Morgunblaðið - 04.12.2003, Side 8

FRÉTTIR
8 FIMMTUDAGUR 4. DESEMBER 2003 MORGUNBLAÐIÐ
Íslenska jólasveinaflóran verður æ fjölbreyttari og nú hefur Seðlakrækir bæst í hópinn.
Dagskrá Kvennasögusafnsins
Kvöldvöku- og
ráðstefnuhald
Kvennasögusafn Ís-lands er meðmargt á prjónun-
um á næstunni. Byrjað
verður ákvöldvöku í húsa-
kynnum safnsins í kvöld.
Bæði hún og fleira, m.a.
ráðstefna Kvennasögu-
safnsins á næsta ári, bar á
góma í samtali Morgun-
blaðsins við Emilíu Sig-
marsdóttur, stjórnar-
manns í
Kvennasögusafninu.
– Fyrir hvað stendur
Kvennasögusafnið?
„Kvennasögusafn Ís-
lands var stofnað árið
1975 af Önnu Sigurðar-
dóttur sem rak það á
heimili sínu uns það flutti
í Þjóðarbókhlöðu árið
1995. Safnið er rekið sem
sérstök eining og því er ætlað að
safna og varðveita hvers konar
prentað mál um konur, bækur og
handrit eftir konur, óprentuð
handrit og bréf kvenna, fundar-
gerðir og skjöl hinna ýmsu
kvennasamtaka og önnur gögn
er tengjast sögu kvenna. Safnið
gefur einnig út fræðslurit og
heimildaskrár og greiðir götu
áhugafólks um sögu íslenskra
kvenna.“
– Segðu okkur frá kvöldvök-
unni í kvöld.
„Einn liður í starfsemi safns-
ins er árleg kvöldvaka sem að
þessu sinni er haldin 4. desember
í fyrirlestrarsal Þjóðarbókhlöðu
á 2. hæð og hefst dagskráin
klukkan 20. Þar mun Sigurlaug
Guðmundsdóttir lesa eigin ljóð
og flautuleikarar úr Tónlistar-
skóla Reykjavíkur flytja verk
eftir þrjár íslenskar konur undir
stjórn Hallfríðar Ólafsdóttur.
Hrafnhildur Schram listfræðing-
ur flytur síðan erindi sem hún
nefnir „Myndsálir. Konur og
veruleiki“. Í Listasafni Íslands
stendur nú yfir sýningin „Íslensk
myndlist 1960–1980. Raunsæi og
veruleiki“. Hrafnhildur mun
bregða sterkara ljósi á nokkrar
myndlistarkonur sem voru mjög
sýnilegar í íslensku samfélagi og
áttu þátt í því að setja fram nýjar
hugmyndir um veruleikann og
hlutverk listarinnar. Meðal
þeirra eru Anna Þóra Karlsdótt-
ir, Björg Þorsteinsdóttir, Hildur
Hákonardóttir, Jóhanna Boga-
dóttir, Ragnheiður Jónsdóttir,
Róska, Rúrí, Steina Vasulka,
Þorbjörg Höskuldsdóttir og Þor-
björg Þórðardóttir.
Kvöldvökunni lýkur svo á því
að Freyja Bergsveinsdóttir og
Guðrún Indriðadóttir opna sýn-
ingu í Þjóðarbókhlöðu er þær
nefna „Í orði og á borði. Skriftin
og leirinn saman á ný“. Á sýning-
unni eru skálar, vasar og kerta-
stjakar úr steinleir sem listakon-
urnar hafa unnið í sameiningu.
Guðrún sýnir einnig nokkur verk
úr postulíni og Freyja sýnir letur
á pappír með vísun í handritin.
Aðgangur að kvöldvökunni er op-
inn og tekið vel á móti öllum.“
– Svo er á dagskrá
ráðstefna á næsta ári,
hvert er efni hennar
og yfirskrift?
„Kvennasögusafn
Íslands vinnur ásamt
Rannsóknarstofu í kvennafræð-
um við Háskóla Íslands og
NIKK, Nordisk Institutt for
kvinne og kjönsforskning, að
skipulagi norrænnar ráðstefnu
sem haldin verður í Reykjavík
10.–12. júní á næsta ári. Íslensk
yfirskrift hennar er: „Kvenna-
hreyfingar? Innblástur, íhlutun
og irringar“ og skandinavíska:
„Kvinneorörelser? Inspiration,
intervention og irritation.“ Ráð-
stefnan verður haldin í húsnæði
Háskóla Íslands og Háskólabíói.
Hún er styrkt af Norrænu ráð-
herranefndinni, Háskóla Íslands,
félagsmálaráðherra, Alþingi og
Reykjavíkurborg.“
– Áherslur og markmið ráð-
stefnunnar?
„Markmið ráðstefnunnar er
tvíþætt. Annars vegar að leiða
saman fólk af vettvangi fræða-
starfs, stjórnmála, fjölmiðla og
félagasamtaka og einstaklinga
sem hafa áhuga á eða sinna mál-
efnum kvenna. Hins vegar að
skoða áhrif kvennahreyfinga
Norðurlandanna á samfélög sín
og umheiminn, hvernig staða
rannsókna er á þessu sviði á
Norðurlöndunum og leggja drög
að frekara samstarfi, bæði á sviði
rannsókna og samvinnu milli ein-
staklinga og félagasamtaka.“
– Er kominn vísir að dagskrá
ráðstefnunnar?
„Aðalstarfið fer fram í málstof-
um sem munu taka fyrir kvenna-
hreyfingar fyrr og nú, karlmenn
og femínisma, samþættingu og
ríkisfemínisma, mansal og
vændi, fjölmiðla og kvennahreyf-
ingar, menningu sem sprettur af
kvennahreyfingum, t.d. á sviði
tónlistar og myndmennta, rann-
sóknir og skrásetningu og um-
hverfi rannsókna á sviði kynja-
fræða. Fyrirlestrar verða að
morgni þess 11. og 12. júní og
síðdegis verða pallborðsumræð-
ur.“
– Fyrir hverja er ráðstefnan
hugsuð?
„Ráðstefnan er einkum hugsuð
fyrir fólk úr heimi vísinda,
stjórnmála og fjölmiðla og þá
sem starfa innan
kvennahreyfinga af
hvaða tagi sem er.
Ráðstefnugjald er kr.
14.000 og er innifalið í
því ráðstefnugögn, há-
degismatur og kaffi báða daga
auk móttöku í Ráðhúsi Reykja-
víkur 10. júní. Stúdentar, ein-
staklingar og meðlimir félaga-
samtaka sem ekki styrkja
meðlimi sína geta sótt um lækk-
un á ráðstefnugjaldi á vefsíðu
ráðstefnunnar, sem er www.yo-
urhost.is/island04. Fyrirlestrar
og pallborð verða opnir almenn-
ingi gegn mjög vægu gjaldi.“
Emilía Sigmarsdóttir

Emilía Sigmarsdóttir er fædd í
Reykjavík árið 1950. Hún lauk
háskólaprófi í íslenskum fræðum
og starfar nú sem fagstjóri
menningar og miðlunar hjá
Landsbókasafni Íslands, Há-
skólabókasafni og á sæti í stjórn-
arnefnd Kvennasögusafns Ís-
lands. Emilía er gift Ragnari
Steinarssyni tannlækni og eiga
þau þrjú uppkomin börn.
Að skoða
áhrif kvenna-
hreyfinga