Morgunblaðið - 14.12.2003, Síða 57

FRÉTTIR
MORGUNBLAÐIÐ SUNNUDAGUR 14. DESEMBER 2003 57
NÝ endurbætt hárgreiðslustofa var
opnuð á dögunum í Háholti 14 í
Mosfellsbæ þar sem áður var Hár-
hús Önnu Silfu. Nýja hárgreiðslu-
stofan heitir ARISTÓ – hárstofa og
eru eigendur hennar fyrrum starfs-
menn Hárhússins þær Inga Lilja,
Jónheiður og Guðrún Elva. Boðið
er upp á alla almenna hárþjónustu
og hefur vöruúrval verið aukið.
Opnunartími ARISTÓ – hárstofu
er virka daga kl. 9-18 og laugar-
daga kl. 9-13 eða eftir samkomu-
lagi, segir í fréttatilkynningu.
Eigendur stofunnar, þær Inga Lilja, Jónheiður og Guðrún Elva.
Ný hárgreiðslustofa opnuð
HÆSTIRÉTTUR telur að Heilsa
ehf. hafi brotið samkeppnislög með
ófullnægjandi verðmerkingum í
versluninni Heilsuhúsinu við Skóla-
vörðustíg. Hefur rétturinn því sýkn-
að samkeppnisráð af kröfum Heilsu
sem krafðist þess að felldur yrði úr
gildi úrskurður áfrýjunarnefndar
samkeppnismála um að sekta fyrir-
tækið um 400 þúsund krónur.
Í dómi Hæstaréttar kemur fram
að skv. 31. gr. samkeppnislaga skuli
fyrirtæki sem selji vörur til neyt-
enda, merkja vöru sína með sölu-
verði eða sýna það á svo áberandi
hátt á sölustaðnum að auðvelt sé fyr-
ir neytendur að sjá það. Hæstiréttur
segir að hluti söluvarnings Heilsu
hafi ekki verið verðmerktur með
þeim hætti sem mælt sé fyrir um í
samkeppnislögum og reglum þar að
lútandi. Þess í stað hafi fyrirtækið
komið fyrir í verslun sinni svoköll-
uðum verðskanna en með því að bera
strikamerkingu á söluhlut að skann-
anum kom söluverðið fram á honum.
Þessi aðferð gat að mati réttarins
ekki komið í stað þeirra aðferða við
verðmerkingar sem lög og reglur
mæla fyrir um. Málið var dæmt ný-
verið af hæstaréttardómurunum
Gunnlaugi Claessen, Árna Kolbeins-
syni og Ingibjörgu Benediktsdóttur.
Lögmaður Heilsu ehf. var Stefán
Geir Þórisson hrl. og lögmaður sam-
keppnisráðs Karl Axelsson hrl.
Samkeppnislög brotin með
ónógum verðmerkingum