Morgunblaðið - 04.12.2003, Blaðsíða 29

LISTIR
MORGUNBLAÐIÐ FIMMTUDAGUR 4. DESEMBER 2003 29
kórverk eftir Penderecki og Britten. Tónleikarnir eru
haldnir í samvinnu við Myrka músíkdaga. Á Boð-
unardegi Maríu, 28. mars, verða hátíðartónleikar Mót-
ettukórs Hallgrímskirkju þar sem flutt verður Magnific-
at eftir Bach ásamt Magnificat eftir Buxtehude og
kantatan Önd mín miklar Drottin eftir Bach. Meðal ein-
söngvara er Gunnar Guðbjörnsson tenór. 4. apríl er dag-
skrá í framhaldi af ljóðadagskrá Passíusálma+ á Kirkju-
listahátíð. Haldið verður áfram að hvetja íslensk
ljóðskáld til að yrkja í framhaldi eða til hliðar við Pass-
íusálma Hallgríms Péturssonar. Upplestur Passíusál-
manna er föst hefð í Hallgrímskirkju á föstudaginn
langa. Að þessu sinni verður lesarinn Arnar Jónsson.
Tónlistaratriði verða milli lestranna í flutningi félaga úr
Schola cantorum.
Á páskadag verður í hátíðarmessu flutt Páskaverk
fyrir einsöngvara, 14 málmblásara, kór og orgel eftir
John Speight. Vortónleikar með Schola cantorum verða
9. maí kl. 17, Madrigalar og mótettur á vori. Hvíta-
sunnuómar er yfirskrift tónleika Mótettukórs Hallgríms-
kirkju 31. maí. Efnisskráin mun taka mið af væntanlegri
Frakklandsferð kórsins, þar sem hann hefur m.a. fengið
boð um að syngja í Notre Dame-dómkirkjunni í París.
Sumarkvöld við orgelið
Tónleikaröðin „Sumarkvöld við orgelið“ hefst 17. júní
og stendur til 15. ágúst. Organistar frá víðri veröld eru
gestir Klais-orgelsins um helgar, á hádegistónleikum á
laugardögum og kvöldtónleikum á sunnudagskvöldum.
Íslenskir organistar leika í hádeginu á fimmtudögum,
einnig í samleik með öðrum hljóðfæraleikurum eða
söngvurum.
24. október er Hallgrímsdagurinn.
Dagskrá til fjáröflunar fyrir listastarfið í Hallgríms-
kirkju. Kórar, einsöngvarar, hljóðfæraleikur. 27. október
verður 330. ártíðar Hallgríms Péturssonar minnst og 7.
nóvember, á allraheilagramessu, verður Sálumessa eftir
Gabriel Fauré flutt. Flytjendur eru Mótettukórinn og
Kammersveit Hallgrímskirkju ásamt einsöngvurum.
Stjórn Listvinafélags Hallgrímskirkju skipa: Margrét
Eggertsdóttir cand. mag., formaður, dr. Gísli Sigurðsson
íslenskufræðingur, Jón Reykdal myndlistarmaður, Guð-
mundur Hallgrímsson lyfjafræðingur, Þóra Kristjáns-
dóttir listfræðingur og Hörður Áskelsson, kantor Hall-
grímskirkju, sem er listrænn stjórnandi félagsins og
stjórnandi Kammerkórs og Mótettukórs Hallgríms-
kirkju.
NÝTT starfsár Listvinafélags Hallgrímskirkju er hafið
og er það 22. starfsár félagsins. Félagið var stofnað árið
1982 með það að markmiði að efla listalíf við Hallgríms-
kirkju í Reykjavík. Í ár verður lögð sérstök áhersla á að
undirstrika hátíðisdaga kirkjuársins t.d. með tónleikum á
1. sunnudegi í aðventu, boðunardegi Maríu, hvítasunn-
unni og allraheilagramessu. Ný hádegistónleikaröð hefur
göngu sína í ársbyrjun. Þá stendur Listvinafélagið fyrir
fjórum myndlistarsýningum á starfsárinu í forkirkjunni
og gefur út litprentuð kort í tilefni sýninganna. Lista-
mennirnir eru Eyþór Jónsson, Steinunn Þórarinsdóttir
og Magdalena Margrét Kjartansdóttir. Nú stendur yfir
sýning Braga Ásgeirssonar í forkirkjunni.
Á 2. sunnudag í aðventu verða Jólatónleikar Mót-
ettukórs Hallgrímskirkju. Kórinn flytur m.a. þekkta jóla-
sálma með óperusöngkonunni Elínu Ósk Óskarsdóttur
auk valinna kórverka fyrir aðventu og jól. Björn Steinar
Sólbergsson orgel. Tónleikarnir verða aftur fluttir 9. des-
ember. 28. verður dagskrá byggð á ensku fyrirmyndinni
„Nine Lessons and Carols“ þar sem vinsælir jólasálmar
eru sungnir á milli þess sem valdir staðir úr Biblíunni
eru lesnir. Öllum söngvinum er boðið að taka þátt í kór-
söngnum að undangenginni æfingu. Stjórnandi er Hörð-
ur Áskelsson. Á gamlársdag verða Hátíðarhljómar við
áramót að vanda. Organisti kirkjunnar leikur m.a. Tokk-
ötu og fúgu í d-moll eftir Bach, ásamt völdum verkum
fyrir tvo trompeta og orgel, m.a. Adagio eftir Albinoni.
Flytjendur eru Ásgeir H. Steingrímsson trompet, Eirík-
ur Örn Pálsson trompet og Hörður Áskelsson orgel.
Ný hádegistónleikaröð
24. janúar opnar Hörður Áskelsson, organisti Hall-
grímskirkju, nýja hádegistónleikaröð. Um er að ræða
stutta hádegistónleika sem ætlaðir eru til að efla áhuga
og kynna hljóðheim „drottningar hljóðfæranna“. Org-
anistar flytja og kynna valin verk. Þeir eru, auk Harðar,
Gunnar Sigurðsson, organisti Bústaðakirkju, Douglas A.
Brotchie, organisti Háteigskirkju, Kári Þormar, org-
anisti Áskirkju, Matthias Wager frá Stokkhólmi, einn
kunnasti organisti Svía, og Eyþór A. Jónsson, aðstoð-
arorganisti Akureyrarkirkju.
Tveggja kóra tónleikar a cappella verða 8. febrúar.
Kórar Hallgrímskirkju, Mótettukór Hallgrímskirkju og
Schola cantorum, sameinast í flutningi á Messu fyrir tvo
fjögurra radda kóra eftir Frank Martin og frumflytja
verk eftir Hreiðar Inga Þorsteinsson, María, meyjan
skæra. Auk þess flytja kórarnir hvor um sig úrvals-
Morgunblaðið/Golli
Fjölbreytt tónlistardagskrá
hjá Listvinafélaginu
RÉTTINDASTOFA Bjarts hefur
gengið frá samningi um sölu á
skáldsögunni Augu þín sáu mig eft-
ir Sjón til Siurela á Spáni og Apost-
ilos í Litháen. Þar með hefur út-
gáfurétturinn á sögunni verið
seldur til sex landa en hin löndin
eru Danmörk, Svíþjóð, Finnland og
Noregur.
Þess má geta að í síðustu viku
fékk Siruela verðlaun sem besti
bókmenntaútgefandi Spánar árið
2003.
Gagnrýnandi Sydsvenska
Dagbladet segir m.a. um bókina:
„Saga Sjóns vekur manni miklar
vonir um skáldsöguna sem list-
form.“ „Það er eins og H.C. And-
ersen sé að segja sögu eftir Franz
Kafka – eða öfugt. Ekkert þessu
líkt hefur verið skrifað á sænsku og
varla á íslensku heldur,“ segir Leif
Nylen hjá Dagens Nyheter. Gagn-
rýnandi Politiken í Danmörku
sagði að sagan væri skrifuð „í hár-
beittum stíl sem vísast gæti sett
herra og frú Danmörku út af lag-
inu“ og bætti því við að hún væri
„líka fyndin og hreinir galdrar“. In-
formation sagði: „Það eru ekki
margir norrænir höfundar sem
skrifa um þessar mundir texta jafn
leikandi og úthugsað og þessa
skáldsögu.“ Þá sagði Weekendav-
isen söguna „seiðmagnaða“ og
bætti við: „Hið sérlega sjónska er
léttleiki, íþrótt eða glæsileiki; yf-
irlætislaust kæruleysi væri trúlega
réttnefni – viturt og einbeitt kæru-
leysi, víðs fjarri og handan við bæði
tilfinningaþrunginn og tilgerð-
arlegan póstmódernisma.“
Augun þín
sáu mig ger-
ir víðreist
Sjón fær góða dóma erlendis.
KVÖLDVAKA Kvennasögusafnsins
verður í Þjóðarbókhlöðu í kvöld kl.
20. Sigurlaug Guðmundsdóttir les
eigin ljóð. Flautuleikarar úr Tónlist-
arskóla Reykjavíkur flytja verk eftir
Elínu Gunnlaugsdóttur, Hildigunni
Rúnarsdóttir og Báru Grímsdóttur.
Stjórnandi er Hallfríður Ólafsdóttir.
Þá flytur Hrafnhildur Schram list-
fræðingur erindið Myndsálir: Konur
og veruleiki. Hrafnhildur bregður
ljósi á nokkrar myndlistarkonur sem
voru sýnilegar í íslensku samfélagi
árin 1960–1980 og áttu þátt í því að
setja fram nýjar hugmyndir um
veruleikann og hlutverk listarinnar.
Í Listasafni Íslands stendur nú yfir
sýningin „Íslensk myndlist 1960–
1980. Raunsæi og veruleiki“ og eru
verk eftir þær listakonur sem Hrafn-
hildur fjallar um á sýningunni.
Letur og leir
Þá verður opnuð samsýning
Freyju Bergsveinsdóttur, grafísks
hönnuðar, og Guðrúnar Indriðadótt-
ur leirlistarkonu sem nefnist Í orði
og á borði. Þar eru sýndar skálar,
vasar og kertastjakar úr steinleir
sem listakonurnar hafa unnið í sam-
einingu. Guðrún sýnir einnig nokkur
verk úr postulíni og Freyja sýnir let-
ur (skrift) á pappír með vísun í hand-
ritin. Guðrún og Freyja luku báðar
námi frá Myndlista- og handíðaskóla
Íslands árið 1988. Þær hafa starfað
hvor á sínum vettvangi síðan en
einnig saman að ýmsum verkefnum.
Þetta er í fyrsta sinn sem þær tengja
listgreinar sínar saman á þennan
hátt og skapa úr þeim heildstæða
sýningu. Sýningin stendur fram í
janúar.
Kvöldvaka í
Kvennasögusafni
Guðrún Indriðadóttir og Freyja
Bergsveinsdóttir.