Morgunblaðið - 28.01.2003, Blaðsíða 23

INGIBJÖRG Sólrún Gísladóttir
borgarstjóri í Reykjavík og Pétur
Arason listaverkasafnari undirrit-
uðu í gær samstarfssamning um
rekstur alþjóðlegs samtíma-
listasafns og fór undirritunin
fram í Höfða. Safnið mun byggja
starfsemi sína á viðamikilli lista-
verkaeign Péturs Arasonar og
eiginkonu hans, Rögnu Róberts-
dóttur, og vera til húsa á Lauga-
vegi 37. Sú hugmynd hefur komið
upp að heiti stofnunarinnar verði
einfaldlega Safn á íslensku og
Collection á ensku.
Samningur til fimm ára
Í samningnum um samtíma-
listasafnið Safn kemur m.a. fram
að gegn fjárframlagi Reykjavík-
urborgar mun Pétur Arason ehf.
leggja fram húsnæðið við Lauga-
veg, sem og listaverkaeign
hjónanna. Félagið leggur einnig
til bókasafn í þeirra eigu. Hús-
næðið verður notað til sýninga á
fyrrnefndum verkum, nýjum
verkum eftir erlenda listamenn
og til sýninga á íslenskri nútíma-
list. Í húsnæðinu verður jafnframt
bókasafn og vinnuaðstaða fyrir
listfræðinga og myndlistarnem-
endur.
Í safni Péturs og Rögnu eru
einkum samtímalistaverk eftir ís-
lenska sem heimsþekkta erlenda
listamenn og er safneignin metin
á bilinu 130–160 milljónir króna.
Kynning á listaverkasafni félags-
ins og sýningar á vegum þess
munu fara fram í samvinnu við
Listasafn Reykjavíkur. Á samn-
ingstímanum, sem telst vera frá 1.
janúar 2003 til 31. desember 2007,
hefur Listasafn Reykjavíkur jafn-
framt aðgang að listaverkasafni
félagsins vegna sýninga á eigin
vegum. Á sama hátt mun félagið
hafa aðgang að listaverkaeign
Listasafns Reykjavíkur vegna
sýninga í Safni.
Ingibjörg Sólrún Gísladóttir
sagði við undirritunina að hún
þyrfti ekki að vera sérstök áhuga-
manneskja um samtímamyndlist
til að gera sér grein fyrir nytsemi
slíks safns sem Safn mun verða,
ekki frekar en hún þyrfti að vera
tónlistarunnandi til þess að gera
sér grein fyrir að tónlistarhús
skipti máli fyrir Reykjavíkurborg.
„Ég þarf bara að gera mér grein
fyrir því að slíkir hlutir gera
borgina að öflugra samfélagi
heldur en hún væri án þeirra,“
sagði borgarstjóri. Hún bætti við
að í samningnum fælust ákveðin
hyggindi. „Hér er til þetta safn,
ómetanlegt safn, og sá sem á það
er tilbúinn að opna okkur hinum
leið að því. Það auðgar miðborg-
ina, auðgar menningarflóruna og
gerir þetta samfélag ríkara en
það ella væri.“
Níu milljónir til stækk-
unar á húsnæði
Við undirritunina í Höfða var
einnig tilkynnt um fyrirhugaða
fjárveitingu Reykjavíkurborgar
til Nýlistasafnsins vegna flutninga
safnsins í nýtt húsnæði, en fjár-
veitingin hljóðar upp á þrjár
milljónir króna árlega næstu þrjú
árin. Borgin styrkir þar fyrir ut-
an Nýlistasafnið með rekstr-
arframlögum ár hvert, sem hljóða
upp á um 3 milljónir á ári. Málið
verður tekið fyrir á borgarráðs-
fundi í dag.
„Við gáfum fyrirheit um það
fyrir tveimur eða þremur árum að
koma með stofnframlög inn í Ný-
listasafnið, níu milljónir alls. Við
eigum eftir að ganga frá þeim
málum gagnvart Nýlistasafninu
og ég vona að við getum fundið á
því máli farsælan endi,“ sagði
Ingibjörg Sólrún Gísladóttir borg-
arstjóri.
Heilmikill róður
„Þetta mál er í vinnslu, en það
er ekki búið að ganga frá því
enn,“ segir Geir Svansson, fram-
kvæmdastjóri Nýlistasafnsins.
„Við bindum allar okkar vonir við
að af þessu verði. Ekki veitir af,
þetta er heilmikill róður hjá okk-
ur núna með nýja húsnæðið og
allt sem því fylgir. Við höfum alla
trú á því að þetta leysist, enda
held ég að skilningur og vilji sé
fyrir hendi hjá ráðamönnum,“
segir Geir.
Samningur um samtímalistasafn undirritaður
Gerir samfélagið
ríkara en ella
Morgunblaðið/Golli
Stefán Jón Hafstein, formaður menningarmálanefndar Reykjavíkur, Ingi-
björg Sólrún Gísladóttir borgarstjóri og Pétur Arason listaverkasafnari
við undirritun samstarfssamningsins um rekstur samtímalistasafns.
LISTIR
MORGUNBLAÐIÐ ÞRIÐJUDAGUR 28. JANÚAR 2003 23
G LF
í Túnis
Ferðaskrifstofa Vesturlands býður upp á 11 daga
golfferðir til Túnis, þar sem ekkert er til sparað til
að gera ánægjulega og eftirminnilega ferð.

Golf við kjöraðstæður í þægilegu loftslagi.

Fyrsta flokks strandhótel, góður matur og þjónusta.

Sérlega áhugaverður menningarheimur.

Brottfarir 21. febrúar og 25. apríl.
Fararstjóri er Sigurður Pétursson, golfkennari.
Verð frá kr. 135.500 í tvíbýli innifalið: flug, fararstjórn,
akstur, gisting, hálft fæði og 8 vallargjöld.
Ferðaskrifstofa Vesturlands, sími 437 2323.
Sími 437 2323, fax 437 2321. Netfang travest@simnet.is
2 DJASSGÍTARAR er að
sjálfsögðu gítardúettskífa og efn-
isskráin í stjörnumerki djassins.
Þó er það svo að af tíu lögum
disksins eru aðeins tveir söng-
dansar og einn blús – hitt eru ís-
lensk söng- og þjóðlög fyrir utan
Greensleeves – skoska þjóðlagið
sem John Coltrane færði djass-
inum að gjöf í meistaralegri út-
setningu, sem maður gæti kallað
hina endanlegu djassútsetningu
lagsins ef eitthvað væri endan-
legt í listum. Ólafur Gaukur fer
hina janjóhanísku leið við að færa
íslensku lögin í djassbúning líkt
og Guðmundur Ingólfsson á
Þjóðlegum fróðleik – ólíkt því
sem Sigurður Flosason hefur
gert á sálmaskífum sínum í sam-
vinnu við Gunnar Gunnarsson og
á Raddir þjóðar með Pétri Grét-
arssyni. Gítardúett er vandasam-
ur og ekki léttara að halda at-
hygli áheyrandans vakandi og
sveiflunni gangandi en hjá ein-
leikspíansista. Stundum tekst
það hér en oftar ekki og hefði þá
verið styrkur að hafa aðra með í
för; þó ekki hefði verið nema einn
bassaleikara. Með betri dúett-
skífum í djassi eru skífur feðg-
anna Jimmy og Doug Raneys og
er Jón Páll skyldur Jimmy í stíl
og ekki leiðum að líkjast. Ólafur
Gaukur notar á stundum barokk-
innslög í útsetningum sínum
einsog Raney feðgar án þess ég
búist við að hann þekki Steeple-
Chase skífur þeirra. Þetta kemur
vel fram í upphafslaginu, Sofðu
unga ástin mín, þarsem bláir tón-
ar skjóta einnig upp kollinum
einsog oft í íslensku lögunum hjá
þeim félögum. Það er ein aðferð-
in til að ljá þeim djassblæ og al-
veg bráðnauðsynleg þegar eitt
djasslausasta tónskáld síðustu
aldar er á efnisskránni; Ingi T.
Lárusson og Ó blessuð vertu
sumarsól. þjóðlögin Krummavís-
ur og Hani, krummi eru ansi
djasslaust spil en í Litfríð og ljós-
hærð Emils Thoroddsens eru
blúsinn, barokkið og sveiflan
komin til bjargar. Eftir sveiflulít-
ið spil í Tondeleyo Sigfúsar Hall-
dórssonar er fínt að fá einn blús
sem þeir félagar spinna saman.
Fly Me To the Moon er fyrri
söngdansinn á skífunni og tíð-
indalítill en diskinum lýkur á
mögnuðum flutningi á Stardust
Hoagy Charmichaels. Jón Páll
sýnir enn og sannar að hann er í
hópi helstu meistara hins hefð-
bundna djassgítarleiks í Norður-
álfu og Óli Gaukur kompar glæsi-
lega. Þetta eina lag er disksins
virði. Annars er merkilegt hversu
Ólafur Gaukur getur leikið djass-
inn vel í jafnlítilli þjálfun og hann
er sem djassleikari. Síðast heyrði
ég hann leika The Man I Love á
afmælistónleikum Eyþórs Þor-
lákssonar með slíkum glæsibrag
að maður fékk gæsahúð. Það er
mikill misskilningur að ekki sé
næganlegt efni eftir í hinum
klassísku söngdönsum fyrir
djassmeistara að skapa úr – ekki
síður en fyrir klassíkerana í Bach
og Mozart.
Í heild er diskurinn ekki merk-
ur djassdiskur. Hann hefði alveg
eins getað keppt til íslensku tón-
listarverðlaunanna í Ýmis tónlist
eins og Eftir þögnina með Óskari
Guðjónssyni og Skúla Sverris-
syni. Þegar hinir yngri setja Eft-
ir þögnina á sem bakgrunnstón-
list geta hinir eldri sett 2
djassgítara. En það er gaman að
fá að heyra fyrsta stórgítarleik-
ara Íslandsdjassins, Ólaf Gauk,
leika með meistara Jóni Páli; þó
bíðum við þess enn að Jón Páll
leiki einsog hann getur best á
diski.
Blús og bar-
okk til bjargar
Djass
Geisladiskur
Jón Páll Bjarnason og Ólafur Gaukur
Þórhallsson leika á gítara útsetningar
Ólafs Gauks. Tekið upp í Reykjavík í
október 2002. Tónaljón OG 005. Dreif-
ing: Edda miðlun og útgáfa.
2 DJASSGÍTARAR
Vernharður Linnet
ENDLA Teater, borgarleikhúsið í
Pärnu í Eistlandi, frumsýnir á laug-
ardaginn á aðalleiksviði sínu leikrit
Árna Ibsens, Að eilífu, sem sýnt var í
Hafnarfjarðar-
leikhúsinu sum-
arið 1997. Endla-
leikhúsið sýndi
annað leikrit
Árna, Himnaríki
(Taevaarik), á
árinu 1999. Hlaut
sú sýning afar
góðar viðtökur,
naut mikillar vel-
gengni og gekk í
12 mánuði, en nú vill leikhúsið freista
þess að fylgja þeirri velgengni eftir.
Umsagnir eistneskra gagnrýnenda
voru á sömu lund og viðbrögð al-
mennings og gagnrýnandi Pärnu
Postimes sagði m.a. um Himnaríki
að: „Öll leikskáld dreymir um að
skrifa verk sem er svo beinskeytt og
stingandi.“ Í stærsta dagblaði Eist-
lands, Posttimes, sagði m.a.:
„Himnaríki er jafngott hvort sem lit-
ið er á það sem fáránlegan geðklof-
inn gamanleik eða sem búddíska út-
listun á kenningunni um jafnvægi
andstæðnanna.“
Þýðandi beggja leikritanna er
Arvo Alas, en hann hefur áður þýtt
m.a. Njálssögu og nokkur leikrit eft-
ir Guðmund Steinsson. Leikstjóri Að
eilífu er Tiit Palu, sem er aðalleik-
stjóri Endla-leikhússins og hefur
verið þar fastráðinn síðan 2001.
Heimasíða Endla-leikhússins er:
http://www.endla.ee
Að eilífu í kjölfar
Himnaríkis í Eistlandi
Árni Ibsen