Morgunblaðið - 16.12.2003, Blaðsíða 18
Höfuðborgin | Akureyri | Suðurnes | Austurland | Landið
Minnstaður
Höfuðborgarsvæðið Svavar Knútur Kristinsson, svavar@mbl.is, sími 569-1100.
Suðurnes Helgi Bjarnason, helgi@mbl.is, sími 569-1310 og 897-9706. Akureyri Skapti
Hallgrímsson, skapti@mbl.is, Margrét Þóra Þórsdóttir, maggath@mbl.is og Kristján
Kristjánson, krkr@mbl.is, sími 461-1600. Vesturland Ásdís Haraldsdóttir, asdish@mbl.is,
sími 898-5258. Austurland Steinunn Ásmundsdóttir, austurland@mbl.is, sími 862-1169.
Árborgarsvæðið og Landið Guðrún Aðalsteinsdóttir, frett@mbl.is, sími 569-1290.
Mínstund skapti@mbl.is
Góð jólastemmning er í Reykjanesbæ og
öðrum byggðarlögum á Suðurnesjum. Eins
og aðrir landsmenn skreyta Suðurnesja-
menn híbýli sín að innan og sumir að utan
einnig. Þegar ekið er um ákveðnar götur í
Keflavík og Njarðvík liggur við að maður
fái ofbirtu í augun, slíkar eru skreyting-
arnar. Óvíða eða kannski hvergi er að finna
jafn mörg jólahús. Að öðrum húseigendum
ólöstuðum fer fjölskyldan að Týsvöllum 1 í
Keflavík þar fremst í flokki. Full ástæða er
til að vekja athygli fólks á húsi hans og fleiri
fallegum húsum í nágrenninu. Það er vel
þess virði að taka rúnt um hverfið í ljósa-
skiptunum einhvern daginn eða þegar kom-
ið er myrkur. Í leiðinni er sjálfsagt að aka
niður Hafnargötuna í Keflavík og sjá upp-
lýst Bergið, en það er sérstakt listaverk
sem skapar gamla bænum sérstöðu.
Reykjanesbær hefur hvatt íbúana til að
standa vel að jólaskreytingum húsa sinna
með því að efna árlega til samkeppni um
fallegustu jólahúsin. Úrslit verða kynnt
næstkomandi föstudag. Sigurvegarnir fá
viðeigandi verðlaun, inneign á rafmagns-
reikning. Sjálfsagt veitir ekki af.
Reykjanesbær og fyrirtæki í bæj-
arfélaginu hvetja íbúana ákaft til að kaupa
inn í heimabyggð. Verslanir og nýstofnuð
miðbæjarsamtök kynna framboðið á kraft-
mikinn hátt og standa fyrir ýmsum uppá-
komum.
Hótel Keflavík, kaupmenn og samstarfs-
menn þeirra ganga skrefinu lengra. Hvetja
íbúa annarra byggðarlaga til að koma til
Reykjanesbæjar til að kaupa inn fyrir jólin.
Gulrótin er endurgjaldslaus gisting á glæsi-
hóteli. Til þess að fá gistinguna fría þarf
vissulega að fullnægja ákveðnum skilyrðum
en það helsta er að skila nótum fyrir kaup-
um á þjónustu og vörum í Reykjanesbæ
sem nemur andvirði gistingarinnar. Gist-
ingin á Hótel Keflavík fæst því án endur-
gjalds ef smáhluti jólainnkaupanna er færð-
ur til Reykjanesbæjar og kemur þá flest til
greina.
Hafnargatan í Keflavík er Laugavegur
íbúanna í Reykjanesbæ. Á þessu ári hefur
hluti götunnar verið tekinn í gegn og hefur
tekist vel til. Sá hluti götunnar sem fengið
hefur andlitslyftingu er aðlaðandi, ekki síst
nýtur lýsingin sín vel í skammdeginu, og
rímar vel við það framtak bæjarins, kaup-
manna og samstarfsmanna þeirra að hvetja
íbúana og gesti til að huga að verslunarleið-
angri þangað.
Úr
bæjarlífinu
REYKJANESBÆR
EFTIR HELGA BJARNASON
BLAÐAMANN
Stefnt er að því aðleggja af bílavog-ina á Suðureyri
vegna mikils viðhalds-
kostnaðar og hárra lög-
gildingargjalda, að sögn
Guðmundar Kristjáns-
sonar, hafnarstjóra Ísa-
fjarðarbæjar, á frétta-
vefnum bb.is. Þess í stað
er ætlunin að taka í
notkun tvær nýjar gaff-
alvogir frá Póls á Ísa-
firði. Hann segir yf-
irleitt nægjanlegt að
hafa eina slíka til taks
en tvær tryggi rekstrar-
öryggi. Hann segir að
löggildingargjaldið á
bílavoginni sé 130 þús-
und krónur en einungis
30 þúsund á gaffalvog.
Nýju gaffalvogirnar
kosta um 260 þúsund
krónur hver.
Dýr bílavog
Ólafsvík | Þótt blási að norðan og kuldaboli bíti í kinnar
Ólafsvíkinga láta börnin það ekki á sig fá og eru iðin að
fara út að renna sér á sleðum. Þó svo að fremur lítið sé
af snjó í bænum má alltaf finna sér smábrekku til þess
að fara nokkrar salíbunur. Það borgar sig þó að verjast
kuldanum og klæða sig vel.
Morgunblaðið/Alfons
Úti að leika í Ólafsvík
EINAR Kolbeinssonhjó eftir því ífréttum að Keikó
drapst ekki, líkt og
skepnur eiga vanda til,
heldur dó:
Heyra má harmþrunginn grátinn
því heilmikið gefur á bátinn.
Raunalegt gól,
um rjúpnalaus jól.
– Og hvalurinn Keikó er látinn.
Menn veltu því fyrir sér
hvort Hallur Hallsson
yrði spurður sinnar
„uppáhalds spurningar“ í
kjölfarið á fráfalli Keikós,
– ertu bitur? Hjálmar
Freysteinsson orti:
Nú er dimmt á norðurslóð,
nú er Keikó allur.
Agndofa spyr íslensk þjóð:
Ertu bitur Hallur?
Að lokum jólastemmning
Guðmundar Guðna:
Bráðum verða blessuð jól
boðuð öllum heimi
þá er eins og árdagssól
inn í hjartað streymi.
Keikó allur
pebl@mbl.is
Mývatnssveit | Nú er ísinn orðin
traustur á Mývatni og nokkur
snjór hefur fallið hér að und-
anförnu. Það gefur mönnum til-
efni til að taka fram gönguskíðin
og viðra sig á skíðum. Fátt er
betur til þess fallið að fríska lík-
ama og sál í skammdeginu. Þó að
komið sé kvöld og myrkur þá er
hvergi betra að horfa á stjörnur
og gervitungl en af ísilögðu vatn-
inu.
Hér hefur einn göngumaður,
Pétur Bjarni Gíslason, úr Björg-
unarsveitinni Stefáni, lent í því
að bleyta skíðin á ísnum, slíkt
kemur fyrir þar sem vatn hefur
náð að flæða ofan á ísinn. Þá get-
ur þurft að taka af sér skíðin og
skafa ís neðan úr þeim til að end-
urheimta rennslið. Pétur Bjarni
hafði ekki annað tiltækara en að
nota stálkantana á öðru skíðinu
til að skafa neðan úr hinu.
Morgunblaðið/BFH
Ganga á vatninu í skammdeginu
Skíðaganga
Húsavík | Norska fyrirtækið Glucomed
hefur gert samning um kaup á heitu og
köldu vatni við Orkuveitu Húsavíkur í
tengslum við kítínverksmiðju sem fyrir-
tækið hyggst byggja í bænum. Þá hefur
fyrirtækið
fengið vilyrði
hjá bænum
fyrir lóð und-
ir starfsem-
ina. Kítínið,
sem er unnið
úr rækju-
skel, verður
notað til að
framleiða
lyfið gluco-
samine sem
styrkir
brjósk og
bandvef líkamans. Lyfjaframleiðslan verð-
ur, ef allt gengur eftir, á Húsavík en kít-
ínverksmiðjan sjálf verður byggð í fyrsta
áfanga, hugsanlega strax á næsta ári.
Samkvæmt áætlun norska fyrirtækisins,
sem á einkaleyfi á aðferðinni sem verður
notuð við framleiðslu lyfsins, er gert ráð
fyrir að starfsemin verði að fullu upp-
byggð árið 2007.
20 manns fá vinnu
Tryggvi Finnsson hjá Atvinnuþróunar-
félagi Þingeyinga segir verkefnið hafa
haft langan aðdraganda „en við metum
það þannig að menn séu nú tilbúnir að
fara út í hönnun og undirbúning verklegra
framkvæmda í tengslum við verkefnið“.
Ástæðan fyrir því að Húsavík er hent-
ugur staður fyrir framleiðsluna er sú að
aðferðin sem beitt er krefst 120–125 gráða
heits vatns og einnig þarf mikið af 4 gráða
köldu, hreinu vatni. „Þessar aðstæður eru
hér á Húsavík,“ segir Tryggvi og bætir við
að rækjuskelin sem þarf til framleiðsl-
unnar muni í það minnsta að stórum hluta
koma frá fyrirtæki á Húsavík. Þegar
starfsemin er komin í fullan gang er áætl-
að að um 20 manns geti fengið vinnu hjá
fyrirtækinu.
Tryggvi segir að Húsvíkingar bindi von-
ir við að koma Glucomed til bæjarins muni
aðeins marka upphafið og fleiri fyrirtæki í
lyfjaiðnaði fylgja í kjölfarið.
Glucomed ehf er í eigu Glucomed AS í
Haugasundi í Noregi. Hluthafar eru t.d.
lyfjafyrirtækið Weifa AS í Noregi og
þýska fyrirtækið Kreeber Ghbh Ham-
burg, sem framleiðir ýmis efni til lyfja-
gerðar. Glucomed er skráð á verðbréfa-
markað í Noregi, segir á heimasíðu
Atvinnuþróunarfélagsins.
Stefnt að
byggingu kít-
ínverksmiðju
á næsta ári
Frá Húsavík