Morgunblaðið - 20.12.2003, Blaðsíða 47

DAGLEGT LÍF
MORGUNBLAÐIÐ LAUGARDAGUR 20. DESEMBER 2003 47
Glæsilegt úrval af náttfötum
og trimm-göllum
Seltjarnarnesi, sími 561 1680
Kringlunni, sími 588 1680.
iðunn
tískuverslun
Náttserkur
kr. 1.990
Trimm-gallar
kr. 7.950
Náttföt
kr. 2.750
Í dag kl. 13:00 er þátturinn Heil og sæl á dagskrá Útvarps Sögu 99.4.
Hulda Gunnarsdóttir fer ofan í kjölinn á þessum lúmska og óþægilega kvilla,
spyr sérfræðingana ráða og fær reynslusögur frá þjóðkunnum Íslendingum.
Spurningar til þáttarins sendist á heil@internet.is
Heilsuþátturinn á Útvarpi Sögu 99.4 kl. 13.00 - 14.00 í dag.
Það var mikið um að vera íKertaljósinu á Hvanneyrieinn morguninn í desember.
Krakkarnir í 1. bekk í Grunnskól-
anum í Borgarnesi voru komnir til
að búa til kerti fyrir jólin. Strákarnir
voru búnir með sín kerti og lagðir af
stað til að skoða Hvanneyrarkirkju.
Kolbrún Örlygsdóttir sem rekur
Kertaljósið á Hvanneyri var að út-
skýra fyrir stelpunum hvernig kert-
in væru búin til.
„Þið verið að passa ykkur á vax-
inu,“ sagði hún. „Það er alveg sjóð-
andi heitt og þess vegna verðið þið
að bíða í röðinni eftir að komi að
ykkur og alls ekki troðast. Þegar þið
eruð búnar að dýfa kertunum í pott-
inn farið þið aftast í röðina og bíðið
þar til kemur að ykkur aftur. Svona
gengur þetta koll af kolli þar til
kertin eru tilbúin.“
Stelpurnar fóru í einu og öllu eftir
fyrirmælunum og innan skamms
voru kertin tilbúin. Sumar voru
orðnar þreyttar í puttanum sem hélt
spjaldinu með kertunum tveimur
uppi. En samt fannst þeim þetta
skemmtilegt.
Kertagerð í óvissuferðum
Kolbrún Örlygsdóttir opnaði
Kertaljósið árið 1999, en hún bjó í
Danmörku um skeið og kynntist
kertagerð þar.
Meira er að gera í kertagerðinni á
sumrin og meira um að þá komi
gestir og gangandi inn til að fá að
búa til kerti. Á veturna er meira um
að hópar komi og skólabörn. Þó seg-
ir Kolbrún að ef tíðin er góð sé svo-
lítið um að fólk komi og búi sér til
kerti, sérstaklega þegar fer að nálg-
ast jólin. Hægt er að fá grunn til að
búa til hefðbundin kerti, en þá er
þeim dýft í fljótandi vax sem til er í
mismunandi litum. Auk þess er hún
með kertamót, en þá tekur lengri
tíma fyrir kertið að þorna. Fólk
sleppur með hálftíma í kertagerð-
ina, en lengri tími er nauðsynlegur
ef skreyta á kertin. Kolbrún segir að
oft komi fólk við í Kertaljósinu í
óvissuferðum og er þá boðið upp á
nokkurs konar pakkaferð því hægt
er að fara í ferð um Hvanneyri með
leiðsögumanni sem segir frá staðn-
um og því markverðasta.
Fólk gefur sér mislangan tíma í
kertagerðina. „Á hverju ári kemur
hingað þýsk kona sem hefur mjög
gaman af því að búa til kerti,“ segir
Kolbrún. „Hún kemur með alls kon-
ar dót með sér, perlur og fleira, sem
hún skreytir kertin með. Einnig
kemur oft hingað íslensk kona sem
býr í Bandaríkjunum, bara til að
kaupa sér kerti.“
Kolbrún sjálf býr til fjölbreytt úr-
val kerta sem hún hefur til sölu, auk
þess að búa til kerti eftir pöntunum,
t.d. í skírnar- eða fermingarveislur.
Kertagerð: Stelpunum þótti gaman að búa til kerti.
Morgunblaðið/Ásdís Haraldsdóttir
Kolbrún Örlygsdóttir: Börnin dugleg við kertagerðina.
Í það minnsta kerti …
 HANDVERK
Kertaljósið er opið alla daga
nema sunnudaga frá kl. 12 – 17
og eftir samkomulagi.
Síminn er 437 0050
www.kerti.is
asdish@mbl.is
VINIRNIR og félagarnir til margra
ára þau Auður Alfífa Ketilsdóttir,
Hans Orri Kristjánsson og Halla
Gunnarsdóttir eru nú stödd á Kúbu
þar sem þau eru m. a. að tína appels-
ínur og fræðast um kúbönsku bylt-
inguna. Þau eru mikið ævintýrafólk
og ákváðu að slá saman í lítið kúb-
anskt ævintýri. Ferðin hófst með
flugi til Lundúna 13. desember sl. og
þaðan var haldið áfram til Kúbu. Al-
fífa og Hans ráðgera að koma heim
19. janúar og halda áfram í
háskólanámi, hún í bók-
mennta- og kynjafræði og
hann í bókmenntafræði og
ensku. Halla, sem undanfarið
hefur starfað við blaða-
mennsku, ætlar á hinn bóginn
að halda áfram ferð sinni um
heiminn og stefnir á Asíu að
aflokinni Kúbudvölinni.
Ferðablaðið forvitnaðist um
ferðina hjá Alfífu skömmu áð-
ur en lagt var í’ann.
„Við erum að fara í dag-
skrá, sem er skipulögð í
samvinnu Kúbverja og vin-
áttufélaga Kúbu á Norður-
löndum. Þegar við lendum í
Havana verður tekið á móti okkur og
við förum í vinnubúðir þar sem við
verðum í þrjár vikur. Á morgnana
vinnum við svo frá kl. 6.45 til 11. Eftir
hádegismat verður einhver fræðsla
um Kúbu og kúbönsku byltinguna og
farið verður í ferðir. Á kvöldin verður
svo menningartengd dagskrá þar
sem við meðal annars munum læra
nokkur orð í spænsku og dansa kúb-
anska dansa.
Skálavist
Um 200 manns eru í vinnubúðun-
um og búa allir gestir í skálum. Þegar
Alfífa er spurð út í tilurð ferðarinnar,
segir hún vin sinn hafi farið í þessar
sömu búðir fyrir nokkrum árum.
„Hann hvatti mig til að hafa sam-
band við Vináttufélag Íslands og
Kúbu þegar ég minntist á Kúbu-
áhuga minn, en VÍK hefur séð um öll
tengsl við Kúbu og skipulag ferðar-
innar og forsvarsmenn félagsins, þau
Sigurlaug og Pétur, hafa reynst okk-
ur ómetanleg. Að öðru leyti höfum við
ekkert undirbúið okkur neitt sérstak-
lega. Hinsvegar eigum við Lonely
Planet-bók um Kúbu sem er Biblía
bakpokaferðalangsins. Við erum öll
vön ferðalögum og finnst þetta því
ekkert stórmál. Það verður svo bara
að koma í ljós hvort við höfum rétt
fyrir okkur,“ segir Alfífa.
„Okkur hefur lengi langað til Kúbu
því saga landsins og menning eru
spennandi. Það er svo líka merkilegt
að þetta litla land hafi lifað af um 40
ára viðskiptabann Bandaríkjanna.
Nú áforma Bandaríkjamenn hins-
vegar að aflétta ferðabanni til Kúbu
og verða örugglega miklar breyting-
ar í kjölfarið. Best þótti okkur að
drífa okkur nú áður en að meiri
breytingar verða. Það er þá alltaf
hægt að fara aftur síðar.“
Ekki búast þremenningarnir við
miklu jólahaldi á Kúbu því Kúbverjar
hafa aldrei gert mikið úr jólahaldi.
„Kúbverjarnir ætla að láta okkur eft-
ir að skipuleggja aðfangadagskvöld
og má þá búast við norrænu kvöldi í
vinnubúðunum. Það verður gaman að
upplifa öðruvísi jól einu sinni. En svo
vöknum við hress klukkan sex á jóla-
dagsmorgun til að tína appelsínur.“
 HVERT ERTU AÐ FARA?
Til Kúbu um jólin
Ljósmynd/Hilmar Bragi Bárðarson
Ævintýrafólk: Auður Alfífa, Hans Orri og
Halla eru í vinnubúðum á Kúbu.
Fáðu fréttirnar
sendar í símann þinn