Morgunblaðið - 16.12.2003, Page 20

AKUREYRI
20 ÞRIÐJUDAGUR 16. DESEMBER 2003 MORGUNBLAÐIÐ
HÖFUÐBORGARSVÆÐIÐ
Hafnarfjörður | Sérstakur kynn-
ingarfundur fyrir foreldra um for-
varnir og fjölskyldumál verður
haldinn á vegum Foreldraskólans
í Gamla bókasafninu klukkan
19:15 í kvöld. Þar munu fara fram
umræður og fræðsla fyrir hafn-
firska foreldra um það sem líta
ber til þegar jól og áramót nálg-
ast:
 Davíð Bergmann sem er fyrr-
verandi vandræðabarn og núver-
andi meðferðarfulltrúi mun fjalla
um reynslu sína og þann lærdóm
sem draga má af henni.
 Arnar Ævarsson, frá fé-
lagsmiðstöðinni Vitanum Lækjar-
skóla, mun fjalla um gildi sam-
verustunda fjölskyldunnar.
 Jóhanna Fleckenstein starfs-
maður Götuvitans, sem unnið hef-
ur úti meðal ungs fólks á gamlárs-
kvöldi, mun fjalla um reynslu
Götuvitans af unglingum á ára-
mótum.
 Ennfremur munu fara fram
umræður og hópavinna meðal
foreldra.
Foreldraskólinn er samstarfs-
verkefni ýmissa aðila í Hafnarfirði
er láta sig forvarnir og fræðslu til
foreldra varða. Hann er ætlaður
foreldrum í Hafnarfirði. Foreldra-
skólinn stendur fyrir fræðslu- og
upplýsingakvöldum í vetur í
Gamla bókasafninu, þar sem for-
eldrar og aðrir áhugasamir fá
tækifæri til að taka þátt í áhuga-
verðu verkefni og vera með í mót-
un skólans.
Hvert kvöld verður tekið fyrir
ákveðið málefni t.d. samskipti for-
eldra og unglings, jákvæð sam-
skipti, gildi samveru fjölskyld-
unnar, áfengis- og vímuefnamál,
útivistartíma, fjármál unglinga og
Samstöðu og samheldni foreldra.
Verkefnið er fjölþætt og
áhersla á að foreldrar verði virkir
þátttakendur. Hvert kvöld verður
sjálfstætt og ættu því allir að geta
fundið áhugavert málefni.
Foreldraskóli í forvörnum
Kópavogur | Útgáfuhátíð vegna bók-
ar um dr. Helga Pjeturss var haldin í
Bókasafni Kópavogs um daginn.
Jarðfræðiafrek Helga, sem var
fyrsti Íslendingurinn sem lauk dokt-
orsprófi í jarðfræði, voru dregin
fram í dagsljósið auk þess sem höf-
undar bókarinnar kynntu hana og
árituðu.
Á bókarkápu segir meðal annars:
„Jarðfræðingurinn Helgi Pjeturss
(1872–1949) var fyrsti Íslending-
urinn sem lauk doktorsnámi í jarð-
fræði. Hann tók þá ákvörðun á ung-
lingsárum að verða jarðfræðingur og
stunda rannsóknir á Íslandi en fyrir
hans tíma hafði fræðigreinin mest
einkennst af landkönnunum og yf-
irlitsrannsóknum. Helgi komst fljótt
í álit meðal erlendra vísindamanna.
Ekkert starf við hæfi bauðst honum
á Íslandi en styrkir gerðu honum
kleift að stunda rannsóknir um ára-
bil með frábærum árangri.“
Morgunblaðið/Þorkell
Höfundar bókarinnar, þau Þorsteinn Þorsteinsson, Elsa G. Vilmundar-
dóttir og Samúel D. Jónsson, glugga í nýtkomna afurð sína.
Bók um Helga Pjeturss kynnt
Pottaskefill í bæinn | Pottaskefill
heitir jólasveinninn sem í dag kemur
til byggða og að vanda mun hann líta
inn í Fjölskyldu- og húsdýragarðinn.
Pottaskefill ku vera afar hrifinn af
hreindýrum og mun væntanlega
heimsækja þau um tvöleytið.
Á morgun er síðan von á Askasleiki
í Fjölskyldu- og húsdýragarðinn, en
hann er hrifnari af kindunum, svo
töluvert meiri líkur eru á að finna
hann þar um tvöleytið á morgun.
Mosfellsbær | Fjárhagsáætlun Mos-
fellsbæjar fyrir árið 2004 hefur verið
lögð fram til fyrri umræðu í bæjar-
stjórn. Áætlunin gerir ráð fyrir að
rekstrarafkoma bæjarsjóðs fyrir
fjármagnsliði verði jákvæð um 198
mkr. sem er 26% betri afkoma en út-
komuspá fyrir árið 2003 gerir ráð
fyrir. Til samanburðar var útkoman
neikvæð um 152 mkr. á árinu 2002 og
er því um að ræða um 350 mkr. um-
skipti á rekstri bæjarsjóðs. Þetta
kemur fram í fréttatilkynningu sem
bæjarfulltrúar Sjálfstæðisflokks
sendu frá sér.
Samkvæmt áætluðu sjóðsstreymi
bæjarsjóðs og þegar tekið hefur ver-
ið tillit til reiknaðra stærða eins og
afskrifta og verðbóta er gert ráð fyr-
ir að veltufé frá rekstri verði jákvætt
um 226 mkr. á árinu 2004, jákvætt
um 191 mkr. árið 2003. En til sam-
anburðar var veltufé frá rekstri nei-
kvætt um 103 mkr. árið 2002.
Í samstæðureikningi er ráðgert
að til nýframkvæmda verði varið um
340 mkr. Ber þar hæst framkvæmd-
ir við 2. áfanga Lágafellsskóla að
upphæð 91 mkr., hönnun nýs leik-
skóla að upphæð 10 mkr., fram-
kvæmdir við nýja sundlaug og
íþróttahús á vestursvæði að upphæð
70 mkr., búningshús að Tungubökk-
um að upphæð 13 mkr., stækkun
golfvallar að upphæð 7 mkr., flutn-
ing bókasafns að upphæð 10 mkr.,
endurgerð eldri gatna að upphæð 40
mkr. og fráveituframkvæmdir að
upphæð 70 mkr.
Í fréttatilkynningunni segir enn-
fremur: „Á yfirstandandi fjárhags-
ári hefur samstaða og ábyrgð stjórn-
enda bæjarins og forstöðumanna
sviða og stofnana skilað bæjarsjóði
Mosfellsbæjar verulegum árangri.
Tekist hefur að snúa rekstri bæjar-
sjóðs við og er staðan nú þannig að
reksturinn er að skila verulegum
fjármunum upp í fjárfestingar í stað
þess að rekstrarhalli hafi verið fjár-
magnaður með lántökum. Skulda-
söfnun hefur verið stöðvuð.“
Afkoma batnar
Fjárhagsáætlun Mosfellsbæjar 2004
MEIRIHLUTI sveitarstjórnar
Hörgárbyggðar hefur hafnað erindi
frá Sorpeyðingu Eyjafjarðar þess
efnis að láta fram fara jarðvegsrann-
sóknir í landi Skúta en þar átti að
kanna hvort jörðin væri álitlegur
kostur undir nýjan sorpurðunarstað.
Helga A. Erlingsdóttir, sveitarstjóri
Hörgárbyggðar, sagði að málið hefði
verið skoðað fram og til baka. Meiri-
hluti sveitarstjórnar hafi ekki viljað
sorpið á þennan stað og setti m.a. fyr-
ir sig nálægð við vatnsverndarsvæðin
á Laugalandi og Vöglum, svo og við
Þelamerkurskóla. „Þetta er mjög erf-
itt mál og það má segja að við séum
því enn á byrjunarreit,“ sagði Helga.
Áður hafði sveitarstjórn Hörgár-
byggðar hafnað því að jörðin Gásir
yrði næsti sorpurðunarstaður í Eyja-
firði, bæði vegna mótmæla íbúa í
næsta nágrenni jarðarinnar og einnig
vegna nálægðar við fornminjar á Gás-
um.
Jakob Björnsson, formaður stjórn-
ar Sorpeyðingar Eyjafjarðar, sagðist
afar óhress með þessa afstöðu sveit-
arstjórnar, ekki síst vegna þess að á
íbúaþingi í sveitarfélaginu hafi ekki
komið fram mikil andstaða við það að
þetta svæði yrði skoðað. „Ég botna
heldur ekkert í því hvað sveitarstjórn
Hörgárbyggðar átti við í bréfi í sum-
ar, þar sem fram kemur að hún legð-
ist ekki gegn því að aðrir staðir í sveit-
arfélaginu verði skoðaðir.“
Næsta skref að
skoða Bjarnarhól
„Við munum fara yfir stöðuna í
stjórninni en ég á ekki von á öðru að
næsta skref verði að leita til sveitar-
stjórnar Arnarneshrepps en Bjarnar-
hóll var sá staður sem þótti næstbesti
kosturinn á eftir Gásum í skýrslu um
málið.“
Jakob sagði að mest félli til af sorpi
á Akureyri og því hafi verið horft til
þess að nýr urðunarstaður yrði sem
næst bænum. Bjarnarhóll er mun
lengra frá Akureyri en t.d. Skútar og
Gásir. „Þetta er hið versta mál en það
er ekki um annað að ræða en að við
leysum það í sameiningu. Þetta er bú-
ið að taka mörg ár en það verður að
finnast nýr urðunarstaður og það
strax,“ sagði Jakob.
Til stóð að hætta urðun á Glerárdal
nú um áramótin, eftir að starfsleyfið
þar rennur út. Vegna þeirrar stöðu
sem málið er í hefur verið leitað eftir
framlengingu á starfsleyfi þar.
Hugsanlegri sorpurðun í landi
Skúta í Hörgárbyggð hafnað
Enn á byrjunarreit
ÁRANGUR akureyrskra íþrótta-
manna var góður á árinu en sam-
kvæmt þeim upplýsingum sem bor-
ist hafa til stjórnar Afreks- og
styrktarsjóðs Akureyrar hafa 323
Íslandsmeistaratitlar unnist á árinu.
Þá voru margir Akureyringar vald-
ir til að leika með landsliðum í hin-
um ýmsu íþróttagreinum.
Hin árlega úthlutun úr Afreks- og
styrktarsjóði fer fram í hófi sem
haldið verður í Íþróttahöllinni
mánudaginn 29. desember nk. kl.
16. Auk úthlutunar úr sjóðnum
verður nokkrum einstaklingum
veitt sérstök viðurkenning og einn-
ig verður öllum þeim Akureyr-
ingum er unnið hafa til Íslands-
meistaratitils á árinu 2003 afhentur
minnispeningur Íþrótta- og tóm-
stundaráðs. Þá verður og tilkynnt
val Íþróttabandalags Akureyrar á
íþróttamanni ársins.
Það er von Íþrótta- og tómstunda-
ráðs að þessir glæsilegu afreks-
menn og þjálfarar þeirra sjái sér
fært að koma til athafnarinnar, seg-
ir í fréttatilkynningu. Góðar veit-
ingar verða fram bornar í boði Ak-
ureyrarbæjar.
Góður árangur
íþróttafólks á árinu
BRAUTARGENGI, námskeiði fyrir
konur um stofnun og rekstur fyr-
irtækja, lauk í fyrsta sinn með
brautskráningu á landsbyggðinni í
vikunni, en alls voru 24 konur út-
skrifaðar á þremur stöðum, Ak-
ureyri, Egilsstöðum og Ísafirði.
Staðirnir voru tengdir saman með
fjarfundarbúnaði.
Áhersla var lögð á að þátttak-
endur kynntust grundvallaratriðum
um stofnun fyrirtækja og öllu því
sem snýr að fyrirtækjarekstri,
stefnumótun, markaðsmálum og
fjármálum. Þeir unnu svo í lokin við-
skiptaáætlun og komust þannig að
raun um hve mikilvæg áætlanagerð
er við undirbúning að stofnun og
rekstri fyrirtækja Alls tók nám-
skeiðið 75 klukkustundir. Það er ein-
göngu ætlað konum þar sem sýnt
þykir að mikil þörf sé fyrir slíkan
vettvang fyrir þær sem eru að stíga
sín fyrstu skref í viðskiptalífinu.
Verkefnin voru fjölbreytt, m.a.
ráðgjafarþjónusta ýmiss konar, mat-
vælaframleiðsla, þjónusta við ferða-
menn, verslun og þróun á nýjum
vörum og vörumerkjum.
Veitt var viðurkenning fyrir bestu
viðskiptaáætlunina á hverju stað. Á
Akureyri kom hún í hlut Sigríðar
Bjarnadóttur, á Ísafirði Önnu Guð-
rúnar Edvardsdóttur og á Egils-
stöðum var það Alda Pálsdóttir sem
hlaut viðurkenningu.
Morgunblaðið/Kristján
Konurnar sem útskrifuðust á Akureyri, fremsta röð f.v. Valdís Viðars-
dóttir, Guðrún S. Kristinsdóttir og Sigríður Bjarnadóttir, sem jafnframt
fékk viðurkenningu fyrir bestu viðskiptaáætlunina á Akureyri. Miðröð f.v.
Jónína Þorbjarnardóttir, Guðrún Þorbjarnardóttir, Bryndís Kondrup og
Fjóla Friðriksdóttir. Aftasta röð f.v. Laufey Petra Magnúsdóttir, Arnrún
Magnúsdóttir og Hildur Arnardóttir.
Brautargengi veitt