Morgunblaðið - 11.12.2003, Qupperneq 8

FRÉTTIR
8 FIMMTUDAGUR 11. DESEMBER 2003 MORGUNBLAÐIÐ
Þar liggja Bensín-bræður í því.
Þjóðmenningarleg ráðgjöf
Fræðsla og ráð-
gjöf á oddinum
Miðstöð á sviði þjóð-menningarlegrarráðgjafar og
kennslu auk túlkaþjón-
ustu hefur tekið til starfa.
Miðstöðin hefur hlotið
nafnið ICI - Inter Cultural
Iceland. Framkvæmda-
stjóri ICI er Guðrún Pét-
ursdóttir og svaraði hún
nokkrum spurningum
Morgunblaðsins.
– Segðu okkur fyrst,
hvað heitir fyrirtækið og
fyrir hvað stendur nafn
þess?
„Fyrirtækið gengur
venjulega undir nafninu
ICI en það stendur fyrir
Intercultural Iceland.“
– Hver eru helstu
verkefni sem fyrirtækið
gengst fyrir?
„Helstu verkefni okkar eru
fræðsla og ráðgjöf um flest það er
viðkemur fjölmenningarlegum
samfélögum auk þess sem við er-
um með túlkaþjónustu. Við leggj-
um mikla áherslu á fræðsluþátt-
inn og má þar t.d. nefna
fyrirlestra og námskeið um þróun
innflytjendamála á Íslandi, for-
dóma, námskeið um fjölmenning-
arlega kennslu fyrir kennara, fólk
af ýmsum uppruna er með
fræðslu um sína upprunamenn-
ingu og einnig matreiðslunám-
skeið. Fræðslan er bæði ætluð
börnum og fullorðnum. Annar
mikilvægur þáttur starfseminnar
er túlkaþjónustan enda eru sífellt
fleiri stofnanir að átta sig á mik-
ilvægi þess að kalla til túlk þegar
veita á þjónustu fólki sem ekki
hefur náð valdi á íslensku. Á
heimasíðu okkar ,www.ici.is, er
hægt að skoða helstu verkefni
okkar og fræðslutilboð.“
Hver eru helstu markmið
svona fyrirtækis ... og helstu
áherslur?
„Helstu markmið okkar eru að
vinna gegn fordómum og mis-
munun gagnvart fólki af erlend-
um uppruna með markvissri
fræðslu og ráðgjöf. Við lítum svo
á að þekking og reynsla þessa
hóps sé vannýtt í samfélaginu og
því viljum við vekja athygli á
kostum fjölbreytileikans í stað
þess að líta á hann sem vandamál.
Það er alveg ljóst að aukin
fræðsla um fjölmenningarleg
málefni og jákvæð samskipti milli
fólks slær verulega á fordóma og
mismunun.“
– Hvað eruð þið mörg sem
starfið við ICI?
„Við erum fimm konur sem
stofnuðum ICI en við höfum allar
menntun eða langa reynslu af
málefnum innflytjenda. Einn
stofnandi félagsins starfar við
sambærilega miðstöð í Þýska-
landi og erum við því í góðri sam-
vinnu við það félag. Auk okkar
stofnendanna starfar með okkur
hópur fólks af erlendum uppruna,
bæði sem túlkar og við fræðslu.“
– Hver er þörfin fyrir þá
þjónustu sem þið bjóðið?
„Þörfin fyrir fræðslu á þessu
sviði er óumdeild og
það er mikilvægt að slá
aldrei slöku við varð-
andi fræðslu um þessi
mál. Fordómar og ein-
elti eru vandamál í
samfélaginu þótt það
fari ekki hátt enda reynir fólk
sem verður fyrir niðurlægingu og
mismunun af ýmsu tagi frekar að
láta lítið fyrir sér fara og talar
helst ekki upphátt um þá reynslu.
Námskeiðin okkar vinna í raun
gegn öllum tegundum fordóma þó
við leggjum sérstaka áherslu á
fordóma gagnvart fólki af erlend-
um uppruna því það er sá hópur
sem við þekkjum best til. Reynsl-
an af námskeiðunum okkar er
mjög oft sú að þátttakendur
þekkja ekkert fólk af erlendum
uppruna persónulega og eina
myndin sem þeir hafa eru alhæf-
ingar byggðar á sögusögnum eða
neikvæðum staðalmyndum úr
fjölmiðlum. En námskeiðin okkar
um ólíka menningu eru ekki síður
gagnleg til að víkka sjóndeildar-
hring fólks og sýna jákvæðar
hliðar fjölbreytileikans. Skólar,
félagasamtök og jafnvel sauma-
klúbbar hafa verið duglegir að
nýta sér þá fræðslu.“
– Hvernig hafa móttökurnar
verið það sem af er?
„Móttökurnar hafa verið mjög
góðar og oftast er fólk mjög
þakklátt fyrir þessi námskeið og
fræðslu sem við bjóðum upp á.
Hins vegar höfum við haft lítinn
tíma til að kynna félagið þannig
að margir vita ekki af okkur
ennþá.“
– Á fyrirtækið sér einhverja
fyrirmynd?
„Nei við eigum okkur enga sér-
staka fyrirmynd og reyndar hafa
okkar áherslur í þessum málum
vakið nokkra athygli þar sem við
höfum kynnt þær erlendis. Þjóð-
verjar hafa t.d. sýnt námskeiðun-
um okkar mikinn áhuga. Megin
munurinn á okkar áherslum og
því sem er algengast hjá sam-
bærilegum félögum í
Þýskalandi, er að við
bjóðum aðallega upp á
námskeið fyrir „inn-
fædda“ en þeir fyrir
innflytjendur. Okkar
skoðun er sú að allir
hópar hins fjölmenningarlega
samfélags þurfi að gera sér grein
fyrir kostum fjölbreytileikans
fyrir samfélagið í heild. Ég held
að fólk muni smám saman átta sig
á því að ólík hæfni, reynsla,
tungumálakunnátta og þekking á
ólíkri menningu eru ómetanlegir
kostir fyrir nútímasamfélag –
ekki vandamál.“
Guðrún Pétursdóttir

Guðrún Pétursdóttir fæddist í
Hafnarfirði árið 1961. Hún lauk
MA-prófi í félagsfræði frá Freie
Universität Berlin árið 1990 með
aðaláherslu á rasisma og fjöl-
menningarleg samfélög. Auk
þess nam hún fjölmenningarlega
kennslu við Institut für Inter-
kulturelle Erziehung. Árið 1999
lauk hún kennslufræði við Há-
skóla Íslands. Á árunum 1999 til
2003 vann hún sem verkefna-
stjóri fræðsludeildar hjá Miðstöð
nýbúa og Alþjóðahúsi. Nýlega
kom út hennar önnur bók um
fjölmenningarlega kennslu, „All-
ir geta eitthvað – enginn getur
allt“. Guðrún á tvær dætur,
Hrefnu An og Sólveigu Maríu
Thomasdætur.
Oftast er fólk
mjög þakklátt
fyrir þessi
námskeið