Morgunblaðið - 23.03.2005, Blaðsíða 10
10 MIÐVIKUDAGUR 23. MARS 2005 MORGUNBLAÐIÐ
FRÉTTIR
LÖGÐ hefur verið fram á Alþingi
þingsályktunartillaga um friðlýs-
ingu Arnarvatnsheiðar og Tví-
dægru. Fyrsti flutningsmaður til-
lögunnar er Helgi Hjörvar,
þingmaður Samfylkingarinnar.
Meðflutningsmenn eru fjórir aðrir
þingmenn flokksins.
Í þingsályktunartillögunni er
lagt til að umhverfisráðherra skipi
níu manna nefnd til að undirbúa
tillögu að friðlýsingu svæðisins.
„Með þingsályktunartillögu
þessari er stefnt að friðun norð-
vesturhluta hálendis Íslands, Arn-
arvatnsheiðar og Tvídægru,“ segir
í greinargerð tillögunnar. „Þegar
hafa eyjar Breiðafjarðar verið
friðaðar, en vötnin á Arnarvatns-
heiði og umhverfi þeirra eru enn
ekki friðlýst. Ekki er svæðið að-
eins ríkt af náttúrufegurð og frið-
sæld sem nútímafólk leitar æ
meira í, það er líka hluti af sögu
okkar frá því á landnámsöld og
uppspretta margra helstu lax-
veiðiáa landsins. Engir virkj-
unarkostir eru á þessum hluta há-
lendisins og því engir ríkir
atvinnu- eða efnahagslegir hags-
munir er mæla gegn friðlýsingu.“
Stefnt verði að
friðun Arnar-
vatnsheiðar
og Tvídægru
GUÐMUNDUR Hallvarðsson,
þingmaður Sjálfstæðisflokks og for-
maður samgöngunefndar þingsins,
hefur lagt fram á Alþingi þings-
ályktunartillögu um að samgöngu-
ráðherra verði falið að skipa nefnd
er kanni möguleika þess að sam-
eina í heild eða að hluta starfsemi
rannsóknarnefndar umferðarslysa,
rannsóknarnefndar flugslysa og
rannsóknarnefndar sjóslysa.
Lagt er til að nefndin skili nið-
urstöðum sínum eigi síðar en 1.
febrúar 2006. Meðflutningsmenn
eru fulltrúar allra stjórnmálaflokka
í samgöngunefnd.
„Rannsóknarsvið hverrar nefnd-
ar er sérhæft og því óvíst að hægt
sé að sameina þær að fullu í eina
nefnd en flutningsmenn telja rétt
að athugun verði gerð á þessum
möguleika,“ segir m.a. í grein-
argerð tillögunnar. Nefnd ráðherra
verði m.a. falið að meta kosti slíkr-
ar sameiningar.
Rannsóknar-
nefndir verði
sameinaðar
ALÞINGI er komið í páskafrí. Hlé verður gert á þing-
störfum næstu daga vegna páskanna. Næsti þing-
fundur verður miðvikudaginn 30. mars, samkvæmt
starfsáætlun þingsins. Á myndinni eru þingmennirnir
Björgvin G. Sigurðsson, Samfylkingu, Hjálmar Árna-
son, Framsóknarflokki, Jón Bjarnason, Vinstri græn-
um, Dagný Jónsdóttir, Framsóknarflokki, og Jón
Gunnarsson, Samfylkingu.
Morgunblaðið/Jim Smart
Alþingi í páskafrí
LANDBÚNAÐARRÁÐHERRA,
Guðni Ágústsson, hefur lagt fram á
Alþingi frumvarp til laga um gæða-
mat á æðardúni. Markmiðið með
frumvarpinu er að tryggja jöfn gæði
æðardúns sem seldur er á Íslandi
eða til útflutnings, að því er segir í
fylgiskjali frumvarpsins.
Verði frumvarpið samþykkt leysir
það af hólmi lög frá 1970 um gæða-
mat á æðardúni.
Samkvæmt frumvarpinu verður
sala á æðardúni aðeins heimil eftir
að hann hefur verið veginn og met-
inn eftir fullhreinsun af lögskipuðum
dúnmatsmönnum. Þá er lagt til í
frumvarpinu að landbúnaðarráðu-
neytið gefi út starfsleyfi til dúnmats-
manna, í stað lögreglustjóraembætt-
anna.
Jöfn gæði
æðardúns
verði tryggð
ÖGMUNDUR Jónasson,
þingmaður Vinstrihreyfingar-
innar – græns framboðs,
sagði á Alþingi í gær, að lagð-
ar hefðu verið fram rökstudd-
ar efasemdir um að bankar
og fjármálastofnanir færu að
landslögum. Fullyrt væri að
þessar stofnanir væru orðnar
gerendur á fasteignamarkaði
– þvert á það sem lögin heim-
iluðu.
Þær væru farnar að kaupa
lóðir og fasteignir og því
óbeint orðnar áhrifavaldar í
eignaverðssprengingunni.
„Samkvæmt lögum sem
gilda í landinu um fjármála-
fyrirtæki er viðskiptabönk-
um, sparisjóðum og lánafyr-
irtækjum óheimilt að stunda
hliðarstarfsemi nema hún sé
í beinu samhengi við banka-
starfsemi,“ sagði Ögmundur.
Spurði hann viðskiptaráð-
herra, Valgerði Sverrisdótt-
ur, að því hvort ráðuneytið
hygðist beina fyrirspurn til
Fjármálaeftirlitsins um
þetta efni.
Ræki eftirlitshlutverk sitt
Viðskiptaráðherra svaraði
því m.a. til að Fjármálaeft-
irlitið hefði eftirlit með starf-
semi á fjármagnsmarkaði og
að hún, sem ráðherra, liti
ekki á það sem hlutverk sitt
að segja Fjármálaeftirlitinu
fyrir verkum í einstökum
málum.
„Háttvirtum þingmanni til
hugarhægðar er hægt að
benda á heimasíðu Fjármála-
eftirlitsins sem öllum er að-
gengileg og það sem kemur
fram í umræðuskjali, að eft-
irlitið ætli sér að leggja
aukna áherslu á eftirlit með
áhættuþáttum sem tengjast
auknum lánveitingum til
íbúðakaupa,“ sagði ráðherra.
„Ég hef fulla trú á því að
Fjármálaeftirlitið ræki eftir-
litshlutverk sitt á þessu sviði
sem og öðrum.“
Bankar
fari ekki
að lands-
lögum
ÖSSUR Skarphéðinsson, formaður
Samfylkingarinnar, hefur lagt
fram á Alþingi þingsályktunartil-
lögu um lækkun skatta á eftirlaun
og ellilífeyri. Össur leggur til að
ríkisstjórninni verði falið að koma
á fót starfshóp sem taki saman
upplýsingar um skattlagningu eft-
irlauna og ellilífeyris og marki
stefnu í þessum málum með það að
markmiði að skattur á eftirlaun og
ellilífeyri verði sanngjarn og sem
næst sköttum á fjármagnstekjur.
Hann leggur til að starfshópurinn
skili niðurstöðum fyrir 1. maí 2006.
„Færa má rök
fyrir því að afar
óeðlilegt sé og
ranglátt að
skattur á eftir-
laun og ellilífeyri
sé 37,58% eins
og nú er þegar
tekjuskattur er
24,75% og útsvar
gjarnan 12,83%,“
segir í greinar-
gerð tillögunnar.
„Í raun má halda því fram að um
sé að ræða tvísköttun eða jafnvel
þrísköttun. Fyrst er greiddur full-
ur skattur þegar launin eru greidd,
síðan fá menn eftirlaun sem eru
skattlögð að fullu og þegar ein-
staklingurinn verður 67 ára eru
greiðslur frá Tryggingastofnun
ríkisins skertar miðað við eftir-
launin. Eðlilegra væri að skattur á
eftirlaun og ellilífeyri væri svip-
aður því sem gerist um skattlagn-
ingu fjármagnstekna, eða um
10%.“
Meðflutningsmenn Össurar eru
sex aðrir þingmenn Samfylkingar-
innar.
Össur Skarphéðinsson leggur fram þingsályktunartillögu
Skattar lækki á eftir-
laun og ellilífeyri
Össur
Skarphéðinsson
DAGNÝ Jóns-
dóttir og Birkir
J. Jónsson,
þingmenn
Framsóknar-
flokksins, vilja
að jafnræðis sé
gætt í málefn-
um útlendinga.
Þess vegna sátu
þau hjá þegar
greidd voru at-
kvæði á Alþingi í fyrradag um ís-
lenskan ríkisborgararétt til
handa Bobby Fischer skákmeist-
ara.
Eins og fram kom í Morg-
unblaðinu í gær var frumvarpið
um ríkisborgararétt Fischers
samþykkt með 40 samhljóða at-
kvæðum, en Dagný og Birkir
greiddu ekki atkvæði. 21 þing-
maður var fjarstaddur.
Dagný kveðst í samtali við
Morgunblaðið ekki hafa haft
neina sannfæringu í þessu máli.
„Það hafa margir sótt um póli-
tískt hæli hér á landi og verið
vísað frá. Mér
finnst ekki rök-
rétt að taka eitt
dæmi út fyrir
þann sviga. All-
ir eiga að hafa
sömu mögu-
leika,“ segir
hún.
Birkir tekur í
sama streng.
„Þetta mál bar
að með óvenjulegum hætti og
naut sérstakrar fyrirgreiðslu í
meðförum þingsins.
Ég vil fara mjög varlega í
þessum málum; ég vil að jafn-
ræðis sé gætt í þessum málum
sem öðrum.“
Umrætt frumvarp var lagt
fram á Alþingi um kl. þrjú í
fyrradag og var samþykkt sem
lög frá Alþingi, nánast umræðu-
laust, tveimur tímum síðar. Lög-
in voru birt á vef Stjórnartíðinda
um miðjan dag í gær. Áður höfðu
handhafar forsetavaldsins undir-
ritað lögin.
Tveir þingmenn Framsóknar-
flokksins sátu hjá í Fischersmáli
Vilja að jafn-
ræðis sé gætt
Dagný
Jónsdóttir
Birkir J.
Jónsson
BIRKIR J. Jónsson, þingmaður
Framsóknarflokks og formaður
iðnaðarnefndar þingsins, gagn-
rýndi Ríkiskaup á Alþingi í vik-
unni, fyrir að nota svonefndan
ISO-staðal 9001:2000 í útboði Rík-
iskaupa fyrir hönd Landhelgis-
gæslunnar á viðgerð á varðskip-
unum Tý og Ægi. Geir H. Haarde
fjármálaráðherra tók undir þá
gagnrýni. Kom þetta fram í utan-
dagskrárumræðu um útboðsreglur
ríkisins.
Birkir sagði að forsvarsmenn
Ríkiskaupa hefðu hent þessum
ISO staðli inn í umrætt útboð vit-
andi það að íslenskur skipasmíða-
iðnaður hefði ekki innleitt stað-
alinn. „Ég fullyrði hér að með því
að gefa áðurnefndum ISO-staðli
20% vægi í útboðinu var í raun að
mínum dómi ákveðið að þetta
verkefni skyldi ekki unnið hér inn-
an lands.“
Geir H. Haarde sagði að hann
hefði velt því fyrir sér hvers vegna
Landhelgisgæslan og Ríkiskaup,
hvort í sínu lagi eða saman, hefðu
gert kröfu um þessa ISO-vottun,
þegar vitað væri að íslensku stöðv-
arnar væru ekki með hana. Síðan
sagði ráðherra. „Hvers vegna er
þessari vottun gefið 20% vægi?
Með því er raunverulega verið að
gefa hinum erlendu skipasmíða-
stöðvum 20% forskot áður en
gengið er til útboðs.“ Ráðherra
sagðist ekki hafa svör við þessu en
bætti við:
„Ég legg til að þeir þingmenn
sem vilja afla sér svara við því
kalli fyrir sig í þingnefnd aðilana
sem fóru yfir þetta mál, forystu-
menn Gæslunnar, og spyrji hvers
vegna þeir vildu hafa þessa ISO-
vottun, spyrji Ríkiskaup af hverju
þau hafi gefið henni 20% vægi í
þessu máli.“
Birkir J. Jónsson sagði í samtali
við Morgunblaðið í gær að hann
myndi sem formaður iðnaðar-
nefndar beita sér fyrir því að þetta
mál yrði tekið upp innan nefnd-
arinnar.
Gagnrýna Ríkis-
kaup fyrir að nota
ISO-staðal
Vissu að íslenskur skipasmíðaiðn-
aður hefur ekki innleitt staðlana