Morgunblaðið - 15.10.2003, Side 17

4. flokki 1992 – 40. útdráttur
4. flokki 1994 – 33. útdráttur
2. flokki 1995 – 31. útdráttur
Nú hefur farið fram útdráttur húsbréfa
í eftirtöldum flokkum:
Koma þessi bréf til innlausnar 15. desember 2003.
Öll númerin verða birt í Lögbirtingablaðinu.
Auk þess liggja upplýsingar frammi hjá Íbúðalánasjóði,
í bönkum, sparisjóðum og verðbréfafyrirtækjum.
Útdráttur
húsbréfa
Borgartúni 21 105 Reykjavík Sími 569 6900 Fax 569 6800 www.ils.is
Höfuðborgin | Akureyri | Suðurnes | Landið
Minnstaður
Höfuðborgarsvæðið Svavar Knútur Kristinsson, svavar@mbl.is, sími 569-1100.
Suðurnes Helgi Bjarnason, helgi@mbl.is, sími 569-1310 og 897-9706. Akureyri Skapti
Hallgrímsson, skapti@mbl.is, Margrét Þóra Þórsdóttir, maggath@mbl.is og Kristján
Kristjánson, krkr@mbl.is, sími 461-1600. Vesturland Ásdís Haraldsdóttir, asdish@mbl.is,
sími 898-5258. Austurland Steinunn Ásmundsdóttir, austurland@mbl.is, sími 862-1169.
Árborgarsvæðið og Landið Guðrún Aðalsteinsdóttir, frett@mbl.is, sími 569-1290.
Mínstund skapti@mbl.is
Ilmandi ítalskt | Þeim, sem vilja vera dá-
lítið flottir á því og bjóða upp á ilmandi
ítölsk brauð með matnum heima hjá sér,
býðst að sækja námskeið þar sem réttu
handtökin við brauðbaksturinn verða
kennd. Námskeiðið verður haldið í eldhúsi
Verkmenntaskólans á Akureyri á mánu-
dagskvöld, 20. október og stendur frá kl. 18
til 22. Friðrik V. Karlsson matreiðslumaður
leiðbeinir, en hann kynnti sér brauðbakst-
urinn á Ítalíu. Bæði er um sýnikennslu að
ræða og eins fá þátttakendur að spreyta sig
sjálfir.
Úr
bæjarlífinu
HÉÐAN OG ÞAÐAN
John getur heitið Jón | Manna-
nafnanefnd hefur nýlega samþykkt að verða
við nokkrum beiðnum útlendinga er flust
hafa til landsins og aðlaga erlend nöfn þeirra
að íslenskri tungu. Meðal nafnanna er að
John getur nefnt sig Jón, gríska nafnið Ilias
verður Elías og Anzhela verður Angela.
Önnur kvenmannsnöfn, samkvæmt þess-
ari samþykkt nefndarinnar, eru Antónia sem
verður Antonía og Marie Aurelia verður
María Árelía.
Af frekari aðlögun karlmannsnafna er það
að segja að grískur maður að nafni Alexand-
er Ionas getur kallað sig Alexander Jónas,
Frode breytist í Fróði, Jacobo verður Jakob,
færeyska nafnið Joen verður Jóhann, Knud
verður Knútur, Krisstyn verður Kristín, fil-
ippeyska nafnið Miguel verður Michael,
Rune frá Svíþjóð verður Rúnar og Stefan
verður Stefán.
Kjósa frekar íslenskt nafn
En af hverju er þessi samþykkt tilkomin?
Því svarar Andri Árnason, formaður manna-
nafnanefndar og hæstaréttarlögmaður.
Hann segir að samkvæmt mannanafnalög-
um er útlendingum sem koma til Íslands
heimilt að halda fullum nöfnum sínum
óbreyttum. Jafnframt geta þeir, ef þeir
kjósa, tekið upp íslenskt nafn.
Að sögn Andra er útlendingum einnig
heimilt að óska eftir því við mannanafna-
nefnd að aðlaga erlent nafn íslensku nafni,
með hliðsjón af 8. gr. og 11. gr. manna-
nafnalaga.
„Mannanafnanefnd hefur margoft tekið til
afgreiðslu beiðnir manna með erlend nöfn
um tiltekna aðlögun erlendra nafna að ís-
lenskum. Tillögur að aðlögun koma þannig
frá viðkomandi aðilum sjálfum,“ segir Andri.
Fiskvinnsla liggurniðri hjá Útgerð-arfélaginu Felli
ehf. í Bolungarvík og
hefur starfsfólki verið
sagt upp störfum, að því
er fram kom á fréttavef
Bæjarins besta á Ísafirði
í gær.
Björgvin Bjarnason,
framkvæmdastjóri fé-
lagsins, segir þar ekki
liggja fyrir hvenær
vinnslan komist í gang á
ný. „Það er stopp í bili
eins og gengur hjá okkur
þessum litlu köllum. Hrá-
efnisverðið er hátt og af-
urðaverðið lágt. Þetta fer
allt saman núna“, segir
Björgvin. Unnin hafa
verið lausfryst saltfisk-
flök hjá fyrirtækinu og
hefur það aflað hráefnis
af fiskmörkuðum og
keypt beint af bátum. Í
sumar voru að jafnaði 8–
10 manns starfandi hjá
fyrirtækinu.
Vinnsla liggur
niðri hjá Felli
Unnið er hörðum höndum í Kárahnjúkavirkjun ogsmám saman lýkur ýmsum áföngum á þessumfyrstu mánuðum verksins. Má sem dæmi nefna
að nú er að mestu lokið við að skafa jarðveg ofan af
klöppum í hlíð Fremri-Kárahnjúks, þar sem meginstífla
virkjunarinnar á að leggjast að hnjúknum. Gerð tvennra
hjáveituganga fyrir Jöklu er nánast lokið og verður ánni
fljótlega veitt þar í gegn svo unnt sé að undirbúa stíflu-
stæðið fyrir uppsteypu. Þá er lokið vegagerð upp úr
Fljótsdal inn að Kárahnjúkasvæðinu og var lagt bundið
slitlag á veginn. Aðbúnaðarmál virðast öll vera að færast
í betra horf og fylgjast íslenskir eftirlitsaðilar náið með
framvindu umbóta í þeim efnum.
Morgunblaðið/Steinunn Ásmundsdóttir
Kárahnjúkabúkolla
Samvinnuverslun erform sem geturkomið íbúunum
öllum til góða,“ segir í
ályktun frá aðalfundi
kjördæmisráðs VG í
Norðausturkjördæmi.
Félagsmenn hvetja til
umræðu um gildi sam-
vinnurekstrar og fé-
lagslegra lausna í at-
vinnu- og hags-
munamálum byggðar-
laga. „Víða í nágranna-
löndum okkar er
samvinnurekstur mik-
ilvæg kjölfesta, til dæm-
is í verslun og hefur
orðið aukning á. Það er
því síður en svo sjálf-
gefið að þróunin þurfi
að verða sú hér á landi
að samvinnurekstur
leggist meira og minna
af.“
Samvinna
Einar Kolbeinssonheyrði frétt umsamþykkt VG
sem greint er frá hér að
ofan og varð þá að orði:
Sumir kasta tærri trú,
traustið setja á Bauginn,
en vinstri-grænir vilja nú,
vekja upp sambandsdrauginn.
Draugur
Mývatnssveit | Ellert Hauks-
son, starfsmaður Kísiliðjunnar,
er hér að svíða gæsir við gas-
loga. Þannig gerir hann þær að
góðgæti á veisluborði. Hann
segist ekki skjóta fugl sjálfur
en seldi vinnufélaga bátkænu
um helgina í skiptum fyrir tíu
gæsir og er harla glaður með
þau býtti enda kænan gömul og
lúin. Þeir þurftu heldur ekki að
togast á um veiðikvóta því veið-
ar úr Mývatni lúta eins konar
byggðakvóta, þ.e.a.s. veiði-
heimildir fylgja jörðum en
hvorki útgerðum né skipum.
Enda er ágæt sátt hér um veið-
arnar.
Gæsaveiði var með mesta
móti í haust enda hefur verið
meira um grágæs í allt sumar
en menn hafa áður séð hér.
Árni bóndi Halldórsson í Garði,
sem er mikil gæsaskytta, segir
mér að gæsin valdi bændum
ómældu tjóni. Hann vill að þeir
fái að verja ræktarlönd fyrir
henni með skotveiði allt sum-
arið. Reyndar kallar hann gæs-
ina landbúnaðarplágu. Gæsin
er hér mest skotin af heima-
mönnum, en eitthvað var um
það í haust að erlendir veiði-
menn kæmu og færu í veiði-
ferðir með leiðsögumanni. Nú
eru gæsaflotarnir farnir héðan
áleiðis til Bretlands til að gefa
þarlendum veiðimönnum kost á
góðgætinu.
Morgunblaðið/Birkir Fanndal
Lét bátkænu fyrir 10 gæsir
Góðgæti SIGLFIRÐINGAR undirbúa nú mikla há-
tíð sem haldin verður árið 2004 til að minn-
ast þess að nú eru liðin 100 ár síðan Íslend-
ingar urðu síldveiðiþjóð og síldarútvegur-
inn varð einn af meginstólpum
nútímasamfélags
á 20. öld.
Þegar Siglu-
fjörður var síld-
arhöfuðstaður
heimsins unnu
þúsundir verka-
manna og -kvenna
við síldina og
nokkurs konar
gullgrafara-
stemning var
ríkjandi. Íbúa-
fjöldinn var eins
og í stórborg, alls
staðar líf og fjör.
Þessa stemningu er ætlunin að reyna að
endurskapa með virkri þátttöku heima-
manna og gesta, innlendra og erlendra.
Stefnt er að því að efna til fjölbreyttrar
menningarhátíðar sem standa mun sum-
arlangt með tónleikum, myndlistar- og
ljósmyndasýningum o.fl. Hápunktur hátíð-
arinnar verður í júlí og eru landsmenn allir
velkomnir að heimsækja Siglufjörð. Boðið
verður upp á fjölbreytta dagskrá og vígð
tvö ný safnhús, síldarverksmiðjusafn og
bátahús.
Undirbúningsnefnd vinnur
að framkvæmd hátíðarinnar
Siglufjarðarkaupstaður hefur ráðið
Theodór Júlíusson leikara til að stjórna
viðburðum. Undirbúningsnefnd skipuð af
bæjarstjórn Siglufjarðar hefur starfað síð-
an í apríl 2001 og mun hún vinna með
Theodóri að framkvæmd hátíðarinnar.
Nefndina skipa: Björn Valdimarsson,
markaðsstjóri Þormóðs ramma – Sæbergs,
Hálfdán Sveinsson framkvæmdastjóri, Ör-
lygur Kristfinnsson, safnstjóri Síld-
arminjasafnsins, og Ólafur Kárason, húsa-
smíðameistari og formaður bæjarráðs.
Siglfirð-
ingar
undirbúa
stórhátíð
100 ár frá upphafi síldar-
ævintýris Íslendinga
Theodór
Júlíusson