Morgunblaðið - 16.12.2003, Blaðsíða 27

LISTIR
MORGUNBLAÐIÐ ÞRIÐJUDAGUR 16. DESEMBER 2003 27
DAVID Beckham er frægasti knatt-
spyrnumaður í heiminum í dag og fáir
knattspyrnumenn í sögunni hafa vakið eins
mikla athygli fjölmiðla og hann. Fyrir utan
að vera hæfileikaríkur fótboltamaður hefur
hann útlitið með sér, kemur vel fyrir og er
giftur frægri poppstjörnu, Victoriu Fína
Kryddi, sem reyndar má muna fífil sinn
fegri.
Þannig að fyrst lenskan er nú orðin sú að
fræga fólkið er farið að senda frá sér end-
urminningabækur og sjálfsævisögur áður en
það nær þrítugsaldrinum þá ætti hin stutta
ævi Beckhams að teljast með þeim við-
burðaríkari og þar með áhugaverðari sem
völ er á. En það skilar sér því miður ekki að
þessu sinni (ævisögur eru og eiga tvímæla-
laust eftir að verða fleiri).
Það helsta sem amar að er að þótt dreng-
urinn sé afar snjall í sparkinu þá er hann
greinilega enginn sögumaður. Sem kemur
vitaskuld niður á endurminningum sem
þessum. Með aðstoð skrásetjara rifjar hann
þannig upp stutt æviskeið sitt frá því hann
sparkaði fyrst í bolta þar til hann var seldur
frá Manchester Uniter til Real Madrid fyrr
í sumar. En þrátt fyrir að hafa upplifað
fleira en flestir aðrir á hans aldri er þessi
upprifjun hans hreint makalaust tilþrifalítil.
Engar sögur úr boltanum, engar skemmti-
legar persónulýsingar á þeim sem orðið hafa
á vegi hans og sorglega fáar safaríkar upp-
ljóstranir um það sem gerðist í búnings-
herberginu, á æfingavellinum, í einkaklúbbi
Manchester United. Þess í stað er hér um
hreina og beina upprifjun að
ræða. Beckham að rifja upp
sína hlið á lífi sínu, eins og hann
man hana. En naflaskoðun er
þetta ekki og sjálfsgagnrýnin
nær engin. Allt það slæma sem
hefur hent hann er öðrum að
kenna. Og auðvitað reynir hann
að segja álit sitt, en það er
sjaldan sem þetta álit hans vek-
ur áhuga manns vegna þess að í
nær öllum tilfellum lofsyngur
hann allt og alla, sem fær lesn-
inguna á köflum til að virka á
mann eins og 350 blaðsíðna
þakkarlisti. Drengurinn hefur
greinilega mikla þörf fyrir það
að þóknast öllum, sér í lagi
þeim sem hann umgengst, og dæmi um það
er að eini andstæðingurinn sem hann hrósar
og lýsir aðdáun sinni á er Real Madrid –
einmitt liðið sem hann leikur með í dag.
Eini maðurinn sem hann treystir sér til
að skjóta á og tala um af hreinskilni er Alex
Ferguson, stjórinn hans fyrrverandi hjá
Manchester.
En sú gagnrýni fer samt eitthvað öfugt
ofan í mann því það er eitthvað svo augljóst
að Beckham er hér að svara því sem Fergu-
son hefur þegar baunað á hann opinberlega
og í sinni ævisögu.
Þá er fullt sem maður sakn-
ar, eins og allt hafaríið í kring-
um enska landsliðið, djammið á
leikmönnum í æfingabúðunum,
fjárhættuspilið sem Keegan á
að hafa stýrt, árekstrar við
aðra leikmenn (sem hljóta að
hafa komið upp). Ekki orð um
pilsið fræga. Svo til ekkert um
unglingsárin með félögunum í
Manchester og kvennafarið fyr-
ir tíma Victoriu. Öllum gert til
geðs, öllum hlíft.
Beckham heldur þannig
greinilega alltof mikið aftur af
sér, sem eðlilegt er fyrir þetta
ungan mann sem er enn á fullu
í fótboltanum og þarf að starfa
með og umgangast þá sem hann fjallar um.
Skynsamlegt af honum og til eftirbreytni, en
vitanlega kemur þetta niður á vigt bók-
arinnar sem er alltof löng og innihaldsrýr.
Drengurinn virðist – ef marka má þessa hlið
hans – hreint ekki vera mesti hugsuður sem
sparkað hefur í bolta. Það er til dæmist gott
og blessað að lýsa heitum tilfinningum sín-
um í garð fjölskyldunnar, Victoriu og
drengjanna Brooklyns og Romeos; en þar
sem þessar ástarjátningar verða aldrei blæ-
brigðaríkari eða skáldlegri en að hann elski
þau og að þau skipti hann öllu máli þá vilja
þær verða býsna leiðigjarnar eins marg-
ítrekaðar og þær eru í bókinni.
Bestu sprettina á hann hins vegar þegar
hann er að lýsa æskuárunum. Fyrstu ár-
unum sem knattspyrnumanni, hvernig hann
komst að hjá Manchester sem ungur efni-
legur Lundúnapési, aðeins 14 ára að aldri.
Ungum fótboltamönnum ætti að vera þetta
holl lesning, ekki einasta vegna lýsinganna á
því hvernig þessar ungu og upprennandi
stjörnur æfðu sig og bættu heldur einnig til
að draga lærdóm af þeim gríðarlega metn-
aði og aga sem Beckham og félagar hans hjá
Manchester höfðu tileinkað sér kornungir
að árum.
Þá nær hann sér á flug undir blálokin,
þegar hann lýsir mjög nákvæmlega hvað
það var sem leiddi til þess að hann var á
endanum seldur til Real Madrid, hrakinn
frá liðinu sem hann unni svo heitt, af stjór-
anum sem hafði gert hann að þeim heims-
klassaknattspyrnumanni sem hann er í dag.
Þar er safaríkustu upplýsingarnar að
finna fyrir áhugamenn um fótbolta, sem og í
einstaka lýsingum á því sem átti sér stað er
Glenn Hoddle klúðraði liðsandanum hjá
enska landsliðinu fyrir HM í Frakklandi
1998, Keegan brást við mótlætinu er Þjóð-
verjar unnu Englendinga á Wembley og
hvað gerðist í raun í búningsklefanum þegar
Beckham gekk út með skurðinn á enninu.
Meira af slíkum uppljóstrunum hefði gert
bókina mun áhugaverðari.
En þrátt fyrir ofannefnda vankanta er
bókin eflaust kærkomin lesning fyrir ein-
læga unnendur Davids Beckhams, því þar
býðst tækifærið til að sjá ævi hans með hans
eigin bláu augum og fá hans hlið á málum,
en þó aðeins hans hlið.
Þýðing Guðjóns Guðmundssonar er góð
og læsileg, ólíkt letrinu í bókinni sem er af-
ar ólæsilegt.
Fyrir
aðdáendur
David Beckham
BÆKUR
Endurminningar
Mín hlið, endurminningabók Davids Beckhams. Höf-
undar David Beckham og Tom Parks. Íslensk þýðing
Guðjón Guðmundsson. Útgefandi Stöng ehf. 350
bls.
DAVID BECKHAM: MÍN HLIÐ
Skarphéðinn Guðmundsson
DIDDÚ og drengirnir er heiti ár-
legra jólatónleika söngkonunnar
Sigrúnar Hjálmtýsdóttur og sex
músíkalskra skósveina hennar, en
tónleikarnir verða haldnir í Mos-
fellskirkju í kvöld og annað kvöld kl.
20.30.
Þeir eru sex en ekki sjö eins og
hjá Mjallhvíti. „Nei, – en samband
mitt við þá er þó orðið sjö ára,“ segir
Diddú og hlær, „ég hefði kannski átt
að bæta einum túbuleikara við til að
hafa þá sjö – við sjáum til með það.“
Drengir Diddúar eru klarinettu-
leikararnir Sigurður I. Snorrason
og Kjartan Óskarsson, sem jafn-
framt eru tónlistarstjórar hópsins;
fagottleikararnir Björn Th. Árna-
son og Brjánn Ingason, og hornleik-
ararnir Þorkell Jóelsson og Emil
Friðfinnsson.
Á efnisskránni er sitt lítið af
hverju, íslenskir sálmar, færeyski
sálmurinn Tíðin rennur, tvær „Ave
Maríur“ Maríukvæði Atla Heimis
Sveinssonar og Alleluia eftir Moz-
art; blásaraverk, þar á meðal Ind-
rada eftir Melchior Frank, Í dag er
fæddur frelsarinn eftir Praetorius,
In dulci jubilo, Í dag er glatt í döpr-
um hjörtum og sónata eftir Luigi
Cherubini og fleira. „Þetta er ein-
staklega jólalegt prógramm,“ segir
Diddú, og varla hægt að efast um
það.
„Við höfum alltaf verið í stemn-
ingunni hér í litlu kirkjunni í Mos-
fellssveitinni, og þar er engin að-
staða til að bjóða upp á hlé – en við
ætlum þó að leyfa fólki að standa að-
eins upp. Jú, þetta er alltaf af-
skaplega falleg stund, það er ekki
hægt að segja annað.“
Diddú segir það gott að syngja
með blásurum, söngröddin og blást-
urshljóðfærin falla vel saman og
þurfa að „anda“. „Þetta byggist allt
á sama grunni, og þeir skilja mínar
aðfarir vel. Þessi samsetning, söng-
rödd og tréblásarar, er líka óskap-
lega falleg.“
Það er mikið annríki hjá söngkon-
unni á jólaföstu og hefur reyndar
verið í allt haust. „Ég var að telja
það saman að ég er búin að syngja á
52 tónleikum frá því ég söng með
Sinfóníuhljómsveitinni í haust. Þetta
er óvenju mikið; – mikið strit, en
líka mikil ánægja. Vinnuálagið er
mikið og maður þarf að treysta því
að vera í góðu líkamlegu ástandi og
að röddin sé í góðu formi. En þú
spyrð um jólaundirbúninginn ...
hann gengur eins og í sögu, við er-
um svo mörg á heimilinu og höfum
hraðar hendur. Ég er í jólakort-
unum og jólakonfektinu núna – ég
er snögg að þessu.“
Aðgöngumiðar á tónleikana eru
seldir á bæjarskrifstofum Mosfells-
hrepps.
„Þetta er einstaklega jólalegt prógramm,“ segir Diddú en hún og dreng-
irnir halda árlega aðventutónleika í Mosfellskirkju í kvöld og annað kvöld.
Alltaf mjög falleg stund
UM tvö og hálft prósent íbúa höfuð-
borgarsvæðisins, um 4.500 manns,
sóttu 13 aðventutónleika helgarinnar.
Ef reiknað er með því að tónleikasókn
sé jafngóð alla aðventuna, má ætla að
um 20.000 manns á höfuðborgarsvæð-
inu sæki aðventutónleika, þar af um
2.000 manns þá tónleika sem eru
haldnir á virkum dögum fram til jóla.
Sem fyrr eru það kórarnir sem
draga að sér mesta fjöldann, Gísli
Árnason kirkjuvörður í Neskirkju
áætlar að um 150 manns hafi sótt tón-
leika Vox academica í kirkjunni á
laugardag, en Gísli segir að tónleik-
arnir hafi verið afar góðir. Gísli áætl-
ar að um 80 manns hafi sótt aðventu-
tónleika kirkjukórsins á sunnudag.
Einn af kórum Langholtskirkju,
Graduale nobili, fyllti Hjallakirkju á
sunnudagskvöld, en kirkjan tekur um
300 manns. Kórar Grafarvogskirkju
fengu einnig góða aðsókn að sínum
aðventutónleikum á sunnudag, en
séra Vigfús Þór Árnason telur að um
500 manns hafi sótt þá. Karlakór
Reykjavíkur og Drengjakór Nes-
kirkju sameinuðust í söng í Hall-
grímskirkju og fengu rúmlega 2.300
manns á þrenna tónleika um helgina,
að sögn Jóns Ástráðssonar tónleika-
stjóra kórsins, en einsöngvarar á tón-
leikunum voru Gunnar Guðbjörnsson
tenór og Ísak Ríkharðsson sópran.
Tæplega 100 manns sóttu tónleika
Ólafar Kolbrúnar Harðardóttur og
Jóns Stefánssonar í Langholtskirkju
á laugardag, og um 80 manns sóttu
orgeltónleika Katalinu Lörincz á
sunnudag. Jón Stefánsson segir að
erfitt sé að vera með aðra tónleika en
sérstaka aðventutónleika á þessum
árstíma og gæti það skýrt dræma að-
sókn á orgeltónleikana.
Fjölmennt í Salnum
Í Salnum var Kammerhópur sal-
arains með jólagleði ásamt Skólakór
Kársness, og sóttu um 450 manns
tvenna tónleika þeirra á sunnudag. Á
laugardag voru það hins vegar Borg-
ardætur sem trekktu að, en rúmlega
200 manns sóttu jólatónleika þeirra.
Jafnmargir sóttu tónleika Sinfóníu-
hljómsveitar áhugamanna í Seltjarn-
arneskirkju. Gera má ráð fyrir að ein-
hverjir tónleikar hafi farið fram án
þess að komast á blað hér, og líklega
er það vægt reiknað að einungis 2000
manns sæki aðventutónleika sem
haldnir eru á virkum dögum.
Ef reiknað er með að meðalverð á
þessa tónleika sé 1.000 krónur má
ætla að höfuðborgarbúar hafi greitt
vel á fimmtu milljón fyrir yndisauka
helgarinnar. Gera má ráð fyrir að
flytjendur á tónleikum helgarinnar
hafi verið um 700 en laun kórfólks eru
eins og venjulega ánægjan ein.
Framundan er síðasta vika að-
ventu, og drjúgt eftir af tónleikum.
Þess má geta að nær uppselt er á
tvenna tónleika Íslensku dívanna um
næstu helgi, en gera má ráð fyrir að
um 900 manns sæki hvora tónleika.
Þá eru Jólasöngvar Kórs Langholts-
kirkju einnig framundan, og segir Jón
Stefánsson kórinn ýmist með þrenna
eða ferna slíka síðkvöldstónleika fyrir
jól. Eins og mörg undanfarin ár gerir
Jón ráð fyrir fullu húsi, eða um 1.500
manns á þrenna tónleika í ár, þegar
kórinn fagnar 25 ára afmæli Jóla-
söngvanna.
Morgunblaðið/Jim Smart
Um 500 manns sóttu aðventutónleika í Grafarvogskirkju.
Söngurinn lokk-
ar á aðventu
KRISTINN Sigmundsson, Gunnar
Guðbjörnsson og Jónas Ingimundar-
son afhenda Menningarsjóði Barna-
spítala Hringsins nýjan geisladisk
sinn í anddyri Barnaspítala Hrings-
ins í dag kl. 16.15.
Diskurinn var tekinn upp á Stór-
tónleikum þeirra félaga í Salnum í
febrúar 2002. Allur ágóði af sölu
disksins rennur í Menningarsjóð
Barnaspítala Hringsins til minning-
ar um barnalækninn og tónlistar-
unnandann Halldór Hansen. Það eru
þeir Ásgeir Haraldsson yfirlæknir
og Magnús Ólafsson sviðsstjóri
hjúkrunar sem taka við diskinum.
Að afhendingunni lokinni munu
þeir Kristinn, Gunnar og Jónas árita
diskinn í Bókabúð Máls og menning-
ar við Laugaveg frá kl. 17 og hugs-
anlegt er að þeir taki lagið.
Það er erfitt að ná þessum þremur
mönnum saman á einn stað vegna
anna söngvaranna erlendis. Þetta
verður því líklega í eina skiptið fyrir
jólin sem þeir koma saman og árita.
Stórsöngvarar af-
henda og árita plötu
Kristinn
Sigmundsson
Gunnar
Guðbjörnsson
Sporar. Stílar
Nietzsches eftir
Jacques Derrida
er komin út í þýð-
ingu Garðars
Baldvinssonar
sem einnig ritar
inngang. Bókin er
um þann hluta
heimspeki
Nietzsches sem er hvað umdeild-
astur, þ.e. konur. Jacques Derrida
ræðir hvernig hugmyndir um konur
og sannleika tvinnast saman í rit-
um Nietzsches.
Bókin er hluti af ritröð Bók-
menntafræðistofnunar Háskóla Ís-
lands. Ritstjóri hennar er Guðni El-
ísson.
Útgefandi er Bókmennta-
fræðistofnun Háskóla Íslands og
Háskólaútgáfan. Bókin er 75 bls.
Verð: 2.290 kr.
Heimspeki