Morgunblaðið - 11.12.2003, Page 2

FRÉTTIR
2 FIMMTUDAGUR 11. DESEMBER 2003 MORGUNBLAÐIÐ
HÆRRI LAUN
Eftirlaunaréttur forsætisráðherra
styrkist til jafns við embætti forseta
Íslands, nefndaformenn Alþingis
hækka í launum og það tekur ráð-
herra styttri tíma að ávinna sér full-
an biðlaunarétt samkvæmt nýju
frumvarpi þingmanna úr öllum þing-
flokkum sem lagt var fram á Alþingi í
gær. Flutningsmaður var Halldór
Blöndal.
Fresta gildistöku
Miðstjórn ASÍ telur að nýta eigi
heimildir í samningi um stækkun
EES til að fresta gildistöku ákvæða
um frjálsa för launafólks frá nýjum
aðildarríkjum ESB og að atvinnu-
þátttaka þess byggist á atvinnuleyf-
um þar til búið sé að tryggja góða og
eðlilega framkvæmd sameiginlega
vinnumarkaðarins hér.
Friðarverðlaun afhent
Íranski lögmaðurinn og mannrétt-
indafrömuðurinn Shirin Ebadi tók í
gær við friðarverðlaunum Nóbels við
hátíðlega athöfn í Ósló. Sagði hún
meðal annars í ræðu sinni, að feðra-
veldið en ekki íslam stuðlaði fyrst og
fremst að kúgun kvenna.
Ríki útilokuð
Bandaríkjastjórn hefur ákveðið, að
fyrirtæki í ríkjum, sem voru andvíg
innrásinni í Írak, fái ekki að bjóða í
verk þar í landi. Er það rökstutt með
því, að verkin verði unnin fyrir
bandarískt skattfé. Tekur þetta bann
meðal annars til Frakklands, Þýska-
lands, Rússlands og Kanada. Hafa
viðbrögð við ákvörðuninni verið mjög
hörð og hún sögð munu kynda á ný
undir ágreiningi um Íraksmálin.
Rússar ýfast við
Marc Grossman, einn af aðstoð-
arutanríkisráðherrum Bandaríkj-
anna, skýrði frá því á fundi með
fulltrúum rússneska varnarmála-
ráðuneytisins, rússneskra örygg-
isstofnana og herráðsins, að Banda-
ríkjastjórn ætlaði að koma upp
herstöðvum í Austur-Evrópu og í
sovétlýðveldunum fyrrverandi. Stað-
fest hefur verið, að hún á nú í við-
ræðum við stjórnvöld í Azerbaídsjan
um þetta mál.
Y f i r l i t
Í dag
Sigmund 8 Viðhorf 42
Erlent 18/20 Umræðan 42/47
Heima 22 Minningar 48/49
Höfuðborgin 24/25 Kirkjustarf 52
Akureyri 26 Bréf 58/59
Suðurnes 27/28 Dagbók 60/61
Austurland 29 Brids 61
Landið 30 Sport 62/65
Listir 31/33 Fólk 66/73
Daglegt líf 34/37 Bíó 70/73
Forystugrein 38 Ljósvakamiðlar 74
Þjónusta 41 Veður 75
* * *
Kynningar – Morgunblaðinu í dag
fylgir auglýsingablað frá Apple.
Einnig fylgir Lifun – Jól í Kringlunni.
Morgunblaðið Kringlunni 1, 103 Reykjavík. Sími 5691100 Innlendar fréttir frett@mbl.is Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Erlendar fréttir Ásgeir Sverrisson, fréttastjóri,
asv@mbl.is Viðskipti vidsk@mbl.is Guðrún Hálfdánardóttir, fréttastjóri guna@mbl.is Úr verinu Hjörtur Gíslason, fréttastjóri, hjgi@mbl.is Daglegt líf Guðbjörg Guðmundsdóttir, gudbjorg@mbl.is Listir Orri Páll Ormarsson, ritstjórnarfulltrúi, orri@mbl.is
Umræðan|Bréf til blaðsins Magnús Finnsson, fulltrúi ritstjóra, magnus@mbl.is Hallur Þorsteinsson, hallur@mbl.is Minningar minning@mbl.is Hilmar P. Þormóðsson, Stefán Ólafsson Dagbók|Kirkjustarf Ellý H. Gunnarsdóttir, elly@mbl.is Íþróttir sport-
@mbl.is Sigmundur Ó. Steinarsson, fréttastjóri, sos@mbl.is Fólk í fréttum Skarphéðinn Guðmundsson, skarpi@mbl.is Útvarp|Sjónvarp Andrea Guðmundsdóttir, andrea@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is
SAMTÖK sjómanna og útvegs-
manna, að smábátasjómönnum
undanskildum, ráðgera að afhenda
Árna M. Mathiesen sjávarútvegs-
ráðherra formleg mótmæli í dag
gegn frumvarpi um línuívilnun fyr-
ir dagróðrabáta.
Mótmælaskeyti hafa borist frá
áhöfnum nærri 80 skipa og er ætl-
unin að koma þeim skeytum til ráð-
herra.
Samtökin sem um ræðir eru Sjó-
mannasamband Íslands, Far-
manna- og fiskimannasamband Ís-
lands, Landssamband íslenskra
útvegsmanna og Vélstjórafélag Ís-
lands.
Árni Bjarnason, forseti Far-
manna- og fiskimannasambands-
ins, segir að frumvarpið geti þýtt
300 milljóna króna tekjutap fyrir
sjómenn á aflamarksskipum, miðað
við 800-900 milljóna króna afla-
verðmæti þeirra 5.100 tonna af
þorski, steinbít og ýsu sem lenda í
línuívilnuninni.
Mótmæli gegn línuíviln-
un frá áhöfnum 80 skipa
TVEIR karlmenn sem setið
hafa í tveggja vikna gæsluvarð-
haldi vegna rannsóknar lögregl-
unnar í Reykjavík á stórfelldri
amfetamínframleiðslu í Kópa-
vogi, voru látnir lausir í gær.
Þrír voru í gæsluvarðhaldi
Ekki þótti ástæða til að krefj-
ast áframhaldandi gæsluvarð-
halds í þágu rannsóknar máls-
ins.
Alls voru þrír karlmenn hand-
teknir vegna málsins og var einn
þeirra látinn laus að loknum yf-
irheyrslum en hinir settir í
gæsluvarðhald.
Lausir úr
gæslu-
varðhaldi
NÚ fer spennandi tími í hönd því
í nótt kemur fyrsti jólasveinninn
til byggða. Sá heitir Stekkjar-
staur og í Jólasveinavísum Jó-
hannesar úr Kötlum segir að
sveinninn sá sé stinnur eins og
tré og „laumaðist í fjárhúsin og
lék á bóndans fé“.
Þessar hressu stelpur við Mela-
skólann léku sér úti með jóla-
sveinahúfur á höfði og hver veit
nema þær hafi verið að drepa
tímann þar til Stekkjarstaur
staulast af fjalli. Í það minnsta
eru yngri Íslendingar eflaust full-
ir eftirvæntingar og búnir að
koma skónum vel fyrir úti í
glugga.
Hver er
stinnur
eins og tré?
Morgunblaðið/Ásdís
LOKASKÝRSLA Samkeppnis-
stofnunar um meint samráð trygg-
ingafélaganna er langt á veg komin,
samkvæmt upplýsingum frá stofn-
uninni. Er hennar að vænta í upp-
hafi nýs árs en frumskýrslan var
send til tryggingafélaganna fyrir
tæpum tveimur árum og andmæli
þeirra hafa verið til umfjöllunar
með hléum síðan þá.
Samkvæmt heimildum Morgun-
blaðsins óskuðu tryggingafélögin
eftir því sl. sumar að eiga fundi með
Samkeppnisstofnun áður en loka-
skýrslan yrði gefin út, með það fyrir
augum að reyna að ljúka málinu
með einhvers konar sátt. Standa
slíkir fundir fyrir dyrum á næstu
dögum.
Gunnar Felixson, formaður Sam-
bands íslenskra tryggingafélaga
(SÍT) og forstjóri Tryggingamið-
stöðvarinnar, vildi á þessu stigi ekk-
ert tjá sig um þetta mál er Morg-
unblaðið hafði samband við hann og
vildi heldur ekki staðfesta að félögin
hefðu óskað eftir fundi með Sam-
keppnisstofnun.
Mótmæltu ásökunum
Í frumskýrslu sinni, sem greint
var ítarlega frá í Morgunblaðinu í
ágúst síðastliðnum, komst stofnunin
m.a. að þeirri niðurstöðu að trygg-
ingafélögin hefðu með beinum eða
óbeinum hætti haft með sér víðtækt
samráð um iðgjöld í ökutækjatrygg-
ingum um langt árabil og gripið til
samstilltra aðgerða gegn nýjum
keppinautum í bifreiðatryggingum.
Einnig áttu félögin að hafa átt sam-
ráð varðandi þjónustu, viðskiptakjör
og stundað samkeppnishamlandi
upplýsingamiðlun.
Tryggingafélögin og SÍT vísuðu í
andmælum sínum öllum ásökunum
Samkeppnisstofnunar á bug. Var
því mótmælt að um ólöglegt samráð
hefði verið að ræða. Yrði ekki fallist
á það töldu félögin að í einhverjum
tilvikum væru brotin þá fyrnd.
Tryggingafélögin vilja ná
sátt við Samkeppnisstofnun
AUKNIR tekjuskattar einstak-
linga hafa staðið undir stærstum
hluta aukinnar skattheimtu hins
opinbera, þ.e. ríkis og sveitarfé-
laga, á undanförnum árum. Þáttur
fyrirtækjanna í landinu í tekju-
sköttum hefur hins vegar farið
minnkandi. Skatttekjur hins opin-
bera hafa aukist jafnt og þétt hin
síðari ár en aukningin á tíu ára
tímabili frá 1995 til 2004 verður
um 70% að raunvirði.
Hlutur tekjuskatts hefur vaxið
sem hlutfall af heildarsköttunum,
en hlutur vörslu- og þjónustu-
skatta, þar sem virðisaukaskattur
vegur þyngst, hefur hins vegar
minnkað sem hlutfall af heildinni.
Skatttekjur hins opinbera sem
hlutfall af vergri landsframleiðslu
voru um 39% á árunum 1999 og
2000, sem var umtalsverð hækkun
frá næstu árum á undan en hlut-
fallið var undir 37% árið 1998.
Hlutfallið lækkaði nokkuð á árinu
2001 er það fór undir 38% og var
svipað árið 2002. Gert er ráð fyrir
að á þessu og næsta ári verði
skatttekjur hins opinbera aftur
komnar í um 39% af vergri lands-
framleiðslu.
Um þrír fjórðu hlutar skatttekna
hins opinbera renna til ríkisins en
um fjórðungur til sveitarfélaganna.
Hlutur sveitarfélaganna hefur far-
ið vaxandi á undanförnum árum í
kjölfar tilfærslu á verkefnum frá
ríkinu til sveitarfélaganna.
Einstaklingarnir eru
þeir sem bera hina
auknu skattbyrði
 Skatttekjur/6C
HÉRAÐSDÓMUR Reykjavíkur
dæmdi í gær átján ára pilt í hálfs árs
fangelsi fyrir að slá jafnaldra sinn
nokkur högg í andlitið með gadda-
belti eða krepptum hnefa í janúar sl.
Hann var einnig dæmdur til að
greiða þeim sem fyrir árásinni varð
1.250 þúsund krónur í miskabætur.
Líkamsárásin átti sér stað í húsi í
Öskjuhlíð en sá sem fyrir árásinni
varð hlaut áverka í andliti. Æða- og
sjónhimnur í vinstra auga sködduð-
ust þannig að af hlaust varanleg
sjónskerðing.
Auk óskilorðsbundins 6 mánaða
fangelsis og greiðslu miskabóta
ásamt dráttarvöxtum frá í janúar
var ákærði dæmdur til að greiða
fórnarlambi sínu 65 þúsund krónur í
skaðabætur vegna kostnaðar við að
halda bótakröfunni fram. Einnig var
hann dæmdur til að borga allan sak-
arkostnað, þar með talin 130.000
króna málsvarnarlaun verjanda
síns.
Málið dæmdi Pétur Guðgeirsson
héraðsdómari. Verjandi ákærða var
Hilmar Ingimundarson hrl. Sækj-
andi var Sigríður Jósefsdóttir sak-
sóknari hjá ríkissaksóknara.
Hálfs árs fangelsi