Morgunblaðið - 28.11.2003, Blaðsíða 61

ÍÞRÓTTIR
MORGUNBLAÐIÐ FÖSTUDAGUR 28. NÓVEMBER 2003 61
DREGIÐ verður í undankeppni
Evrópukeppni kvennalandsliða í
handknattleik í Zagreb í Króatíu á
lokadegi heimsmeistaramóts
kvennalandsliða sem fram fer í
landinu og hefst 2. desember. Nafn
Íslands verður væntanlega í hatt-
inum ásamt nöfnum tuttugu og
einnar þjóðar. Leikdagar hafa ver-
ið ákveðnir og fer fyrri viðureignin
fram 29. eða 30. maí á næsta ári og
sú síðari 5. eða 6. júní. Sigurvegari
úr leikjunum tveimur vinnur sér
keppnisrétt á HM í Ungverjalandi í
desember á næsta ári.
Þjóðunum 22 verður styrk-
leikaraðað í tvo hópa og fullvíst er
að íslenska liðið verður í lakari
styrkleikaflokknum eins hinar
þjóðirnar fimm sem komust í
undankeppnina upp í gegnum for-
keppnina. Þar með er ennfremur
ljóst að íslenska liðið leikur fyrri
leik sinn á heimavelli og að and-
stæðingurinn, sem fyrirfram verð-
ur talinn sterkari, á síðari leikinn á
heimavelli. Nær öruggt er að ein-
hver eftirtalinna þjóða verði and-
stæðingur Íslands í undankeppn-
inni í vor; Austurríki, Holland,
Hvíta-Rússland, Króatía, Litháen,
Pólland, Rúmenía, Serbía/Svart-
fjallaland, Slóvenía, Spánn, Svíþjóð,
Tékkland, Tyrkland, Úkraína,
Þýskaland.
Vonast er til að Handknattleiks-
samband Evrópu komist í dag að
niðurstöðu í kæru Ítala vegna fram-
kvæmdar leiksins við Íslendinga í
forkeppninni.
Dregið verður í undan-
keppni EM í Zagreb
KNATTSPYRNUYFIRVÖLD í
Bosníu hafa boðið tyrknesku
liðunum Galatasaray og Bes-
iktas að leika heimaleiki sína í
Meistaradeild Evrópu í Sara-
jevo í næsta mánuði. Leik
Galatasaray við Juventus var
frestað og óvíst hefur verið
með leik Besiktas og Chelsea í
lokaumferð riðlakeppninnar
„FK Sarajevo og Knatt-
spyrnusamband Bosníu hafa
sent félögunum formlegt boð
um að sjá um heimaleiki
þeirra. Það yrði okkur mikill
heiður að fá þessa leiki hing-
að.,“ sagði Mirsad Alihodzic,
framkvæmdastjóri FK Saraj-
evo, en leikið yrði á heimavelli
félagsins, Kosevo, sem rúmar
34.600 áhorfendur.
Viðureign Maccabi Haifa
frá Ísrael og Valencia frá
Spáni í UEFA-bikarnum er
líka í uppnámi. Ísraelsmenn
mega ekki leika á heimavelli
vegna óvissuástands þar, og
þeir höfðu fengið inni með
leikinn í Tyrklandi.
Heimaleikir
Tyrkja í
Sarajevo?
Sló með
krepptum
hnefa
EINN af þekktustu knatt-
spyrnumönnum Svíþjóðar
var handtekinn í fyrrinótt
fyrir að slá niður blaðamann
Aftonbladet. Atvikið átti sér
stað á veitingahúsi í miðborg
Stokkhólms. Nafn knatt-
spyrnumannsins hefur ekki
verið gefið upp en sagt er að
hann sé einn af fremstu leik-
mönnum landsins, bæði með
landsliðinu, sem leikmaður í
úrvalsdeildinni og sem at-
vinnumaður erlendis.
Það var menningarblaða-
maðurinn Daniel Nyhlén sem
varð fyrir högginu á veit-
ingahúsinu Aladdin. „Hann
sló mig með krepptum hnefa
í andlitið. Ég valt í tvo hringi
á gólfinu og missti meðvitund
í einhverjar sekúndur,“ sagði
Nyhlén við Aftonbladet.
Hann lýsir aðdragandanum
þannig að knattspyrnumað-
urinn hefði gengið að honum
og sagt honum að hætta að
horfa á sig. Nyhlén kvaðst
ekki hafa verið að horfa á
hann, heldur á félaga hans.
Knattspyrnumaðurinn var
yfirbugaður ásamt félaga
sínum af dyravörðum staðar-
ins.

SIGFÚS Sigurðsson skoraði 6
mörk og fór mikinn í vörn jafnt sem
sókn Magdeburgar-liðsins þegar það
vann Göppingen, 37:34, á útivelli í
þýsku 1. deildinni í handknattleik í
fyrrakvöld. Jaliesky Garcia skoraði í
tvígang fyrir Göppingen. Pólska stór-
skyttan hjá Magdeburg, Grzegorz
Tkaczyk, var rekinn af leikvelli með
rautt spjald á 6. mínútu fyrir gróft
brot og kom hann ekki meira við sögu
í leiknum.

GÍSLI Kristjánsson skoraði 5 mörk
fyrir Fredericia í fyrrakvöld þegar lið
hans vann Silkeborg/Voel með yfir-
burðum á útivelli, 33:18, í dönsku úr-
valsdeildinni í handknattleik. Frede-
ricia hefur heldur betur tekið sig á
eftir slaka byrjun og er komið í sjötta
sætið af fjórtán liðum með 10 stig úr
10 leikjum.

GUÐMUNDUR Stephensen, Ís-
landsmeistari í borðtennis, tapaði
tveimur síðustu leikjum sínum á úr-
tökumóti fyrir Ólympíuleikana í
Aþenu á næsta ári. Í fyrrakvöld tap-
aði hann fyrir Rade Markovic frá
Serbíu/Svartfjallalandi, 4:2, úrslit í
einstökum lotum, 8:11, 11:3, 7:11,
3:11, 11:9 og 5:11. Í gær lá Guðmund-
ur síðan fyrir Kostadin Lengerov frá
Austurríki, 4:0, úrslitin í einstökum
lotum, 11-8, 11-8, 11-7, 11-6.

TIL stóð að Heiðar Helguson, leik-
maður enska knattspyrnuliðsins Wat-
ford, myndi leika með varaliði liðsins
gegn varaliði Charlton Athletic í
fyrrakvöld en vegna rigninga var völl-
urinn þungur og blautur og því var
leiknum frestað, að sögn blaðsins
Watford Observer. Heiðar meiddist á
æfingu í byrjun september þegar aft-
ara krossband í hnénu rifnaði en bat-
inn hefur verið hraðari en gert var
ráð fyrir. Gavin Mahon, annar leik-
maður Watford sem átt hefur í hnjá-
meiðslum, átti einnig að leika með
varaliðinu.

CHELSEA hefur ákveðið að fá til
sín 19 ára gamlan brasilískan knatt-
spyrnumann, Nilmar, og greiðir fyrir
hann um 500 milljónir króna, sam-
kvæmt upplýsingum frá Internacion-
al, félagi hans í Brasilíu. Nilmar upp-
fyllir ekki enn skilyrði um
atvinnuleyfi í Englandi og því verður
hann leigður út tímabilið til rússneska
liðsins CSKA Moskva. Hann leikur
þessa dagana með 20-ára landsliði
Brasilíu í úrslitakeppni heimsmeist-
aramótsins sem fram fer í Sameinuðu
arabísku furstadæmunum.

ENSKA knattspyrnusambandið
hefur boðið Sven-Göran Eriksson
framlengingu á samningi sínum til
ársins 2008. Eriksson tók við enska
landsliðinu fyrir þremur árum og
undir hans stjórn tryggði það sér sæti
á HM 2002 og nýlega á EM í Portú-
gal á næsta ári, án þess að tapa leik í
undankeppninni.
FÓLK
Annað hefur komið á daginn.Chelsea er á mikilli siglingu,
bæði í Meistaradeild Evrópu og
ensku úrvalsdeildinni, og staða Ran-
ieris styrkist með viku hverri.
Því var ennfremur spáð að Ranieri
myndi lenda í miklum erfiðleikum
með hinn stóra og sterka leikmanna-
hóp sem kominn er saman hjá Lund-
únafélaginu og útilokað yrði að halda
öllum stjörnunum sáttum við sitt
hlutskipti. En það hefur gengið ótrú-
lega vel, Ranieri hefur breytt liði sínu
óspart til að halda öllum á tánum og
leyfa sem flestum að spila, og flestum
á óvart hefur sú aðferð gengið upp til
þessa.
Eiður Smári Guðjohnsen er einn
þeirra sem fengið hafa að kenna á
þessum breytingum en hann er sjald-
an í byrjunarliðinu tvo leiki í röð.
Samt lýsir hann eins og aðrir leik-
menn yfir mikilli ánægju með stöðu
mála og að leika undir stjórn Ranier-
is. Eiður Smári sagði við Daily Re-
cord í gær að knattspyrnustjórinn
væri leiftrandi af áhuga og ánægður
með sitt hlutskipti.
„Hann er spenntur og fullur eft-
irvæntingar. Þetta er sú staða sem
hann dreymdi alltaf um. Nú hefur
hann fengið tækifæri til að takast á
við bestu lið heims og hann er virki-
lega ánægður. Það að fá alla þessa
peninga til umráða frá Roman
Abramovich hlýtur að hafa verið fyr-
ir hann eins og að finna töfralampa
með anda sem uppfyllir allar óskir.
Claudio er síbrosandi og virðist afar
afslappaður, en hann er líka geysi-
lega einbeittur. Fyrst þegar hann
kom til félagsins átti hann í erfiðleik-
um með samskipti við leikmenn
vegna þess að hann talaði ekki ensku.
Nú eru skilaboð hans til leikmann-
anna mun skýrari,“ sagði Eiður
Smári.
Um rússneska eigandann segir ís-
lenski landsliðsfyrirliðinn: „Herra
Abramovich mætti á æfingasvæðið
þegar hann hafði keypt félagið og
sagði við okkur: Ég ætla að gera ykk-
ur lífið eins þægilegt og mögulegt er,
ég vil að þið getið einbeitt ykkur að
því að spila sem best og mun sjá til
þess að þið fáið allt sem til þarf.“
Ítalskur Kevin Keegan
Joe Cole, félagi Eiðs Smára hjá
Chelsea, segir að Ranieri sé ítölsk út-
gáfa af Kevin Keegan, síbrosandi og
fjörugur. „Hann er magnaður per-
sónuleiki og ég kann vel að meta
heiðarleika hans. Hann segir það
sem honum býr í brjósti, á auðvelt
með að koma skoðunum sínum á
framfæri og er án nokkurs vafa rétti
maðurinn til að leiða Chelsea á sig-
urbraut,“ sagði Cole við Daily Re-
cord.
Reuters
Claudio Ranieri, knattspyrnustjóri Chelsea, er traustur í sessi.
Hér kallar hann til sinna manna í kappleik á dögunum.
Eiður Smári Guðjohnsen um Claudio Ranieri
Eins og hann hafi
fundið töfralampa
CLAUDIO Ranieri var talinn valtur í sessi sem knattspyrnustjóri
Chelsea þegar rússneski auðkýfingurinn Roman Abramovich
keypti félagið í sumar. Fyrstu vikurnar og mánuðina gat hann lesið
daglegar fréttir um að Sven-Göran Eriksson, landsliðsþjálfari Eng-
lands, myndi leysa hann af hólmi innan skamms og fæstir virtust
búast við því að hann yrði langlífur í starfi.