Morgunblaðið - 16.12.2003, Blaðsíða 55

ÍÞRÓTTIR
MORGUNBLAÐIÐ ÞRIÐJUDAGUR 16. DESEMBER 2003 55
„ÉG var valinn í 18 manna hópinn
en það skýrist svo um hádegisbil á
morgun (í dag) hvaða tveir detta út
og fara ekki með í leikinn. Ég á
svona frekar von á að fara með þar
sem Lauren er tæpur og ef eitthvað
fer úrskeiðis hjá honum þá er ég
vonandi fyrsti valkostur,“ sagði
Ólafur Ingi Skúlason, leikmaður
Arsenal, við Morgunblaðið í gær en
Arsenal mætir í kvöld WBA, topp-
liðinu í 1. deildinni, í 8 liða úrslitum
ensku deildabikarkeppninnar.
Ólafur fékk að spreyta sig í
fyrsta sinn með aðalliði Arsenal
þegar liðið sló út Úlfana í 16 liða úr-
slitum keppninnar á dögunum. Ar-
sene Wenger, stjóri Arsenal, hefur
gefið yngri og óreyndari mönnum
tækifæri í deildabikarnum en hann
hefur jafnframt notað leikina til að
skerpa á leikmönnum sem hafa ver-
ið að stíga upp úr meiðslum sam-
anber þegar fyrirliðinn Patrick
Vieira spilaði með á móti Úlfunum.
Ólafur segir að í hópnum á móti
WBA verði til að mynda Lauren,
Martin Keown, Ray Parlour, Edu,
Kanu og Sylvain Wiltord en allir
þessir leikmenn hafa verið í og við-
loðandi aðalliðið í ensku úrvals-
deildinni og Meistaradeildinni á
leiktíðinni.
„Þetta verður hörkuleikur enda
lið WBA sterkt og erfitt heim að
sækja. Við mætum hins vegar til
leiks með hörkulið svo ég reikna
með spennandi leik,“ sagði Ólafur.
Ólafur Ingi í 18 manna
leikmannahópi Arsenal
ÁRNI Gautur Arason, lands-
liðsmarkvörður í knattspyrnu,
er að jafna sig eftir aðgerð á
öxl sem hann gekkst undir í
byrjun desember. Árni sagði
að aðgerðin hefði tekist vel og
hann vonaðist til að geta verið
kominn á stjá um miðjan
næsta mánuð. „Öxlin var búin
að plaga mig ansi lengi og ég
ákvað að best væri að láta laga
hana núna frekar en að fresta
því til næsta sumars,“ sagði
Árni Gautur við Morgun-
blaðið.
„Það er enn líklegast að ég
fari til Sturm Graz en maður
veit aldrei hvað gerist fyrr en
hlutirnir eru komnir á hreint.
Það hafa komið fyrirspurnir
frá öðrum liðum en engin til-
boð hafa borist nema frá
Sturm. Það er enginn þrýst-
ingur frá Sturm Graz að ég
skrifi undir strax og við kom-
umst að samkomulagi um að
ræða saman strax eftir ára-
mótin,“ sagði Árni Gautur.
Aðgerðin
tókst vel
LANDSLIÐSÞJÁLFARAR Íslands í
knattspyrnu, Ásgeir Sigurvinsson
og Logi Ólafsson, stóðu sameigin-
lega að vali á leikmanni ársins fyrir
Alþjóða knattspyrnusambandið,
FIFA, en 142 landsliðsþjálfarar víðs
vegar um veröldina voru beðnir um
að velja þrjá leikmenn. Sá sem var
settur í fyrsta sæti fékk fimm at-
kvæði, næsti þrjú og sá í þriðja sæti
eitt stig.
Ásgeir og Logi settu Frakkann
Zinedine Zidane, Real Madrid, í
efsta sætið, Tékkann Pavel Nedved,
Juventus, í annað og Hollendinginn
Ruud Van Nistelrooy, Manchester
United, í þriðja sæti.
Ásgeir og
Logi völdu
Zidane
LISTINN yfir þá knattspyrnumenn
sem hafa orðið leikmenn ársins, síð-
an útnefningin hófst 1991.
2003: Zidane (Real Madrid)
2002: Ronaldo (Real Madrid)
2001: Luis Figo (Real Madrid)
2000: Zidane (Juventus)
1999: Rivaldo (Barcelona)
1998: Zidane (Juventus)
1997: Ronaldo (Inter)
1996: Ronaldo (Barcelona)
1995: George Weah (AC Milan)
1994: Romario (Barcelona)
1993: Roberto Baggio (Juventus)
1992: Van Basten (AC Milan)
1991: Lothar Matthäus (Inter)
Leikmenn
ársins
frá 1991 Tíu efstu í kjöri FIFA
ÞESSIR urðu í tíu efstu sætum í kjöri knattspyrnumanns ársins hjá
Alþjóðaknattspyrnusambandinu, FIFA, sem 142 landsliðsþjálfarar
stóðu að. Innan sviga má sjá hvað oft leikmennirnir voru valdir í
fyrsta, annað og þriðja sætið:
1. Zinedine Zidane, Frakkland/Real Madrid.............. 264 (35-27-08)
2. Thierry Henry, Frakkland/Arsenal ........................ 186 (21-22-15)
3. Ronaldo, Brasilía/Real Madrid................................. 176 (26-11-13)
4. Pavel Nedved, Tékkland/Juventus ..........................158 (14-25-13)
5. Roberto Carlos, Brasilía/Real Madrid..................... 105 (14- 9- 8)
6. Ruud Van Nistelrooy, Holland/Man.Utd................... 86 ( 4-17-15)
7. David Beckham, England/Real Madrid .................... 74 ( 8- 7-13)
8. Raúl, Spánn/Real Madrid ............................................ 39 ( 8- 3-10)
9. Paolo Maldini, Ítalía/AC Milan ................................... 37 ( 5- 3- 3)
10. Andrei Shevchenko, Úkraína/AC Milan ................... 26 ( 2- 3- 7)

GUÐNI Ó. Guðnason, fyrrum
landsliðsmaður, og Magnús Gíslason
taka fram skóna á ný og leika með
KFÍ í úrvalsdeildinni í körfuknatt-
leik eftir áramótin, samkvæmt frétt
á heimasíðu félagsins.

ÓLAFUR Víðir Ólafsson, leik-
stjórnandi handknattleiksliðs HK,
fer í aðgerð á hné í dag, vegna
meiðsla í liðþófa. Góðar líkur eru á að
hann verði kominn í gang á ný þegar
keppni í úrvalsdeildinni hefst í febr-
úar.

ÓÐINN Ásgeirsson skoraði 15 stig
fyrir Ulriken gegn Bærum í norsku
úrvalsdeildinni í körfuknattleik á
sunnudag. Bærum vann leikinn
80:91 og tryggði sér deildarmeist-
aratitilinn. Úrslitakeppnin hefst 7.
janúar en þá leika fjögur efstu liðin
tvívegis gegn hvert öðru og fjögur
neðstu gera slíkt hið sama.

JÓHANN Ólafsson unglingalands-
liðsmaður úr Njarðvík, sem leikur
með Centralia-miðskólanum í
Seattle í Washington-fylki, skoraði
35 stig gegn Tumwater-miðskólan-
um á föstudag. Jóhann og félagar
unnu leikinn, 70:50, og var Njarðvík-
ingurinn að auki með 7 fráköst og 5
stoðsendingar.

KÖRFUKNATTLEIKSLIÐ Kefla-
víkur hefur í nógu að snúast næstu
dagana. Liðið hélt til Portúgals í
gær, leikur þar í Bikarkeppni Evr-
ópu í kvöld, flýgur síðan til portú-
gölsku eyjarinnar Madeira á mið-
vikudaginn og spilar við heimamenn
í sömu keppni. Að því loknu er haldið
heim á leið og leikið við Hauka á Ís-
landsmótinu um helgina.

PÓLVERJAR unnu Möltu, 4:0, í
vináttulandsleik í knattspyrnu sem
fram fór á Möltu. Jaroslaw Bieniuk,
Sebastian Mila, Adrian Sikora og
Marcin Burkhardt skoruðu mörk
Pólverja í síðari hálfleik. Möltubúar
eru með Íslendingum í riðli í und-
ankeppni HM og þetta var fyrsti
leikur þeirra undir stjórn Horst
Heese og Carmel Busuttil, sem tóku
við liðinu fyrir skömmu.

NEWCASTLE og norska liðið
Valerenga mætast í UEFA-bikarn-
um í febrúar en forráðamenn enska
liðsins ráðleggja stuðningsmönnum
sínum að bíða með að gera ráðstaf-
anir með að fara til Noregs. For-
ráðamenn norska liðsins hafa varað
Newcastle við því að á þessum tíma
geti brugðið til beggja vona með
veðrið í Noregi.

IVICA Kostelic, skíðakappi frá
Króatíu, sigraði á heimsbikarmóti í
svigi sem fram fór í gærkvöldi í
Madonna di Campiblio á Ítalíu. Tími
hans var 1.33,26 og var hann næstum
tveimur sekúndum á undan heima-
manninum Giorgio Rocca. Þriðji í
keppninni í gær varð Manfred Pran-
ger frá Austurríki, 1.33,68, en aðeins
24 keppendur skiluðu sér niður
brekkurnar í báðum ferðunum.
FÓLK
Það voru 142 landsliðsþjálfararsem greiddu atkvæði í kjörinu.
Zidane, sem leikur með Real Madrid
á Spáni, fékk 264 atkvæði – og var
þetta í þriðja skipti sem hann er út-
nefndur besti knattspyrnumaður
heims – áður var hann útnefndur
1998 og 2000. Zidane fékk samtals 35
atkvæði í efsta sætið, 27 atkvæði í
annað sæti og 8 atkvæði í þriðja sæti.
Alls eru fjórir leikmenn úr liði Real
Madrid í hópi tíu efstu á þessum
lista.
„Það skiptir ekki máli hvað oft
maður fær þessa viðurkenningu. Það
verður alltaf heiður að taka á móti út-
nefningunni og þá sérstaklega þar
sem það eru landsliðsþjálfarar sem
sjá um valið. Það er mikill heiður fyr-
ir mig að fá þessa útnefningu og ég
er stoltur,“ sagði Zidane, sem er einn
af lykilmönnum franska landsliðsins
og Real Madrid.
Zidane hóf knattspyrnuferil sinn
hjá Cannes og hélt þaðan til Bor-
deaux. Hann gekk til liðs við Juven-
tus á Ítalíu1996 og varð Ítalíumeist-
ari með liðinu tvisvar – tvö fyrstu ár
sín í Tórínó. Hann varð heimsmeist-
ari með Frökkum 1998 í Frakklandi
og Evrópumeistari í Hollandi 2000.
Zidane gekk til liðs við Real Madr-
id og tryggði liðinu Evrópumeistara-
titlinn 2002 með glæsilegu marki í
leik gegn Bayer Leverkusen í Glasg-
ow.
Landslið Brasilíu var útnefnt lið
ársins og stuðningsmenn skoska liðs-
ins Celtic fengu viðurkenningu fyrir
háttvísi. Þeir urðu liði sínu og Skot-
landi til mikils sóma í Sevilla á Spáni,
þar sem Celtic mátti þola tap fyrir
FC Porto frá Portúgal í úrslitaleik
UEFA-bikarkeppninnar.
Þýska stúlkan og heimsmeistarinn
Birgit Prinz var kjörin besti leikmað-
ur kvenna með 268 atkvæði, en næst-
ar í kjörinu voru Mia Hamm, Banda-
ríkjunum, 133 atkvæði, og Hanna
Ljungberg, Svíþjóð, með 84 atkvæði.
Reuters
Franski knattspyrnumaðurinn Zinedine Zidane, leikmaður
Real Madrid, með verðlaun sín í Basel í gær.
Zidane sá besti
í þriðja sinn
FRANSKI landsliðsmaðurinn Zinédine Zidane var í gær útnefndur
knattspyrnumaður ársins hjá Alþjóðaknattspyrnusambandinu,
FIFA. Kjörið var kynnt í veislu í Basel í Sviss. Landi hans Thierry
Henry varð annar og Brasilíumaðurinn Ronaldo þriðji.