Morgunblaðið - 13.12.2003, Blaðsíða 8
FRÉTTIR
8 LAUGARDAGUR 13. DESEMBER 2003 MORGUNBLAÐIÐ
Samkrull um raunvísindatímarit
Undirtektirnar
eru jákvæðar
Fyrir skömmu vargreint frá 1. tölu-blaði nýs tímarits
sem fjallar um stjörnu-
fræði, eðlisfræði, efna-
fræði og stærðfræði, en
það eru félög um þessar
greinar sem standa saman
að útgáfunni. Hver hópur
er með einn fulltrúa í rit-
stjórn og fyrir hönd
stjörnufræðinga heitir sá
maður Gunnlaugur
Björnsson, stjarneðlis-
fræðingur við Raunvís-
indastofnun Háskóla Ís-
lands. Gunnlaugur svaraði
nokkrum spurningum
Morgunblaðsins á dögun-
um.
Segðu okkur fyrst frá
tilurð þessa tímarits ...
„Það komu upp hug-
myndir meðal félaga í þessum
hópum þess efnis að það vantaði
vettvang til að koma á framfæri
greinum og ýmsu öðru efni sem
kollegar gætu haft gagn og
ánægju af.“
Hvaða hópa ertu að tala um?
„Það eru Eðlisfræðifélag Ís-
lands, Efnafræðifélag Íslands, Ís-
lenska stærðfræðafélagið og svo
Stjarnvísindafélag Íslands. Svo
ég haldi áfram með tilurð þessa
samkrulls, þá hafa þessi félög
verið dugleg að halda ráðstefnur
í gegnum árin og hafa þá jafnan
erindin af ráðstefnunum verið
gefin út í sérstökum ráðstefnurit-
um. Svo æxlaðist það einhvern
vegin þannig að menn fundu að
ýmsirvoru að gera sömu hlutina
og þá hófust fyrir alvöru þreif-
ingar í þá veru að ná mönnum
saman og sameina kraftana.“
Og nú er blaðið komið út hverj-
ir skipa ritstjórnina?
„Sigmundur Guðbjarnarson er
fyrir hönd Efnafræðifélagsins.
Hann er aldursforsetinn og óop-
inber formaður ritstjórnarinnar.
Ari Ólafsson er fyrir hönd Eðl-
isfræðifélagsins og Ragnar Sig-
urðsson er fyrir hönd Íslenska
stærðfræðafélagsins. Síðan er ég
fulltrúi Stjarnvísindafélagsins.“
Hvað er þetta stór hópur les-
enda samanlagt?
„Ég er nú ekki með alveg upp
á haus, en þetta eru vel á fimmta
hundrað manns og félagar í þess-
um félögum fá blaðið sent heim.“
Hvernig kostið þið þetta blað?
„Við höfum verið styrktir til að
koma þessu af stað. Menntamála-
ráðuneytið, Almanakssjóður HÍ
og Menningarsjóður Íslands-
banka hafa látið fé af hendi rakna
og það dugar okkur til að koma
út um það bil tveimur fyrstu tölu-
blöðunum. Vonandi fáum við með
þeim vísbendingu að vita hvort
þetta blað á framtíð fyrir sér eða
ekki. Það er einmitt planið, að
gefa þetta út í eitt ár, koma út
tveimur til þremur tölublöðum og
sjá svo til með framhaldið.“
Hvernig hafa viðtökurnar ver-
ið?
„Mér sýnist að menn séu bara
yfir höfuð mjög kátir
þó ekki væri út af öðru
en að loksins hafi verið
stigið þetta skref, að
reyna þessa útgáfu.
Ég hef ekkert heyrt
nema jákvætt um blað-
ið. Að vísu hef ég engan talað við
sem er búinn að lesa blaðið
spjalda á milli, en eigi að síður
lofar það góðu sem liggur fyrir.“
Verður engum vandkvæðum
bundið að raða efni í blaðið þegar
fjórir hópar eiga aðild að blaðinu?
„Það má segja að í tveimur af
þremur blöðum ársins verði ein-
hver slagsíða ef við getum orðað
það svo. Þá á ég við, að það félag
sem nýlega hefur haldið ráð-
stefnu og er með mikið efni fyr-
irliggjandi mun fá það efni birt í
næsta tölublaði, en hin félögin
leggi þá til viðbótarefni eftir
þörfum. Það er samkomulag um
þetta efni og verður ekki deilu-
mál.“
En hvað með þetta þriðja blað
sem ekki á að hafa slagsíðu?
„Það er búið að ræða mikið um
efnistök og þvíumlíkt og allir vor-
um við sammála um að eitt tölu-
blað á ári verði öðru vísi, þá á ég
við að það verði léttara að efnis-
vali. Fjölbreyttara og léttara.
Með því móti viljum við koma til
móts við almenning. Hafa eitt
tölublað þannig að efni þess verði
aðgengilegt, fræðandi og umfram
allt læsilegt öðrum en sérfræð-
ingum.“
Hverjar eru áherslurnar í
fyrsta tölublaðinu?
„Þær eru á léttari nótunum
svona á heildina litið. Við getum
sagt að þetta sé þetta þriðja blað.
Blaðið er með blönduðu efni.
Sumar greinarnar eru fremur
snúnar og kannski aðeins á færi
sárafárra að botna í þeim, en aðr-
ar eru léttari og beinlínis fróðleg-
ur skemmtilestur.“
Hvenær kemur svo næsta tölu-
blað?
„Ja, við ætluðum að koma því
út fyrir áramót, en þetta er ekki
góður tími í prentsmiðjunum.
Þær eru á fullu í jólabókunum,
blaðið verður því lík-
lega að bíða fram í jan-
úar. En það hefði verið
skemmtilegt að byrja
með slíkum látum, að
koma tveimur fyrstu
tölublöðunum út í
sama mánuðinum.“
Hvað ber svo framtíðin í skauti
sér?
„Þessu er ekki hægt að svara.
Það má segja að þetta blað hafi
orðið til í æðisgengnu bjartsýnis-
kasti. Við erum hins vegar komn-
ir niður á jörðina aftur og
ákveðnir í að sjá bara til og leyfa
þessu að þróast.“
Gunnlaugur Björnsson
Gunnlaugur Björnsson fæddist
á Akranesi hinn 7. maí 1958.
Stúdent frá MR 1978 og BSc í
eðlisfræði frá HÍ 1982. Kenndi þá
í tvö ár, en lauk síðan dokt-
orsnámi í stjarneðlisfræði frá Ill-
inois-háskóla 1990. Vann síðan í
fjögur ár við rannsóknir hjá Nor-
dita, norrænni rannsókn-
armiðstöð í eðlisfræði í Kaup-
mannahöfn, en hefur síðan ýmist
kennt eða stundað rannsóknir á
vegum HÍ eða Raunvísindastofn-
unar HÍ. Maki er Ástríður Jó-
hannesdóttir og eiga þau tvær
dætur.
Ég hef ekkert
heyrt nema
jákvætt
um blaðið
Fáðu úrslitin
send í símann þinn