Morgunblaðið - 27.01.2004, Qupperneq 8

FRÉTTIR
8 ÞRIÐJUDAGUR 27. JANÚAR 2004 MORGUNBLAÐIÐ
Þetta munaði einhverjum 10 mínútum, þú veist hvernig föstudagsumferðin er, Sigga mín,
og þá var búið að loka.
Heimsráðstefna kvenna í atvinnurekstri
Að hvetja kon-
ur til þátttöku
Morgunverðarfund-ur verður í utan-ríkisráðuneytinu
í fyrramálið klukkan 9
vegna þátttöku íslenskra
kvenna í ráðstefnunni Glo-
bal Summit of Women
2004. Þátttakan er sam-
starfsverkefni ráðuneytis-
ins, Félags kvenna í at-
vinnurekstri og Impru.
Morgunblaðið lagði nokkr-
ar spurningar fyrir Jónínu
Bjartmarz alþingismann
sem er í forsvari fyrir þátt-
töku kvenna á ráðstefn-
unni.
– Segðu okkur fyrst
frá þessari ráðstefnu,
þ.e.a.s. hvar fer hún fram,
hvenær og hversu lengi
stendur hún, nokkur orð
líka um sögu hennar?
„Þetta er alþjóðleg ráðstefna
kvenna í viðskiptum sem fram fer
í Seoul í Suður-Kóreu dagana 27.–
29. maí næstkomandi. Ráðstefn-
una sækja konur í viðskiptalífi og
stjórnmálum víða að úr heiminum.
Þátttakendur hafa verið um 500
talsins og hefur ráðstefnan verið
haldin árlega undanfarin ár, en er
sú tíunda á síðustu fjórtán árum.
Síðast var ráðstefnan haldin í
Marakesh og er reynt að fara með
hana sem víðast. Meðal heiðurs-
og aðstoðarráðstefnustjóra hafa
verið tveir kvenforsetar, Vigdís
Finnbogadóttir og Mary Robin-
son, forseti Írlands, varaforsetar
og fjöldi kvenráðherra frá ýmsum
löndum. Það er búist við svipuðum
fjölda þátttakenda að þessu
sinni.“
– Hafa íslenskar konur áður
tekið þátt í ráðstefnunni?
„Já, árið 2002 var ráðstefnan
haldin í Barcelóna og þá fór sendi-
nefnd 17 íslenskra kvenna á ráð-
stefnuna. Undirbúningur þeirrar
sendinefndar var unninn í góðu
samstarfi við viðskiptaþjónustu
utanríkisráðuneytis, Félag
kvenna í atvinnurekstri og Impru
þannig að við höfðum mjög breið-
an og fjölbreyttan hóp. Auk þess
að sækja ráðstefnuna sjálfa skipu-
lögðu viðskiptaþjónustan og
sendiráðið í París, viðskiptafundi
fyrir konurnar, þannig að þær
gætu komist í tengsl við aðila sem
væru áhugaverðir samstarfsaðilar
fyrir þær á Spáni, hvort sem var í
út- eða innflutningi. Þessi ferð
skilaði góðum árangri og mikilli
reynslu fyrir þær konur sem tóku
þátt.“
– Hver er yfirskrift ráðstefn-
unnar að þessu sinni?
„Markmiðið með ráðstefnunni
er að hvetja konur til þátttöku í al-
þjóðlegum viðskiptum með mynd-
un viðskiptatengsla á milli kvenna
alls staðar að úr heiminum.
Áhersla ráðstefnunnar nú er á
nýtingu tækni í viðskiptum, en
auk þess er við undirbúning og
skipulag hverju sinni lögð megin-
áhersla á kynningu á lausnum og
leiðum framhjá og yfir þær hindr-
anir sem víða verða á vegi kvenna,
jafnt í stjórnmálum, viðskiptalífi
og innan stjórnsýsl-
unnar.
Þátttakendum gefst
að þessu sinni gott
tækifæri til að kynnast
viðskiptalífi í Asíu auk
þess að komast í tengsl við konur
frá ýmsum heimshlutum.“
– Hver er akkurinn af því að
halda til ráðstefnu þessarar?
„Þátttakan í ráðstefnunni í
Barcelóna skilaði bæði viðskipta-
tengslum við aðila á Spáni og víð-
ar og var ekki síst mjög lærdóms-
rík fyrir þátttakendur.
Tengslamyndun í viðskiptum í al-
þjóðlegu samhengi byggist ekki
síst á að sækja ráðstefnur og kom-
ast í sambönd, bæði við konur í
viðskiptum og stjórnsýslu. Slík
samskipti og tengsl geta greitt
verulega fyrir viðskiptum.“
– Er ráðstefnan að einhverju
leyti stefnumótandi, alþjóðlega, í
þemaefnum sínum hverju sinni?
„Asía varð fyrir valinu nú, enda
þrjú ár síðan ráðstefnan hefur
verið haldin á þessum ört vaxandi
heimsmarkaði. Í þetta sinn verður
í fyrsta skipti um að ræða við-
skiptasýningu þar sem konur geta
kynnt vörur sínar og þjónustu í
sölubásum, svokölluð „Womens
Expo, WEXPO“. Með þessu
munu skapast auknir möguleikar
á að stofna til viðskiptasambanda
og komast í kynni við aðra í svip-
uðum geirum. Áhersla verður lögð
á tækni og tölvunotkun til að auð-
velda viðskipti og á ráðstefnunni
verður starfræktur gagnagrunn-
ur þar sem konur geta skráð sig
eftir vöru- og þjónustusviðum, til
þess að komast í samband við
hentuga viðsemjendur og í gagn-
leg viðskiptatengsl.“
– Hvaða þjóðir taka þátt í
ráðstefnunni?
„Það eru í raun konur frá öllum
heimsálfum sem sækja ráðstefn-
una. Frá upphafi hafa fulltrúar frá
um 50 löndum tekið þátt í fyrri
ráðstefnum. Þegar þetta birtist
hafa aðilar af 30 þjóðernum þegar
skráð sig á ráðstefnuna í maí.“
– Hafa íslenskar konur mikið
til málanna að leggja á
ráðstefnu sem þessari?
„Ég tel að íslenskar
konur hafi heilmikið til
málanna að leggja og
okkar framlag hefur
verið mikils metið. Viðskipta-
sendinefndin sem sótti ráðstefn-
una í Barcelóna vakti mikla at-
hygli fyrir gott skipulag og
athyglisverðan kynningarbækling
þar sem fram komu upplýsingar
um konurnar, fyrirtæki þeirra og
þann vettvang sem þær störfuðu
á. Íslenskar konur eru í farar-
broddi á mörgum sviðum og geta
miðlað af reynslu sinni.“
Jónína Bjartmarz

Jónína Bjartmarz er fædd í
Reykjavík 23. desember 1952.
Maki er Pétur Þór Sigurðsson
hæstaréttarlögmaður. Þau eiga
tvo syni, Birni Orra (1985) og
Erni Skorra (1989).
Stúdentspróf KHÍ 1974. Lög-
fræðipróf HÍ 1981. Er alþing-
ismaður og á setu í fjölda nefnda.
Hefur um árabil verið formaður
Heimila og skóla – Lands-
samtaka foreldra og einn af
stofnendum Félags kvenna í at-
vinnurekstri og formaður fyrstu
tvö árin. Hefur verið fulltrúi Ís-
lands í skipulagsnefnd ráðstefn-
unnar „Global Summit of Wom-
en“ síðustu ár.
Þessi ferð
skilaði góðum
árangri
Lagastofnun og lagadeild
Háskóla Íslands
Málstofur vorið 2004
l il
l l
l i
Allir velkomnir
Málstofur Lagastofnunar og lagadeildar
í stjórnskipunarrétti, verða haldnar á miðvikudögum
kl. 12:15 í Lögbergi, stofu 101.
14. janúar: Stefán Már Stefánsson, prófessor við lagadeild HÍ og Úlfar Hauksson,
stjórnmálafræðingur;
Sérstaða og einkenni stjórnarskrár fyrir Evrópu.
28. janúar: Viðar Már Matthíasson, prófessor við lagadeild HÍ;
Nýtt gallahugtak fasteignakaupalaga.
4. febrúar: Hafsteinn Þór Hauksson laganemi;
Stjórnarskrárhyggja og stjórnarskrárígildi alþjóðlegra mannréttindasáttmála.
18. febrúar: Kjartan Bjarni Björgvinsson, lögfræðingur hjá umboðsmanni
Alþingis og stundakennari við lagadeild HÍ;
Heimilisfesti skattaðila og skattaleg álitaefni tengd breytingum á henni.
25. febrúar: Sigurður Líndal prófessor emeritus og Guðmundur Hálfdánarson prófessor;
Þjóðarhugtakið og stofnun fullvalda ríkja í nútímanum. Samanburður á stöðu
Íslands og Færeyja í sögulegu samhengi.
10. mars: Valur Ingimundarson dósent og Björn Ingi Hrafnsson aðstoðarmaður
utanríkisráðherra;
Ísland og Öryggisráð Sameinuðu þjóðanna.
Markmið og væntingar til setu Íslands í ráðinu.
17. mars: Kristján Gunnar Valdimarsson, forstöðumaður hjá Landsbanka
Íslands og stundakennari við lagadeild HÍ;
Skattasniðganga.
21. apríl: Róbert Ragnar Spanó, aðstoðarmaður umboðsmanns Alþingis
og lektor við lagadeild HÍ;
Aðildarhugtak stjórnsýsluréttar - Dómur Hæstaréttar 19. júní 2003
(mál nr. 83/2003): Samkeppnisstofnun gegn Hf. Eimskipafélagi Íslands.
28. apríl: Þórdís Ingadóttir, aðjúnkt við lagadeild HÍ;
Alþjóða sakadómstólar.
Föstudagur 6. febrúar kl. 13:30: Hvar liggur valdið?
Ráðstefna haldin í tilefni af aldarafmæli heimastjórnar og þingræðis á Íslandi,
í samstarfi forsætisráðuneytis og Háskóla Íslands; Lagastofnunar og Stofnunar
stjórnsýslufræða og stjórnmála, í hátíðarsal Háskólans. Nánar auglýst síðar.
ÁSKRIFTARDEILD netfang: askrift@mbl.is, sími 569 1122