Morgunblaðið - 13.12.2003, Blaðsíða 89

ÍÞRÓTTIR
MORGUNBLAÐIÐ LAUGARDAGUR 13. DESEMBER 2003 89
 ANTON Gylfi Pálsson og Hlynur
Leifsson, milliríkjadómarar í hand-
knattleik, fara til Valencia á Spáni í
byrjun janúar og dæma þar tvær við-
ureignir í Evrópukeppni bikarhafa
kvenna. Þar eigast við spánska liðið
Ferrobus Mislata og Gil Eanes-Lag-
os frá Portúgal 9. og 10. janúar.
 STEFÁN Arnaldsson og Gunnar
Viðarsson, milliríkjadómarar, dæma
leik austurríska liðsins Hypo Nieder-
österreich og DIN-Classic Nis frá
Serbíu-Svartfjallalandi í Meistara-
deild kvenna í Austurríki 16. janúar.
 HÁKON Sigurjónsson verður eft-
irlitsmaður á leik danska kvennaliðs-
ins Ikast Bording EH og Buducnost
Monet frá Serbíu-Svartfjallalandi í
Danmörku fyrstu helgina í janúar.
 ÓLI Ólsen verður eftirlitsmaður á
leik norska liðsins Vag HK og gríska
liðsins Ionias í EHF-keppni kvenna í
Noregi 10. janúar.
 BJÖRN Jóhannesson verður eftir-
litsmaður á leik Frankfurter HC og
Silcotub Zalau frá Rúmeníu í Evr-
ópukeppni bikarhafa hjá konum í
Frankfurt 17. janúar. Kjartan Stein-
bach verður eftirlitsmaður á leik
danska kvennaliðsins FCK og Loko-
motiva Zagreb frá Króatíu í Kaup-
mannahöfn 17. janúar.
 KVENNASVEIT Hollands setti
nýtt heimsmet í 4x50 metra skrið-
sundi á Evrópumótinu í sundi í 25
metra laug í Dyflinni á Írlandi í gær.
Tími sveitarinnar var 1.38,13 mínút-
ur.
 MILORAD Cavic frá Serbíu/
Svartfjallandi setti heimsmet í 100
metra flugsundi á EM í 25 metra laug
sem fram fer í Dublin. Cavic kom í
mark á tímanum 50,02 sek. en gamla
metið átti Þjóðverjinn Thomas
Rupprath sem hann setti í Berlín
þann 27. janúar árið 2002.
 TALSMENN Alþjóðafrjálsíþrótta-
sambandsins, IAAF, sögðu í gær að
það væri ekki rétt hjá CJ Hunter að
IAAF hefði reynt að breiða yfir lyfja-
mál kúluvarparans fyrir Ólympíu-
leikana í Sydney í Ástralíu sumarið
2000. Hunter heldur því fram að
IAAF hafi hvatt hann til þess að gera
sér upp meiðsli og hætta við þátttöku
á ÓL eftir að ljóst var að hann hafði
fallið á lyfjaprófi.
 FORRÁÐAMENN norska liðsins
Vålerenga hafa reiknað það út að fé-
lagið muni hagnast um 30-35 millj.
kr. á þátttöku sinni í þriðju umferð
UEFA-keppninnar í knattspyrnu.
Mótherjar liðsins verða enska liðið
Newcastle og er gríðarlegur áhugi á
leiknum í Noregi.
 RONNY Ackermann sigraði í nor-
rænni tvíkeppni á skíðum sem fram
fór í gær. Þjóðverjinn hefur unnið öll
fjögur heimsbikarmótin til þessa en í
gær var keppt í Val di Fiemme á Ítal-
íu. Ackermann var með forskot eftir
skíðastökkið og var því með þægilega
stöðu fyrir 15 km. skíðagönguna.
FÓLK
FYRSTUDEILDARLIÐ Breiðabliks
í knattspyrnu fékk góðan liðsstyrk í
gær en þá gekk Sverrir Sverrisson í
raðir Kópavogsliðsins og skrifaði
undir tveggja ára samning við félag-
ið. Sverrir hefur leikið með Fylkis-
mönnum undanfarin fjögur ár og
þar áður með ÍBV. Sverrir lék í tvö
ár sem atvinnumaður með Malmö í
Svíþjóð og 17 sinnum hefur hann
klæðst íslenska landsliðsbúningnum
en hann er 33 ára gamall miðjumað-
ur. Hjá Blikum hittir Sverrir fyrir
Bjarna Jóhannsson þjálfara og segja
má með sanni að leiðir þeirra liggi
saman enn einn ganginn en Sverrir
lék undir stjórn Bjarna hjá ÍBV,
Fylki og Tindastóli þar sem ferill
hans í meistaraflokki hófst.
Sverrir í
Breiðablik
Munurinn á liðunum í fyrrihálfleik lá fyrst og fremst í
breiddinni. Lið KA virkaði jafnt og
flestir í byrjunarlið-
inu skiluðu sínu vel.
Hjá gestunum stóð
markvörðurinn
Hlynur Morthens
upp úr en hann varði 12 skot í hálf-
leiknum. Engu að síður var KA yf-
ir 15:10 í leikhléi en sóknarleikur
Gróttu/KR var slakur og aðeins
tveir menn sem komust á blað.
Vörn KA var vissulega þétt fyrir
og hreyfanleg.
KA-menn gerðu endanlega út
um leikinn á snörpum kafla í upp-
hafi seinni hálfleiks er þeir breyttu
stöðunni úr 15:11 í 21:11. Þeir
héldu 10 marka forystu lengi vel
en fóru síðan að hvíla lykilmenn og
huga að jólafríinu, sem gestirnir
virtust reyndar fyrir nokkru
komnir í. Þá kom loks góð rispa
hjá Gróttu/KR og Þorleifur
Björnsson blómstraði og raðaði inn
nokkrum mörkum. Gestirnir
minnkuðu muninn í 5 mörk þegar 7
mínútur voru eftir en nær komust
þeir ekki.
„Þetta var einn albesti leikur
okkar í vetur, að minnsta kosti
fyrstu 45 mínúturnar,“ sagði Arnór
Atlason eftir leikinn. Hann hefur
skorað ríflega 10 mörk að með-
altali í leik í vetur en hafði hægt
um sig núna og skoraði aðeins 4.
„Það skiptir ekki máli hvað ég
skora mörg mörk þegar liðið spilar
svona vel. Sigurinn var sætur og
stigin skipta máli fyrir okkur í úr-
valsdeildinni,“ sagði Arnór.
Lítil fyrirhöfn hjá Fram
Leikmenn Fram áttu ekkinokkrum vandræðum með að
leggja lið Aftureldingar að velli í
gærkvöldi, í efstu
deild karla í hand-
knattleik, n-riðli
RE/MAX deildar.
Liðin mættust á
heimavelli Mosfellinga og höfðu
gestirnir leikinn í hendi sér nær
allan tímann. Með sigrinum kom-
ust Framarar í 16 stig og deila því
efstasæti norðurriðils Íslandsmóts-
ins með Valsmönnum sem eiga leik
til góða.
Það var ljóst frá upphafi að
heimamenn myndu eiga í erfiðleik-
um með Fram. Gestirnir spiluðu
góða vörn sem Afturelding átti erf-
itt með að finna glufur á, og mörg
af þeim skotum sem Framvörnin
missti af voru stöðvuð af mark-
manni gestanna, Egidijus Petkev-
icius. Um miðjan fyrri hálfleik
voru Framarar búnir að ná 5
marka forskoti, 5:10, og hélst sá
munur þar til flautað var til leik-
hlés.
Gestirnir byrjuðu seinni hálfleik-
inn af miklum krafti og kafsigldu
leikmenn Aftureldingar. Heima-
menn virtust hálfvankaðir í upp-
hafi hálfleiksins og fljótlega voru
gestirnir komnir með 10 marka
forystu, 10:20. Þegar hér var kom-
ið sögu gat Heimir Ríkharðsson,
þjálfari Fram, leyft sér að senda
varalið sitt inn á. Það breytti litlu,
þetta var ekki dagur Aftureldingar
og þegar flautað hafði verið til
leiksloka höfðu gestirnir í Fram
uppskorið 14 marka sigur, 19:33.
Leikmenn Fram þurftu ekki að
hafa mikið fyrir þessum sigri.
Petkevicius stóð sig vel í markinu í
fyrri hálfleik fyrir aftan sterka
vörn. Hafsteinn Ingólfsson var at-
kvæðamestur Framara í leiknum
og skoraði 8 mörk. Héðinn Gilsson
og Valdimar Þórsson áttu einnig
fínan leik.
Leikmenn Aftureldingar mættu
liði sem er einfaldlega mun betra
en þeirra og áttu þeir erfiðan dag.
Einar Ingi Hrafnsson var þeirra
atkvæðamestur með 5 mörk og
Vlad Troufan kom næstur með 3
mörk.
Morgunblaðið/Kristján
Einar Logi Friðjónsson, KA-maður, brýst í gegnum vörn Gróttu/KR og skorar eitt marka sinna í leiknum.
Yfirburðir hjá KA
KA tók á móti Gróttu/KR í gær í
efstu deild karla í handknatt-
leik, n-riðli RE/MAX deildar og
hafði KA talsverða yfirburði þótt
aðeins hefði munað fimm mörk-
um í lokin, 28:23. Bæði liðin
voru með 14 stig fyrir leikinn og
voru að keppa um að taka fleiri
stig með sér í úrvalsdeildina
eftir áramót. Það var aldrei
spurning hvorum megin sig-
urinn lenti því KA-menn voru
komnir með 10 marka forskot
fljótlega í seinni hálfleik en þeir
slökuðu á undir lokin.
Stefán Þór
Sæmundsson
skrifar
Benedikt Rafn
Rafnsson
skrifar
ALIAKSANDR Shamkuts leik-
maður Íslandsmeistaraliðs Hauka
í handknattleik öðlaðist í gær ís-
lenskan ríkisborgararétt.
Þrír erlendir leikmenn hafa
verið í í herbúðum Hauka það sem
af er vetri, Litháarnir Robertas
Pauzuolis og Dalius Racikevicius,
auk Shamkuts. Samkvæmt reglu-
gerð Handknattleikssambandsins
má einungis tefla fram tveimur
erlendum leikmönnum í einu í
keppni og af þeim sökum hefur
Shamkuts þurft að vera utan vall-
ar það sem af er Íslandsmótinu.
Hann hefur hins vegar spilað Evr-
ópuleikina þar sem hann hefur
staðið sig afar vel.
Shamkuts hefur verið búsettur
á Íslandi frá árinu 1998. Hann lék
með Stjörnunni tímabilið 1998-99
en gekk í raðir Hauka eftir það
og er á sínu fimmta tímabili með
Haukum.
Guðmundur Guðmundsson
þjálfari íslenska landsliðsins í
handknattleik sagði í gær að
Shamkuts kæmi vel til greina í
landsliðið en fimm ár eru síðan
hann lék með landsliði Hvíta-
Rússlands. „Þeir sem leika vel
eiga möguleika á að komast í
landsliðið. Shamkuts er vissulega
spennandi leikmaður og ég mun
fylgjast með honum sem og fleiri
leikmönnum á næstunni,“ sagði
Guðmundur.
Yakova og Anulyté með
íslenskt ríkisfang
Hanna Yakova leikmaður hand-
knattleiksliðs ÍBV frá Vestmanna-
eyjum öðlaðist ríkisborgararétt í
gær en hún er frá Úkraínu.
Sandra Anulyté leikmaður
kvennaliðs Hauka í handknattleik
öðlaðist ríkisborgararétt í gær en
hún er fædd í Litháen.
Shamkuts íslenskur ríkisborgari
ARNÓR Atlason, stórskyttan
efnilega hjá KA, er á leiðinni til
Alfreðs Gíslasonar og læri-
sveina hans hjá Magdeburg í
Þýskalandi. Þar ætlar hann að
skoða aðstæður og æfa með lið-
inu. „Já, ég fer út á fimmtudag-
inn til að skoða aðstæður hjá
Magdeburg. Ég mun fara á æf-
ingu hjá liðinu og sjá leikinn á
móti Skjern í meistaradeildinni.
Það er virkilega gaman að stóru
liðin skuli vera farin að taka eft-
ir manni,“ sagði Arnór en marg-
ir hafa viljað sjá hann í íslenska
landsliðshópnum.
Að sjálfsögðu hangir á spýt-
unni að Arnór verði atvinnu-
maður hjá Magdeburg þótt of
snemmt sé um slíkt að spá.
Fyrsta skrefið hefur hins vegar
verið tekið og talsverðar líkur
eru á því að KA þurfi að sjá á
eftir Arnóri næsta sumar
Arnór til Magdeburg