að uppbygging hverfisins,
sem að stórum hluta til verður á
landfyllingu, hefjist strax á næsta
ári.
Það eru fyrirtækin Björgun ehf.
og Bygg ehf. sem ætla að standa að
uppbyggingunni en hönnun hverf-
isins er í höndum Björns Ólafs arki-
tekts sem hefur hannað fleiri slík
hverfi, m.a. í Garðabæ.
Viljayfirlýsingin, sem var kynnt
bæjarfulltrúum í síðustu viku, tek-
ur til samstarfs bæjarins og fyr-
irtækjanna tveggja varðandi upp-
bygginguna. Gerir hún ráð fyrir að
Kópavogsbær muni úthluta fyr-
irtækjunum því landi á Kársnesi
sem hverfið mun taka til en stór
hluti þess er nú í eigu bæjarins auk
þess sem áformað er að bærinn
eignist þær lóðir sem ekki heyra
undir hann í dag.
Framkvæmdaraðilarnir munu
svo sjá um uppbyggingu tæplega 6
hektara landfyllingar sem ná mun
um 150 metra fram í sjó og verður
hún í eigu bæjarins samkvæmt sam-
komulaginu
Byrjað á framkvæmdum í landi
Að sögn Birgis Sigurðssonar,
skipulagsstjóra í Kópavogi, er gert
ráð fyrir að 1.200–1.500 íbúar verði
í hverfinu. Samkvæmt samkomu-
laginu er gert ráð fyrir að bygging-
arframkvæmdir geti hafist á svæð-
inu árið 2004 og árlega verði lóðir
fyrir um 100 íbúðir tilbúnar. Segir
Birgir að þegar sé gert ráð fyrir
bryggjuhverfinu í aðaskipulagi
bæjarins og ekki sé mikil vinna eft-
ir í að deiliskipuleggja svæðið. „Þá
er hugmyndin að byrja fram-
kvæmdir í landi og fylla upp í fram-
haldinu. Þetta þarf síðan að þjapp-
ast og verða stöðugt.“
Í viljayfirlýsingunni kemur fram
að uppbygging íbúða muni taka
mið af uppbyggingu þjónustustofn-
ana á vegum Kópavogsbæjar, s.s.
leikskóla og grunnskóla, en gert er
ráð fyrir að bærinn fái um 5.000
fermetra lóð á landfyllingunni fyrir
slíkar stofnanir.
Hvað varðar framkvæmdir við
gatnagerð og opin svæði er í sam-
komulaginu tekið fram að Bygg og
Björgun skuli annast þær að miklu
leyti. Er þar tilgreind uppbygging
gatna, gangstétta og göngustíga og
lagning bundins slitlags þar á, gerð
nauðsynlegra holræsa og vatns-
lagna, götulýsing og lýsing göngu-
stíga, framkvæmdir við opna leik-
velli, frágangur opinna svæða, gerð
smábátahafnar og bátabrautar og
varanlegur frágangur á sjáv-
arköntum. Kópavogsbær mun hins
vegar sjá um stofnlagnir að svæð-
inu og tengingu við gatnakerfi bæj-
arins.
Að sögn Birgis verður vilja-
yfirlýsingin tekin fyrir á fundi bæj-
arráðs í dag og átti hann von á að
hún yrði samþykkt á þeim fundi.
Byrjað á
bryggju-
hverfi á
næsta ári
Viljayfirlýsing
afgreidd á fundi
bæjarráðs í dag
Kópavogur
Undirbúningsframkvæmdir vegna
stækkunar Grand Hótels við Sigtún
í Reykjavík eru hafnar en í fyrra-
dag voru menn frá Köfunarþjón-
ustu Árna Kópssonar önnum kafnir
við að bora eftir sýnum úr jarðveg-
inum sem nýbyggingin á að rísa á.
Alls boruðu þeir Árni Kópsson og
Alexander Stefánsson sex kjarna-
holur, sem voru allt að 16 metra
djúpar, eftir sýnunum.
Sem kunnugt er stendur til að
byggja tvo 13 hæða turna við hót-
elið.
Morgunblaðið/Golli
Jarðvegurinn kannaður
Tún
JOHN Bolton, aðstoðarutanríkis-
ráðherra Bandaríkjanna, sagði í
gær að búist væri við því að Al-
þjóðakjarnorkumálastofnunin
myndi skjóta deilunni um kjarna-
vopnaáætlun Norður-Kóreu til ör-
yggisráðs Sameinuðu þjóðanna á
næstu dögum.
Taki öryggisráðið málið fyrir er
líklegt að það veki reiði Norður-
Kóreustjórnar sem hefur alltaf
sagt að hún eigi aðeins í deilu við
Bandaríkin og að Sameinuðu þjóð-
irnar eigi ekki að blanda sér í
hana.
Hugsanlegt er að öryggisráðið
samþykki efnahagslegar eða póli-
tískar refsiaðgerðir gegn Norður-
Kóreu og stjórnin í Pyongyang
hefur sagt að slíkt myndi jafngilda
stríðsyfirlýsingu.
John Bolton sagði eftir viðræður
við ráðamenn í Suður-Kóreu að
þeir hefðu samþykkt að málið yrði
tekið fyrir í öryggisráðinu. „Þetta
er ekki spurning um hvort málinu
verður skotið til öryggisráðsins,
heldur hvenær það verður gert,“
sagði hann. „Við vonum að það ger-
ist fyrir lok vikunnar.“
Bolton sagði að stjórn Alþjóða-
kjarnorkumálastofnunarinnar í Vín
kynni að skjóta deilunni til örygg-
isráðsins í vikunni „ef samstaða
næst“.
Hann taldi líklegt að ekkert
ríkjanna fimm sem hafa neitunar-
vald í öryggisráðinu myndi leggjast
gegn því að ráðið tæki deiluna fyr-
ir. Rússar myndu að öllum lík-
indum samþykkja það og kínversk-
ir ráðamenn hefðu ekki lagst gegn
því þegar hann ræddi við þá í Pek-
ing fyrr í vikunni.
Segjast ekki ætla að
framleiða kjarnavopn
Mark Gwozdecky, talsmaður
kjarnorkumálastofnunarinnar,
sagði að hún hefði ekki enn tekið
ákvörðun í málinu og stjórn hennar
fylgdist grannt með framvindu
þess. Alls 35 ríki eiga fulltrúa í
stjórn stofnunarinnar.
Viðræður hófust í Seoul í gær
milli háttsettra embættismanna frá
Kóreuríkjunum tveimur. Fulltrúar
Norður-Kóreustjórnar sögðu að
hún hefði engin áform um að fram-
leiða kjarnavopn og áréttuðu að
hún gæti leyst deiluna með við-
ræðum við Bandaríkjastjórn.
Aðalsamningamaður Suður-Kór-
eu krafðist þess að Norður-Kóreu-
menn hættu við að taka umdeilt
kjarnorkuver aftur í notkun og
féllu frá þeirri ákvörðun sinni að
segja upp sáttmálanum um bann
við útbreiðslu kjarnavopna.
Aðalsamningamaður Norður-
Kóreu sakaði Bandaríkjastjórn um
að hafa komið deilunni í harðan
hnút með því að neita að semja við
stjórnina í Pyongyang. Málgagn
Norður-Kóreustjórnar lýsti Al-
þjóðakjarnorkumálastofnuninni
sem „handbendi“ Bandaríkja-
stjórnar.
Líkur á að öryggisráð SÞ
taki N-Kóreumálið fyrir
Seoul. AP, AFP.
STJÓRNVÖLD í Mexíkó lýstu í gær yfir neyðar-
ástandi í fimm bæjum í Kyrrahafsríkinu Colima en
öflugur jarðskjálfti á þessu svæði í gærmorgun olli
því að 23 týndu lífi. Má á myndinni sjá verks-
ummerki í borginni Colima en jarðskjálfinn, sem
mældist 7,6 á Richter, átti upptök undan ströndum
ríkisins.
Fjöldi húsa í miðborg Colima, sem er um 760 km
vestur af Mexíkóborg, eyðilagðist í skjálftanum, en
hann fannst víða í Mexíkó.
Reuters
23 týndu lífi í jarðskjálfta í Mexíkó