Morgunblaðið - 18.09.2003, Page 8

FRÉTTIR
8 FIMMTUDAGUR 18. SEPTEMBER 2003 MORGUNBLAÐIÐ
Fyrr má nú vera „comback“ – óskabarn þjóðarinnar, sameign þjóðarinnar og banki allra landsmanna.
Nýtt baðhús NLFÍ í Hveragerði
Nýjungar á Ís-
landi og bylting
HEILSUSTOFNUNNáttúrulækninga-félags Íslands
opnar við formlega athöfn
nýtt baðhús nk. laugardag
klukkan 14, á fæðingardegi
Jónasar Kristjánssonar
læknis, stofnanda Heilsu-
stofnunar og NLFÍ. Í sam-
tali við Gunnlaug K. Jóns-
son, stjórnarformann
Heilsustofnunarinnar,
kemur fram að um ekkert
venjulegt baðhús er að
ræða, en þar er meðal ann-
ars boðið upp á meðferð-
arúrræði sem til þessa
hafa ekki staðið til boða á
Íslandi.
– Segðu okkur eitthvað
frá þessari framkvæmd og
útkomu hennar …
„Undirbúningur þessar-
ar byggingar hefur staðið
yfir um langt skeið. Rétt er að
minna á áður en ég fer nánar út í
það, að NLFÍ hefur getið sér orð
fyrir óhefðbundin meðferðarúr-
ræði. Fyrirbyggjandi fræðsla,
hollusta í mataræði og lífsstíl,
nudd, leir og böð hafa verið aðal
NLFÍ. Það sem við erum að opna
núna er sem sagt afrakstur mikilla
vangaveltna og höfum við m.a.
leitað fyrir okkur erlendis og notið
leiðsagnar og ráðgjafar m.a. ung-
verskra lækna og arkítekta, sem
standa ásamt fleiri Mið-Evrópu-
þjóðum mun framar okkur Íslend-
ingum í lækningum og meðferð af
þessu tagi.
Við erum t.d. með fullkomna
endurhæfingarlaug og leirdeild,
auk gufu og saunu. Þá eru þarna
tvær meðferðareiningar sem ekki
hafa verið fyrir hendi áður,
strekklaug og Kneipp-meðferð.
Auk þess stendur til að smíða 25
metra útilaug við baðhúsið.“
– Þú verður að útskýra þetta
nánar …
„Endurhæfingarlaugin er sér-
hönnuð fyrir sundleikfimi og end-
urhæfingu í vatni og er fyrst og
fremst fyrir fólk sem er að jafna
sig eftir veikindi og aðgerðir.
Strekkmeðferð er viðurkennd að-
ferð við lækningar á hryggjar-
vandamálum og ýmsum liðsjúk-
dómum. Venjulegu togi með
höndum eða búnaði á bekk var
umbylt með tilkomu strekkbaða
sem ungverskur lífeðlisfræðingur,
dr. Karoly Moll, fann upp. Strekk-
bað felst einkum í að láta viðkom-
andi hanga í vatni í 37 gráða heitri
laug. Vegna togkrafts í uppréttri
stöðu teygist á hryggsúlunni.
Þannig er hægt að losa um spennu
milli hryggjarliða og jafnvel létta
þrýstingi af klemmdri taug.
Kneipp-meðferðin er af öðrum
toga. Sebastian Kneipp, þýskur
líffræðingur, þróaði þekkta að-
ferð, svokölluð víxlböð þar sem
gengið er til skiptis í heitu og
köldu vatni þar sem gólfið minnir
á gófan árbotn. Meðferðin eykur
blóðflæði og þrek.“
– Er þetta nýtt á Íslandi?
„Já, strekklaugar og Kneipp-
meðferð eru nýjungar hér á landi.
Þetta er bylting í að-
stöðu og aðbúnaði. Það
sem við erum að inn-
leiða nú setur okkur í
stíl við baðmenningu í
Þýskalandi, Ungverja-
landi og víðar. Þegar
talað er um baðmenningu í þess-
um skilningi er það í lækningar-
skyni og sett upp undir hand-
leiðslu fagfólks.“
– Þið eigið væntanlega von á
góðum undirtektum?
„Já, við gerum ráð fyrir því. Það
er alltaf fullt hjá okkur og þörfin
fyrir þessa meðferð er fyrir hendi
að mínu mati. Þá höfum við orðið
varir við mikinn áhuga heima-
manna, þ.e.a.s. Hvergerðinga, á að
fá aðgang að þessu nýja baðhúsi.
Við tökum þeim fagnandi eftir því
sem svigrúm leyfir og heimamenn
munu fá aðgang þegar húsið er
komið í fulla notkun. Enn á eftir
að sníða af nokkra hnökra í þeim
efnum þó að við séum að opna nú,
en upp úr áramótum ætti allt að
vera komið á fulla ferð og svig-
rúmið betra eftir því.“
– Hvað má segja að hlutverk
HNLFÍ sé?
„Hlutverkið er tvíþætt. Annars
vegar er um almenna og sérhæfða
endurhæfingarstofnun að ræða og
hins vegar veitir hún hvíldar-,
fræðslu- og hressingardvöl.
Áhersla er lögð á markvissa hreyf-
ingu, hollt mataræði, slökun og
hvíld. Fræðsla og fagleg ráðgjöf
er snar þáttur í starfinu og er
mest áhersla lögð á bætta lífs-
hætti og heilsuvernd. Allt gengur
þetta upp og þakka ég það frá-
bæru starfsfólki okkar.“
– Hverjir leita helst til ykkar?
„Þeir sem helst leita endurhæf-
ingar hjá okkur er fólk með stoð-
kerfisvandamál, t.d. fólk sem lent
hefur í slysum eða sjúkdómum á
borð við vefja- og liðagigt. Einnig
koma þeir sem haldnir eru sí-
þreytu og streitu, eða þeir sem
þurfa á hvíld og endurhæfingu að
halda eftir erfið veikindi á borð við
krabbamein og hjartasjúkdóma.
Einnig kemur fólk sem er að glíma
við aukakílóin og það nær góðum
árangri hjá HNLFÍ. Dvalarum-
sókn þarf þó að koma frá lækni.
Læknir þarf þó ekki að tilvísa á
námskeiðin sem við höldum til að
hjálpa fólki að hætta að
reykja, en þau hafa
skilað mjög athyglis-
verðum árangri.
Dvalargestir koma á
HNLFÍ eftir veikindi
og aðgerðir og til að
ráða bót á lífsstíls- og heilsufars-
vandamálum. Oft er um að ræða
samtvinnaða áhættuþætti sem
geta leitt til sjúkdóma sé ekki tek-
ið á þeim í tíma. Breyttir lífshættir
geta iðulega bætt heilsuna til mik-
illa muna og hafa þannig fyrir-
byggjandi áhrif. Mjög er til bóta
hjá okkur, að umhverfi HNLFÍ er
afar fallegt og rólegt.“
Gunnlaugur K. Jónsson
 Gunnlaugur K. Jónsson er
stjórnarformaður Heilsustöðvar
Náttúrulækningafélags Íslands
og forseti NLFÍ, auk þess að vera
forstöðumaður innra eftirlits
Lögreglunnar í Reykjavík. Hann
er fæddur 20. ágúst 1956 og er
giftur Auði Guðmundsdóttur.
Þau eiga tvö börn, Brynju sem er
fædd 1987 og er nemandi í VÍ og
Eyþór sem er fæddur 1997.
Oft er um
að ræða
samtvinnaða
áhættuþætti