Morgunblaðið - 23.03.2005, Side 35

MORGUNBLAÐIÐ MIÐVIKUDAGUR 23. MARS 2005 35
MINNINGAR
✝ Einþór Jóhanns-son fæddist í
Teigargerði við
Reyðarfjörð 17. febr-
úar 1930. Hann lést á
gjörgæsludeild Land-
spítalans við Hring-
braut 15. mars síðast-
liðinn. Foreldrar
hans voru Guðný
Björg Einarsdóttir, f.
á Vatnsskógum í
Skriðdal 29. nóvem-
ber 1900, d. 10. júní
1978 og Jóhann Niku-
lás Bjarnason, f. á
Reyðarfirði 27. apríl
1902, d. 5. febrúar 1969. Systkini
Einþórs eru Ástríður, f. 22. apríl
1924, d. 27. apríl 1925, Hlöðver, f.
29. nóvember 1926, Unnsteinn
Þórfinnur, f. 3. september 1931,
Óli Sigurður, f. 15. janúar 1933 og
uppeldissystir, Ólöf Guðbjörg
Pálsdóttir, f. 13. desember 1936.
Einþór kvæntist 10. desember
1963 Hildi Sæbjörnsdóttur, f. 5.
desember 1933. For-
eldrar hennar voru
Sæbjörn Vigfússon,
f. 17. nóvember
1896, d. 9. febrúar
1982 og Svanborg
Björnsdóttir, f. 1.
maí 1896, d. 5. júní
1975. Dætur Einþórs
og Hildar eru þrjár:
1) Ásta Guðný, f. 22.
júlí 1956, gift Þor-
steini Aðalsteins-
syni, þau eiga tvo
syni; a) Einþór, sam-
býliskona Guðrún
Guðmundsdóttir,
sonur þeirra er Þorsteinn Árni og
Atli, unnusta Birna Fahning Arn-
ardóttir. 2) Svanborg, f. 7. maí
1959. 3) Hafdís Þuríður, f. 4. októ-
ber 1965.
Einþór starfaði sem bifreiða-
stjóri.
Útför Einþórs fer fram frá
Reyðarfjarðarkirkju í dag og
hefst athöfnin klukkan 14.
Með hryggð í huga er kær vinur
okkar hjóna kvaddur hinztu kveðju.
Einþór Jóhannsson er allur svo
óvænt og alltof fljótt að okkur
finnst, þó vissulega væri heilsan
ekki sem skyldi, en margt hreggið
hafði hann af sér staðið, lífsviljinn
og eðlislæg kappsemi hans sáu til
þess. Hans Einþórs er afar gott að
minnast við leiðarlok, minninga-
myndir þyrpast að, allar yljaðar
hlýju og gleði. Þegar Einþórs er
minnzt kemur fyrst í hugann hin
mikla atorka hans og eljusemi,
ásamt hjálpfýsi hjartahlýjunnar;
gamansemi hans, glaður hlátur og
frásagnargáfa góð glöddu hug okk-
ar á samfundum við þennan góða
dreng. Til hans var einstakt að leita
og það var ekki um verkalaun
spurt, ef hægt var að gjöra ná-
grönnunum greiða, þessa nutu svo
margir og við þar á meðal og aðeins
þeginn kaffisopi í eldhúsinu til end-
urgjalds.
Einþór var einn af þessum mönn-
um sem ávann sér allra traust og
vinsemd, enda vinmargur og þau
hjón bæði afar gestrisin og nutu
þess er gesti bar að garði, gest-
kvæmt löngum í ranni þeirra. Hann
var góður og ötull bílstjóri og
einkar öruggur og bílaútgerð hans
á traustum grunni, hagsýnn og um
leið einkar útsjónarsamur, verkfær
hið bezta. Það er margt handtakið
sem sá þarf að inna af hendi sem
slíkan rekstur stundar, ekki síður
kallar það á aðgát góða og það að
vera alltaf reiðubúinn til verka og
það var hann Einþór sannarlega,
slíkur rekstur heimtar lipurð og
lagni og af hvoru tveggja var Ein-
þór ríkur. Hann átti enda til
traustra ættstofna að telja, foreldr-
ar hans mikið öndvegisfólk sem
gott var að mega kynnast á sinni
tíð.
Einþór kvæntist mikilli rausnar-
konu þar sem er hún Hildur Sæ-
björnsdóttir, glaðsinna og hress
atorkukona svo sem hún á kyn til.
Samhent voru þau og heimilisbrag-
ur allur hinn bezti. Tvær dætra
þeirra búa við mikla og erfiða fötl-
un og hreina aðdáun hefur vakið,
hversu þau foreldrarnir hafa þar
lagt að alla sína alúð að þær nytu
alls þess sem mögulegt er að veita
þeim, en jafnframt að þær gætu
sem bezt bjargað sér, umhyggja
foreldranna og aðstoð öll til ein-
stakrar fyrirmyndar. Þær hafa
sannarlega mikils misst.
Við sendum Hildi og dætrunum
þrem okkar einlægustu samúðar-
kveðjur við þennan sára missi hins
góða eiginmanns og heimilisföður.
Samfylgd kæra þökkum við í
dag. Drengur góður og dagfars-
prúður er kvaddur, traustur þegn
samfélagsins heima sem öllum þótti
gott að eiga að. Hann er kært
kvaddur og honum birturíkrar far-
ar árnað á ókunnum leiðum ljóss-
ins, svo sem hann bezt á skilið.
Hanna og Helgi Seljan.
Kynni mín af Einþóri hófust fyrir
hartnær 40 árum þegar Dorothy
konan mín kynnti mig fyrir honum
og Hildi konu hans sem tilvonandi
stórfjölskyldumeðlimum, en þær
Hildur eru náskyldar og ólust upp
saman. Það er skemmst frá því að
segja að Hilla, eins og Hildur er
alltaf kölluð, tók mér afskaplega vel
og hefur alla tíð síðan átt í mér
hvert bein. En ég var ekki eins viss
um Einþór, mér fannst hann taka
mér frekar þurrlega, svona eins og
honum litist ekkert á mig. Það átti
heldur betur eftir að breytast, og
áður en langt um leið urðum við
mjög góðir vinir.
Einþór var mikill vinnuþjarkur,
einstaklega útsjónarsamur og
greiðvikinn með eindæmum, og
þeir eru örugglega ekki margir
Reyðfirðingar sem komnir eru til
vits og ára sem ekki nutu góðs af
Einþóri á vörubílnum með kran-
anum.
Einþór og Hilla áttu fallegt og
gott heimili, og þegar við hjónin
vorum á ferðinni fyrir austan kom
aldrei til álita að gista annars stað-
ar en hjá þeim, þótt annað væri
jafnvel í boði. Því það var ekki bara
að þau ættu stórt hús, heldur var
alltaf tekið á móti okkur með mikilli
gleði og hlýju.
Mér er t.d. alltaf minnisstætt,
þegar ég vaknaði snemma á morgn-
ana og læddist fram í eldhús, þá
skyldi það ekki bregðast að Svan-
borg dóttir þeirra var búin að hella
upp á könnuna. Einþór sá svo um
að manni leiddist ekki, hann var
óþreytandi að bjóða í bíltúr, og
sýna manni eitthvað nýtt.
Skemmst er að minnast ferðar
sem hann bauð okkur hjónunum í
upp að Kárahnjúkum, fyrir tæpum
tveimur árum. Það var ógleymanleg
ævintýraferð.
Einþór barðist hetjulega í mörg
ár við illvígan hjartasjúkdóm, og
eftir því sem árin liðu fjölgaði ferð-
um hans suður til lækninga og jafn-
vel til útlanda í hjartaaðgerð, en
aldrei kvartaði Einþór, þótt maður
sæi það vel, að hann væri sárþjáður
og nú þegar hann er fallinn frá
þakkar maður forsjóninni fyrir að
hafa fengið að kynnast slíkum höfð-
ingja.
Elsku Hilla, Ásta, Svanborg og
Hafdís, við hjónin biðjum almættið
að styrkja ykkur og ykkar nánustu.
Guð veri með ykkur öllum.
Gísli Garðarsson.
EINÞÓR
JÓHANNSSON
Ástkær eiginmaður minn og faðir,
JÓN SIGTRYGGSSON
fyrrv. aðalbókari,
Árskógum 6,
lést á deild L4 á Landakotsspítala mánudaginn
21. mars. Útförin verður gerð frá Fossvogs-
kirkju miðvikudaginn 30. mars nk. kl. 13.00.
Halldóra Jónsdóttir,
Sigtryggur Jónsson.
Ástkær móðir okkar,
GUÐRÍÐUR UNNUR SALÓMONSDÓTTIR,
Mýrarbraut 12,
Vík í Mýrdal,
sem lést á líknardeild Landspítalans í Kópa-
vogi miðvikudaginn 16. mars síðastliðinn,
verður jarðsungin frá Víkurkirkju laugardaginn
26. mars kl. 14.00.
Kristín Sigrún Ragnarsdóttir,
Karl Friðrik Ragnarsson,
Jón Þór Ragnarsson
og fjölskyldur.
Elskuleg móðir okkar og tengdamóðir,
HULDA NORÐDAHL,
Hrafnistu,
Hafnarfirði,
áður Drápuhlíð 10,
lést mánudaginn 21. mars.
Halldór Pálsson,
Margrét Pálsdóttir, Haraldur Magnússon.
Föðurbróðir okkar,
ADOLF BJARNASON,
lést á Landspítala Hringbraut þriðjudaginn 15. mars.
Útförin hefur farið fram.
Einar Sigurbjartur Jónsson,
Amalía Jóna Jónsdóttir,
Óskar Harry Jónsson,
Njörður Marel Jónsson,
Guðbjörg Dagmar Jónsdóttir.
INGA G. ÞORKELSDÓTTIR,
áður til heimilis
á Freyjugötu 17, Reykjavík,
andaðist á Droplaugarstöðum þriðjudaginn 22. mars.
Magnea Þorkelsdóttir, Sigurbjörn Einarsson
og aðrir aðstandendur.
Elskuleg móðir okkar, tengdamóðir, amma
og langamma,
KRISTBJÖRG GUÐMUNDSDÓTTIR
frá Drangsnesi,
til heimilis í Blikahólum 12,
Reykjavík,
sem lést mánudaginn 14. mars, verður
jarðsungin frá Drangsneskapellu laugardaginn
26. mars kl. 14.00.
Margrét Skúladóttir,
Jóhann Skúlason
og fjölskyldur.
Hugheilar þakkir færum við öllum þeim, er
sýndu okkur samúð, hlýhug og vináttu vegna
fráfalls ástkærs eiginmanns míns, föður okkar,
tengdaföður og afa,
GUÐMUNDAR BJÖRNS SVEINSSONAR,
Löngubrekku 25,
Kópavogi.
Ólöf Ólafsdóttir,
Guðlaug Björnsdóttir, Þór Magnússon,
Guðjón Björnsson, Friðrika A. Sigvaldadóttir
og barnabörn.
Innilegar þakkir til allra þeirra, sem sýndu
okkur samhug og hlýju vegna andláts og
útfarar móður okkar, tengdamóður, ömmu
og langömmu,
SESELÍU ÓLAFSDÓTTUR,
Skagfirðingabraut 39,
Sauðárkróki.
Sérstakar þakkir til hjúkrunarfólks á deildum
3, 5, og 6 á Heilbrigðisstofnun Sauðárkróks.
Einnig þakkir til Álftagerðisbræðra.
Guð blessi ykkur öll.
Bragi Jóhannsson, Guðríður Vestmann,
Guðný Jóhannsdóttir, Jón Guðmundsson,
María Jóhannsdóttir, Sigurfinnur Jónsson,
Rúnar Pétursson,
barnabörn og langömmubörn.
Innilegustu þakkir sendum við öllum þeim sem
sýndu okkur samúð og hlýhug við andlát og
útför okkar elskulegu
SOFFÍU ÞURÍÐAR MAGNÚSDÓTTUR
frá Túngarði á Fellsströnd,
Drápuhlíð 41,
Reykjavík.
Sérstakar þakkir sendum við starfsfólki líknar-
deildar Landakotsspítala fyrir elsku þess og frábæra umönnun og
til þess góða hóps sem studdi Soffíu og gladdi í veikindum hennar.
Fyrir hönd ættingja og vina,
Guðfinna Ragnarsdóttir.