Morgunblaðið - 19.09.2003, Side 2

Miklar umræður hafa verið um ódýrt svínakjöt að undan-
förnu. Guðrún Guðlaugsdóttir ræddi við aðstandendur
svínabúsins á Hýrumel.
Barist fyrir betra lífi
Eva J. Alexander rekur 150 barna barnaheimili á Indlandi og
aðstoðar auk þess vændiskonur við að bæta kjör sín. Anna
G. Ólafsdóttir kynntist baráttuþreki Evu.
Hver er Howard Dean?
Þeim fjölgar, sem sækjast eftir að verða forsetaefni demó-
krata í kosningunum í Bandaríkjunum 2004. Mest umtal vek-
ur Howard Dean, sem deilir hart á sitjandi forseta.
Óvægin samkeppni
á sunnudaginn
FRÉTTIR
2 FÖSTUDAGUR 19. SEPTEMBER 2003 MORGUNBLAÐIÐ
KEYPTI 33% HLUT Í SJÓVÁ
Íslandsbanki hf. hefur samið um
kaup á 33% eignarhlut í Sjóvá-
Almennum tryggingum hf. og stefn-
ir að því að eignast félagið allt og
gera það að dótturfélagi bankans.
Bankinn kaupir hlutinn á genginu 37
en heildarhlutafé í Sjóvá-Almennum
er 525 milljónir króna að nafnverði
og því má gera ráð fyrir að Íslands-
banki greiði tæplega 6,5 milljarða
fyrir þriðjungshlutinn.
Bankarán í Breiðholti
Allt tiltækt lið lögreglunnar í
Reykjavík var sent að útibúi Ís-
landsbanka í Lóuhólum í Breiðholti í
gær þegar henni barst tilkynning
um að maður vopnaður eggvopni
hefði rænt bankann. Ræninginn var
þá á bak og burt með ránsfenginn,
en ekki lá ljóst fyrir hversu mikla
fjármuni hann hafði haft á brott með
sér.
Stærsti samningur Atlanta
Flugfélagið Air Atlanta hefur
undirritað samning að andvirði 20
milljarða króna við Lufthansa Cargo
í Þýskalandi um þjónustuleigu á
þremur Boeing 747-fraktvélum. Er
þetta stærsti samningur í sögu fé-
lagsins.
DNA-rannsókn lokið
Fyrstu DNA-rannsókn á lífsýni úr
manni, sem grunaður er um morðið
á Önnu Lindh, utanríkisráðherra
Svíþjóðar, lauk í gær en lögreglan
vildi ekki greina frá niðurstöðunni.
Saksóknarar þurfa að ákveða í dag
hvort gefa eigi út ákæru á hendur
manninum og krefjast gæslu-
varðhalds eða leysa hann úr haldi.
Niðurstaða DNA-rannsóknarinnar
getur ráðið úrslitum um hvort mað-
urinn verður ákærður.
Fregnir um mannfall í Írak
Sjónarvottar sögðu í gær að allt
að átta bandarískir hermenn hefðu
fallið þegar ráðist var úr launsátri á
bandaríska herbílalest í Írak.
Bandaríkjaher staðfesti ekki að
mannfall hefði orðið.
Fellibylur í Bandaríkjunum
Fellibylurinn Isabel skall á aust-
urströnd Bandaríkjanna í gær og
hundruð þúsunda heimila urðu raf-
magnslaus þegar rafmagnslínur
slitnuðu. Þök rifnuðu af húsum og
fellibylurinn olli flóðum í Norður-
Karólínu.
FÓLKIÐ leikur í bíómynd á hjara veraldar, dregur
í dilka og leikur sér aðeins | |19|9|2003
Yf ir l i t
Í dag
Sigmund 8 Forystugrein 28
Viðskipti 11/12 Viðhorf 38
Erlent 14/18 Minningar 32/39
Höfuðborgin 19 Bréf 40
Akureyri 20 Dagbók 42/43
Suðurnes 21 Íþróttir 44/47
Austurland 22 Leikhús 48
Landið 23 Fólk 48/53
Listir 24/25 Bíó 50/53
Menntun 26 Ljósvakamiðlar 54
Umræðan 27 Veður 55
* * *
TRYGGVI Jóhannesson frá
Fremri-Fitjum í Húnaþingi
vestra hélt upp á 100 ára afmælið
í gær. Tryggvi er fæddur á
Fremri-Fitjum og átti þar heima
alla ævi, þar til hann flutti á
Sjúkrahúsið á Hvammstanga
fyrir fáeinum árum. Hann bjó
lengst af myndarlegu félagsbúi á
Fremri-Fitjum, á móti systkin-
um sínum, Guðmundi og Láru,
sem bæði eru látin.
Tryggvi lifði alla tíð afar
heilsusamlegu lífi, var vinnu-
samur og reglusamur í hvívetna.
Það var honum mikil gleði að ná-
in frænka hans, Jónína Skúla-
dóttir, tók að sér búið á Fremri-
Fitjum ásamt manni sínum
Níelsi Ívarssyni. Veittu þau
Tryggva vistlegt heimili, allt þar
til hann flutti sig á sjúkrahúsið.
Starfsfólk sjúkrahússins hélt
Tryggva veglega kaffiveislu á af-
mælisdaginn og heimsóttu hann
nánasta fjölskylda og vinir.
Morgunblaðið/Karl Ásgeir
Tryggvi Jóhannesson
fagnar 100 ára afmæli
Hvammstanga. Morgunblaðið.
SAMBÚÐIN við Ægi tekur á sig ýmsar birtingarmyndir og í norðanáttinni sest oft mikið salt á bílana í Ólafsvík.
Þá er vinsælt að skreppa niður á bryggju og spúla seltuna duglega af bílnum eins og þessi ökumaður gerði í gær.
Morgunblaðið/Alfons
Saltið spúlað af bílnum við höfnina
NÝTT sérblað Morgunblaðsins, Fólkið, hefur göngu
sína í dag og mun framvegis koma út á föstudögum.
Umfjöllunarefni blaðsins er afþreying ungs fólks á
öllum aldri. Í blaðinu eiga að vera hugmyndir að því
hvernig gera má vikuna skemmtilegri. Í Fólkinu
verður þannig m.a. dagatal og umfjöllun um við-
burði næstu viku. Efni um kvikmyndir, sem hefur
birzt í blaðinu á föstudögum og sunnudögum, verður
framvegis í Fólkinu.
Sérblaðið Börn hefur göngu sína á ný
Ýmsar aðrar breytingar verða gerðar á útgáfu
Morgunblaðsins næstu daga. Þannig flyzt útgáfu-
dagur sérblaðsins Daglegs lífs af föstudegi á laug-
ardag og kemur Daglegt líf því út á morgun. Sér-
blaðið Börn hefur göngu sína á ný á morgun og mun
einnig fylgja blaðinu á laugardögum.
Frá og með næstkomandi mánudegi verða síður
undir haus Daglegs lífs í blaðinu daglega. Á þessum
síðum verða greinar og viðtöl, sem tengjast daglegu
lífi fólks í víðum skilningi. Umfjöllun um neytenda-
mál, menntun og heilsu verður m.a. að finna á þess-
um síðum.
Þátturinn auðlesið efni, sem verið hefur í Daglegu
lífi, flyzt í sunnudagsblað frá og með næsta sunnu-
degi.
Tilboð til helgaráskrifenda
Áskrifendum Morgunblaðsins, sem einungis fá
helgarblöðin inn um lúguna, gefst nú kostur á að
kynnast í einn mánuð þeim þægindum sem fylgja því
að fá Morgunblaðið alla daga vikunnar, án þess að
áskriftarverð hækki.
Eftir að mánuðurinn er liðinn berst blaðið áfram
alla daga vikunnar á réttu verði. Sími áskriftar-
deildar er 569 1122 og netfang askrift@mbl.is.
Ýmsar breytingar á útgáfu Morgunblaðsins
Fólkið hefur göngu sína í dag
Daglegt líf og barnablað á laugardögum
VALGERÐUR Sverrisdóttir viðskipta-
ráðherra og Björn Bjarnason dómsmála-
ráðherra funduðu nýlega um mögulegar
breytingar á samkeppnislögum er varða
samskipti Samkeppnisstofnunar og lög-
reglunnar. Valgerður sagði að ákveðið
hefði verið á fundinum að setja í gang
sameiginlega vinnu ráðuneytanna.
„Farið verður yfir málið og reynt að
átta sig á því hvort ástæða sé til að gera
breytingar eða skerpa á samkeppnislög-
unum. Við viljum koma í veg fyrir að sú
staða komi upp aftur að verið sé að tog-
ast á í þessum efnum,“ sagði Valgerður
og vísar þar til árekstra milli Samkeppn-
isstofnunar og embættis ríkislögreglu-
stjóra og embættis ríkissaksóknara í
rannsókn á meintu samráði olíufélag-
anna.
Björn Bjarnason sagðist í samtali við
Morgunblaðið hafa talið það sjálfsagt og
eðilegt að verða við þeim tilmælum við-
skiptaráðherra að fulltrúar dómsmála-
ráðuneytisins kæmu að því að kanna lög-
fræðileg atriði í þessu sambandi en
viðskiptaráðherra hefði sem kunnugt
væri forræði samkeppnislaga á vettvangi
ríkisstjórnarinnar.
Samskipti Samkeppnis-
stofnunar og lögreglu
Lagabreyt-
ingar skoð-
aðar í tveimur
ráðuneytum