Morgunblaðið - 08.02.2004, Page 6
FRÉTTIR
6 SUNNUDAGUR 8. FEBRÚAR 2004 MORGUNBLAÐIÐ
Ásdís J. Rafnar, hæstaréttarlögma›ur, hefur á n‡ opna›
lögmannsstofu, í Húsi verslunarinnar, 2. hæ›, Kringlunni 7,
Reykjavík undir nafninu Rafnar lögfræ›ifljónusta.
Rafnar lögfræ›ifljónusta er rekin í samvinnu vi› lögmenn
Lögfræ›ifljónustunnar, flá Ingólf Hjartarson, hrl., Kristján Ólafsson,
hrl., Sigur› Sigurjónsson, hrl. og Önnu L. Bjarnadóttur, hdl.
Sími: 520 5588, 520 5585 og 899 2193 (GSM).
Netfang: arafnar@isjuris.is
Húsi Verslunarinnar Kringlunni 7 • 2 hæ›
Sími 520 5588 • Fax 568 9948 • www.isjuris.is
E
r tónverkið byrjað? spyr blaðamaður í sjoppunni, en af-
greiðslustúlkan brosir ráðleysislega. – Aldrei að vita á
sinfóníutónleikum. Sem betur fer er bara verið að stilla
hljóðfærin. Síðhærðar konur á sviðinu sveifla strengj-
unum, gleraugnaglámar lagfæra málmgjöllin og blómin
sperra krónurnar.
– Hin fagra, segir eldra tónskáldið við unga tónskáldið. Fólk heilsast
og kemur sér fyrir. Blaðamaður er áminntur um það af sessunaut sínum
að slökkva á farsímanum. Samt eru þetta Myrkir músíkdagar. Væri
ekki einmitt framúrstefnulegt ef áhorfendur slökktu ekki á farsím-
unum? Ef símhringingarnar og samtölin fléttuðust saman við verkið á
skiptiborði nútímatónlistar?
Upphefst Flow og Fusion. Tónskáldið er ung kona sem situr í miðjum
salnum og ýmist hækkar eða lækkar í elektróníkinni eftir gangi verks-
ins. Hún gæti eins setið við græjurnar heima. Nema magnarinn er heil
sinfóníuhljómsveit.
Síðar játar hún það fyrir blaðamanni að ekki hafi
mátt tæpara standa. Á æfingum hafi alltaf verið kveikt
á ljósi við græjurnar, en hún hafi ekki áttað sig á því að
þau væru slökkt á tónleikum! Hún hafi því þurft að
fikra sig fram úr þessu í myrkrinu. Þá hafi hún ekki
komið seinni geislaspilaranum í gang. Það hafi staðið á
honum „I’m sleeping“. Og hann ekki vaknað fyrr en rétt áður en á
reyndi, – þegar hápunkti verksins var náð. Þannig var ekki aðeins
dramatík í verkinu heldur líka í salnum.
Næsta verk var samið í verbúð nr. 5 í Suðurbugt við Reykjavík-
urhöfn. Og eftir það berst til áhorfenda Endurskin úr norðri. Það kveik-
ir óljósar minningar um snævi þakta eyju í úthafinu norðan heimskauts-
baugs; fífu á slegnu túni. Loks er frumflutt sinfónía eftir ungan mann.
Læknir er í húsinu. Hann hallar höfðinu að handriðinu við inngang-
inn og hlustar – hjólin á stólnum minna á bugðóttar pípurnar í franska
horninu. Ofar í salnum situr ungur maður í spekingslegri stellingu og
baksvipurinn bendir til djúprar íhugunar. Hann sefur.
Í sinfóníuhljómsveitinni eru allskyns týpur og á öllum aldri; allt frá
litlum fiðlum upp í voldug selló. Þó að sumar týpurnar séu hógværari en
aðrar, þá eru þetta allt spjátrungar, ýmist í gylltu eða vínrauðu. Þeir
klæðast svarthvítum hljóðfæraleikurum, sem eru klæddir eins og þjón-
ar á bresku óðalssetri. Þeir eru leiksoppar hljóðfæranna. Hálft hundrað
fiðluboga sveiflar hendi á hljóðfæraleikurunum upp og niður og blást-
urshljóðfærin sjúga úr þeim loftið. Verst er komið fyrir stjórnandanum.
Öll hljóðfærin sameinast gegn honum og píska honum út, hrista hann í
allar áttir, lyfta honum upp á tærnar og sveifla til höfðinu. Það er aðeins
aftast á sviðinu sem hljóðfæraleikararnir hafa betur og þeir láta höggin
dynja á hljóðfærunum.
Á Mímisbar situr fólkið sem kann ekki að spila á hljóðfæri. Þegar eitt
tónskáldið mætir á staðinn eftir tónleikana hittir hún fyrir stóra bróður.
– Heyrðirðu verkið, spyr hún kankvíslega. Varstu kominn?
– Já, hann heyrði þetta, segir konan hans og hlær. Ég skal votta það.
– Hva, hélstu að ég hefði verið með heyrnartól að hlusta á gamlar
upptökur frá handboltaleikjum, spyr hann hlæjandi.
– Það er allt skemmtilegra en lýsingar frá Slóveníu, skýtur konan
hans að.
Það kemur upp úr dúrnum að maðurinn er einnig læknir. Enginn
venjulegur læknir. Hann er læknir handboltalandsliðsins. Og skoraði
hjá Ray Clemence!
Í fimm vikna ferð til Liverpool árið 1976 námu læknanemar krufn-
ingar á daginn og spiluðu fótbolta á kvöldin, m.a. við slökkviliðið og lög-
regluna. Þetta vakti nokkra athygli og það birtist mynd af víkingunum á
forsíðu eins dagblaða borgarinnar. Það varð til þess að borgarstjórinn
bauð þeim til sín og spurði hvort hann gæti nokkuð gert fyrir þá. Þeir
svöruðu því til að þá langaði að taka þátt í æfingu með Liverpool.
Nokkrum dögum síðar var þeim boðið á æfingu eins besta félagsliðs
aldarinnar og upp frá því varð það árleg hefð hjá íslenskum læknanem-
um. Í lok æfingarinnar fékk hver tíu skot frá vítateigslínu á Ray Clem-
ence.
– Einhver skot fóru yfir, sum varði hann, en auðvitað fór ekki hjá því
að nokkur skotanna rötuðu í markið, segir hann hógvær.
Og þá þóttu það tíðindi að skora hjá Liverpool.
Morgunblaðið/Einar Falur
Leiksoppar
hljóðfæranna
SKISSA
Pétur
Blöndal
sótti Myrka
músíkdaga
LYFJA- og snyrtivörufyrirtækið
PharmArctica er um þessar mundir
að setja á markað nýja vörulínu,
ReykjavíkSpa, en um er að ræða sjö
vörutegundir og hafa þær verið í
þróun um tæplega eins árs skeið.
Fyrirtækið var stofnað síðla árs
2002, en hóf starfsemi á Grenivík í
maí í fyrra.
Torfi Rafn Halldórsson fram-
kvæmdastjóri PharmArctica sagði
að starfsemi fyrirtækisins hefði
gengið vonum framar og hefði
ákveðnum áfanga verið náð nú með
því að setja á markað nýja vörulínu
sem þróuð hefði verið frá grunni inn-
an fyrirtækisins. „Við erum einu inn-
lendu framleiðendurnir á þessu
sviði, þ.e. sem eru að framleiða
sjampó og annað slíkt í verksmiðju
og samkvæmt ströngustu kröfum
sem gilda um slíka framleiðslu,“
sagði Torfi Rafn. Upphafið má rekja
til þess að „mætir menn höfðu sam-
band við okkur og veltu upp þeim
möguleika að við skoðuðum slíka
framleiðslu innan okkar fyrirtækis.
Þeir nefndu að hér á landi væri sér-
lega mikið um að fólk stundaði sund-
laugar og því fylgir mikil notkun á
hár- og sturtusápum og öðru sem til-
heyrir. Við lögðumst aðeins yfir
þetta og sáum þarna tækifæri. Nú
höfum við verið að þróa þessa vöru-
línu í tæpt ár og það er því ákaflega
ánægjulegt að sjá árangur erfiðisins,
að varan sé nú komin á markað,“
sagði Torfi Rafn.
ReykjavíkSpa vörulínan er að
hans sögn sérstaklega hönnuð miðað
við þær aðstæður sem ríkja á höf-
uðborgarsvæðinu, „við höfum unnið
út frá upplýsingum frá Hitaveitu
Reykjavíkur varðandi samsetningu
vatnsins sem hér er notað. Það er
frekar basískt og því tókum við mið
af því að sjampóið væri með lágt
sýrustig, en þó þannig að það
skemmi ekki þau virku efni sem eru í
sjampóinu, s.s. Aloe Vera og Jojoba.
Við notum því blöndu af virkum jurt-
um í okkar vöru og þannig ætti
sjampóið að stuðla að heilbrigðum
hársverði,“ sagði Torfi Rafn. Alls
verða vörurnar í þessari nýju línu sjö
talsins: sjampó, sturtusápa, handá-
burður og fótakrem, rakakrem, lík-
amskrem og svitarolló. „Ég held að
menn verði ekki sviknir af þessum
vörum, þær eru miðaðar við þær að-
stæður sem ríkja hér á svæðinu, að
ná jafnvægi í sýrustigi húðar eftir
böð. Fram til þessa hafa ekki verið í
boði vörur sem nákvæmlega eru
miðaðar við þessar aðstæður,“ sagði
Torfi Rafn. Hann benti á að þó svo
væri gæti fólk hvar sem er á landinu
notað vörunar.
Nýju vörurnar eru þegar komnar
upp í hillu í öllum stærstu verslunum
og stórmörkuðum höfuðborgarinnar
og í lyfjaverslanir, en unnið er að
frekari dreifingu varanna, s.s. á
sundstöðum og í fleiri lyfjaverslanir.
„En það er mikið verk framundan að
kynna þessa nýjung, við gerum okk-
ur grein fyrir því,“ sagði Torfi Rafn.
„En það verður vissulega gaman að
sjá hverjar viðtökurnar verða, við
hlökkum til að sjá hvernig menn taka
þessu.“
Gengur betur en búist var við
Lyfja- og snyrtivörufyrirtækið
PharmArctica var stofnað síðla árs
2002 og tók til starfa í húsnæði sem
áður hýsti slökkvistöð og áhaldahús
Grýtubakkahrepps í maí í fyrra og
hófst framleiðslan nokkru síðar eða í
júní. Það hentar að sögn Torfa Rafns
vel undir starfsemina. Framleiðslan
er nú um eitt tonn á dag og er hún
ekki fullnýtt enn.
„Það hefur bara gengið ljómandi
vel hjá okkur og í raun betur en við
bjuggumst við,“ sagði hann. „Það fór
mikil orka í að koma öllu af stað,
koma sér fyrir, setja upp búnað og
hefja framleiðsluna. Það er nú að
baki þannig að við stefnum að því að
verða sýnilegri á þessu ári, láta vita
af því sem við erum að gera,“ sagði
Torfi Rafn.
Starfsfólki hefur fjölgað
Í upphafi voru starfsmenn fimm
talsins, en nú starfa tólf manns hjá
fyrirtækinu. Torfi Rafn sagði að það
væri í samræmi við áætlanir um vöxt
þess. Nefndi hann að áætlanir gerðu
ráð fyrir að allt að 20 manns myndu
starfa hjá fyrirtækinu eftir þrjú ár.
Hann sagði einnig að í framtíðinni
væri stefnt að því að lyfjaframleiðsl-
an yrði æ stærri póstur í starfsemi
fyrirtækisins. „Fram til þessa höfum
við meira verið í snyrtivörunum og
vörum sem seldar eru í lyfjaversl-
unum. Nú sér fyrir endann á því að
við fáum full lyfjaframleiðsluleyfi og
upp úr miðju þessu ári munum við
færa okkur meira inn á lyfjageir-
ann,“ sagði Torfi Rafn Halldórsson.
Lyfja- og snyrtivörufyrirtækið PharmArctica á Grenivík
Ný vörulína sem tekur
mið af reykvísku vatni
Morgunblaðið/Jim Smart
Torfi Rafn Halldórsson, fram-
kvæmdastjóri PharmArctica, segir
að starfsemi fyrirtækisins hafi
gengið vonum framar.
MEIRIHLUTI Íslendinga eða 53%
er frekar eða mjög hlynntur því að
ríkið innheimti vegtolla á bilinu 50
til 500 kr. til greiðslu hluta kostn-
aðar við sérstaklega kostnaðarsöm
vegamannavirki s.s. jarðgöng og
mislæg gatnamót. Þetta kemur
fram í niðurstöðum skoðanakönnun-
ar sem Félagsvísindastofnun vann
fyrir Leið ehf. Bolungarvík á ýms-
um þáttum er varða akstur og sam-
göngubætur.
Fram kom að 64% svarenda eru
mjög eða frekar hlynnt því að veg-
farendur um væntanleg Héðins-
fjarðargöng greiði veggjöld á bilinu
200 til 500 kr. fyrir afnot ganganna.
47% eru mjög eða frekar hlynnt
því að samgöngubótum sé flýtt með
því að einkaaðilar sjái um gerð
vegamannvirkja og vegfarendur
greiði a.m.k. helming kostnaðar við
slíka framkvæmd með vegtollum en
þeir sem eru mjög eða frekar and-
vígir voru 44,6%.
61% vill hækka hámarkshraða
úr 90 í 100 km/klst
Rúmur meirihluti svarenda, eða
61%, er mjög eða frekar hlynntur
því að hækka hámarkshraða á ein-
hverjum hlutum þjóðvegakerfisins
úr 90 í 100 km á klst. en 37% eru því
frekar eða mjög andvíg.
Þá kom í ljós að 60% svarenda
eru frekar eða mjög á móti því að
bifreiðaeigendur greiði sérstakt
gjald fyrir notkun nagladekkja inn-
an höfuðborgarsvæðisins sem lagt
yrði á vegna þess auka slits sem
rekja má til nagladekkja.
Könnunin var gerð dagana 25.
nóvember til 10. desember. Alls
svörðuðu 802 af þeim 1.350 sem
voru í úrtakinu. Nettósvarhlutfall,
þ.e. svörun þegar búið er að draga
þá frá sem eru búsettir erlendis,
veikir eða látnir var 63,2%
Félagsvísindastofnun kannaði
einnig sérstaklega meðal íbúa á
norðanverðum Vestfjörðum og
Ströndum afstöðu til notkunar veg-
ar á milli Hólmavíkur og Gilsfjarð-
ar. Um 77% kváðust myndu nýta
sér veginn þegar allir vegir væru
færir en um 80% þegar aðeins leiðin
um Strandir væri fær.
Meirihluti Íslendinga
hlynntur vegtollum