Morgunblaðið - 06.07.2003, Side 25

LISTIR
MORGUNBLAÐIÐ SUNNUDAGUR 6. JÚLÍ 2003 25
Verð á mann frá 19.800 kr.
ÍS
LE
NS
KA
A
UG
LÝ
SI
NG
AS
TO
FA
N
EH
F/
SI
A.
IS
IC
E
21
53
5
0
5.
20
03

Topp-
lausnin
Tryggvabraut 5 • Sími 462 2700Bíldshöfða 14 • Sími 587 6644
Hapro farangurskassi er snjöll lausn til að koma
öllum farangrinum í bílinn. Margar gerðir og stærðir
fyrir alla bíla. Verð frá 27.500 kr.
Smábýlið Krókur á Garðaholti,
Garðabæ Opið á sunnudögum í
sumar milli kl. 13 og 17. Krókur er
lítill bárujárnsklæddur burstabær
sem var endurbyggður úr torfbæ ár-
ið 1923. Bærinn er gott dæmi um
húsakost og lifnaðarhætti alþýðu-
fólks á þessum landshluta á fyrri
hluta 20. aldar. Í Króki var búið allt
til ársins 1985. Krókur er staðsettur
skáhallt á móti samkomuhúsinu á
Garðaholti.
Aðgangur ókeypis.
Í DAG
4KLASSÍSKAR verða á ferðalagi
um Austurland þessa vikuna og
halda ferna tónleika. Þeir fyrstu
verða á Höfn í Hornafirði þriðju-
dagskvöld, á Seyðisfirði miðviku-
dagskvöld, í tónleikaröðinni Bláa
kirkjan, á Fáskrúðsfirði fimmtu-
dagskvöld og Vopnafirði föstu-
dagskvöld.
Í vetur héldu þær tónleika í
Iðnó og Hafnarborg, með yfir-
skriftinni Kvöldskemmtun á þorra.
Fyrir rúmu ári gáfu þær út geisla-
diskinn „Fyrir austan mána og
vestan sól“.
4Klassískar eru söngkonurnar
Björk Jónsdóttir, Jóhanna V. Þór-
hallsdóttir og Signý Sæmundsdótt-
ir og píanóleikarinn Aðalheiður
Þorsteinsdóttir.
4Klassískar á
ferðalagi um
Austurland
Sunnudagur
Siglufjarðarkirkja kl. 14
Hátíðatónleikar á lokadegi
Þjóðlagahátíðar. Hljómsveit
ungra tónlistarnema leikur
undir stjórn Gunnsteins Ólafs-
sonar.
Frumflutt verða hljómsveit-
arverk eftir tvö kornung tón-
skáld: Stund milli stríða eftir
Önnu S. Þorvaldsdóttur og Ís-
lensk þjóðlög í útsetningu
Gonçalo Lourenço frá Portú-
gal.
Renata Ivan frá Ungverja-
landi leikur píanókonsert Jór-
unnar Viðar, Sláttu, Hlöðver
Sigurðsson syngur íslensk
sönglög við undirleik hljóm-
sveitar og loks syngja samein-
aðir siglfirskir kórar fjögur lög
eftir Atla Heimi Sveinsson fyr-
ir kór og hljómsveit.
Þjóðlaga-
hátíð á
Siglufirði
FERÐALEIKHÚSIÐ hefur sýn-
ingar á Light Nights – Björtum nótt-
um, annað kvöld, mánudag, í Iðnó
kl. 20:30. „Mér finnst skemmtilegt
að kynna íslenska menningu hvort
sem það er hér heima eða erlendis,“
segir Kristín G. Magnús, stofnandi
Ferðaleikhússins, ásamt Halldóri
Snorrasyni, og hefur leikið og leik-
stýrt Light Nights í meira en þrjá
áratugi. Sýningin, sem leikin er á
ensku, er byggð upp af átján atrið-
um bæði gömlum og nýjum, en upp-
færslurnar eru breytilegar frá ári til
árs. „Meðal nýs efnis má nefna leik-
þáttin By the Pond, eða Við Tjörn-
ina, eftir Halldór Snorrason. Hann
skrifaði fyrri hluta þáttarins á ís-
lensku fyrir mörgum árum. Síðan
datt mér í hug að setja hann upp
núna þar sem við erum við Tjörnina.
Við Páll skelltum honum bara yfir á
ensku og bættum seinnihlutanum
við. Á undan fyrri hlutanum eru
sýndar skyggnumyndir af Tjörninni
kringum 1943 og síðar koma mynd-
ir frá Tjörninni í dag,“ segir Kristín.
„Þetta er svona daglegt líf í kring-
um tjörnina fyrr og nú,“ bætir Páll
Sigþór Pálsson leikari kíminn við.
Fyrir hlé eru þjóðsögur hafðar í
fyrirrúmi, en eftir hlé er sjónum að-
allega beint að víkingum. „Hilmar
Örn Hilmarsson samdi fyrir okkur
tónlist fyrir álfkonudans, en dansinn
samdi Katla Þórarinsdóttir og dans-
ar hún sjálf hlutverk álfkonunnar.
Að auki verður stiginn Víkingadans
og dansað í baðstofunni, en Elín
Eggertsdóttir er höfundur þeirra
dansa. Í ár verðum við svo líka með
glímu og sá Hörður Gunnarsson um
að þjálfa þátttakendurna, kveðnar
verða rímur og fór Páll í læri til
Steindórs Andersens. Í gamla daga
hafði ég alltaf rímur, en sumum
þótti það þá svolítið púkalegt, en í
dag er þetta aftur komið í tísku,
enda eru þær afar skemmtilegar og
hluti af þjóðararfinum. Annars má
segja að áherslan í ár sé á hið dul-
úðuga. Ég hef samt ekki eintóma
dulúð, því þetta blandast við léttleik-
ann. Þjóðsögurnar okkar eru mjög
skrautlegar og bjóða upp á svo
margt. Það má segja að ég sé að
læða fróðleik að áhorfendum án
þess að þeir upplifi það eins og þeir
séu á skólabekk, því efnið verður að
vera skemmtilega borið á borð,“
segir Kristín.
Spurð um samstarf þeirra Páls
svarar Kristín því til að hún hafi um
nokkra hríð sóst eftir honum í sýn-
inguna sína, en hann alltaf verið
upptekinn þar til nú. Páll útskrif-
aðist frá Guildford School of Acting
1999 og hefur síðustu ár starfað í
Bretlandi. „Ég starfaði mikið með
leikhóp sem setti m.a. upp Shake-
speare-sýningar í anda Commedia
dell’arte. Þetta er svona farandleik-
hópur sem gerði talsvert af því að
setja upp útileiksýningar á sumrin,“
segir Páll, sem að sögn er kominn
heim til að vera. Þetta er önnur sýn-
ingin sem hann tekur þátt í hér-
lendis að loknu námi, en hann stökk
inn í hlutverk Parísar í sýningu
Vesturports á Rómeó og Júlíu í vor.
Að sögn Kristínar var það nánast
fyrir tilviljun að hún fór að sinna
menningararfinum. „Ég var í fullu
starfi hjá Þjóðleikhúsinu, en það
blundaði reyndar alltaf í mér að
gera eitthvað sjálf. Eitt sumarið
stakk Molly Kennedy, vinkona mín,
upp á að við prófuðum að gera eitt-
hvað fyrir útlendinga á sumrin,“
segir Kristín. Þetta var eitt sumar
fyrir þrjátíu og þremur árum og
Kristín er enn með sýningu fyrir
ferðafólk, þótt vissulega hafi sýn-
ingin breyst talsvert í áranna rás.
„Auðvitað hef ég ekki verið ein í
þessu, því í gegnum tíðina hafa fleiri
hundruð listamenn komið að sýn-
ingunum. Auk þess hefur maðurinn
minn, Halldór Snorrason, alltaf
staðið við bakið á mér og sonur okk-
ar Magnús Snorri Halldórsson hefur
lagt mikið að mörkum,“ segir Krist-
ín og bætir við: „Ég er mjög ánægð
að vera núna komin í Iðnó aftur því
þetta er dásamlegt hús og hér ríkir
góður andi. Ég myndi helst vilja
vera í Iðnó framvegis svo erlendir
ferðamenn geti alltaf gengið að okk-
ur á sama staðnum í miðborginni.
Ég er búin að vera á flækingi með
sýninguna undanfarin ár, allt í
kringum Tjörnina.“
Lýsing sýningarinnar er hönnuð
af Birni Bergsteini Guðmundssyni,
Jón Ívarsson tæknistjóri sér um
uppsetningu hljóðkerfis og
skyggnusýningu og Caroline Dalton
er tæknimaður. Búningar eru í
höndum Dórótheu Sigurfinns-
dóttur, en Jón Páll Björnsson, Sig-
ríður Rósa Bjarnadóttir og Jón E.
Guðmundsson sáu um grímugerð,
en Kristín G. Magnús og Halldór
Snorrason sjá um framkvæmda-
stjórn. Auk þeirra Kristínar og Páls
stíga á svið dansararnir Katla Þór-
arinsdóttir, Þorleifur Einarsson og
Þórunn Bjarnardóttir.
Í júlí verða sýningar öll föstu-
dags- og mánudagskvöld, en í ágúst
bætast sunnudagskvöldin við. Sýn-
ingin hefst kl. 20:30 og tekur um
tvær klukkustundir í flutningi. Veit-
ingastaðurinn Tjarnarbakkinn, á
efri hæð leikhússins, býður leik-
húsgestum upp á sérstakan Light
Nights-kvöldverð sem er á þjóðlegu
nótunum svo áhorfendur fái aðeins
forsmekkinn af því sem koma skal á
leiksviðinu.
Ferðaleikhúsið sýnir Light Nights – Bjartar nætur – í Iðnó í júlí og ágúst
Áherslan í ár er
á hið dulræna
Kristín G. Magnús og Páll Sigþór Pálsson leika Við Tjörnina.
Í SUMAR mun Listasafn Ís-
lands bjóða upp á Listsmiðju
fyrir börn 9–12 ára í safni Ás-
gríms Jónssonar. Hugmyndin á
bak við Listsmiðjuna er að gefa
börnum tækifæri til að upplifa
myndlist á söfnum og vinna úr
reynslunni á skapandi hátt á
vinnustofu Ásgríms á Berg-
staðastræti 74. Listsmiðjan
tekur mið af sumarsýningu
Listasafnsins, þar sem sjá má
ágrip af íslenskri listasögu en
einnig verður farið í Nýlista-
safnið.
Listsmiðjan stendur dagana
11. ágúst til 15. ágúst, frá kl.
13–16 og stýrir Rakel Péturs-
dóttir, deildarstjóri fræðslu-
deildar, smiðjunni.
Lista-
smiðja
fyrir börn
SCALASÖNGKONAN fyrrverandi
Eugenia Ratti heimsækir Ísland í
fjórtánda sinn í ágúst nk. Hún mun
halda söngnámskeið í Reykjavík dag-
ana 5.–16. ágúst. Fjölmargir söngv-
arar hafa notið leiðsagnar hennar
bæði í heimalandi hennar, Ítalíu og á
námskeiðum sem hún hefur haldið
hér á landi.
Eugenia Ratti var á sínum tíma
uppgötvuð af tenórsöngvaranum Tito
Schipa, sem bauð henni með sér, fjór-
tán ára gamalli, í tónleikaferð um
Ítalíu. Ratti hóf söngferil sinn á Scala
18 ára gömul og söng þar í mörgum
stærstu óperum tónbókmenntanna,
auk þess sem hún hélt tónleika víða
um Evrópu og Ameríku. Hún söng á
ferli sínum undir stjórn margra
þekktustu hljómsveitarstjóra heims,
s.s. Bernstein,
Bruno Walter,
Karajan, Serafin
og fleiri. Síðustu
árin hefur Ratti
verið prófessor
við Conservatorio
Giuseppe Nicolini
í Piacenza og við
tónlistarskólann
Mario Mangia í
Fiorenzuola auk þess að vera próf-
dómari kennaraefna víða í Norður-
Ítalíu í fjöldamörg ár.
Á námkeiðinu sem hún heldur hér
að þessu sinni verður eingöngu boðið
uppá einkatíma og verður fjöldi þátt-
takenda takmarkaður.
Upplýsingar um námskeiðið veitir
Jóhanna G. Möller söngkona.
Eugenia Ratti á
leið til landsins
Eugenia Ratti