Morgunblaðið - 12.04.2005, Blaðsíða 2

2 ÞRIÐJUDAGUR 12. APRÍL 2005 MORGUNBLAÐIÐ
FRÉTTIR
LÁTI AF MISMUNUN
Póst- og fjarskiptastofnun hefur
úrskurðað að Og Vodafone beri að
láta af mismunun í verðlagningu í
heildsölu inn á farsímanet fyrirtæk-
isins. Er fyrirtækinu gefinn 30 daga
frestur þar til gripið verður til „við-
eigandi ráðstafana“, að því er fram
kemur í úrskurðinum.
Sharon óttast borgarastríð
Ariel Sharon, forsætisráðherra
Ísraels, hét því á fundi sínum með
George W. Bush Bandaríkjaforseta í
gær að rífa allmargar landtöku-
byggðir. Sharon sagði svo eldfimt
ástand ríkja í Ísrael vegna deilna um
brottflutninginn frá Gaza að líkja
mætti við aðdraganda borgarastríðs
og sér hefði verið hótað lífláti.
Opinber heimsókn forseta
Ólafur Ragnar Grímsson, forseti
Íslands, og Dorrit Moussaieff for-
setafrú eru í opinberri heimsókn á
Akureyri. Þau heimsóttu m.a. skóla í
bænum, borðuðu með heimilisfólki á
Dvalarheimilinu Hlíð og tóku þátt í
málþingi um nýsköpun í gær. Í dag
munu forsetahjónin heimsækja
Eyjafjarðarsveit.
Samið um landamæri
Kínverjar og Indverjar sögðust í
gær hafa komist að samkomulagi um
lausn á landamæradeilum ríkjanna.
Kínverjar réðust inn í Indland 1962
og lögðu undir sig nokkur svæði.
FL Group kaupir flugvélar
Stjórn FL Group, áður Flugleiðir,
hefur samþykkt að semja við Boeing
verksmiðjurnar um kaup á fimm
Boeing 737-800-þotum til viðbótar
við þær 10 sem samið var um í febr-
úar. Heildarverðmæti vélanna er um
20 milljarðar króna.
Y f i r l i t
Í dag
Fréttaskýring 8 Umræðan 28/30
Úr verinu 12 Bréf 30
Viðskipti 14/15 Minningar 31/36
Erlent 16/17 Dagbók 38/40
Minn staður 18 Myndasögur 38
Austurland 19 Víkverji 38
Akureyri 20 Velvakandi 39
Suðurnes 21 Staður og stund 40
Landið 21 Bíó 46/49
Daglegt líf 22/24 Af listum 46
Menning 25, 41/49 Ljósvakamiðlar 50
Forystugrein 26 Veður 51
Viðhorf 28 Staksteinar 51
* * *
Morgunblaðið Kringlunni 1, 103 Reykjavík. Sími 5691100 Innlendar fréttir frett@mbl.is Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Erlendar fréttir Ásgeir Sverrisson, fréttastjóri,
asv@mbl.is Viðskipti vidsk@mbl.is Agnes Bragadóttir, fréttastjóri, agnes@mbl.is Úr verinu Hjörtur Gíslason, fréttastjóri, hjgi@mbl.is Daglegt líf Guðbjörg Guðmundsdóttir, gudbjorg@mbl.is Menning menning@mbl.is Orri Páll Ormarsson, ritstjórnarfulltrúi,
orri@mbl.is Skarphéðinn Guðmundsson, skarpi@mbl.is Umræðan|Bréf til blaðsins Magnús Finnsson, fulltrúi ritstjóra, magnus@mbl.is Guðlaug Sigurðardóttir, gudlaug@mbl.is Minningar minning@mbl.is Hilmar P. Þormóðsson, Stefán Ólafsson Dagbók|Kirkju-
starf Ellý H. Gunnarsdóttir, elly@mbl.is Íþróttir sport@mbl.is Sigmundur Ó. Steinarsson, fréttastjóri, sos@mbl.is Útvarp|Sjónvarp Auður Jónsdóttir, dagskra@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is

 



 


 
 



  

 

  

 


 


 !

"
# 

     



$ 

 
 

%&' (

 )***

    
 


 




 

     
AÐILAR vinnumarkaðarins hafa óskað eftir fundi
með forsætisráðherra til að fara yfir hvaða mögu-
leikar eru á að stjórnvöld komi að lausn á vanda líf-
eyriskerfisins á almennum vinnumarkaði. Vonir eru
bundnar við að af fundinum geti orðið innan
skamms, en viðfangsefnið snýr einkum að verka-
skiptingu lífeyrissjóðanna og stjórnvalda hvað ör-
orkulífeyri snertir.
Í yfirlýsingu ríkisstjórnarinnar, sem gefin var í
tengslum við kjarasamningana fyrir ári, lýsti
stjórnin sig reiðubúna að taka upp viðræður við sér-
staka lífeyrisnefnd aðila vinnumarkaðarins um
hugsanlega aðkomu stjórnvalda að tilteknum þátt-
um sem sú nefnd myndi taka til meðferðar, meðal
annars að því er varðaði verkaskiptingu milli lífeyr-
issjóða og almannatrygginga.
Lífeyrisnefnd aðila vinnumarkaðarins hefur
starfað frá því að kjarasamningarnir voru gerðir
fyrir rúmu ári. Hefur hún farið yfir stöðu lífeyr-
iskerfisins á almennum vinnumarkaði, sem stendur
frammi fyrir vanda vegna aukinnar ævilengdar og
vaxandi örorkubyrði sjóðanna. Hefur nefndin með-
al annars náð samkomulagi um að stefna að því að
breyta ávinnslu réttinda í lífeyrissjóðum úr jafnri
ávinnslu réttinda í aldurstengda, en það gerir það
að verkum í stórum dráttum að eignir sjóðanna
endurspegla skuldbindingar þeirra á hverjum tíma.
Samstaða um aldurstengingu
Ari Edwald, framkvæmdastjóri Samtaka at-
vinnulífsins, sagði að það fyrsta sem koma þyrfti sér
niður á varðandi viðræður við stjórnvöld væri hvaða
form yrði á þeim viðræðum, þar sem viðfangsefnið
væri mjög flókið. Mjög víðtæk samstaða hefði náðst
um breytta réttindaávinnslu sjóðanna. Nokkrir
sjóðir hefðu þegar breytt um ávinnslu, aðrir myndu
gera það um mitt þetta ár og vonir stæðu til þess að
allir sjóðirnir á samningssviði SA og ASÍ næðu að
gera það ekki síðar en um næstu áramót.
„Þá eru eftir þessi kerfislægu vandamál sem er
við að glíma í lífeyriskerfinu, einkum vegna örorku-
byrði, sem er þó misjafnlega skipt á milli sjóðanna,“
sagði Ari.
Fram hefur komið að útgjöld lífeyrissjóðanna
vegna örorku nema um fimm milljörðum króna ár-
lega og hafa þau útgjöld farið ört vaxandi á und-
anförnum misserum vegna mjög aukinnar tíðni ör-
orku, einkum í lífeyrissjóðum verkafólks og sjó-
manna.
Ari sagði að velta mætti því fyrir sér hvort líf-
eyrir vegna örorku væri ekki í mörgum tilvikum
fremur viðfangsefni almannatryggingakerfisins en
lífeyrissjóðanna.
„Það er auðvitað eitt af því sem þarf að ræða
hvernig verði unnið úr þessari sérstöku umfram-
örorkubyrði tiltekinna sjóða og ég held að það sé al-
veg ljóst að það verður ekki til lykta leitt eingöngu
innan lífeyrissjóðakerfisins. Þar þarf að koma til yf-
irferð með ríkisvaldinu um samspil fleiri bóta-
kerfa,“ sagði Ari einnig.
Aðilar vinnumarkaðarins vilja fund með forsætisráðherra um lífeyriskerfið
Verkaskipting vegna ör-
orkulífeyris til umræðu
Eftir Hjálmar Jónsson
hjalmar@mbl.is
Morgunblaðið/RAX
Vorhreingerningar í slippnum
Það er ekki nóg að þvo og mála skipið að innan, það þarf líka að hreinsa botninn.
UMTALSVERÐAR breytingar
verða gerðar á málfari Biblíunnar í
nýrri þýðingu sem gert er ráð fyrir
að komi út á næsta ári. Hið íslenska
biblíufélag stendur fyrir hinni nýju
þýðingu á Biblíunni, sem kemur út
samtímis 900 ára afmæli biskupsstóls
á Hólum, en hann var stofnaður árið
1106. Meðal þeirra breytinga sem
gerðar verða eru endurskoðun á
niðrandi orðum sem hafa verið tengd
samkynhneigð, en í ljósi sögunnar er
þar, að mati fræðimanna, frekar ver-
ið að ræða um ofbeldi gagnvart börn-
um en ást fullvaxinna karlmanna.
Þannig víkur nú meðal annars orð-
ið „kynvillingur“ sem hefur þótt niðr-
andi og óviðeigandi fyrir réttari þýð-
ingu í sögulegu samhengi. Guðrún
Kvaran, prófessor í íslensku við HÍ,
hefur unnið með Biblíufélaginu að
hinni nýju þýðingu. Segir hún búið að
þýða Gamla testamentið og það sé að
mestu leyti tilbúið. „Nýja testament-
ið var sent út til umsagnar og við eig-
um von á því að fá aftur athugasemd-
ir fólks um miðjan apríl,“ segir
Guðrún. „Þar var víða gefinn fleiri en
einn möguleiki á texta. Bæði prestar
og leikmenn hafa fengið heftið til að
gagnrýna og þegar við fáum heftin til
baka með gagnrýninni setjumst við
endanlega yfir textann og göngum
frá honum. Textinn verður þá von-
andi til um mitt sumar.“
Nota meira málfar
beggja kynja
Aðrar meiriháttar breytingar á
texta Biblíunnar eru m.a. þær að tek-
ið er í auknum mæli tillit til málfars
beggja kynja. „Í frumtextanum og
þýðingum fram til þessa hefur karl-
kynið verið ríkjandi, en reynt hefur
verið að tryggja að bæði kynin njóti
sannmælis,“ segir Guðrún. „Annað
sem er mjög mikilvægt prinsipp-
atriði er að nú verður að miklu leyti
tekinn út munurinn á tvítölu og fleir-
tölu. Þannig falla burt orð eins og
vor, oss og þér og notuð orð eins og
við, þið og ykkur í staðinn, nema þar
sem um er að ræða bænir, sálma og
hátíðlega texta, eins og t.d. ræður
Jesú og Faðirvorið.“
Hér fer á eftir dæmi um breytingu
á texta, fyrst er textinn úr þýðing-
unni frá 1981:
1. Korintubréf 6.9
„Vitið þér ekki, að ranglátir munu
ekki Guðs ríki erfa? Villist ekki!
Hvorki munu saurlífismenn né
skurðgoðadýrkendur, hórkarlar né
kynvillingar, þjófar né ásælnir,
drykkjumenn, lastmálir né ræn-
ingjar Guðs ríki erfa. Og þetta voruð
þér, sumir yðar. En þér létuð laug-
ast, þér eruð helgaðir, þér eruð rétt-
lættir fyrir nafn Drottins Jesú Krists
og fyrir anda vors Guðs.“
Tillaga þýðingarnefndar um sama
texta:
„Vitið þér ekki að ranglátir munu
ekki erfa Guðs ríki? Villist ekki!
Hvorki munu saurlífismenn né
skurðgoðadýrkendur, hórkarlar né
þeir sem leita á drengi eða eru í slag-
togi við þá, þjófar né ásælnir,
drykkjumenn, lastmálir né ræn-
ingjar erfa Guðs ríki. Og þetta voruð
þér, sum yðar. En þér létuð laugast
og Guð helgaði yður og lét Drottin
Jesú Krist og anda sinn gera yður
réttlát.“
Breytingar á textum Biblíunnar í þýðingu sem kemur út að ári
Orðið kynvillingur ekki notað
Eftir Svavar Knút Kristinsson
svavar@mbl.is
SAMTÖK atvinnulífsins fagna hug-
myndum um breytingar á skipulagi
samkeppnisyfirvalda í umsögn til Al-
þingis um frumvarp til samkeppnis-
laga. Samtökin telja það hins vegar
áhyggjuefni að samkeppnislögin skuli
ekki hafa verið endurskoðuð í heild
með tilliti til þarfa fyrir ný úrræði í ís-
lenskum samkeppnisrétti. Ari Ed-
wald, framkvæmdastjóri SA, segir
samtökin m.a. gera ákveðnar athuga-
semdir varðandi ákvæði sem varða
uppbrot fyrirtækja, en þar sé um
mjög afgerandi úrræði að ræða, sem
sé vandmeðfarið.
Húsleit og um morðrannsókn
Í umsögn samtakanna kemur fram
að þau telja tímabært að tekið sé til
endurskoðunar „hvort virkilega eigi
sömu sjónarmið við um húsleit í sam-
keppnismálum og um morðrannsókn-
ir eða fíkniefnaleit.“
Samtökin gera m.a. athugasemdir
við heimildir Samkeppniseftirlits til
skipulagsbreytinga skv. 16. gr., eink-
anlega að því er varðar heimild til
uppskiptingar fyrirtækja. Gera verði
þær kröfur að gerð sé ítarleg úttekt á
mögulegum áhrifum á íslenskt við-
skiptaumhverfi áður en úrræði sem
þetta verði tekið upp í íslenskan rétt.
Því er vísað á bug að þörf sé á að
innleiða slíkt úrræði vegna nýrrar
skipunar að EES-rétti. „Svo er ekki,
allra síst hvað varðar brot á íslenskum
samkeppnisreglum sem aðeins hafa
áhrif á íslenskum markaði. Engin ís-
lensk einkafyrirtæki hafa ítrekað far-
ið í bága við samkeppnislög og ýtrustu
og áhrifamestu úrræðum samkeppn-
isyfirvalda, sektunum, hefur aðeins
verið beitt í örfáum tilfellum, enda úr-
ræðaskortur aldrei verið talinn standa
íslenskum samkeppnisyfirvöldum fyr-
ir þrifum,“ segir m.a. í umsögn SA.
Vara við úr-
ræði um upp-
skiptingu
fyrirtækja
STARFSMAÐUR Sorpu hlaut al-
varlega áverka á hrygg þegar hann
féll aftur fyrir sig niður tröppur við
fjölbýlishús við Hlíðarhjalla í Kópa-
vogi skömmu fyrir hádegi í gær. Að
sögn lögreglunnar í Kópavogi var
maðurinn að draga sorpker á eftir
sér þegar hann missti jafnvægið og
féll aftur fyrir sig.
Slasaðist alvar-
lega á hrygg
♦♦♦