Morgunblaðið - 20.09.2003, Síða 20

AKUREYRI
20 LAUGARDAGUR 20. SEPTEMBER 2003 MORGUNBLAÐIÐ
Samkvæmt lögum Sjómannafélags Eyjafjarðar fara
kosningar fulltrúa félagsins á ársfund Alþýðusambands
Íslands og 28. þing Alþýðusambands Norðurlands fram
að viðhafðri allsherjaratkvæðagreiðslu í samræmi við
reglugerð ASÍ um slíkar kosningar.
Félagið hefur rétt til að senda 3 fulltrúa á ársfund
Alþýðusambands Íslands, sem haldið verður í Reykjavík
dagana 23.-24. október nk.
28. þing Alþýðusambands Norðurlands verður haldið á
Illugastöðum dagana 3. og 4. október nk.
Félagið hefur rétt til að senda 4 fulltrúa á þingið.
Framboðslistum eða tillögum til ársfundar ASÍ og 28.
þings AN þar sem tilgreind eru nöfn aðalfulltrúa í
samræmi við framanskráð og jafn marga til vara, ber að
skila á skrifstofu félagsins, Skipagötu 14, Akureyri, eigi
síðar en kl. 12.00 mánudaginn 29. september nk.
Hverjum framboðslista skulu fylgja meðmæli 44
fullgildra félagsmanna.
Akureyri, 19. september 2003
Stjórn Sjómannafélags Eyjafjarðar
Fulltrúakjör
KÓR Akureyrarkirkju er að hefja
vetrarstarfið. Í vetur er ýmislegt á
döfinni, t.d. jólasöngvar í desember,
föstuvaka í mars, kaffitónleikar og
þátttaka í Kirkjuviku 2004.
Kórinn hefur fastar æfingar á
þriðjudagskvöldum kl. 20 auk æfing-
ardaga, æfingarhelga og sérstakra
æfinga fyrir guðsþjónustur á sunnu-
dögum. Kórnum er skipt í fjóra
messuhópa er skiptast á að syngja
við messur en auk þess syngur kór-
inn allur að jafnaði einu sinni í mán-
uði.
Stjórnandi Kórs Akureyrarkirkju
er Björn Steinar Sólbergsson organ-
isti, raddþjálfun annast Sigríður Að-
alsteinsdóttir.
Kórinn getur bætt við söngfólki og
verður inntökupróf nk. mánudag, 22.
september, frá 17–19 og er áhuga-
sömum bent á að hafa samband við
stjórnanda kórsins.
Kór Akureyrarkirkju
Vetrarstarf
hefst
MOZART fyrir sex er yfirskrift tón-
leika Chalumeaux-tríósins og
þriggja söngvara Íslensku óperunn-
ar sem haldnir verða í Laugarborg í
Eyjafjarðarsveit á morgun, sunnu-
daginn 21. september kl. 16. Á efnis-
skránni er tónlist fyrir söngvara og
klarinettutríó eftir W.A. Mozart.
Flutt verða fimm næturljóð og ein
kansónetta fyrir þrjá söngvara, klar-
inettur og bassetthorn, sem Mozart
samdi á árunum 1783 til 1788 fyrir
sig og vini sína að leika og syngja á
góðum samverustundum í heimahús-
um. Að auki verða fluttar aríur, dú-
ettar og terzettar úr óperunum
Brúðkaupi Fígarós og Cosi fan tutti
sem tveir af félögum tríósins hafa
umritað fyrir söngvara og klarin-
ettuhljóðfæri.
„Ég hef trú á að þetta verði mjög
skemmtilegir tónleikar, það er mjög
gaman fyrir okkur söngvarana að fá
þetta tækifæri. Við erum ýmist að
syngja með hljómsveit eða píanóleik-
ara, en það er mjög skemmtileg til-
breyting fyrir okkur að syngja við
undirleik klarinettuleiks. Það verður
nokkurs konar kammerstemning yf-
ir þessu,“ sagði Hulda Björk Garð-
arsdóttir en auk hennar syngja þau
Sesselja Kristjánsdóttir og Davíð
Ólafsson. Chalumeaux-tríóið skipa
þeir Kjartan Óskarsson, Óskar Ing-
ólfsson og Snorri I. Snorrason.
Tónleikarnir eru liður í samstarfi
Óperunnar og Eyjafjarðarsveitar og
verður skrifað undir samning þar um
eftir tónleikana. Með samningnum
er að því stefnt að Íslenska óperan
heimsæki Eyjafjarðarsveit reglu-
lega og kynni þar starfsemi sína að
sögn Huldu Bjarkar. „Það er til að
mynda gert ráð fyrir að við komum
norður með Brúðkaup Fígarós í
mars á næsta ári og fleiri verkefni
eru í farvatninu,“ sagði hún.
Tónleikar í Laugarborg
Mozart
fyrir sex
UNNIÐ hefur verið að því í haust að koma upp
litlum golfvelli í skjólgóðum reit sunnan við Krist-
nesspítala og eins hefur að undanförnu við unnið við
að hreinsa til í skógi ofan spítalans, slétta stíga og
keyra í þá kurli. Tilganginn með þessu segir Ingvar
Þóroddsson deildarlæknir vera að skapa fleiri
möguleika til útivistar fyrir sjúklinga sem og al-
menning sem einnig mun standa þessi aðstaða til
boða.
Það voru félagar í Lionsklúbbnum Vitaðsgjafa
undir stjórn Hilmars Gíslasonar, fyrrverandi bæj-
arverkstjóra á Akureyri, sem sáu um jarðvegsskipti
á um 300 fermetra svæði sunnan spítalans. Þeir
settu upp þökur sem sérstaklega eru ræktaðar með
golfvelli í huga. Búnir voru til 9 teigar, 30 til 70
metra frá flötinni, þannig að fyrir utan púttvöll er
möguleiki að æfa sig í að slá inn á flöt frá mismun-
andi stöðum og við mismunandi hindranir. Eftir því
sem menn best vita er þetta fyrsti golfvöllur af
þessari gerð hér á landi.
Auk þess sem framkvæmdir hafa staðið yfir við
golfvöllinn hefur verið hreinsað til í skógi sem er of-
an við spítalann og plantað var í á tímabilinu 1930-
40. Stígar voru sléttaðir og kurl keyrt í um 500
metra stíg en hann opnar nýja leið úr neðri hluta
skógarins upp í þann efri. Nemendur á unglinga-
stigi í Hrafnagilsskóla lögðu þar gjörva hönd á plóg,
en á útivistardegi nýlega tóku þeir þátt í þessu
verkefni. Ingvar sagði þessa heimsókn hafa verið
ánægjulega og ungmennin hefðu unnið spítalanum
gagn með framtakinu, en að launum fengu þeir veit-
ingar og fengu að kynna sér starfsemi spítalans.
Ingvar sagði það vera góða æfingu að slá golf-
bolta, bæði fyrir þá sem væru í endurhæfingu sem
og allan almenning. „Þessi völlur mun standa al-
menningi til boða, við vonum að fólk verði duglegt
að heimsækja okkur, því við viljum endilega fá
meira líf á svæðið,“ sagði Ingvar.
Sama hugmyndafræði væri að baki því að opna
nýja stíga um skóginn; fá fólk til að hreyfa sig, bæði
sjúklinga á spítalanum og allan almenning.
Ingvar sagði að styrkur til efniskaupa hefði feng-
ist frá Akureyrardeild KEA og Lionsmenn svo lagt
fram vinnu sína. Stefnt er að því að opna bæði golf-
völlinn og hina nýju göngustíga í byrjun næsta
sumars.
Unnið við golfvöll og göngustíga við Kristnesspítala
Fleiri möguleikar til útivistar
Morgunblaðið/Kristján
Ingvar Þóroddsson, deildarlæknir á Kristnesspítala, á nýja golfvellinum.
HEYRNAR- og talmeinastöð Ís-
lands mun nú í haust bjóða Norð-
lendingum upp á þjónustu í sam-
starfi við Heilsugæslustöðina á
Akureyri sem lánar aðstöðun undir
starfsemina og Fjórðungssjúkra-
húsið á Akureyri en þaðan kemur
háls- nef- og eynalæknir. Starfsfólk
frá stöðinni mun koma norður ann-
anhvern föstudag, næst hinn 27.
september.
Guðrún Gísladóttir, forstöðumað-
ur Heyrnar- og talmeinastöðvarinn-
ar, sagði að síðastliðið vor hefði ver-
ið boðið upp á þjónustu
stöðvarinnar á Akureyri og reynsl-
an af því verið góð. „Það sýndi sig
að fólki þótti gott að sækja þjón-
ustuna í heimabyggð, en reynslan
sýnir að fólk á svæðinu frá Blöndu-
ósi og allt austur á firði kýs að
sækja þjónustuna á Akureyri enda
um skemmri veg að fara,“ sagði
Guðrún.
Heyrnar- og talmeinastöðin er
með starfsmann í hálfu starfi á Ak-
ureyri, á heilsugæslustöðinni og
sinnir hann m.a. sölu á tækjabúnaði
og fleira.
„Það er alveg ljóst að eftirspurnin
eftir þjónustunni er mikil, það er
nokkuð um að fólk er að skipta um
t.d. heyrnartæki og við heyrum að
fólk er ánægt að þurfa ekki að
leggja leið sína suður til Reykjavíur
að sækja þau,“ sagði Guðrún. Hún
sagði þónokkurn fjölda á biðlista hjá
stöðinni, en með því að senda þrjá
starfsmenn tvisvar í mánuði norður
vonaði hún að unnt yrði að saxa á
listann. „Þetta hefur gefið góða
raun og fólk lýst yfir ánægju með að
þessi þjónusta standi til boða á Ak-
ureyri, þó að ekki sé nema í þessi
tvö skipti í mánuði,“ sagði Guðrún.
Heyrnar- og talmeinastöðin með þjónustu á Akureyri
Mikil spurn eftir þjónustunni
BALDVIN Valdemarsson hefur
sagt upp störfum sem framkvæmda-
stjóri Stáltaks hf. og Slippstöðvar-
innar ehf. á Akureyri. Baldvin mun
starfa áfram hjá fyrirtækjunum
fyrst um sinn, þar til ráðstafanir
hafa verið gerðar varðandi eftir-
mann hans, eins og segir í tilkynn-
ingu til Kauphallar Íslands.
Nokkurt tap hefur verið af rekstri
Slippstöðvarinnar það sem af er ári.
Samkvæmt árshlutareikningi sam-
stæðu Stáltaks, sem inniheldur árs-
hlutareikninga Stáltaks og dóttur-
félaganna, Slippstöðvarinnar og
Kælismiðjunnar Frosts, voru dótt-
urfélögin rekin með 32 milljóna
króna tapi fyrstu 6 sex mánuði árs-
ins. Tap tímabilsins er tilkomið
vegna taps af rekstri Slippstöðvar-
innar. Tapið má rekja til innlendra
kostnaðarhækkana en þó sérstak-
lega til sterkrar stöðu íslensku
krónunnar og þar af leiðandi versn-
andi afkomu stærstu viðskiptavin-
anna, því verulega hefur dregið úr
spurn eftir viðgerðarþjónustu fyrir
fiskiskip, eins og segir í afkomuf-
réttum sem sendar voru Kauphöll-
inni. Af sömu ástæðu hefur sam-
keppnisstaðan gagnvart erlendum
keppinautum versnað sem leitt hef-
ur til lækkunar tilboðsverðs á út-
boðsmarkaði. Verið er að yfirfara
rekstur félagsins með það að mark-
miði að bregðast við breyttu rekstr-
arumhverfi.
Verkefnastaða Slippstöðvarinnar
er nokkuð góð um þessar mundir,
samkvæmt upplýsingum Morgun-
blaðsins og fram eftir næsta mán-
uði. Hins vegar er meiri óvissa um
framhaldið. Ekki náðist í Baldvin
Valdemarsson í gær.
Stáltak og Slippstöðin
Framkvæmdastjóri
lætur af störfum
KRISTJÁN Hannesson, trillukarl á
Sveini EA, og félagi hans, Benedikt
Hallgrímsson, betur þekktur sem
Bensi í Bót, hafa fengið ágæt-
isýsuafla í Eyjafirði að undanförnu.
Þeir félagar voru að koma með um
330 kg af ýsu að landi, þegar ljós-
myndari Morgunblaðsins var á ferð í
Sandgerðisbót í vikunni. Aflinn
fékkst í net sem lögð voru skammt
út frá athafnasvæði Slippstöðv-
arinnar, þannig að ekki þurftu þeir
Kristján og Benedikt að sækja langt.
Kristján sagði þetta ágætisafla og
daginn áður lönduðu þeir félagar
um 170 kg. „Það hefur verið ágæt-
iskropp síðustu daga og við erum
ánægðir.“ Kristján sagði að það
hefði sést lítið af ýsu í firðinum und-
anfarin ár en nú væri mun meira af
henni, „og það er ýsugengd um allt.“
Aðspurður hvernig hefði gengið
hjá smábátasjómönnum á Akureyri í
sumar sagði Kristján að menn hefðu
lítið verið á sjó í sumar. „Menn klár-
uðu kvóta sinn í vor og eru ekki
farnir að veiða nýja kvótann sinn að
neinu marki.“
Morgunblaðið/Kristján
Benedikt Hallgrímsson, t.v., og Kristján Hannesson landa afla sínum.
Ágætur ýsuafli
að undanförnu
♦ ♦ ♦