Morgunblaðið - 16.12.2003, Blaðsíða 10
Samþykkt með 30
atkvæðum gegn 14
Morgunblaðið/Þorkell
Ögmundur Jónasson, þingmaður Vinstrihreyfingarinnar, greiddi atkvæði gegn frumvarpinu, en Jón Kristjánsson
heilbrigðisráðherra var í hópi þeirra sem studdu frumvarpið, en það gerðu allir þingmenn stjórnarflokkanna.
ALÞINGI samþykkti í gær frumvarp
um eftirlaun æðstu embættismanna.
Var það samþykkt með 30 atkvæðum
gegn 14. Ellefu þingmenn sátu hjá við
atkvæðagreiðsluna. Átta þingmenn
voru fjarverandi.
Allir þingmenn Sjálfstæðisflokks-
ins og Framsóknarflokksins, sem við-
staddir voru atkvæðagreiðsluna,
studdu frumvarpið. Auk þeirra studdi
Guðmundur Árni Stefánsson, þing-
maður Samfylkingarinnar, frumvarp-
ið, en hann er meðal flutningsmanna
þess.
Aðrir þingmenn Samfylkingarinn-
ar greiddu ýmist atkvæði á móti
frumvarpinu eða sátu hjá. Þeir þing-
menn flokksins sem greiddu atkvæði
gegn frumvarpinu eru: Anna Kristín
Gunnarsdóttir, Ágúst Ólafur Ágústs-
son, Ásta R. Jóhannesdóttir, Helgi
Hjörvar, Jóhanna Sigurðardóttir,
Katrín Júlíusdóttir og Mörður Árna-
son. Auk þeirra greiddi allur þing-
flokkur Frjálslynda flokksins at-
kvæði gegn frumvarpinu; þar á meðal
Steinunn K. Pétursdóttir, sem situr á
þingi í fjarveru Guðjóns A. Kristjáns-
sonar, formanns flokksins, og Sigur-
jón Þórðarson, einn flutningsmanna
frumvarpsins. Þá greiddu þrír þing-
menn Vinstrihreyfingarinnar –
græns framboðs atkvæði gegn frum-
varpinu, þ.e. þeir Ögmundur Jónas-
son, Jón Bjarnason og Hlynur Halls-
son, sem situr á þingi í fjarveru
Steingríms J. Sigfússonar, formanns
flokksins. Kolbrún Halldórsdóttir var
fjarstödd atkvæðagreiðsluna en Þur-
íður Backman sat hjá. Hún er einnig
meðal flutningsmanna frumvarpsins.
Auk Þuríðar Backman, VG, sátu
eftirfarandi þingmann hjá við at-
kvæðagreiðsluna: Ásgeir Friðgeirs-
son, Björgvin Sigurðsson, Bryndís
Hlöðversdóttir, Einar Már Sigurðar-
son, Guðrún Ögmundsdóttir, Jóhann
Ársælsson, Jón Gunnarsson, Kristján
L. Möller, Margrét Frímannsdóttir
og Rannveig Guðmundsdóttir, allt
þingmenn Samfylkingarinnar.
Átta þingmenn voru fjarstaddir at-
kvæðagreiðsluna, eins og áður sagði.
Það eru þingmennirnir: Birkir J.
Jónsson, Framsóknarlokki, Drífa
Hjartardóttir, Sjálfstæðisflokki, Ein-
ar K. Guðfinnsson, Sjálfstæðisflokki,
Guðlaugur Þór Þórðarson, Sjálf-
stæðisflokki, Kolbrún Halldórsdóttir,
Vinstri grænum, Lúðvík Bergvins-
son, Samfylkingu, og Össur Skarp-
héðinsson, Samfylkingu.
Stuðlar að stéttaskiptingu
Þuríður Backman sagði við at-
kvæðagreiðsluna að í ljósi þess að
breytingartillögur hennar við frum-
varpið hefðu verið felldar teldi hún
sig ekki bundna því að styðja frum-
varpið í heild. Hún sat því hjá. Breyt-
ingartillögur hennar gengu m.a. út á
að afnema eða lækka álagsgreiðslur
til formanna stjórnarandstöðuflokk-
anna. Ögmundur Jónasson, Vinstri
grænum, ítrekaði andstöðu sína við
frumvarpið í atkvæðagreiðslunni.
Sagði hann það m.a. stuðla að misrétti
og stéttaskiptingu. Gunnar Örlygs-
son, þingmaður Frjálslynda flokks-
ins, sagðist hafa verið andsnúinn
frumvarpinu frá fyrstu stundu. „Af-
staða mín hefur aldrei tekið breyting-
um í þeirri miklu umfjöllun sem hér
hefur átt sér stað. Ég er á móti þeirri
grundvallarhugsun að ráðamenn
þjóðarinnar njóti sérstakra lífeyris-
réttinda umfram annað fólk í land-
inu.“
Tillaga Þuríðar felld
Áður en atkvæði voru greidd um
frumvarpið í heild, fór fram atkvæða-
greiðsla um breytingartillögu frá
Þuríði Backman, sem lögð var fram í
gær við þriðju umræðu. Í tillögunni
var lagt til að eftirfarandi málsliður
bættist við frumvarpið. „Lög þessi
koma þó eigi til framkvæmda fyrr en
nefnd sem Alþingi kýs með fulltrúum
allra þingflokka hefur farið yfir
ákvæði þeirra í því skyni að ná sátt
um þau, skilað Alþingi tillögum og
þingið tekur afstöðu til þeirra.“
Þessi breytingartillaga Þuríðar var
felld með 29 atkvæðum þingmanna
Sjálfstæðisflokks og Framsóknar-
flokks gegn fjórum atkvæðum þing-
manna Vinstri grænna og þremur at-
kvæðum þingmanna Frjálslynda
flokksins. Kolbrún Halldórsdóttir,
þingmaður VG, var fjarstödd at-
kvæðagreiðsluna en fjórði þingmaður
Frjálslynda flokksins, Gunnar Ör-
lygsson, sat hjá. Það gerðu einnig all-
ir þingmenn Samfylkingarinnar sem
voru viðstaddir atkvæðagreiðsluna í
gær.
Eftirlaunafrumvarpið hlaut afgreiðslu á Alþingi í þinglok
FRÉTTIR
10 ÞRIÐJUDAGUR 16. DESEMBER 2003 MORGUNBLAÐIÐ
FRUMVARP um línuívilnun fyrir dagróðrabáta
var samþykkt á Alþingi í gær með 29 atkvæðum
þingmanna Sjálfstæðisflokksins og Framsóknar-
flokksins gegn 22 atkvæðum þingmanna Samfylk-
ingarinnar og Frjálslynda flokksins. Þingmenn
Vinstrihreyfingarinnar – græns framboðs sátu hjá
við atkvæðagreiðsluna. Níu þingmenn voru fjar-
staddir.
Áður en frumvarpið var samþykkt var breyting-
artillaga frá Grétari Mar Jónssyni, Frjálslynda
flokknum, og Jóni Bjarnasyni, Vinstri grænum,
felld með 28 atkvæðum gegn 23. Með breyting-
artillögunni var lagt til að eftirfarandi málsgrein
bættist við lögin um stjórn fiskveiða: „Leyfilegir
sóknardagar hvers fiskveiðiárs verði aldrei færri
en 23 og skal þeim fjölgað um einn fyrir hver 20
þúsund tonn leyfðs heildarþorskafla á fiskveiði-
árinu umfram 230 þúsund tonn.“
Ekki tekið á málefnum dagabáta
Í umræðunni um frumvarpið fyrr um daginn
ítrekaði Kristinn H. Gunnarsson, starfandi for-
maður sjávarútvegsnefndar þingsins, að það hefði
verið niðurstaða stjórnarmeirihlutans að taka ekki
að sinni á málefnum dagabáta. „Það er niðurstaða
okkar að leggja ekki til að þessu sinni breytingar á
því fyrirkomulagi heldur að halda áfram að vinna
að lausn þess.“ Hann sagði að það væri nauðsyn-
legt að skoða frekar þær tillögur sem fram hefðu
komið, t.d. um að tengja saman sóknardaga og vél-
arafl. „Það er stefna okkur að vinna hratt að til-
lögugerð í þessu máli.“ Hann sagði niðurstaðna að
vænta á þessum vetri.
Enn ein skóbótin
Í síðustu umræðu um frumvarpið ítrekuðu þing-
menn Samfylkingarinnar andstöðu sína við það.
Þá sagði Sigurjón Þórðarson, þingmaður Frjáls-
lynda flokksins, að frumvarpið væri meingallað.
Með því væri verið að taka af byggðakvóta, hvað
sem hver segði. Taldi hann frumvarpið enn eina
skóbótina á handónýtt fiskveiðistjórnunarkerfi.
Unnið að tillögum fyrir dagabáta
Frumvarp um línuívilnun dagróðrabáta var samþykkt á Alþingi í gær
SIV Friðleifsdóttir umhverfisráð-
herra hefur lagt fram á Alþingi til-
lögu til þingsályktunar um náttúru-
verndaráætlun 2004–2008. Megin-
efni tillögunnar er að Alþingi álykti,
með vísan í náttúruverndarlög, að á
næstu fimm árum skuli unnið að frið-
lýsingu fjórtán svæða á landinu til að
stuðla að traustari vernd íslenskrar
náttúru og framkvæmd alþjóðlegra
samninga um náttúruvernd hér á
landi. Jafnframt verði á tímabilinu
unnið áfram að stofnun Vatnajökuls-
þjóðgarðs.
Brýtur blað
Í greinargerð segir að með gerð
náttúruverndaráætlunarinnar til
fimm ára sé brotið blað í sögu nátt-
úruverndar á Íslandi. „Með henni er
lagður grundvöllur að markvissari
verndun náttúru Íslands en áður
hefur tíðkast. Náttúruverndaráætl-
un 2004–2008 markar fyrsta skrefið í
þá átt að koma á fót skipulögðu neti
verndarsvæða hér á landi sem bygg-
ist annars vegar á vísindalegum
gagnagrunnum um náttúru Íslands
og hins vegar á faglegu mati á vernd-
argildi þeirra, segir í greinargerð-
inni.
Lagt er til að áætlunin taki m.a. til
fuglasvæða, s.s. í Vestmannaeyjum,
til stækkunar þjóðgarða, m.a. þjóð-
garðsins í Skaftafelli og til plöntu-
svæða, s.s. við Látraströnd.
Náttúru-
verndar-
áætlun
lögð fram
ALÞINGI kaus í gær fjóra aðalmenn
og jafnmarga varamenn í stjórnar-
nefnd Landspítala – háskólasjúkra-
húss. Þórir Kjartansson verkfræð-
ingur, Margrét S. Björnsdóttir
framkvæmdastjóri, Esther Guð-
mundsdóttir þjóðfélagsfræðingur og
Margrét Sverrisdóttir framkvæmda-
stjóri voru kjörin sem aðalmenn.
Auður Guðmundsdóttir markaðs-
stjóri, Ari Skúlason framkvæmda-
stjóri, Sigríður Finsen hagfræðingur
og Svandís Svavarsdóttir táknmáls-
fræðingur voru kjörin sem vara-
menn.
Kjörið er til fjögurra ára frá og
með 22. desember nk.
Ný stjórnar-
nefnd LSH
kjörin
á Alþingi
ALÞINGISMENN fóru í jólafrí um
hádegisbil í gær. Davíð Oddsson
forsætisráðherra las forsetabréf
þess efnis að þingfundum væri
frestað og að þingið kæmi saman að
nýju hinn 28. janúar 2004. Áður en
fundi var slitið óskaði forseti Al-
þingis, Halldór Blöndal, þingmönn-
um og starfsliði Alþingis gleðilegra
jóla. Þakkaði hann sömuleiðis fyrir
samstarfið á árinu sem er að líða.
Alþingi samþykkti nokkur laga-
frumvörp áður en það fór í jólafrí,
m.a. frumvarp um eftirlaun æðstu
embættismanna og frumvarp um
línuívilnun. Nánar er gerð grein
fyrir atkvæðagreiðslunum um þau
á öðrum stað á þingsíðunni.
Þingmenn
í jólafrí
FIMM þingmenn úr öllum
þingflokkum á Alþingi hafa lagt
fram tillögu til þingsályktunar
um að skipuð verði nefnd til að
kanna starfsumhverfi fjölmiðla
á Íslandi og hvort þörf sé á
lagasetningu eða aðgerðum til
að treysta stöðu sjálfstæðs og
fjölbreytts fjölmiðlareksturs.
Samkvæmt tillögunni er gert
ráð fyrir að kosin verði nefnd
sem skipuð verði fulltrúum
allra þingflokka, sem fái það
hlutverk að kanna starfsskil-
yrði fjölmiðla, hræringar á fjöl-
miðlamarkaði og hvert stefnir.
Nefndinni er ætlað að kanna
sérstaklega hvort þörf sé á að
sporna með lagaákvæðum eða
öðrum hætti gegn óæskilegri
samþjöppun á fjölmiðlamark-
aði, hvort setja eigi sérstök
ákvæði í lög sem tryggja fullt
gegnsæi eignarhalds á fjölmiðl-
um, hvort ástæða sé til að tak-
marka sérstaklega möguleika
aðila til eignarhalds á fjölmiðl-
um sem eru markaðsráðandi
eða mjög umsvifamiklir á öðr-
um sviðum viðskipta, t.d. á sviði
fjármálaþjónustu. Í störfum
sínum er ætlunin að nefndin
hafi samráð við Blaðamanna-
félag Íslands, helstu fjölmiðla
eða samtök þeirra, mennta-
málaráðuneytið og aðra aðila er
málið varðar.
Varhugavert að of fáir
aðilar séu ráðandi
Í greinargerð með tillögunni
segir að fjölmiðlar séu ein meg-
instoð opins samfélags og lýð-
ræðislegrar stjórnskipunar og
hafi einnig undirstöðuhlutverki
að gegna við að tryggja mál-
frelsi. Þar segir einnig að var-
hugavert sé að of fáir aðilar
verði ráðandi um þátt fjölmiðla
í skoðanamyndun samfélags-
ins. Slíkt skapi hættu á að ólík-
um sjónarmiðum sé gert mis-
hátt undir höfði og þeir ræki
ekki sem skyldi aðhalds- og
gagnrýnishlutverk sitt.
„Samþjöppun á fjölmiðla-
markaði er því afar varasöm.
Einnig er nauðsynlegt að ætíð
liggi ljóst fyrir hvernig eignar-
haldi fjölmiðla er háttað,“ segir
í greinargerðinni.
Fyrsti flutningsmaður tillög-
unnar er Álfheiður Ingadóttir,
varaþingmaður VG.
Tillaga þingmanna
úr öllum flokkum
Starfs-
umgjörð
fjölmiðla
verði
könnuð
♦ ♦ ♦
flísar
Stórhöfða 21, við Gullinbrú,
sími 545 5500.
www.flis.is netfang: flis@flis.is
Allt fyrir baðherbergið