Morgunblaðið - 16.12.2003, Blaðsíða 56

FÓLK Í FRÉTTUM
56 ÞRIÐJUDAGUR 16. DESEMBER 2003 MORGUNBLAÐIÐ
MÚSÍKTILRAUNAGESTIR
þekkja vel hljómsveitina Ópíum
sem þar tók þátt tvö ár í röp og
stóð sig vel. Hún
heitir nú Kanis og
sendi frá sér sína
fyrstu breiðskífu á
dögunum, Tón-
mennt fyrir byrj-
endur.
Keyrslan er góð í upphafslagi
plötunnar, sérstaklega er trommu-
leikur góður og reyndar allt sam-
spil hrynparsins og svo er víða á
skífunni. Hjalti Jónsson syngur
líka þokkalega, helst þegar hann
þenur sig, en fer ekki eins vel að
syngja lágstemmt, til að mynda í
Sumarstefi.
Gítarar klingja og glamra mikið
á plötunni, á stundum fulleinhæf
gítarkeyrsla, ekki síst þar sem
upphaf stórs hluta laganna er
áþekkt. Oft eru lögin líka fullfyr-
irsjáanleg, lítið um óvæntar uppá-
komur sem gætt gætu lögin meira
lífi.
Vampýrur er eitt besta lag skíf-
unnar; víst er ekki verið að gera
neitt nýtt, sumir kaflarnir eitthvað
sem maður hefur heyrt oft áður
hjá öðrum, en góðir engu að síður.
Í þeim má heyra hve það fer þeim
Kanis-mönnum vel að djöflast í
þungu rokki – hvet þá hér með til
að ganga enn lengra í þá átt.
Leti er líka ágætt lag og gott
samspil gítara í því, Fólkið í hús-
inu er skemmtilega samsett með
góðum taktgrunni og svo má telja,
margt vel gert á plötunni, en eins
og fram kemur er sitthvað að-
finnsluvert, til að mynda afleitur
texti í Hefnd Tóta termíta, annars
skemmtilegu lagi, og slakur fals-
ettusöngur í Silfurljá, svo dæmi
séu tekin.
Textarnir eru veikasti hluti plöt-
unnar, sumir óttalega mærðarlegir
eins og til að mynda þetta brot úr
Litlum dreng: „Regn götur lemur.
/ Ævin öll eftir. / Óvænt bíll kem-
ur, / lífið flýtur burt.“ Þeir eru þó
ekki alslæmir og skemmtileg teng-
ing í þeim texta við texann í Omni-
fix sem vitnar í magnað erfiljóð
Matthíasar Jochumssonar um
börnin frá Hvammkoti. („Dauðinn
er lækur en lífið er strá / skjálf-
andi starir það straumfallið á“ orti
Matthías en Kanis-menn svo:
„Dauðinn er lækur sem lífið starir
á, sem strá.“)
Tónmennt fyrir byrjendur er
prýðilegt byrjendaverk, vel unnin
plata og vönduð, en óneitanlega
skortir nokkuð á frumleika. Það
skrifast væntanlega að einhverju
leyti á það að sveitin sé enn að
mótast, þeir félagar enn að finna
fjölina sína, og fróðlegt að sjá
hvert þeir fara í framtíðinni.
Tónlist
Kanis fyrir
byrjendur
Kanis
Tónmennt fyrir byrjendur
Castor miðlun ehf.
Tónmennt fyrir byrjendur, breiðskífa ak-
ureyrsku hljómsveitarinnar Kanis. Kanis
skipa Davíð Þór Helgason bassaleikari,
Hjalti Jónsson, söngvari og gítarleikari,
Hrafnkell Brimar Hallmundsson gítarleik-
ari og Sverrir Páll Snorrason trommuleik-
ari. Allir semja allt. Castor miðlun ehf.
gefur út.
Árni Matthíasson
UNDIRRITAÐUR játar að hann
hefur síðustu ár saknað innlendra
söngvaskálda; þar
sem sá geiri (kall-
aður „singer/
songwriter“ á út-
lensku) hefur verið
í miklum blóma
ytra undanfarið. Í
kjölfar Jeff Buckley hafa unnvörp-
um komið fram menn með blæðandi
hjarta, menn eins og David Gray,
Tom McRae, Damien Rice, Ed
Harcourt, Elliott Smith, Damien
Jurado og svo má telja. Það má leika
sér að því að staðsetja þá á einhverj-
um neðan/ofanjarðarskala en allir
eiga þeir það sameiginlegt að leggja
sig í líma við að leggja tilfinning-
arnar einlæglega á borðið. Þessi
safndiskur, sem er samvinnuverk-
efni tímaritsins Sánd og útgáfunnar
2112, sem mun vera undirmerki
1001 nætur, bætir úr þessum skorti.
Og það kom mér í opna skjöldu,
hversu gæðin eru mikil hérna. Þetta
er þrusupakki!
Það má segja að þeir sem hægt er
að setja í ofannefndan flokk (en hér
eru líka hljómsveitir) taki allir mið
af nýju amerísku söngvaskáldahefð-
inni. Hér er ekki á ferðinni skandin-
avísk/evrópsk trúbadúrastemning
að hætti Harðar Torfa t.d. Miklu
fremur er unnið úr jaðarsveitatón-
listinni og melankólískum eyðimerk-
urblús að hætti Mark Kozelek (Red
House Painters), Grant Lee Buffalo
og jafnvel Eddie Vedder.
Platan opnar með tveimur lögum
Moody Company, sem er verkefni
þeirra Krumma í Mínus og Franz í
Ensími. Diskurinn er skemmtilega
uppsettur, lög listamanna koma í
knippum og það er gaman að
ímynda sér að þetta séu sjö tommur,
með sitt hvoru laginu. Ahh, það ynd-
islega form! Lögin tvö vinna vel á og
bera með sér „spilunarvæna“ eig-
inleika (fyrir útvarp þ.e.a.s.).
Krummi er nálægur í söngnum og
einlægur, kaflaskiptingar innan lag-
anna flottar og dramatískar. Rokk
og ról töffarabragurinn er einnig
áberandi. Andi og ára beggja laga er
afar „amerískur“ eða „útlenskuleg-
ur“, eitthvað sem er einkar einkenn-
andi fyrir alla plötuna reyndar.
Tenderfoot er sveitalegasta sveit-
in hér, jaðarsveitatónlist sem minnir
á Gene Clark og The Flying Burrito
Brothers og áhrif Tim Buckley eru
ekki fjarri. Söngvarinn er mjög góð-
ur, sérstök röddin einhvers konar
blanda af áðurnefndum Buckley og
Paul Heaton (Housemartins,
Beautiful South). Metnaðarfullar og
ríkar lagasmíðar og barasta mjög
lofandi.
Indigo, sem leidd er af Ingólfi
nokkrum Árnasyni, á hér eitt lag.
Hægt og myrkt, þar sem bregður
fyrir píanói og kvenmannsrödd. Dul-
úðug stemman er flott, eins og flest
annað hér!
Rúnar er einnig melankólískur og
myrkur og affarasælast að draga
fram kertið. Rúnar lék eitt sinn á
gítar með Náttfara sem eru líklega
hættir (snökt). Blóðdroparnir leka
úr hjartanu hér, enda söngur Rún-
ars vel ástríðufullur. Orgel og óræð
hljóð, sem virðast koma að handan,
auka á stemmuna. Rúnar er eins og
týndi bróðir Grant Lee Phillips.
The Flavors brjóta þetta aðeins
upp, enda eins gott. Þrátt fyrir
hörkugott efni má þetta ekki verða
of einsleitt. The Flavors eiga líkast
til aðgengilegasta efnið en um leið
eitt það frambærilegasta. Fullbúin
sveit, fín lög, einlægur flutningur.
Margir kannast ábyggilega við lagið
„Here“.
Dregur nú að endalokum og enn
er nammi í pokanum. Fritz sigraði í
„demo“-upptökukeppni Sánd á sín-
um tíma og leika frísklegt nýbylgju-
rokk. Sem er – já þið giskuðuð rétt –
eiginlega alveg frábært.
Diskinum lýkur með framlagi frá
gömlu stríðshestunum í Dr. Spock.
Sæmilegasta rokkflipp sem er ein-
hvers konar blanda af Red Hot Chili
Peppers og Fantomas. Brýtur
stemninguna þó heldur mikið upp
finnst mér. Og svo ég haldi áfram að
pota í diskinn þá hefði verið gama að
heyra fleiri íslenska texta. Og hvar
eru stelpurnar? Neko Case, Liz
Phair og Cat Power þessa lands,
stígið fram!
Það er vel þess virði að „tékka“ á
Sándtékk. Meira en vel þess virði.
Það er nánast enginn byrjendabrag-
ur á neinu hérna, enda vel flestir að-
ilar búnir að spila sig saman og þétta
á undanförnum misserum. Laga-
smíðarnar hér eru nær allar furðu
þroskaðar og fullt af athyglisverðu
dóti í gangi. Það verður spennandi
að heyra hvernig mun rætast úr
þessum listamönnum á næsta ári,
þegar stóru plöturnar fara vonandi
að láta sjá sig.
Tónlist
Með
nöktum
Ýmsir
Sándtékk
Sánd/2112
Safnskífa með Moody Company, Tend-
erfoot, Indigo, Rúnari, The Flavors, Fritz
og Dr. Spock. Hljóðritað og -jafnað í Ice-
landic Music Productions (IMP). Hljóð-
maður var Úlli.
Arnar Eggert Thoroddsen
Morgunblaðið/Jim Smart
Krummi, söngvari Mínuss, leiðir
dúettinn Moody Company ásamt
Franz úr Ensími.
ÞEGAR ég hlustaði á Ómar
Guðjónsson á útskriftartónleikum
hans frá Tónlistarskóla FÍH í vor
grunaði mig ekki að ýmis lögin er
hann flutti þar ættu eftir að enda í
jafnglæsilegum búningi og raunin
er á fyrstu geislaplötu hans:
Varma landi. En
ber er hver að
baki nema sér
bróður eigi, og
það sem var
þokkalegar gert
þar er frábærlega
gert hér. Að sjálfsögðu mátti strax
heyra að lög Ómars voru mörg
hver mjög góð, en samvinnan við
Óskar bróður hans hefur bætt
nýrri vídd í túlkun þeirra. Enda
ekki ónýtt að geta leitað til jafn-
reynds tónlistarmanns og Óskar
er. Lög Ómars eru einstaklega
söngræn og ég er viss um að lag á
borð við upphafsópusinn, „Skúra“,
á eftir að hljóma lengi og vísast
eiga aðrir tónlistarmenn eftir að
flytja það. Það er suðrænn taktur
ríkjandi þar, einsog víðar á plöt-
unni sem ber léttan Karíbakeim,
studdur frábærum bassaleik Þórð-
ar Högnasonar og ágætum
trommuleik Helga Svavars. Óskar
er með getzískan tón á stundum
einsog Ormslev í Varmalandi sínu
er hleypti nútímanum inn í ís-
lenska djasstónlist. Næsta lag,
„Staðið upp“, ber svip Jóns Múla
þótt hrynurinn sé ættaður frá
gömlu dönsku nýlendunum í Kar-
íbahafinu og Þórður er sterkur á
bassann. Bestur er hann þó í
„Njet“; sólóinn skínandi fagur í
einfaldleika sínum og Ómar er
einnig lýrískur þar sem oftar.
Haukur Morthens hefði vel getað
sungið þetta lag og þó frekar aðra
ballöðu Ómars: „Ekki meir“. Bæði
í „Mori“ og „Lífsbyrjun“ er nor-
rænn tónn sleginn og í því síð-
arnefnda er blúsaður/rokkaður
sóló Ómars príma. „Schengen“ er
grípandi og þar nýtur Óskar sín
vel. Þegar farið er að svinga upp á
klassísku er tónninn bæði holur og
mjúkur í senn; sérdeilis persónu-
legur tónn sem ásamt melódískri
spunagáfunni skipar honum á
bekk fremstu djassleikara Íslands-
sögunnar. Í „Tiger“ bætir Óskar
rymjandanum við í sterku djass-
stuði sem samtvinnast vel austur-
evrópskum blæ lagsins. Lokaverk-
ið, „Fony Ég“, er með sterkum
dramatískum undirtóni, eða
kannski bara dapurlegum, og er
verðug lok þessar frækilegu frum-
raunar Ómars Guðjónssonar þar
sem lagasmíðar hans, og tenór-
saxófónleikur Óskar bróðurs hans,
eru í hásæti.
Tónlist
Frækileg
frumraun
ÓMAR GUÐJÓNSSON
VARMA LAND
Culture 21 12 Company
Óskar Guðjónsson tenórsaxófón, Ómar
Guðjónsson gítar, Þórður Högnason
bassa og Helgi Svavar Helgason tromm-
ur. Hljóðritað við Apavatn í júní 2003.
Cultur 2112 Company 2112 007.
Vernharður Linnet
Morgunblaðið/Sverrir
Varma land Ómars Guðjónssonar
er „frækileg frumraun“ að mati
Vernharðs Linnet.
Stóra svið
Nýja svið og Litla svið
LÍNA LANGSOKKUR e. Astrid Lindgren
Lau 27/12 kl 14 - UPPSELT, Su 28/12 kl 14 - UPPSELT
Lau 3/1 kl 14 - UPPSELT, Su 4/1 kl 14,
Lau 10/1 kl 14, Su 11/1 kl 14
Su 18/1 kl 14 - UPPSELT, Lau 24/1 kl 14
Su 25/1 kl 14 - UPPSELT, Lau 31/1 kl 14
Su 1/2 kl 14, Lau 7/2 kl 14 - TÁKNMÁLSTÚLKUÐ SÝNING
Miðasala: 568 8000
Nýr opnunartími: Mánudaga og þriðjudaga: 10:00 - 18:00
miðviku-, fimmtu- og föstudaga: 10:00 - 20:00
laugardaga og sunnudaga: 12:00 - 20:00
www.borgarleikhus.is midasala@borgarleikhus.is
Meira (en) leikhús!
TIL SÖLU ALLA DAGA: LÍNU-BOLIR, LÍNU-DÚKKUR
****************************************************************
LÍNU-LYKLAKIPPUR, HERRA NÍELS, HESTURINN
****************************************************************
GJAFAKORT Á LÍNU LANGSOKK KR. 1.900
****************************************************************
GJAFAKORT Á CHICAGO KR. 2.900
****************************************************************
ALMENN GJAFAKORT - GILDA ENDALAUST
SPORVAGNINN GIRND e. Tennessee Williams
Forsýning fö 26/12 kl 20 - kr. 1.500
FRUMSÝNING lau 27/12 kl 20 - UPPSELT
Su 28/12 kl 20, Fö 2/1 kl 20, Lau 3/1 kl 20
Lau 10/1 kl 20, Su 11/1 kl 20
ÖFUGU MEGIN UPPÍ e. Derek Benfield
Fö 9/1 kl 20
LAU. 20/12 - KL. 15 ÖRFÁ SÆTI LAUS
SUN. 21/12 - KL. 15 ÖRFÁ SÆTI LAUS
MÁN. 29/12 - KL. 19 ÖRFÁ SÆTI LAUS
ATH! SÝNINGAR HÆTTA UM ÁRAMÓTIN
ÓSÓTTAR PANTANIR SELDAR DAGLEGA
SMS FRÉTTIR mbl.is