Morgunblaðið - 28.11.2003, Blaðsíða 41

LISTIR
MORGUNBLAÐIÐ FÖSTUDAGUR 28. NÓVEMBER 2003 41
Í NORRÆNA húsinu verður á
morgun dagskrá á Alþjóðlegum
samstöðudegi með palestínsku
þjóðinni. Dagskráin hefst kl. 14 og
stendur til kl. 15.30. Ávörp flytja
Omar Kitmitto sendiherra Palest-
ínu, Mörður Árnason þingmaður
Samfylkingarinnar, Katrín Jak-
obsdóttir varaformaður Vinstri
hreyfingarinnar – græns framboðs.
Hjónin Marta G. Halldórsdóttir
söngkona og Örn Magnússon píanó-
leikari flytja nokkur lög.
Listamenn gefa verk sín
Í anddyri verður opnuð myndlist-
arsýning kl. 13–17 þar sem málverk
eftir 20 listamenn verða til sýnis og
til sölu með 30% afslætti. Sýningin
er framhald af List fyrir Palestínu
sem haldin var í Borgarleikhúsinu
13. maí 2002. Listamennirnir sem
gefa verk sín eru Anna Eyjólfs-
dóttir, Anna Gunnlaugsdóttir, Guð-
björg Lind Jónsdóttir, Guðrún
Kristjánsdóttir, Hrafnhildur Sig-
urðardóttir, Jóhanna Bogadóttir,
Jón Axel Björnsson, Jón Reykdal,
Kristín Geirsdóttir, Ósk Vilhjálms-
dóttir, Ragnheiður Jónsdóttir,
Ragnhildur Stefánsdóttir, Sigrid
Valtingojer, Sigurður Magnússon,
Sigurður Þórir Sigurðsson, Stein-
unn Marteinsdóttir, Tryggvi Ólafs-
son, Valgarður Gunnarsson, Val-
gerður Hauksdóttir og Þorbjörg
Höskuldsdóttir.
Andvirði málverkanna rennur
óskipt til hjálparstarfs á herteknu
svæðunum.
Palestínsk börn bregða á leik á herteknu svæðunum.
Samstöðudagur með
palestínsku þjóðinni
UNDANFARIN ár hafa menn
reynt að brúa það bil sem var og er
kanske enn milli klassískrar tónlist-
ar og þeirrar sem mest heyrist í um-
hverfi nútímans. Popp og djassmús-
ík er nú hægt að læra í tónlistar-
skólum ekkert síður en tónlist gömlu
meistaranna og virðulegar sinfóníu-
hljómsveitir eru farnar að spila með
alþýðumúsíköntum eða þá að leika
verk þeirra í „sinfónískum búningi“.
Allt er þetta tímanna tákn. Sala á
geisladiskum með meistaraverkum
tónlistarsögunnar fer heldur minnk-
andi og ný og ný listform og afþrey-
ing keppir stöðugt við það kikk sem
menn fá út úr því að gleyma sér í
perlum sígildra tónbókmennta. Get-
ur verið að fólk í dag hafi ekki tíma
fyrir langar symfóníur með útþöndu
sónötuformi og teygðum hægum
kafla – reyni þess vegna að stytta
eða sleppa forleikjum og „fá það“
strax?
Ef til vill. Sinfóníuhljómsveit
Norðurlands hefur reynt að feta þá
braut að ná til fólksins ekki síst unga
fólksins með skólatónleikum með að-
gengilegri tónlist. Tónleikar hljóm-
sveitarinnar í Glerárkirkju á Akur-
eyri sl. sunnudag voru í þessum anda
og báru yfirskriftina fjölskyldutón-
leikar. Efnisskráin var sumpart efni
frá skólatónleikum undanfarinna
ára, skemmtileg og fjölbreytt. Einn
hljóðfæraleikari var í hverri rödd og
píanó með, þannig að hljómsveitin
var ekki stór en hún reyndist ágæt-
lega samstillt. Fyrst gat að heyra,
Ég er vinur þinn, úr Toy Story-
myndinni í útsetningu stjórnandans,
Guðmundar Óla Guðmundssonar.
Klarínett var í sólóhlutverki í laginu
og hljómaði vel en hefði mátt vera
aðeins sterkara, milliraddir voru of
áberandi. Melódían er synkóperuð
og sveifla í laginu og umhugsunar-
efni hvort ekki hefði átt að hafa lagið
seinna á efnisskránni þegar spila-
mennskan var orðin heitari. Næst
kom menúett eftir Bizet með fallega
leiknu flautusólói Unu Hjartardótt-
ur og góður bragur var á spila-
mennskunni í heild. Hið sama má
segja um verkin sem á eftir komu:
Andante nr. 2 eftir C. Franck með
flottu óbósólói Gunnars Þorgeirsson-
ar, Les dragons d’Alcala eftir Bizet
með þokkafullum fagottleik Dag-
bjartar Ingólfsdóttur og Tokkötu
eftir Stravinskíj, kraftmikið og
skemmtilegt stykki. Tónleikarnir
voru öðrum þræði einskonar hljóð-
færakynning, verkin voru gjarna
með mismunandi hljóðfærum í aðal-
hlutverki og Guðmundur Óli kynnti
þau fagmannlega með stuttum inn-
gangi áður en hljómsveitin hóf að
leika hvert verk. Þetta skapaði meiri
nánd við áheyrendur og án efa virk-
ari hlustun. Pavan eftir Ravel sem
hljómsveitin lék næst skilaði hún
þokkalega en Vivo eftir Stravinsky
þar sem kontrabassinn var í sjald-
heyrðu laglínuhlutverki, og Íslensk
rímnadanslög Jóns Leifs voru betur
leikin. Þegar hér var komið sögu var
skotið inn í efnisskrána útsetningu
stjórnandans á Hani, krummi hund-
ur, svín, með góðri kynningu hans á
breytilegum takti íslenskra þjóðlaga
sem sumir segja að eigi rætur að
rekja til íslenska þúfnagöngulagsins.
Útsetningin var skemmtileg, ekki
síst Karls þáttur Petersens slag-
verksleikara sem spann að hluta til
hvissmikinn slagverkspartinn á
bremsuskál og hjólkopp og fleira.
Síðasta verkið fyrir hlé, Nautabana-
söngurinn úr Carmen, var ágætlega
spilað.
Seinni hluta tónleikanna hóf
hljómsveitin með Finale úr Seren-
öðu eftir Dvorák, en síðan kom And-
ante, nr. 6 eftir C. Franck, og músík
úr myndunum um Hringadróttins-
sögu eftir H. Shore. Sú músík er
hrífandi og dularfull og írskættaður
bodhran-trommuslátturinn gaf
henni magnaðan lit. Öll verkin eftir
hlé voru mjög vel flutt. Síðustu fjög-
ur lögin á tónleikunum voru Á
Sprengisandi og Suðurnesjamenn
eftir Kaldalóns, barnalagið um Óska-
steinana, og James Bond-stefið öll
útsett af stjórnandanum. Útsetning-
arnar eru fjölbreytilegar og lifandi
og hljómsveitin var í góðu stuði, ekki
síst í Bond-laginu þar sem m.a.
kraftmikil básúnustrófa Ingibjargar
Guðlaugsdóttur naut sín vel.
Sinfó fyrir alla
TÓNLIST
Glerárkirkja á Akureyri
Sinfóníuhjómsveit Norðurlands. Fjöl-
skyldutónleikar. Stjórnandi Guðmundur
Óli Gunnarsson. Sunnudagur 23. nóv-
ember.
SINFÓNÍUTÓNLEIKAR
Ívar Aðalsteinsson