Morgunblaðið - 09.09.2005, Blaðsíða 21

MORGUNBLAÐIÐ FÖSTUDAGUR 9. SEPTEMBER 2005 21
MINNSTAÐUR
AUSTURLAND
SUÐURNES
Grindavík | Leitir og réttir hafa í
aldanna rás verið eitt af þeim
haustverkum sem gegna hvað mik-
ilvægustu félagslegu hlutverki í
sveitum landsins. Er það mat
margra fróðra manna að allir ættu
að upplifa réttastemningu að
minnsta kosti einu sinni um ævina
og helst að gera það að árvissum
viðburði.
Grindvíkingar rétta nú á laug-
ardag. Þangað er örstutt að fara og
eins og endranær bjóða Grindvík-
ingar fólk velkomið til að taka þátt í
þessum skemmtilega degi.
Réttað er í Þórkötlustaðarétt
sem er örstutt frá höfuðborginni og
í skemmtilegu umhverfi í Þórkötlu-
staðahverfi í Grindavík. Hún var
hlaðin af Grindarvíkurbændum um
aldamótin 1900. Grjótið var að
mestu fengið úr Vatnsheiðinni og er
réttin óbreytt að stærð og lögun frá
þeim tíma. Gerðar voru endurbætur
á réttinni fyrir nokkrum árum.
Fjárbændur á svæðinu hafa
bryddað upp á þeirri nýbreytni að
safna fénu öllu saman áður en það
er rekið af fjalli til að koma í veg
fyrir að áhugasamir áhorfendur
þurfi að bíða og verður féð rekið
niður í réttina stundvíslega klukkan
13. Við réttirnar hefur verið smíð-
aður pallur til þess að áhugasamir
áhorfendur hafi gott útsýni yfir
svæðið. Þeir sem vilja, geta hjálpað
til við að reka í réttina eftir því sem
safnið nálgast og tekið þannig
virkan þátt í öllu saman.
Frítt verður á tjaldstæðið alla
helgina, veitingatjöld verða á staðn-
um og einnig verður réttarkaffi á
Veitingahúsinu Brimi Hafnargötu
frá 13.30–18.
Réttarballið er að sjálfsögðu
ómissandi partur af stemningunni
og á laugardagskvöldið verður ekta
réttarball í Salthúsinu í Grindavík.
Hljómsveitin Sólon leikur fyrir
dansi, tónlist sem hentar öllum ald-
urshópum, enda eru réttarböll vett-
vangur þar sem kynslóðirnar dansa
og skemmta sér konunglega saman.
Ökumenn eru beðnir um að gæta
sérstakrar varúðar og sýna þol-
inmæði þegar verið er að reka fé
yfir akvegi.
Grindvíkingar bjóða gesti velkomna í Þórkötlustaðarétt
Lifandi menningarviðburður
Ljósmynd/Óskar Sævarsson
Réttir Það er ætíð glatt á hjalla þegar Íslendingar draga blessaða sauðkindina í dilka.
Reykjanesbær | „Á Íbúaþingi er
verið að virkja þá ómældu þekkingu
og umhyggju sem íbúar á hverjum
stað búa yfirleitt yfir. Nýlegt dæmi
frá Reykjanesbæ þar sem hugmynd
frá íbúum hefur leitt til breytinga er
hugmynd leikskólabarna á Tjarn-
arseli um útsýnispall við Ægisgöt-
una, sem nú er orðinn að veruleika,“
sagði Árni Sigfússon, bæjarstjóri
Reykjanesbæjar, um tilgang íbúa-
þings sem haldið verður laugardag-
inn 10. september í húsnæði Íþrótta-
akademíunnar við Menntaveg.
Þetta er í fyrsta sinn sem íbúa-
þing er haldið í Reykjanesbæ en
framkvæmd þess er unnin í sam-
starfi við ráðgjafafyrirtækið Alta,
sem hefur stýrt íbúaþingum víða um
land. Dagskráin samanstendur bæði
af umræðuhópum og svokölluðum
skipulagshópum, þar sem unnið er
yfir kort og loftmyndir. Rætt verður
um málefni sem varða Reykja-
nesbæ, en einnig horft víðar yfir
svæðið. „Við munum gefa íbúum
kost á að koma með hugmyndir um
hvernig þeir vilja sjá Reykjanesbæ
og Reykjanesið allt vaxa og þróast
og bjóðum þess vegna íbúum ná-
grannasveitarfélaganna einnig vel-
komna á þingið. Fólki mun gefast
kostur á að ræða um umhverfismál,
skipulagsmál, atvinnumál og sam-
félagsleg málefni, svo sem skóla-
mál,“ sagði Árni í samtali við blaða-
mann og áréttaði að þátttakendur
þyrftu ekki að hafa neina sérþekk-
ingu á skipulagsmálum, einungis op-
inn hug og góðar hugmyndir. Dag-
skráin stendur frá kl. 10–16 og boðið
verður upp á barnagæslu á staðnum.
Íbúaþing í Reykjanesbæ á laugardag
Íbúar geta haft áhrif
Morgunblaðið/Svanhildur Eiríksdóttir
Hugmynd smáfólksins Markmið íbúaþings er að virkja hugmyndir bæj-
arbúa í samfélagslegum málefnum. Leikskólabörn á Tjarnarseli hafa séð
sína hugmynd um útsýnispall við Ægisgötu verða að veruleika og ekki er
óalgengt að sjá yngstu íbúana standa þar uppi og njóta útsýnisins.
Vilja nýja sundlaug | Hópur Horn-
firðinga mætti nýverið á fund bæj-
arráðs Hornafjarðar og skoraði á
bæjarráðsmenn að ráðast í bygg-
ingu nýrrar sundlaugar á Höfn.
Fólkinu þótti brýnt að sundlaug yrði
opnuð fyrir Unglingalandsmót 2007,
sem haldið verður á Höfn. Var Elínu
Magnúsdóttur, formanni bæjarráðs,
afhentur gripur til að minna á áskor-
un bæjarbúa. Á gripinn, sem er lítil
skófla á gabbrósteini, er m.a. letrað
að lítil skóflustunga geti orðið að
nýrri sundlaug, ungdómnum og íbú-
um til vegs og virðingar.
Mótmæla skotæfingum | Á fimmta
tug íbúa Eiðaþinghár á Fljótsdals-
héraði hefur sent bæjaryfirvöldum
undirskriftalista þar sem mótmælt
er harðlega ósk Skotfélags Austur-
lands um nýtt skotæfingasvæði
skammt frá þéttbýlinu á Eiðum.
Skotfélagið hefur sótt um leyfi
til að hafa skotæfingasvæði suð-
austan við íþróttavöll Ungmenna-
og íþróttasambands Austurlands á
Eiðum og mun það þá standa í um
700 metra fjarlægð frá barnaskóla
og íbúðarbyggð á Eiðum.
Bæjaryfirvöld hafa ekki tekið af-
stöðu til umsóknar Skotfélagsins,
en málið var sett í grenndarkynn-
ingu í ágústlok og gefinn frestur til
athugasemda út september. Und-
anfarin ár hefur logandi ljósi verið
leitað að hentugu æfingasvæði, en
einu slíku var lokað fyrir þremur
árum vegna kvartana frá nálægum
íbúum. Í umsögnum sýslumannsins
á Seyðisfirði og Félagi leiðsögu-
manna með hreindýraveiðum
vegna umsóknar Skotfélagsins seg-
ir, að nauðsyn beri til að hafa opið
skotæfingasvæði vegna undirbún-
ings fyrir skotvopnaleyfi, skotfimi-
æfinga lögreglu og æfinga hrein-
dýraskyttna. Málið er nú í
vanabundnu skipulagsferli hjá
sveitarfélaginu.
Stál í álverið | Í fyrradag lagði
flutningaskipið BBC Rheiderland að
nýju álvershöfninni í Reyðarfirði
með 4.687 tonn af byggingarstáli.
Skipið er bæði með stál fyrir ker-
skálana og skautsmiðjuna, en þetta
er önnur sending af samtals 5–6
sendingum. Þessi sending er mun
stærri en sú fyrri, sem var 3.180
tonn. BBC Rheiderland er 153 metr-
ar að lengd og búið tveimur krönum
sem eru notaðir við affermingu
byggingarstálsins. Starfsmenn Sam-
skips vinna á vöktum í um fjóra sól-
arhringa við að afferma skipið.
Vopnafjörður | Þeir spjölluðu við höfnina í Vopnafirði þessir karlar eitt síð-
degið fyrir skemmstu. Sjálfsagt um gæftir og kannski þorskígildislestirnar
fjögur þúsund og tíu sem fara til byggðarlaga í vanda og lækkaðar bætur
til krókaaflamarksbátanna.
Spáð í nýtt fiskveiðiár
Morgunblaðið/Steinunn Ásmundsdóttir
Skortur á starfsfólki | Mikill
skortur er á fólki til starfa á Horna-
firði og á það við bæði til sjós og
lands við margs konar störf.
Á vefnum hornafjordur.is kemur
fram að atvinnurekendur telji erfitt
að fá fólk til starfa og mjög fáir séu á
lausu á staðnum. Þorkell Kolbeins
hjá Stéttarfélaginu Vökli segir að
innan við tíu manns hafi verið á at-
vinnuleysisskrá undanfarið og það
sé aðallega fólk sem er að skipta um
störf sem skrái sig þegar bil mynd-
ast á milli starfa. Eftir því sem næst
verður komist má ætla að hátt í
hundrað manns vanti til starfa á
Hornafjarðarsvæðinu. Þótt erfiðlega
gangi að fá fólk og líkur á að leita
þurfi út fyrir landsteinana eftir því,
ríkir bjartsýni hjá atvinnurekendum
og mikill áhugi er fyrir uppbyggingu
á staðnum, ekki síst í ferðaþjónust-
unni og er unnið að nýjum þáttum til
að auka vetrarstarfsemi hennar.