Morgunblaðið - 16.12.2003, Qupperneq 25

LANDIÐ
MORGUNBLAÐIÐ ÞRIÐJUDAGUR 16. DESEMBER 2003 25
Hólmavík | Eldri borgarar í Stranda-
sýslu skoruðu nýverið á Jón Krist-
insson, fyrrverandi Íslandsmeistara í
skák, í fjöltefli. Átta eldri borgarar
öttu kappi við Jón sem sigraði alla mót-
herjana, en Engilbert Ingvarsson lék
flesta leiki áður en hann beið ósigur
gegn Jóni. Má Engilbert vel við þann
árangur una þar sem hann kvaðst vera
að dusta rykið af taflinu eftir nærri 50
ára hlé. Jón Kristinsson á að baki tvo
Íslandsmeistaratitla í skák, árin 1971
og 1974, og einnig Íslandsmeistaratitla
í bréfskák. Hann hætti nýverið störfum
sem bankastjóri Búnaðarbankans á
Hólmavík eftir 28 ára starf við þann
banka. Hann sinnir nú búskap á Klúku
í Tungusveit, rétt sunnan Hólmavíkur.
  
Morgunblaðið/Kristín Sigurrós
Jón Kristinsson og Engilbert Ingvarsson.
Skora á fyrrverandi
Íslandsmeistara
Hveragerði | Bæjarbókasafnið hér í
Hveragerði hefur staðið fyrir upplestri
nýrra bóka fyrir jólin. Ekki var brugðið út
af þeim vana í ár og var seinna upplestr-
arkvöldið fyrir skemmstu.
Í ár voru bæjarfulltrúar
fengnir til að lesa upp úr
nýútkomnum bókum, Pjet-
ur Hafstein Lárusson las
upp úr bók sinni, þar sem
hann hefur þýtt japönsk og
kínversk ljóð. Auk þeirra
kom Þráinn Bertelsson og
las upp úr sinni ævisögu.
Kaflinn sem Þráinn las var
um hans fyrstu ástarsorg, þegar hann var
átta ára gamall, bráðfyndin og skemmti-
leg frásögn. Margir gestir lögðu leið sína í
bókasafnið og það var notalegt að sitja við
kertaljós og hlusta á góðan upplestur.
Sannarlega góð hvíld í jólastressinu að
koma við á safninu og setjast niður með
góðu fólki og hlusta. Á næsta ári verður
aftur lesið, þá verða komnar margar nýj-
ar bækur og bókasafnið flutt í nýja versl-
unarmiðstöð sem er að rísa við Sunnu-
mörkina. Bókasafnið mun verða þar sem
nýlega fannst sprunga í jörðinni.
Upplestur á
nýjum bókum
Þráinn
Bertelsson
Skemmtiferðaskip | Atvinnu- og
ferðamálanefnd Sveitarfélagsins
Skagafjarðar samþykkti nýlega að
fela Atvinnuþróunarfélagi Norður-
lands vestra (ANV) og Markaðs-
skrifstofu ferðamála á Norðurlandi
að kanna möguleika á því að fleiri
ferðamenn af skemmtiferðaskipum
heimsæki Skagafjörð.
Að sögn Þorsteins Broddasonar,
atvinnuráðgjafa hjá ANV, hefur
hugur ferðaþjónustuaðila í sveitar-
félaginu til frekari markaðssóknar
verið kannaður. M.a. hafi verið lit-
ið til fjölgunar ferðamanna með
skemmtiferðaskipum og hvort
hægt sé að laða frekar til Skaga-
fjarðar farþega sem koma til Ak-
ureyrar og fara þaðan austur í
Mývatnssveit.
Einnig er ætlunin að kanna
möguleika á að fá skipin til að
sigla inn Skagafjörð og hleypa far-
þegum þar í land. Þorsteinn segir
að þessi vinna muni skýrast nánar
á næstu mánuðum.
Þórshöfn | Hér á Þórshöfn var orðin hefð að leik-
félagið sá um skemmtidagskrá kringum 1. desember
og voru ýmist sýnd leikrit í fullri lengd eða styttri
leikþættir. Þessi hefð lá niðri í nokkur ár en var end-
urvakin um síðustu mánaðamót þegar Leikfélag Þórs-
hafnar og Björgunarsveitin Hafliði tóku höndum sam-
an til að endurvekja þessa hefð. Leikfélagið tók að sér
skemmtunina en björgunarsveitin sá um dyravörslu
og jólahlaðborð.
Fjölmennt var á hátíðina og að lokinni skemmti-
dagskrá tók við dansleikur fram eftir nóttu þar sem
hljómsveitin Afabandið lék fyrir dansi.
Morgunblaðið/Líney
Arnar Einarsson skólastjóri og aðstoðarfólk hans útbjuggu glæsilegt jólahlaðborð.
Jólahlaðborð og skemmtidagskrá
Búðardalur | Lionsklúbbur Búðardals hélt
mikla afmælishátíð í tilefni 40 ára afmæli klúbbs-
ins hinn 6. desember síðastliðinn og var hátíðin
haldið í Dalabúð. Veislustjóri á hátíðinni var einn
af meðlimum klúbbsins, Sveinn Gestsson. Lions-
klúbbum landsins er skipt niður á svæði og er
klúbburinn í Búðardal á svæði 4. og er jafnframt
elsti klúbburinn á því svæði sem nær frá Reyk-
hólum og vestur á Hellissand.
Klúbburinn er mjög virkur og gegnir mik-
ilvægu hlutverki í Dalabyggð. Fyrsta almenna
fjársöfnun klúbbsins var árið 1968, en þá safnaði
hann fyrir sjúkling sem senda þurfti úr landi til
lækninga. Klúbburinn hefur í gegnum tíðina gef-
ið stofnunum í Dalabyggð veglegar gjafir s.s
Heilsugæslustöðinni peninga til tækjakaupa,
andvirði einnar hjónaíbúðar þegar Dvalarheim-
ilið Silfurtún var byggt, einnig hefur Grunnskól-
inn í Búðardal notið góðs af gjöfum. Klúbburinn
hefur aðstoðað einstaklinga sem orðið hafa fyrir
meiriháttar áföllum af völdum veikinda eða
bruna svo eitthvað sé nefnt. Fyrir hver jól fylkja
félagsmenn liði á Dvalarheimilið Silfurtún og
skreyta þar fyrir jólin. Fjáröflunarleiðir klúbbs-
ins hafa ekki alltaf verið hefðbundnar eins og
sala á blómum, ljósaperum, jólapappír og öðru
dóti fyrir jólin. Frumlegasta fjáröflunarleið
þeirra í gegn um tíðina var að þurrka tað og
selja.
Veitti styrki á afmælishátíðinni
Klúbbnum bárust margar veglegar gjafir frá
öðrum Lionsklúbbum á svæðinum. Lionsklúbb-
urinn í Búðardal veitti í tilefni af afmælinu eft-
irtöldum aðilum myndarlega styrki. Heilsu-
gæslan í Búðardal fékk blóðþrýstings- og
súrefnismettunarmæli til notkunar í sjúkra-
flutningum, Dvalarheimilið Silfurtún fékk
sjúkralyftu, Grunnskólinn í Búðardal fékk pen-
inga til kaupa á orðabókum og nýstofnað sögu-
félag fékk 30 þúsund króna styrk til starfsem-
innar. Margir af félögum klúbbsins voru
heiðraðir en æðsta heiðursmerki Lionshreyfing-
arinnar hlaut Jóhann Sæmundsson, Melvin Jon-
es heiðursmerkið og skjöld sem því fylgir. Jó-
hann hefur verið öflugur félagi í gegnum tíðina
og vel að þessum heiðri kominn.
Lionsklúbburinn í Búðardal hefur þá sérstöðu
meðal annara klúbba að hann var fyrstur til að
stofna deild innan klúbbsins en það er Lions-
deildin á Reykhólum. Stjórnarmenn klúbbsins í
Búðardal sem stóðu að þessu og formaður
Reykhóladeildar fengu sérstakt heiðursmerki
vegna þessa framtaks frá alþjóðarforseta Lions-
hreyfingarinnar. Margir tóku til máls og óskuðu
klúbbnum til hamingju með tímamótin. Annar
af stofnfélögum sem var á hátíðinni, Friðjón
Þórðarson, flutti m.a. ávarp þar sem hann rakti
tildrög að stofnun klúbbsins. Stofnfélagar voru
16 talsins og var Friðjón fyrsti formaður klúbbs-
ins. Eftir hátíðarmálsverð í umsjá Gunnars
Björnssonar í Dalakjöri, lék hljómsveitin Upp-
lyfting fyrir dansi fram eftir nóttu.
Morgunblaðið/Helga H. Ágústsdóttir
Guðmundur Pálmason, formaður Lionsklúbbsins í Búðardal, Einar Þórðarson umdæmisstjóri,
Jóhann Sæmundsson Melvin Jones orðuhafi og Hörður Sigurjónsson fjölumdæmisstjóri.
Stofnfélagar heiðraðir, Friðjón Þórðarson og
Ingvi Hallgrímsson, hjá þeim stendur núver-
andi formaður Lionsklúbbsins, Guðmundur
Pálmason.
Lionshátíð
í Dölum