Morgunblaðið - 13.05.2005, Page 51
MORGUNBLAÐIÐ FÖSTUDAGUR 13. MAÍ 2005 51
MENNING
NÝ LEIKSKÁLD velta fram hjá Hugleik um
þessar mundir. Nú er það Nína Björk Jóns-
dóttir Hugleikari, blaðakona og stjórnmála-
fræðingur sem hefur skrifað
,,fjölskyldusplatter“ eins og hún
sagði sjálf í sjónvarpinu á dög-
unum. Í viðtali í skemmtilegri
leikskránni segir hún frá því að
verkið hafi þróast frá alvarlegu
fjölskyldudrama yfir í brjálaðan
farsa þó að sjálf hafi hún aldrei
þolað farsa! Þorgeir Tryggvason
leikstjóri og gamalgróinn Hug-
leikari segir hins vegar í leikskrá
að verkið sé ekki farsi heldur
,,snyrtilega uppbyggð aðstæ-
ðukómedía“ og ,,splatter undir-
textans“.
Enginn með Steindóri er
blanda af þessu öllu, hvorki farsi
né ekki farsi en mjög fyndið og
beitt þegar líða fer á, nákvæm-
lega unnið af Þorgeiri leikstjóra og fjarska
vel leikið á sterkustu póstunum. Undirtextinn
er blóðugur, verkið daðrar við absúrdisma
eða súrrealisma en þó að mjög gaman megi
hafa af frá byrjun er ekki gengið nógu langt
nógu snemma. Leikritið fjallar um tvær ólík-
ar fjölskyldur; bankastjóri og galleríeigandi
halda kvöldverðarboð í tilefni þess að dóttir
þeirra hefur eignast kærasta en móðir hans
er skúringakona sem vinnur líka í vídeóleigu
og bróðirinn Hraunari. Þessar tvær fjöl-
skyldur eru fjarska ólíkar við fyrstu sýn en
ekki er allt sem sýnist í mannlegri hegðun
segir boðskapur verksins og spurning hver er
heiðarlegur eða betri en annar þegar upp er
staðið. Helsti kostur verksins er að höfundur
er óhræddur við súrrealismann til að sýna
steríótýpur hversdagsins í sinni ýktustu
mynd og tekst það allt saman með miklum
ágætum. En þetta er líka helsti ókostur
verksins. Með öðrum orðum er höfundur
hræddur við að fara strax inn í hið fáránlega
á mörkum veruleikans og geldur sýningin
fyrir það.
Þrátt fyrir þetta er víst að
fyndin var sýningin og vel leik-
in. Hulda B. Hákonardóttir var
afar góð í hlutverki hinnar
snobbuðu og um leið óöruggu
bankastjórafrúar, hún lék sér
svo fínlega á mörkum fáránleik-
ans að geri aðrir betur. Einar
Þór Einarsson lék hinn venju-
lega, hógværa kærasta alveg
frábærlega, hann þurfti að vera
eini eðlilegi maðurinn í hópnum
og tókst það erfiða hlutverk
mjög vel. Júlía Hannam kom, sá
og sigraði sem móðir hans; lék
snilldarlega hvernig konan hafði
engin mörk í siðferði og mann-
legum samskiptum en rataðist
mjög oft satt á munn. Hér verð-
ur einnig að nefna Gísla Björn Heimisson
sem var á heimavelli í trúðslegum töktum í
hlutverki lögfræðingsins kokkálaða og átti
tvímælalaust fyndnasta atriði verksins og
best útfærða en það var þegar hann át mik-
ilvægt skjal og dró það svo aftur út úr sér.
Hugleikur stekkur þvers og kruss um lend-
ur leiklistarinnar í frumsömdum verkum sín-
um þessi árin og tekst jafnvel upp nú og svo
oft áður. Ef fólk vill fara í leikhúsið og hlæja
dálítið ætti það að drífa sig strax í heimsókn
til Hugleiks.
,,Fjölskyldusplatter
undirtextans“
LEIKLIST
Hugleikur
Höfundur: Nína Björk Jónsdóttir. Leikstjóri: Þorgeir
Tryggvason.
Frumsýning í Möguleikhúsinu, 5. maí 2005.
Enginn með Steindóri
Hrund Ólafsdóttir
Nína Björk Jónsdóttir
SÝNING Rúríar í FUGL samanstendur af
ljósmynd af vatnsfalli, heyrnartólum þar sem
má heyra drunur þess og texta á veggjum þar
sem fjallað er um verk mannanna gagnvart
náttúrunni sem er sífellt í mótun. Tíminn og
náttúruöflin vinna gegn verkum mannanna, en
þó er svo komið að tækniþekking mannsins
ógnar sjálfum náttúruöflunum. Þessi sýning er
eins og lítill en tær endurhljómur af verki
Rúríar Archive – endengered waters sem sýnt
var á Feneyjartvíæringnum fyrir tveimur ár-
um og í Listasafni Íslands nýverið. Útlit sýn-
ingarinnar er einnig kalt og hannað eins og
fyrr, og fer ekki illa í vel hönnuðu versl-
unarrýminu sem má segja að sé í naumhyggju-
stíl. Textinn er svolítið ljóðrænn um leið og
hann hefur yfirbragð kennsluefnis, verður
kannski eilítið mærðarlegur á köflum eins og
oft vill henda þegar hugsjónir eru annars veg-
ar. Það vaknar upp sú spurning hvort ekki sé
vænlegra fyrir listakonuna að fara að skipta
um búning eða útfærslu á þessu hugðarefni,
sérstaklega ef tilgangurinn er að vekja athygli
á málstaðnum. Út frá listrænu sjónarhorni er
sýningin frekar dauf og ber í sér útþynnt
bragð endurtekningarinnar. Ekki það að end-
urtekningar þurfi að vera slæmar, þær geta
þvert á móti verið góðar ef það tekst að virkja
einhvers konar kraft endurnýjaðs vægis.
Rúrí er einn af okkar stærstu listamönnum,
hefur verið iðin í baráttu sinni fyrir verndun
náttúrunnar og er ein fárra listamanna sem
vinnur markvisst að því að vekja athygli á
sinnuleysi okkar gagnvart fósturjörðinni. Það
er því vel við hæfi að hún sýni verk sitt í sýn-
ingarrýni sem kennir sig við gagnrýna mynd-
list. Þótt sýningin sé full lágstemmd að mati
undirritaðrar þá má segja að það sé vel þess
virði að koma við í FUGL og hlusta á fossa-
drunur og ekki ólíklegt að það kveiki í fólki að
fara að leggja land undir fót með hækkandi sól
og berja augum hina einstæðu náttúrufegurð
landsins.
Framtíð lands og þjóðar
Þóra Þórisdóttir
Þótt sýningin sé fulllágstemmd að mati undirritaðrar er það vel þess virði að koma við í FUGL.
MYNDLIST
FUGL félag um gagnrýna list
Skólavörðustíg 10
Sýningunni lýkur 15. maí.
Rúrí
Heillaður