Morgunblaðið - 23.02.2003, Blaðsíða 56

Morgunblaðið - 23.02.2003, Blaðsíða 56
FÓLK Í FRÉTTUM 56 SUNNUDAGUR 23. FEBRÚAR 2003 MORGUNBLAÐIÐ ÍSLENDINGAR eiga fulltrúa áGrammy-verðlaunahátíðinni,sem fram fer í New York íkvöld. Steinar Höskuldsson, eða S. Husky Höskulds, eins og hann er kallaður í Bandaríkjunum er tilnefndur ásamt samstarfsfólki fyrir bestu plötu ársins, Come Away With Me, með Noruh Jones, fyrir hjóðupptöku og -blöndun. Hann er líka tilnefndur í flokknum besta hljóðupptaka á plötu fyrir þessa sömu plötu. Steinar er búsettur í Los Angel- es ásamt konu og barni og verður ekki viðstaddur í kvöld vegna anna við vinnu. „Ég hef ekki tök á að fara þó að það hefði verið gaman,“ segir hann og hefði verið ánægðari með ef hátíðin hefði verið haldin í Los Angeles. „Hátíðin hefur verið haldin hér síðustu árin, fyndið að þeir hafi þurft að stökkva þarna til New York núna.“ Steinar ólst að mestu leyti upp í Mosfellsbæ en var búsettur í þrjú ár á austurströnd Bandaríkjanna, þar sem foreldrar hans voru við nám. Steinar þekkti því sitthvað til Bandaríkjanna þegar hann flutti til Los Angeles árið 1991, þá 21 árs, í þeim tilgangi að stunda nám í upp- tökustjórn við UCLA. Um var að ræða eins árs nám sem Steinar segir hafa verið „hagnýtt og ágætis leið til að komast inn í landið og kynnast tónlistarheiminum“. Hann hefur búið í Englaborginni síðan og líkar vel. „Ég fékk tölvupóst frá mömmu áðan, brjálað veður, rok og rigning og slydda og bílar fastir í bænum. Á meðan sit ég hérna úti á svölum í stuttermabol og stuttbux- um,“ segir Steinar, þannig að það er engu logið upp á ljúfa lífið í Kali- forníu. Byrjað á botninum Eftir námið fékk Steinar vinnu í hljóðveri, sem „símsvari og hlaupa- gikkur“. „Flest stúdíóin virka þann- ig að maður byrjar á botninum og vinnur sig upp,“ segir Steinar, sem gerði nákvæmlega það. „Þetta er blanda af heppni og almennri bar- áttu.“ Fljótlega sótti hann um vinnu í öðru hljóðveri sem aðstoðarupptök- umaður. „Það var fyrsta skrefið til að komast upp úr símanum og inn í stúdíóið sjálft. Þar reyndi ég að stýra mér þannig að ég kæmist að þeim, sem ég vildi vinna með,“ seg- ir Steinar, og bætir við að það hafi kostað útsjónarsemi og vinnu. Fyrir þá sem eru ekki með það á hreinu hvað upptökumaður gerir útskýrir Steinar það á einfaldan hátt: „Upptökumaðurinn er í raun eins og kameramaðurinn í kvik- myndunum. Upptökustjórinn er eins og leikstjórinn.“ Gamall draumur rættist Hann hefur unnið einna mest í hljóðveri, sem heitir Sunset Sound. Þetta er þekkt upptökuver, sem hefur verið starfandi í 40 ár og hafa margar tónlistarstjörnur á borð við Doors, Bangles, Rolling Stones, Prince, Led Zeppellin og Beck staldrað þar við. Steinar hefur sjálfur unnið með þekktu tónlistarfólki eins og Sol- omon Burke, The Wallflowers, Los Lobos, Sheryl Crow, Vanessu Para- dis og Fionu Apple. Síðast en ekki síst má nefna Tom Waits. Steinar hljóðblandaði plötuna Blood Money með kappanum en það hafði lengi verið draumur hjá honum að vinna með honum. „Ein aðalupplifunin var að vinna með Tom Waits. Maður gleymir því aldrei. Ég hafði reynt að komast í samband við hann í sex mánuði. Sendi honum þrjá diska og þrjú bréf og skilaboð með öllum, sem ég þekkti og vissi að væru eitthvað tengdir honum. Það var mjög gam- an að það skyldi hafa virkað. Þetta var mikil upplifun.“ En hvernig skyldi Steinar hafa fyrst fengið áhuga á starfinu? „Ég hafði alltaf mikinn áhuga á tónlist og lærði til dæmis á píanó í nokkur ár, fyrst hjá ömmu og síðan hjá Sigga Marteins og Ólafi Vigni í Mosó, en sá nú fljótt að ég yrði aldrei atvinnutónlistarmaður. Ég var alltaf eitthvað tengdur hljóm- sveitum með kunningjum mínum en var yfirleitt bestur í þessu græjudóti. Það var aðalatriðið hjá mér. Ég ákvað þess vegna að kanna hvort það væri ekki hægt að komast í það að búa til plötur,“ seg- ir Steinar og má segja að það hafi aldeilis gengið upp hjá honum. Mikil vinna og langir dagar Lífið í stúdíóinu einkennist af mikilli vinnu og löngum dögum; þetta er skorpuvinna, eins og það er kallað. „Það er ekki óalgengt að vinna 12–14 tíma á dag, sex daga vikunnar. Svo er maður kannski í fríi viku eða tvær þess á milli.“ Misjafnt er hversu lengi er unnið að einni plötu. „Ég hef tekið upp plötur á fjórum dögum og hljóð- blandað á tveimur. Ég hef líka eytt sex mánuðum í það. Þetta fer allt eftir hljómsveitinni og hvað pródús- erinn er að hugsa.“ Steinar segir að pressan frá plötufyrirtækjunum geti oft verið mikil. „Gallinn er sá að ef um er að ræða stór nöfn og miklir peningar eru í spilinu, eins og til dæmis með Wallflowers, eru allir svo stressaðir yfir því að vera að fylgja eftir svona stórri plötu að tónlistin versnar oftast fyrir vikið.“ Tímamót með Joe Henry Hann segir að það hafi ekki verið samstarf við neinn einn tónlistar- mann, sem hafi fleytt honum áfram í þessum heimi. „Þetta hefur að- allega gerst smátt og smátt,“ segir Steinar en segir þó að samstarf sitt við mann að nafni Joe Henry hafi markað viss þáttaskil. „Ég tók upp plötuna Scar með Joe Henry fyrir um tveimur og hálfu ári. Það var í fyrsta skipti, sem ég fékk að ráða hvernig þetta sándaði allt og passaði saman. Þetta var í fyrsta skipti, sem ég gat sent út plötu og sagt mönnum að þetta sé það sem ég hafi áhuga á að gera,“ segir Steinar, sem er hreyk- inn af plötunni. „Að vissu leyti markaði þetta ákveðin tímamót. Framan af þurfti ég að taka því sem bauðst og fékk ekki að ráða miklu um hvernig þessar plötur komu út. Wall- flowers-platan og Sheryl Crow eru bara venjulegar poppplötur og ekk- ert varið í þær frá mínum sjón- arhóli. Núna eru menn hins vegar farnir að hafa samband við mig vegna þess að þeir hafa heyrt Tom Waits, Joe Henry eða Fantomas og það er frábært fyrir mig. Frábært að fá að gera nákvæmlega það sem maður hefur áhuga á.“ Steinar sér fram á að þurfa ekki héðan í frá að vinna eins langa vinnudaga. „Núna er ég í fyrsta skipti farinn að geta stjórnað því meira. Núna eru menn farnir að hringja meira í mig en ég í þá. Ég ákvað það núna um jólin að vinna ekki eins mikið og lengi fram eftir og ég hafði gert. Þetta var nýárs- heitið, að vinna ekki meira en tíu tíma á dag.“ Á ein Grammy-verðlaun inni Plata Sheryl Crow, The Globe Sessions, sem Steinar vann við, fékk Grammy fyrir hljóðupptöku árið 1998 en Steinar fékk enga styttu í hendurnar! „Við vorum fjögur sem unnum við hana. Á end- anum voru það fjögur lög, sem ég tók upp. Einhverra hluta vegna endaði það þannig í kreditlistanum að nafnið mitt kom bara fram sem aukaupptökumaður. Það var ekki nóg fyrir Grammy-nefndina því ekki eru veitt verðlaun fyrir þessa aukahljóðupptöku,“ segir Steinar, sem var í raun rangnefndur í list- anum. „Þetta er oftar notað yfir þann, sem hleypur í skarðið við upptökur í hálfan dag, sem var ekki raunin með mig,“ segir Steinar, sem ætti í raun að vera með eina styttu heima í stofu. „Upptökustjórinn og Sheryl sjálf ræddu við Grammy-nefndina vegna þessa fyrir hátíðina en henni varð ekki haggað og engu breytt. „Þetta var spæling á sínum tíma,“ segir Steinar, sem fær annað tækifæri í kvöld. Frumraun Noruh Jones var tek- in upp í hjóðveri milljónamærings í uppsveitum New York. „Við fórum og tókum upp plötuna í íbúðar- stúdíói í New York-fylki, rétt hjá Woodstock, sem heitir Allaire Stud- ios. Við fórum þangað með hljóm- sveit og hana og upptökustjóra. All- ir búa á staðnum og eldað er ofan í fólkið. Þetta er hálfpartinn eins og að vera á skíðahóteli. Við vorum þarna í þrjár vikur og tókum upp plötuna í heild sinni og hljóðblönd- uðum.“ Alltaf mikill græjukall Steinar Höskuldsson kann vel við sig í upptökuverinu. Hann hefur búið í Los Angeles frá árinu 1992. Grammy-verðlaunahátíðin er haldin í 45. sinn í New York í kvöld. Steinar „Husky“ Höskuldsson er fulltrúi Íslands á hátíðinni en hann er tilnefndur fyrir vinnu við vinsæla breiðskífu Noruh Jones. Hann sagði Ingu Rún Sigurðardóttur frá tónlist- arbransanum í Los Angeles og dvöl sinni vestra. Platan með Noruh Jones var tekin upp í Allaire Studios í New York. Steinar Höskuldsson er tilnefndur til Grammy-verðlauna sem afhent verða í New York í kvöld Mörkinni 3, sími 588 0640 Opið mán.-fös. kl. 11-18, lau. kl. 11-15 Húsgögn Sérpantanir Alltaf á þriðjudögum
Blaðsíða 1
Blaðsíða 2
Blaðsíða 3
Blaðsíða 4
Blaðsíða 5
Blaðsíða 6
Blaðsíða 7
Blaðsíða 8
Blaðsíða 9
Blaðsíða 10
Blaðsíða 11
Blaðsíða 12
Blaðsíða 13
Blaðsíða 14
Blaðsíða 15
Blaðsíða 16
Blaðsíða 17
Blaðsíða 18
Blaðsíða 19
Blaðsíða 20
Blaðsíða 21
Blaðsíða 22
Blaðsíða 23
Blaðsíða 24
Blaðsíða 25
Blaðsíða 26
Blaðsíða 27
Blaðsíða 28
Blaðsíða 29
Blaðsíða 30
Blaðsíða 31
Blaðsíða 32
Blaðsíða 33
Blaðsíða 34
Blaðsíða 35
Blaðsíða 36
Blaðsíða 37
Blaðsíða 38
Blaðsíða 39
Blaðsíða 40
Blaðsíða 41
Blaðsíða 42
Blaðsíða 43
Blaðsíða 44
Blaðsíða 45
Blaðsíða 46
Blaðsíða 47
Blaðsíða 48
Blaðsíða 49
Blaðsíða 50
Blaðsíða 51
Blaðsíða 52
Blaðsíða 53
Blaðsíða 54
Blaðsíða 55
Blaðsíða 56
Blaðsíða 57
Blaðsíða 58
Blaðsíða 59
Blaðsíða 60
Blaðsíða 61
Blaðsíða 62
Blaðsíða 63
Blaðsíða 64

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.