Morgunblaðið - 12.04.2005, Blaðsíða 4

4 ÞRIÐJUDAGUR 12. APRÍL 2005 MORGUNBLAÐIÐ
FRÉTTIR
GRÍÐARLEG viðbrögð hafa verið
við viðhorfspistli sem Agnes
Bragadóttir, blaðamaður Morgun-
blaðsins, skrifaði í blaðið í gær.
Þar lýsti hún þeirri skoðun sinni
að almenningur á Íslandi ætti að
stofna félag og gera tilboð í stóran
hluta Símans.
„Rosalega er ég sammála þér í
greininni í blaðinu í dag [í gær].
Þakka þér kærlega fyrir,“ sagði
einn af þeim fjölmörgu sem sendu
Agnesi tölvupóst í gær, en hún
hafði í gærkvöldi fengið viðbrögð
frá vel á þriðja hundrað einstak-
lingum í gegnum tölvupóst, síma
og SMS. Margir af þeim sem
skrifa segjast reiðubúnir til þess
að leggja fram fé, og voru hjón ein
þannig tilbúin að leggja 10 millj-
ónir í þetta „í fyrstu umferð“.
„Mig langaði bara til þess að
þakka fyrir þessa löngu tímabæru
grein í Morgunblaðinu í dag [í
gær]. Ég er þér hjartanlega sam-
mála og þykir þessi árátta hand-
hafa ríkisvaldsins, að selja og selja
það sem malar okkur gull, núna og
seinna meir, vera alveg út í hött,“
skrifar einn þeirra sem sendu
Agnesi tölvupóst.
Nokkrir af þeim sem skrifuðu
skoruðu á Agnesi að taka að sér
forystuhlutverk í því að skipu-
leggja fjöldahreyfingu með það
markmið að kaupa stóran hlut í
Símanum, og vildi einn að boðað
yrði til opins fundar í Háskólabíói
til að ræða málin. Agnes segist þó
ekki ætla að taka að sér forystu-
hlutverk sökum anna í störfum
sínum á Morgunblaðinu, en segir
að Orri Vigfússon athafnamaður
hafi boðist til þess að koma verk-
efninu á koppinn, og hún styðji
hann í því.
Síðasta mjólkurkýrin gefin
„Þetta er alger svívirða og rétt-
lætiskennd manns er misboðið svo
ekki sé fastar að orði komist,“ seg-
ir í athugasemdum eins lesanda
um það hvernig „útvöldum per-
sónum“ séu færðir stórkostlegir
fjármunir „á silfurfati“. Annar
skrifar: „Ég er til í að verða kjöl-
festufjárfestir. Maðurinn minn og
dætur líka. Ég sætti mig ekki við
að síðasta mjólkurkýrin sé gefin.
Nóg er samt.“
Gríðarleg viðbrögð við Viðhorfspistli um kaup almennings á Símanum
Fjölmargir vilja leggja fram fé
MEÐ dómi Héraðsdóms Reykjavík-
ur í gær var íslenska ríkið sýknað af
13,3 milljón króna bótakröfu Val-
gerðar H. Bjarnadóttur fyrrum
framkvæmdastjóra Jafnréttisstofu
en krafan byggðist einkum á því að
Árni Magnússon félagsmálaráðherra
hefði þvingað hana til að láta af störf-
um án þess að hún hefði nokkuð til
saka unnið. Hún hyggst áfrýja mál-
inu til Hæstaréttar.
Valgerður var skipuð fram-
kvæmdastjóri Jafnréttisstofu til
fimm ára frá 1. september 2000. Hún
var þá formaður Leikfélags Akureyr-
ar og kom sem slíkur að ráðningu nýs
leikhússtjóra í febrúar 2002 en sú
ráðning átti eftir að draga dilk á eftir
sér. Einn umsækjanda kærði ráðn-
inguna til kærunefndar jafnréttis-
mála sem komst að þeirri niðurstöðu
að leikfélagið hefði brotið gegn jafn-
réttislögum og þessa niðurstöðu stað-
festi Héraðsdómur Norðurlands
eystra 14. júlí 2003. Daginn eftir
sagði Valgerður af sér sem formaður
félagsins.
Með dómi Hæstaréttar í janúar
2004 var dómnum snúið við og leik-
félagið sýknað af broti á jafnréttis-
lögum.
Í dómi héraðsdóms frá því í gær
segir að 21. júlí 2003 hafi Valgerður
átt fund með Árna Magnússyni fé-
lagsmálaráðherra. Að hennar sögn
varð á þeim fundi ljóst að hún nyti
ekki lengur trausts ráðherra og
kvaðst hún telja að tilgangur fund-
arins væri að þvinga hana til afsagn-
ar. Hún hafi lýst því yfir á fundinum
að hún myndi ekki segja af sér, enda
ekki brotið af sér í starfi. Eftir miklar
umræður hafi hún á hinn bóginn fall-
ist á afsögn og þegar hafi verið gefin
út fréttatilkynning þess efnis.
Eftir stutt fundarhlé og síðan á ný
þremur dögum seinna hafi verið rætt
um starfslokakjör hennar. Þá hafi
ráðherra lagt fram uppkast að starfs-
lokasamningi þar sem gert hafi verið
ráð fyrir að hún starfaði til 1. sept-
ember en síðan yrði greidd í einu lagi
fjárhæð sem samsvaraði sex mánaða
launum. Þetta uppkast undirritaði
hún ekki og telur Valgerður að aldrei
hafi náðst samkomulag um starfs-
lokagreiðslur. Skilningur ráðherra
var á hinn bóginn sá að tekist hefði
bindandi samkomulag.
Í apríl 2004, eftir að niðurstaða
Hæstaréttar lá fyrir, krafðist Val-
gerður þess að henni yrðu greiddar
bætur sem næmu launum til loka
skipunartímans og þriggja mánaða
biðlauna, samtals um 13,3 milljónir.
Þessu hafnaði félagsmálaráðherra og
höfðaði Valgerður því mál.
Opinbert vantraust
Fyrir dómi byggði Valgerður á því
að uppgjör vegna starfsloka hennar
væri ófrágengið. Þá hafi hún látið af
störfum að kröfu ráðherrans án þess
að hafa nokkuð til saka unnið. Árni
Magnússon hafi í kjölfar héraðs-
dómsins ákveðið að það væri pólitísk
nauðsyn að hún léti af störfum og hafi
lýst því opinberlega að hann bæri
ekkert traust til hennar. Henni hafi
því verið nauðugur einn kostur að
láta af störfum. Hún hafi lagt til að
hún viki tímabundið þar til niður-
staða Hæstaréttar lægi fyrir en því
hafi ráðherra hafnað. Ráðherra hafi
tekið sér vald dómstóls, vegið og met-
ið málavöxtu og knúið hana til að
hætta. Varðandi starfslokakjör vísaði
Valgerður til þess að karlkyns for-
stöðumönnum ríkisstofnana hafi ver-
ið boðnir mun hagstæðari starfsloka-
samningar stuttu áður.
Ráðherra hafnaði málatilbúnaði
Valgerðar, hann krafðist sýknu og
sagði að samkomulag hefði tekist um
starfslok og að Valgerður hefði ekki
verið beitt ómálefnalegum þrýstingi.
Hún hefði sjálf átt frumkvæði að
þeim viðræðum sem leiddu til starfs-
loka hennar. Henni hafi ekki verið
veitt einhliða lausn frá starfi. Lausn
frá starfi gæti ekki verið ólögmæt ef
hún byggðist á gagnkvæmum vilja
embættismanns og vinnuveitanda
hans. Augljóst hafi verið að hún hafi
sjálf viljað láta af störfum.
Í niðurstöðu dómsins segir að ráð-
herra hafi ekki andmælt því að það
hafi verið í samræmi við vilja sinn að
Valgerður lét af störfum. Sannað sé
að hún hafi viljað starfa áfram en fall-
ist á kröfu ráðherra um að láta af
störfum. Það sé á hinn bóginn ósann-
að að hún hafi verið beitt ólögmætri
nauðung eða að ráðherra hafi notfært
sér einhverja veikleika hennar þann-
ig að kalla megi misneytingu. Um
starfslokakjör segir dómurinn að
ósannað sé að með starfslokasamn-
ingum við tvo forstjóra Byggðastofn-
unar hafi myndast svo rík venja að
hún geti byggt á henni rétt til frekari
launagreiðslna. Íslenska ríkið var því
sýknað af kröfunum. Málskostnaður
var felldur niður.
Jón Finnbjörnsson kvað upp dóm-
inn. Ástráður Haraldsson hrl. flutti
málið af hálfu Valgerður H. Bjarna-
dóttur en Skarphéðinn Þórisson hrl.
var til varnar fyrir ríkið.
Ósannað að beitt hafi
verið ólögmætri nauðung
Eftir Rúnar Pálmason
runarp@mbl.is
Ríkið var sýknað af bótakröfu Valgerðar H. Bjarnadóttur
fyrrverandi framkvæmdastjóra Jafnréttisstofu
Í DÓMSMÁLINU gegn ríkinu bend-
ir Valgerður H. Bjarnadóttir á að
henni hafi verið boðin mun lakari
kjör en ríkið hafði áður boðið karl-
kyns forstöðumönnum misserin á
undan. Sérstaklega nefnir hún tvo
forstjóra Byggðastofnunar.
Í fyrra tilvikinu hafi verið ákvæði
í ráðningarsamningi um að lífeyr-
isréttindi væru þau sömu og hjá
bankastjóra Landsbankans en í því
hafi falist að forstjórinn fengi 90%
af fullum launum eftir 15 ára starf.
Iðgjöld forstjórans hafi verið
greidd til Lífeyrissjóðs ríkisins og
réttindi hans þar reiknuð út frá
reglum sjóðsins en næðu réttindin
ekki kjörum landsbankastjóra
myndi Byggða-
stofnun greiða
mismuninn. Þeg-
ar forstjórinn lét
af störfum árið
2001 fékk hann
því 37 milljónir.
Í seinna tilvik-
inu var karl-
maður skipaður
forstjóri Byggða-
stofnunar árið
2001 til fimm ára. Gerður var við
hann starfslokasamningur í júní
2002 og var kveðið á um að hann
skyldi njóta fullra launa til júní
2004 auk greiðslu vegna flutnings,
samtals 19,6 milljóna.
Betri starfslokasamningar
hjá Byggðastofnun
Valgerður H.
Bjarnadóttir
ÞORSTEINN Pálsson útilokaði ekki
í viðtali í Kastljósi Sjónvarpsins á
sunnudagskvöld að hann ætti aftur-
kvæmt í íslenskt atvinnulíf. Var hann
þá spurður hvað tæki við þegar hann
lætur af störfum sendiherra Íslands í
Kaupmannahöfn í haust og flytur
heim. Þorsteinn sagði það að mestu
vera óráðið hvað tæki við hjá honum,
ef frá væri talin seta í nýskipaðri
stjórnarskrárnefnd, sem hann hefði
mikinn áhuga á.
„Ég hef hins vegar hugsað hvar
brennur eldurinn heitast í þjóðfélag-
inu, hvar er gaman að koma að mál-
um. Í því ljósi hef ég gaman af því að
tengjast atvinnulífinu á nýjan leik
með einhverjum hætti.“
Einnig sagðist hann ekki hafa séð
það fyrir, þegar
hann fór af þingi,
að fara aftur í
framboð til Alþing-
is. „En ég get alveg
hugsað mér að taka
þátt í þjóðmálaum-
ræðunni með ein-
um eða öðrum
hætti. Það eru mik-
il verkefni framundan í stjórnmálum,
menntamál, menningarmál. Á kom-
andi árum þurfa menn að horfa í
miklu ríkara mæli á manngildin, sið-
ferðilegu gildin. Við höfum verið að
skapa auðlegðarþjóðfélag, sem hefur
tekist, en við þurfum að huga að hin-
um dýpri gildum tilverunnar sem
auka lífsánægjuna,“ sagði Þorsteinn.
Þorsteinn Pálsson í Kastljóssviðtali
„Gaman að tengjast
atvinnulífinu á ný“
Þorsteinn Pálsson
ORRI Vigfús-
son athafna-
maður sagði í
samtali við
Morgunblaðið í
gær að sér litist
svo vel á hug-
mynd Agnesar
um að almenn-
ingur keypti
Símann að hann
ætlaði að funda með nokkrum sér-
fræðingum í dag til að ræða hvað
þyrfti að gera til þess að hún yrði
að veruleika.
Orri segist reiðubúinn að stýra
verkefninu eða taka þátt í að setja
upp hóp sem geri það. Hann segist
þegar vera farinn að fá símhring-
ingar vegna málsins, og bendir
þeim sem hafa hug á að taka þátt í
fjöldahreyfingu til að gera tilboð í
Símann á að senda sér tölvupóst í
netfangið orri@icy.is.
Fundar með
sérfræðingum
Orri Vigfússon
KARLMAÐUR um þrítugt situr
nú í gæsluvarðhaldi vegna rann-
sóknar á smygli á um 360 e-töflum
og 20 grömmum af kókaíni sem
tollgæslan í Reykjavík fann í póst-
sendingu frá Amsterdam í liðinni
viku.
Að sögn Ásgeirs Karlssonar, yf-
irmanns fíkniefnadeildar lögregl-
unnar í Reykjavík, fundust fíkni-
efnin við hefðbundna tollleit sl.
miðvikudag. Lögreglan tók við
rannsókn málsins og leiddi hún til
þess að á föstudag voru tveir menn
um þrítugt handteknir í borginni.
Pakkinn var stílaður á annan
manninn og þegar hann var hand-
tekinn var hann með pakkann frá
Amsterdam en lögregla hafði þá
fjarlægt fíkniefnin og sett gervi-
efni í staðinn. Sá var úrskurðaður í
þriggja vikna gæsluvarðhald en
hinum manninum var sleppt að
lokinni yfirheyrslu. Aðrir hafa ekki
verið handteknir vegna málsins, að
sögn Ásgeirs.
Þetta er stærsta e-töflusending-
in sem náðst hefur hér á landi á
þessu ári. Miðað við athuganir
SÁÁ nemur verðmæti fíkniefnanna
um 800.000 krónum.
Fékk 360
e-töflur
sendar í pósti