Morgunblaðið - 16.12.2003, Blaðsíða 2

FRÉTTIR
2 ÞRIÐJUDAGUR 16. DESEMBER 2003 MORGUNBLAÐIÐ
OPIN RÉTTARHÖLD
Háværar kröfur eru um það í
Írak að Saddam Hussein, fyrrver-
andi forseti, verði strax leiddur
fyrir rétt og tekinn af lífi. George
W. Bush Bandaríkjaforseti segir
hins vegar að Saddam muni fá
sanngjarna málsmeðferð. Kofi
Annan, framkvæmdastjóri Sam-
einuðu þjóðanna, segir aftur á
móti að SÞ geti ekki stutt áform
um að leiða Saddam fyrir dómstól
þar sem sakborningurinn ætti
hugsanlega yfir höfði sér dauða-
refsingu.
Kominn í le it irnar
Eigandi kínverskrar nuddstofu í
Kópavogi var sá sem auglýsti eftir
manni í Fréttablaðinu á föstudag.
Sá hefur látið vita af sér. Lög-
reglan í Kópavogi rannsakar
þjófnaðarmál sem tengist nudd-
stofunni og segir eigandi hennar
að maðurinn hafi stolið peningum.
Kjaradei la t i l sáttasemjara
Starfsgreinasambandið hefur
vísað kjaradeilu sinni við rík-
isvaldið til ríkissáttasemjara og
kynnt SA nýja kröfugerð í lífeyr-
ismálum, þar sem krafist er sam-
bærilegra lífeyrisréttinda og rík-
isstarfsmenn búa við. Formenn
landssambanda og þriggja stærstu
aðildarfélaga Alþýðusambands Ís-
lands samþykktu áskorun um að
samningar um lífeyrismál verði
teknir til endurskoðunar „með það
að markmiði að lífeyrisréttindi alls
launafólks verði samræmd við líf-
eyrisréttindi í A-deild Lífeyr-
issjóðs starfsmanna ríkisins“.
Meðferð stytt
Meðferðartími á Stuðlum var
styttur úr níu vikum í sex til að
stytta biðlista. Nú er bið eftir
meðferð aðeins 1–2 vikur en var
áður 3–8 mánuðir. Talið er að
stytting meðferðarinnar hafi ekki
komið niður á árangri hennar.
Mjög mikilvægt er að fá börnin
sem fyrst í meðferð.
Glæsi íbúðir í miðbæinn
Hugmyndir eru uppi um að
breyta Eimskipafélagshúsinu í
glæsiíbúðir. Jón Axel Ólafsson
hefur óskað eftir viðræðum við
Landsbanka Íslands um kaup á
húsinu. Landsbankinn hefur tekið
þessu vel og skoðar málið.
Y f i r l i t
Í dag
Sigmund 8 Viðhorf 36
Viðskipti 14 Minningar 36/39
Erlent 15/17 Kirkjustarf 39
Minn staður 18 Umræðan 40/43
Höfuðborgin 19/20 Bréf 48
Akureyri 20/21 Dagbók 50/51
Suðurnes 22 Staksteinar 50
Austurland 24 Íþróttir 52/55
Landið 25 Kvikmyndir 56
Listir 26/29 Fólk 56/61
Daglegt líf 30/31 Bíó 58/61
Forystugrein 32 Ljósvakar 62
Þjónusta 35 Veður 63
* * *
Morgunblaðið Kringlunni 1, 103 Reykjavík. Sími 5691100 Innlendar fréttir frett@mbl.is Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Erlendar fréttir Ásgeir Sverrisson, fréttastjóri, asv@m-
bl.is Viðskipti vidsk@mbl.is Guðrún Hálfdánardóttir, fréttastjóri guna@mbl.is Úr verinu Hjörtur Gíslason, fréttastjóri, hjgi@mbl.is Daglegt líf Guðbjörg Guðmundsdóttir, gudbjorg@mbl.is Listir menning@mbl.is Orri Páll Ormarsson, ritstjórnarfulltrúi, orri@mbl.is
Umræðan|Bréf til blaðsins Magnús Finnsson, fulltrúi ritstjóra, magnus@mbl.is Hallur Þorsteinsson, hallur@mbl.is Minningar minning@mbl.is Hilmar P. Þormóðsson, Stefán Ólafsson Dagbók|Kirkjustarf Ellý H. Gunnarsdóttir, elly@mbl.is Íþróttir sport@mbl.is
Sigmundur Ó. Steinarsson, fréttastjóri, sos@mbl.is Fólk í fréttum Skarphéðinn Guðmundsson, skarpi@mbl.is Útvarp|Sjónvarp Andrea Guðmundsdóttir, andrea@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is
DAVÍÐ Oddsson forsætisráðherra
segir að miðað við aðstæður í dag
séu ekki aðrir kostir til stjórnunar í
landinu en þeir
tveir flokkar sem
mynda núverandi
ríkisstjórn. Þetta
segir forsætis-
ráðherra að hafi
komið bersýni-
lega í ljós á Al-
þingi síðustu
daga við af-
greiðslu eftir-
launafrumvarpsins, þar sem menn
hafi tekið fyrirmælum utan úr bæ
með ótrúlegum hætti. Þessi ummæli
lét forsætisráðherra falla í viðtali í
Kastljósinu í Ríkissjónvarpinu í
gærkvöldi, þar sem hann var m.a.
spurður um afgreiðslu eftirlauna-
frumvarpsins.
Þar var Davíð einnig spurður
hvað hann tæki sér fyrir hendur
þegar hann stigi upp úr stól for-
sætisráðherra 15. september á
næsta ári og svaraði hann því til að
hann hefði ekki ennþá tekið ákvörð-
un um það hvort hann yrði áfram í
ríkisstjórn eða hvort hann myndi
starfa sem formaður Sjálfstæðis-
flokksins utan ríkisstjórnar.
„Það hefur Ólafur Thors gert,
Hermann Jónasson gerði það einnig
utan ríkisstjórnar sem Framsókn-
arformaður, þannig að allt er þetta
til í þessu. Mér þykir afar vænt um
að það tókst áframhaldandi sam-
starf milli núverandi stjórnarflokka
út þetta kjörtímabil. Ég tel að at-
burðirnir sem urðu í þinginu í
kringum þetta mál sem við ræddum
hér fyrr hafi sýnt að það væri engin
möguleg stjórnarmyndun önnur til.
Við horfðum á þetta upphlaup sem
varð í þinginu þar sem menn tóku
fyrirmælum utan úr bæ með ótrú-
legum hætti. Það segir mér það að
það sé ekki í augnablikinu aðrir
kostir til stjórnunar í landinu en
þessir tveir flokkar. Ég er þess
vegna þakklátur fyrir það að þeir
skuli vera í stjórn,“ sagði forsætis-
ráðherra.
Davíð Oddsson forsætisráðherra
Ekki aðrir kostir til
stjórnarmyndunar
Davíð Oddsson
„KRAKKARNIR eru eiginlega á
flakki þessa dagana, ég er hjá fyrr-
verandi tengdamömmu eins og er,“
segir Jóna Júlía Jónsdóttir, þriggja
barna einstæð móðir sem missti allt
innbú sitt í eldsvoða í Breiðholti sl.
föstudag. Innbúið var ekki tryggt og
því er hafin söfnun til styrktar fjöl-
skyldunni. „Við erum því núna á milli
staða. Það er ekki útlit fyrir að ég fái
húsnæði fljótlega, ég ræddi við
tryggingamennina í morgun [gær] og
þeir gefa sér alveg lágmark sex vikur
í að laga íbúðina,“ segir Jóna Júlía.
Hún segir að skemmdirnar hafi
verið miklar, í fljótu bragði verði ekki
annað séð en að allt innbúið sé meira
og minna ónýtt. „Það þarf að skipta
um allt, gólfefni, eldhúsinnréttingu
og mála og líka öll raftæki. Það var
öllu hent út um helgina til að við gæt-
um farið að vinna strax í íbúðinni. Ég
fæ örugglega sjokk þegar ég fer að
flytja inn aftur og sé hvað er ónýtt og
hverju hefur verið hent.“
Jóna Júlía segist hafa bundið von-
ir við að raftæki í eldhúsi hefðu
sloppið en svo reyndist ekki vera.
En það eru persónulegri munir
sem henni finnst sárast að missa.
„Allt sem var á veggjunum, myndir
og annað, bráðnaði. Það er mun
sárara að missa myndirnar af
krökkunum til dæmis.“
Jóna Júlía segir börnin enn nokk-
uð spennt eftir brunann og segist
efast um að þau séu almennilega bú-
in að átta sig á því sem gerðist. „Ég
leyfði elsta stráknum, sem er níu
ára, að sjá íbúðina en ekki þeim
yngri, ég treysti þeim ekki til þess.
Mér finnst eins og þau eigi eftir að
koma niður á jörðina og gera sér
grein fyrir þessu.“
Jóna Júlía á einnig strák sem er
eins árs og stúlku sem er sex ára.
Það er því ljóst að hún heldur ekki
jólin í íbúðinni sinni en hún segir lík-
legt að hún verði hjá móður sinni yf-
ir hátíðirnar.
Hafin er fjársöfnun fyrir Jónu Júl-
íu og fjölskyldu hennar. Þeir sem
vilja leggja söfnuninni lið geta lagt
inn á reikning hennar í SPRON í
Smáranum: 1152-05-407000. Kenni-
talan er: 140674-5169.
Morgunblaðið/Jim Smart
Jóna Júlía Jónsdóttir og börn hennar, Arnar Freyr, Hafsteinn Ingi og
Katrín Perla Elíasbörn, misstu allt innbú sitt í eldsvoðanum.
Það er sárt að missa
myndirnar af krökkunum
Fjársöfnun fyrir fjölskyldu sem missti innbú sitt í eldsvoða
LÖGREGLAN á Keflavíkurflug-
velli stöðvaði í fyrradag þrjá mis-
munandi aðila sem reyndu að
smygla hassi og kókaíni innvortis
til landsins og í gær var einn
maður stöðvaður með 80 grömm
af hassi.
Á sunnudag stöðvaði lögreglan
við hefðbundið eftirlit samtals
fimm manns þar sem grunur lék
á innvortis smygli á fíkniefnum.
Fyrst komu tveir menn frá Glas-
gow sem reyndust vera með rúm-
lega 200 grömm af hassi, sem
þeir höfðu bæði gleypt og sett í
endaþarm. Seinna um daginn
kom maður frá Kaupmannahöfn
með rúmlega 100 grömm af kók-
aíni í endaþarmi og síðan voru
tveir menn teknir undir miðnætti
og reyndist annar vera með rúm-
lega 100 grömm af kókaíni í
endaþarmi.
Í gær var síðan einn maður
stöðvaður með 80 grömm af hassi
í farangri sínum og var þá lög-
reglan á Keflavíkurflugvelli búin
að taka fjóra mismunandi aðila
fyrir smygl á fíkniefnum á rúm-
um sólarhring.
Lögreglan á Keflavíkurflugvelli
stöðvar smygl á fíkniefnum
Fjórir teknir á
einum sólarhring
TVEIR voru fluttir á Landspítal-
ann í Fossvogi eftir árekstur
þriggja bifreiða og traktors við
Ingólfshvol í Ölfusi um klukkan sjö
í gærkvöldi. Bifreiðarnar skemmd-
ust mikið við áreksturinn og drátt-
arvélin varð líka fyrir töluverðum
skemmdum. Tvær bifreiðarnar
eru, að sögn lögreglunnar á Sel-
fossi, taldar ónýtar.
Atvikið átti sér stað þegar öku-
maður traktorsins, sem var á leið
vestur, ætlaði að beygja til vinstri.
Tveir bílar óku á eftir honum. Talið
er að ökumaður fremri bifreiðar-
innar hafi hemlað með þeim afleið-
ingum að sú sem á eftir kom lenti
aftan á henni. Önnur hvor bifreiðin
fór við þetta yfir á gagnstæðan
vegarhelming og í veg fyrir aðra
bifreið sem var á austurleið.
Fjögur
ökutæki í
árekstri
í Ölfusi
MAÐURINN sem lýst var eftir
í Fréttablaðinu síðastliðinn
föstudag lét vita af sér í gær að
sögn þess sem lýsti eftir honum
og segir sá sem það gerði að
umræddur maður komi fram í
dag, þriðjudag. Það var eigandi
kínverskrar nuddstofu í Kópa-
vogi sem lýsti eftir honum og
tjáði Morgunblaðinu í gær að
hinn týndi hefði hringt og látið
vita af sér.
Rannsókn á þjófnaði
Lögreglan í Kópavogi rann-
sakar nú þjófnaðarmál sem
tengist umræddri nuddstofu.
Eigandinn tjáði Morgun-
blaðinu að maðurinn hefði stol-
ið lítilræði af peningum en hefði
beðist afsökunar á því. Lög-
reglan í Kópavogi hefur ekki
yfirheyrt hinn grunaða.
Samkvæmt upplýsingum
lögreglu er upphæðin í kring-
um 500 þúsund krónur. Dóttir
eigandans sagði Morgun-
blaðinu að fjárhæðin væri hins
vegar fáeinir tugir þúsunda
króna.
Týndur
maður lét
vita
af sér