Morgunblaðið - 12.04.2005, Blaðsíða 19

MORGUNBLAÐIÐ ÞRIÐJUDAGUR 12. APRÍL 2005 19
MINNSTAÐUR
Verið velkomin á fyrirlestur um „Framtíð ferðamennsku
á friðlýstum svæðum“ hjá Umhverfisstofnun í dag,
þriðjudaginn 12. apríl kl. 15-16
Aðgangur ókeypis
Fyrirlesari: Sigþrúður Stella Jóhannsdóttir þjóðgarðsvörður
í þjóðgarðinum Jökulsárgljúfrum.
Fyrirlesturinn verður haldinn í matsal
Umhverfisstofnunar á Suðurlandsbraut 24, 5. hæð.
Upplýsingar á heimasíðu Umhverfisstofnunar www.ust.is
Upplýsingar á heimasíðu
Umhverfisstofnunar
www.ust.is
Malbiksframkvæmdir | Fyrir-
hugað er að hefja malbiksfram-
kvæmdir í Almannaskarðsgöngum í
vikunni, ef veður leyfir. Á vefnum
hornafjordur.is segir að Malar-
vinnslan hf., sem er undirverktaki hjá
Héraðsverki ehf., hafi nú sett upp
malbiksstöð við syðri enda ganganna
og sé allt til reiðu fyrir malbiksfram-
leiðslu. Steinefni eru tekin í Fjarðará
í Lóni. Í verkið fara um 2.500 tonn af
malbiki og verður það lagt út í tveim-
ur 5 cm lögum. Breidd malbiks er 6,3
m auk útskota. Ráðgert er að taka í
einni færu alla breidd vegarins. Í
tengslum við malbiksframkvæmd-
irnar í göngunum hefur Sveitar-
félagið Hornafjörður ákveðið að gera
átak í gatnakerfi bæjarins og er fyr-
irhugað að leggja alls um 15 þúsund
fermetra af malbiki á Höfn. Þetta
mun vera í fyrsta sinn sem malbik er
notað í bænum, en fram til þessa hef-
ur verið notuð olíumöl, klæðning og
svokallað Ralumac. Malarvinnslan hf.
mun einnig bjóða þeim Hornfirð-
ingum malbik sem hafa áhuga á að
malbika heimkeyrslur sínar. Reyna á
að ljúka malbikun í júní.
  
Staðarholt endurbætt | Ágústa
Þorkelsdóttir á Refstað í Vopnafirði
segir á vefnum vopnafjordur.is að nú
sé langt komið að endurbæta félags-
heimili hreppsins, Staðarholt, að
innan jafnt sem utan. Vinnu fari að
ljúka í hliðarbyggingu þar sem eru
snyrtingar, eldhús og fundarher-
bergi. Vinnu við salinn er að mestu
ólokið, að sögn Ágústu, en þar verð-
ur eingöngu slípað og málað upp á
nýtt í þessum áfanga. Nánast allt
starf við endurbyggingu hefur verið
unnið í sjálfboðavinnu og fjármagn-
að með framlögum frá kvenfélaginu í
Vopnafirði, sveitungum og öðrum
velunnurum.
  
Starfsmannafjöldi | Um 1.300
starfsmenn eru á Kárahnjúkasvæð-
inu um þessar mundir, þar af 270
Kínverjar. Segir á vefsvæðinu kara-
hnjukar.is að ætla megi að starfs-
mannafjöldinn verði allt að 1.600
manns þegar hæst stendur í sumar.
Hlutfall erlendra starfsmanna er á
bilinu 70–80% og 300–350 íslenskir
starfsmenn við Kárahnjúka munu
nálægt því sem flest hefur verið við
virkjunarframkvæmdir á vegum
Landsvirkjunar undanfarin 10 ár.
Ekki er búist við að hlutfall Íslend-
inga aukist að ráði fyrr en 2006 eða
2007 þegar framkvæmdirnar eru
komnar vel á veg. Um 300 manns
vinna erlendis að verkefnum sem
tengjast virkjuninni.
  
Leikskóli | Nú er unnið að fram-
kvæmdum við nýjan leikskóla á
Djúpavogi og áætlað að taka hann í
notkun í haust. Þar verður leikskóla-
rými fyrir 37 börn, en nú er leik-
skólabörnum kennt í gömlu íbúðar-
húsi á Djúpavogi. Verktakinn Svart-
hamar á Djúpavogi annast fram-
kvæmdina, sem gert er ráð fyrir að
muni kosta um sjötíu milljónir
króna.
Ályktað um reykleysi | Krabba-
meinsfélag Austfjarða hefur sent frá
sér ályktun þar sem lýst er fullum
stuðningi við frumvarp Sivjar Frið-
leifsdóttur, Ástu R. Jóhannesdóttur,
Jónínu Bjartmarz og Þuríðar Back-
man um að reykingar verði bann-
aðar á veitinga- og skemmtistöðum.
Með lagabreytingu þessari yrði
starfsfólki veitinga og skemmtistaða
tryggt reyklaust vinnurými sem er
sú vinnuvernd sem allir eiga að hafa
rétt á, segir í ályktuninni.
Krabbameinsfélögin á Austur-
landi reka þjónustumiðstöð að
Búðareyri 7 á Reyðarfirði og er opið
á þriðjudögum og fimmtudögum kl.
15.00–17.00. Þangað getur fólk leitað
eftir upplýsingum og fræðslu.
Þjónustumiðstöðin hefur m.a.
skipulagt samveru í samvinnu við
Kraft nk. fimmtudag kl 20.00 í húsi
Afls á Skólavegi 72 á Fáskrúðsfirði.
Kynnt verður stafganga sem er góð
leið til heilsubótar. Félagar og að-
standendur eru velkomnir.
  
Reyðarfjörður | Valgerður Sverris-
dóttir viðskipta- og iðnaðarráð-
herra var á ferðinni eystra um
helgina og auk þess að setja mál-
þing á Seyðisfirði um verndun
gamalla húsa skoðaði hún fram-
kvæmdasvæði álvers Fjarðaáls
Alcoa á Hrauni á Reyðarfirði. Andy
Cameron, staðarstjóri Bechtel á
framkvæmdasvæðinu var meðal
þeirra sem sýndu Valgerði álver-
slóðina og útskýrðu helstu áfanga
verksins. Í dag hefst uppsteypa ál-
versins, en undanfarið hafa farið
fram tilraunasteypur til undirbún-
ings verkinu.
Litast um á álverslóð
Neskaupstaður | Fegurðardrottn-
ing Austurlands var krýnd í Egils-
búð í Neskaupstað sl. laugardag.
Tíu stúlkur tóku þátt í keppninni að
þessu sinni sem er heldur meira en
undanfarin ár.
Valdís Lilja Andrésdóttir,
menntaskólanemi á Egilsstöðum,
var valin fegurst, en hún var jafn-
framt valin netstúlka Símans. Í
öðru sæti varð Fanney Ósk Rík-
harðsdóttir, menntaskólamær á
Egilsstöðum, sem var jafnframt
valin sportstúlkan og í því þriðja
varð Dröfn Svanbjörnsdóttir frá
Neskaupstað. Ljósmyndafyrirsæta
Austurlands var Anna Guðný Guð-
mundsdóttir, Eva Björk Káradóttir
var Oroblu-stúlkan og þá völdu
stúlkurnar Fjólu Hrafnkelsdóttur
vinsælustu stúlkuna úr sínum hópi.
Valdís Lilja og Fanney Ósk verða
fulltrúar Austurlands í keppninni
um Ungfrú Ísland 2005. Alls voru
um 190 gestir viðstaddir krýning-
arkvöldið sem var hið veglegasta.
Fegurst fljóða Valdís Lilja Andrésdóttir var um
helgina valin fegursta stúlka Austurlands.
Morgunblaðið/Kristín Ágústsdóttir
Úrslitin ljós Fanney Ósk Ríkharðsdóttir varð í öðru sæti (lengst til vinstri), Valdís Lilja Andrésdóttir
varð hins vegar sigurvegari keppninnar og í þriðja sæti lenti Dröfn Svanbjörnsdóttir.
Valdís Lilja er
fallegasta stúlkan
á Austurlandi
AUSTURLAND