Morgunblaðið - 11.12.2003, Síða 22

Í vikunni var hafin smíði á fiskhjalli á Tálknafirði.Hjallurinn verður í minni Hrafnadals, innst ásvæði sem fyrir mörgum árum var notað undir
trönur. Það eru þeir Þór Magnússon og Tryggvi Ár-
sælsson sem standa að smíði hjallsins, en þeir reka hvor
sitt fyrirtækið í smábátaútgerð. Hafa þeir í hyggju að
herða steinbít og smáýsu. Húsið verður 90 fm að grunn-
fleti með u.þ.b. 4 m vegghæð. Fram kom hjá Þór að þeir
stefna að því að byrja að hengja upp í vetur.
Morgunblaðið/Finnur
Þór Magnússon setur niður undirstöður fyrir hjallinn.
Smíði hafin á fiskhjalli
Stykkishólmur | Þeir eru
kampakátir starfsmennirnir á
dekkjaverkstæðinu „Dekk og
smur“ í Stykkishólmi. Það hefur
verið nóg að gera hjá þeim á und-
anförnum dögum, því veturinn er
að minna á sig þessa dagana. Það
gafst þó tími til að slá á létta
strengi. Það reynist Sigurþóri
Hjörleifssyni, eiganda fyrirtæk-
isins, ekki erfitt að taka starfs-
mann sinn, Alfreð Þórólfsson, í
fangið og bera hann inn í kaffi-
stofuna að afloknum góðum degi.
Myndin sýnir að Sigurþór er í
góðu formi rétt orðinn sextugur,
enda setti hann mörg metin í
frjálsum íþróttum hér áður fyrr.
Morgunblaðið/Gunnlaugur Árnason
Á góðum degi á verkstæðinu
Kraftar
Lestrarleikur Morgunblaðsins
24912
Taktu þátt á mbl.is
480 8000
SELFOSSI
Bílasala Suðurlands - Fossnesi 14 - 800 Selfossi
www.toyotaselfossi.is • toyotaselfossi@toyotaselfossi.is
480 8000
M. Bens ML 270 CDI, árg.
2000, ekinn 70 þús.,
sjálfsk., leður, topplúga o.fl.
Verð 3.900 þús.
Toyota Rav 4 VVTI, árg.
2002, ekinn 37 þús., 5 gíra,
dráttarkúla, vindsk. Áhv.
380 þús. Verð 2.290 þús.
Chevrolet Venture LT 3,4,
árg. 2000, ekinn 112 þús.,
sjálfsk., 7 manna lúxusbíll
m/öllu. Áhv. 1.300 þús.
Verð 2.490 þús.
Lexus IS 200, árg. 2000,
ekinn 57 þús., sjálfsk. Áhv.
1.800 þús. Verð 2.050
þús. Fæst fyrir 100 þús. +
yfirtöku.
Toyota Landcruiser 90
GX 3,0 dísel, árg. 2002,
ekinn 44 þús., 5 gíra,
dráttarkúla o.fl.
Verð 3.430 þús.
Sangyong Korando
Family 2,4 dísel, árg.
1999, ekinn 82 þús., 5
gíra. Áhv. 500 þús.
Verð 990 þús.
Höfuðborgin | Akureyri | Suðurnes | Austurland | Landið
Minnstaður
Höfuðborgarsvæðið Svavar Knútur Kristinsson, svavar@mbl.is, sími 569-1100.
Suðurnes Helgi Bjarnason, helgi@mbl.is, sími 569-1310 og 897-9706. Akureyri Skapti
Hallgrímsson, skapti@mbl.is, Margrét Þóra Þórsdóttir, maggath@mbl.is og Kristján
Kristjánson, krkr@mbl.is, sími 461-1600. Vesturland Ásdís Haraldsdóttir, asdish@mbl.is,
sími 898-5258. Austurland Steinunn Ásmundsdóttir, austurland@mbl.is, sími 862-1169.
Árborgarsvæðið og Landið Guðrún Aðalsteinsdóttir, frett@mbl.is, sími 569-1290.
Mínstund frett@mbl.is
Húsvíkurhöfn dýpkuð | Þessa dagana
standa yfir dýpkunarframkvæmdir í Húsa-
víkurhöfn. Á þriðjudag var grafið upp úr
botninum við flotbryggjuna og þurfti að fá
aðstoð frá kafara við að losa um bryggjuna.
Kafarinn var Þórir Gunnarsson og að-
spurður sagði hann að þetta væri með ógeð-
felldari köfunum sem hann hefði farið í því
það væri svo voðalega mikil leðja þarna í
höfninni, að því er fram kemur á fréttavefn-
um skarpur.is.
Úr
bæjarlífinu
HÉÐAN OG ÞAÐAN
Gatnagerð | Framkvæmdir eru hafnar við
gatnagerð í nýjum hverfum í Fjarðabyggð.
Fyrsta áfanga við götuna Bakkagerði á
Reyðarfirði lauk í síðustu viku og var þá
lokið við að grafa og fylla í götustæðið og
leggja lagnir fyrir vatn og fráveitu auk nið-
urfalla.
Heildarkostnaður við verkið nemur rúm-
lega 17 milljónum króna. Gatan er komin í
grófa hæð og tilbúin fyrir jöfnunarlag og
slitlag, að því er fram kemur á heimasíðu
Fjarðabyggðar. Verktaki við verkið var
Gáma- og Tækjaleiga Austurlands á Reyð-
arfirði. Gert er ráð fyrir að framkvæmdir
við húsbyggingar í götunni hefjist fljótlega
en Íslenskir aðalverktakar hafa fengið út-
hlutað lóðum við hana.
Dúddabúð stækkar | Dúddabúð á
Þingeyri hefur stækkað verslunarrými
sitt og hefur inngangi verið breytt. Búið
er að setja upp bökunarofn og er því
stærstur hluti bakkelsis bakaður á staðn-
um og jafnframt er búið að setja upp
kaffihorn í versluninni. Því hefur verið
vel tekið og finnst fólki gott að geta sest
niður og fengið sér kaffi og með því, að
því er fram kemur á Þingeyrarvefnum.
Þar segir jafnframt að mikið og gott
vöruúrval sé í versluninni og allt skipulag
til fyrirmyndar. Auk almennrar matvöru
er vísir að byggingarvörudeild og hefur
verið töluverð hreyfing á efni og tækjum.
Boðið verður upp á vörur fyrir bændur í
smærri einingum s.s. fóðurbætir fyrir
sauðfé, hestablöndu, saltsteina o.fl. „Það
má því segja að kominn sé vísir að kaup-
félagi eins og menn þekktu þau hér á ár-
um áður,“ segir á fréttavefnum thingeyr-
i.com.
Fulltrúar í hrepps-ráði Rangárþingsytrahafa flutt til-
lögu þess efnis að gos-
brunni verði komið fyrir í
Rangá og að brúin yfir ána
við Hellu verði lýst upp.
Óskuðu þeir eftir því að
umhverfisnefnd og at-
vinnu- og ferðamálanefnd
gæfu umsagnir um málið.
Bændablaðið hefur eftir
Guðmundi Inga Gunn-
laugssyni sveitarstjóra að
þær umsagnir hafi verið
mjög jákvæðar. Mönnum
hafi litist vel á hugmynd-
ina og nú verði bara að sjá
hvernig endanleg útfærsla
muni líta út.
Þá var á síðasta fundi
hrepparáðsins samþykkt
heimild til þess að auglýsa
deiliskipulag frí-
stundabyggðar í landi
Svínhaga, sem liggur að
Eystri- Rangá aust-
anverðri. Á svæðinu full-
byggðu verða 106 lóðir og
er gert ráð fyrir að þar
verði á þriðja hundrað
sumarhús.
Rangárgos
Það kom ElínuPálmadóttur áóvart þegar hún
lagðist í flakk að lesa úr
nýrri ævisögu, „Eins og
ég man það“, að undir-
tektirnar voru víða í
vísnaformi. Hjörtur Þór-
arinsson á Selfossi orti til
hennar:
Yndisstund við áttum hér
okkur heim þú sóttir.
Árs og friðar árnum þér
Elín Pálmadóttir.
Eins fékk hún letrað
í korti frá Félagi eldri
borgara:
Eins og þú manst þína ævibraut
og áræðinn feril að baki
farsældin áfram þér falli í skaut
og friður Guðs yfir þér vaki.
Fyrst rætt er um bókaút-
gáfuna fyrir jólin er sjálf-
sagt að grípa í Austfirsk
skemmtiljóð sem Ragnar
Ingi Aðalsteinsson tók
saman fyrir jólin. Þar er
vísa eftir Gísla Björg-
vinsson heitinn, bónda í
Þrastarhlíð í Breiðdal,
um reykingamann:
Jafnan hefur greitt sín gjöld
og goldið meira en skrifað stóð.
Hefur nú í hálfa öld
hóstað fyrir ríkissjóð.
Ævibraut Elínar
pebl@mbl.is
HEIMILT verður að veiða allt að 800
hreindýr 1. ágúst til 15. september á næsta
ári auk kálfa sem fylgja felldum kúm. Er
þetta sami veiðikvóti
og var á liðnu hausti en
umhverfisráðuneytið
veitir heimildina með
fyrirvara um að ekki
verði verulegar breyt-
ingar á stærð hrein-
dýrastofnsins fram að
veiðum.
Í auglýsingu ráðuneytisins kemur fram
að heimilt verður að fella 461 kú og 339
tarfa en tarfaveiði miðast við tveggja vetra
og eldri tarfa en veturgamlir tarfar eru al-
friðaðir.
Þegar horft er til einstakra veiðisvæða er
veiðikvótinn langmestur á Norður-Héraði
(Jökuldalur austan Jökulsár á Brú, Hróars-
tunga, Fella- og Fljótsdalshreppur og Vell-
ir vestan og Skriðdalur vestan Grímsár) en
þar má fella 318 dýr eða um 40% kvótans.
Leyfilegt að
skjóta 800
hreindýr
SJÁLFBOÐALIÐAR Rauða kross Íslands
unnu í samtals 66.411 klukkustundir á veg-
um félagsins á árinu 2002, samkvæmt rann-
sókn Steinunnar Hrafnsdóttur, lektors í fé-
lagsráðgjöf við Háskóla Íslands. Klukku-
stundafjöldinn samsvarar 32 ársverkum en
rannsóknin náði til um 70 prósent af sjálf-
boðaliðum Rauða krossins. Hver króna sem
er kostað til í stuðningi við sjálfboðaliða skil-
ar sér um þrefalt til baka í samfélagslegri
þjónustu, samkvæmt rannsókninni.
Samkvæmt rannsókninni er efnahagslegt
gildi þeirra sjálfboðastarfa sem könnunin
náði til um 112 milljónir króna, en miðað var
við laun á vinnumarkaði í mismunandi störf-
um. Sjálfboðaliðarnir unnu meðal annars við
margvísleg umönnunarstörf, stjórnunar-
störf, neyðarvarnir, fataflokkun, fræðslu og
fjáröflun.
Rannsóknin var gerð að beiðni Rauða
kross Íslands og er liður í samstarfi Reykja-
víkurdeildar Rauða krossins og Háskóla Ís-
lands. Á vegum Rauða krossins starfa um
1.300 sjálfboðaliðar í 51 deild um allt land.
Mikið starf
sjálfboðaliða
hjá RKÍ
♦ ♦ ♦