Morgunblaðið - 09.09.2005, Blaðsíða 52

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 FÖSTUDAGUR 9. SEPTEMBER 2005 VERÐ Í LAUSASÖLU 220 KR. MEÐ VSK.
Opið 8-24 alla daga
í Lágmúla og Smáratorgi
Grímsey | Gera má ráð fyrir að um 70% karlmanna í
Grímsey hafi brugðið undir sig betri fætinum og haldið
suður á sjávarútvegssýninguna sem stendur nú yfir.
Strax í kjölfarið, í næstu viku, efnir Kvenfélagið Baug-
ur í Grímsey til ferðar til Slóveníu og taka þær eigin-
mennina í flestum tilvikum með. Það er því rólegt í
eynni og verður áfram næsta hálfa mánuðinn, að sögn
Helgu Mattínu Björnsdóttur, kennara við Grunnskól-
ann í Grímsey.
Þessi staða kemur upp þriðja hvert ár, þegar sjáv-
arútvegssýningin er haldin en ferð kvenfélagskvenna
er einnig á þriggja ára fresti um svipað leyti.
Nú er um helmingur skólabarna í skólanum, margir
hafa fylgt foreldrunum suður. „Flestir bátanna kúra
hér í höfninni, ég sá einn fara á sjó í morgun,“ sagði
Helga Mattína. Bílar sjást ekki á ferðinni þessa daga.
Skólahald fellur alveg niður í rúma viku þegar kon-
urnar halda utan, en börnum er í mörgum tilvikum
komið í fóstur til afa og ömmu á fastalandinu eða ann-
arra ættingja þar.
„Okkur telst svo til að það verði 11 fullorðnir eftir
hér í eyjunni í næstu viku. Þetta er svolítið sérstök
staða,“ sagði Helga Mattína. Fengin verður kona úr
landi til að sjá um verslunina á staðnum. „Við verðum
að fá aðstoð úr landi, það verður reynt að hafa búðina
opna í svona tvo tíma á dag.“
Ellefu fullorðnir eftir í Grímsey
TVEIR kandídatar í embætti varaformanns
Sjálfstæðisflokksins eru komnir fram. Þeir
eru Kristján Þór Júlíusson, bæjarstjóri á Ak-
ureyri, og Þorgerður Katrín Gunnarsdóttir
menntamálaráðherra. Fleiri eru nefndir í
þessu sambandi en hafa ekki gefið sig upp
enn sem komið er.
Bjarni Benediktsson, alþingismaður og
formaður allsherjarnefndar, sagði aðspurður
hvort hann hefði hug á varaformannsemb-
ættinu að hann væri ekkert sérstaklega að
vinna að því að fara í framboð og hann ætlaði
að láta nokkra daga líða til að meta stöðuna.
„Mér finnst allt í lagi að menn gefi sér nokkra
daga eftir að formaðurinn hættir til að skoða
stöðuna í þessu nýja ljósi,“ sagði hann.
Ekki náðist í Árna Mathiesen, sjávarút-
vegsráðherra og verðandi fjármálaráðherra,
en hans nafn hefur einnig borið á góma í
þessu sambandi. | 4
Þorgerður
Katrín og
Kristján Þór
gefa kost á sér
ÁSLÁTTARLEIKARARNIR Eggert Pálsson
og Pétur Grétarsson voru meðal þeirra
listamanna sem tróðu upp í afmælisveislu
Epal sem fagnaði 30 ára afmæli sínu í gær-
kvöldi. Þeir Eggert og Pétur trommuðu á
allt sem tiltækt var við mikla kátínu afmæl-
isgesta. Var þar bæði um að ræða skálar,
útvörp, ruslafötur, taukörfur og straubretti
auk stóla og kolla eins og sjá má á mynd-
inni. Aðspurður sagði Eggert sérlega gam-
an að fá tækifæri til að leika á húsgögnin.
„Það sýndi sig nefnilega að þegar svona
hlutir eru gerðir úr góðu efni þá hljóma
þeir líka vel,“ sagði Eggert í samtali við
Morgunblaðið.
Morgunblaðið/Golli
Trommuðu á húsgögnin í Epal
FORYSTUKONUR Félags
gæslukvenna segja fullyrðingar
Stefáns Jóns Hafstein, formanns
menntaráðs Reykjavíkur, um að
mál flestra gæslukvenna séu leyst
eða muni leysast á næstu dögum,
ekki réttar. „Við mótmælum
þessum orðum Stefáns Jóns,“
segir Karólína Snorradóttir, for-
maður Félags gæslukvenna. Guð-
rún Guðjónsdóttir, varaformaður
félagsins, tekur undir þau mót-
mæli. Þær segja langt í frá búið
að leysa málefni gæslukvennanna.
Karólína og Guðrún segja að af
þeim 22 gæslukonum sem hafi
fengið uppsagnarbréf vegna lok-
unar gæsluvalla séu tíu búnar að
skrifa undir samkomulag um
starfslok. Þær hafi ekki þorað
annað eftir að fulltrúar borgar-
innar hafi mætt á vinnustað
þeirra með samninga undir hönd-
um. Þeir hafi beitt hræðsluáróðri
og sagt að þær myndu missa rétt-
indi skrifuðu þær ekki undir sam-
komulagið. „Sumar hverjar voru í
losti eftir þetta,“ segja þær.
Karólína og Guðrún ítreka að
samkomulagið veiti gæslukonun-
um ekki nein réttindi umfram það
sem þær hafi þegar haft. Þá hafi
þær t.d. enga skriflega tryggingu
fyrir því að þær glati ekki rétt-
indum þótt þær skipti um stéttar-
félag, þ.e. fari úr Starfsmanna-
félagi Reykjavíkurborgar yfir í
Eflingu.
Einhliða viðræður
Þær segja að fulltrúar borg-
aryfirvalda hafi vissulega fundað
með forystukonum félagsins um
starfslokin, en þær viðræður hafi
verið einhliða. „Þeir hafa ekki
viljað setjast niður með okkur til
að ræða þessi mál, heldur hafa
þeir komið með einhliða samn-
inga.“ Þær segja að þær hafi far-
ið fram á að gæslukonurnar
fengju þrjá mánuði á launum um-
fram áunnin réttindi en fulltrúar
borgarinnar hafi ekki orðið við
því.
Forystukonur í Félagi gæslukvenna í Reykjavík
Langt í frá búið að leysa
málefni gæslukvenna
Eftir Örnu Schram
arna@mbl.is
Segja fullyrðingar formanns menntaráðs ekki réttarÞYRLA Landhelgisgæslunn-ar, TF-SIF, leitaði í gær að
Christian Aballea, franska
ferðamanninum, sem saknað
hefur verið síðan 25. ágúst
síðastliðinn. Þyrlan fór yfir
Álftavatn um eittleytið í
gær, en þar sást síðast til
Aballea. Hún lenti aftur í
Reykjavík skömmu fyrir
klukkan 18.
Engin björgunarsveit fór á
svæðið þar sem síðast sást
til ferðamannsins. Sam-
kvæmt upplýsingum frá
Landhelgisgæslunni hefur
enginn haft spurnir af mann-
inum. Ætlaði hann að fara
frá Landmannalaugum til
Þórsmerkur og þaðan að
Skógum.
Árangurs-
laus leit að
frönskum
ferðamanni
„MIG hefur lengi langað til að gefa út
sólóplötu en ekki fundist ástæða til
þess fyrr en nú,“ segir Jón Jósep
Snæbjörnsson,
öðru nafni Jónsi í
svörtum fötum, í
viðtali við Morg-
unblaðið um vænt-
anlega sólóskífu
sína sem kemur út
um mánaðamótin
október-nóvem-
ber. Jónsi hefur
um langt skeið
verið einn vinsæl-
asti dægurlagasöngvari þjóðarinnar
og hljómsveit hans, Í svörtum fötum,
hefur unnið fjölmörg verðlaun fyrir
plötur sínar. Í viðtalinu ræðir Jónsi
um nýju plötuna, sönglistina og lík-
lega stærsta hlutverk sitt hingað til,
föðurhlutverkið. | 46
Jónsi gefur
út sólóplötu
Jón Jósep
Snæbjörnsson
FJÓRÐA geislaplata Sigur Rósar, Takk,
var í gærkvöldi komin í 16. sæti á lista Ama-
zon yfir söluhæstu geisladiska í Bretlandi,
þrátt fyrir að platan komi ekki út fyrr en nk.
mánudag.
Í Bandaríkjunum var platan í 58. sæti á
sölulista Amazon. Platan kemur í verslanir
á mánudag og af því tilefni mun Skífan á
Laugavegi vera með miðnæturopnun nk.
sunnudagkvöld. Verður verslunin opin í
hálfa klukkustund til þess að aðdáendur
geti nálgast sérútgáfu af plötunni.
Ný plata Sigur
Rósar komin á
metsölulista