Morgunblaðið - 01.12.2005, Qupperneq 31

MORGUNBLAÐIÐ FIMMTUDAGUR 1. DESEMBER 2005 31
DAGLEGT LÍF | NEYTENDUR
Hér verður mikið lagt upp úrstemningunni, þar sem sam-spil lita, lyktar og tóna er út-
pælt. Andrúmsloftið verður rólegt og
afslappað og aðeins leikin sinfón-
íutónlist í búðinni,“ segja mágkon-
urnar þær Kristín Reynisdóttir og
Jóhanna Einarsdóttir sem opna 140
fermetra verslun sem kennd er við
Söstrene Grene í Smáralind á morg-
un.
Þeir fjölmörgu Íslendingar sem
hafa lagt leið sína til Kaupmanna-
hafnar ættu að kannast við þessa
verslun af Strikinu, en hugmyndina
að því að opna slíka verslun hér-
lendis, fékk Kristín einmitt í Kaup-
mannahöfn þegar hún ranglaði óvart
inn í búð systranna.
Fyrsta búðin utan Danmerkur
„Ég hélt að ég væri að koma inn á
safn, því þarna er mjög sérstök
stemning og ólík því sem maður á að
venjast í verslunum. Ég féll fyrir vör-
unum sem þarna eru í boði og þegar
ég kom heim ákváðum við Jóhanna að
skrifa þeim bréf og upplýsa um áhuga
okkar á að opna svona verslun hér-
lendis. Við fengum góð viðbrögð, því
svo vel vildi til að þá hafði einmitt ný-
lega verið tekin ákvörðun um að opna
útibú á hinum Norðurlöndunum, en
nú eru verslanir Söstrene Grene ein-
göngu í Danmörku, sautján talsins.
Verslunin hér hjá okkur er sú fyrsta
sem er opnuð utan Danmerkur en svo
opnar í Ósló í mars og í framhaldinu á
hinum Norðurlöndunum.“
Allt milli himins og jarðar
Systurnar Anna og Klara opnuðu
fyrstu búðina fyrir þrjátíu árum í
Kaupmannahöfn. „Þær ferðuðust
mikið, gerðu góð kaup í útlöndum og
fluttu heim með sér vörur sem þær
seldu og að lokum var þetta orðið svo
umsvifamikið að þær ákváðu að opna
stóra verslun í sínu nafni. Þær keyptu
eingöngu vörur sem þeim fannst fal-
legar og á sanngjörnu verði. Nú orðið
eru þær með hönnuði á sínum snær-
um og láta hanna fyrir sig hluti og
leita svo tilboða utan frá.“ Vörurnar
koma frá öllum heimshornum og eru
mjög fjölbreyttar: Gjafavörur, bús-
áhöld, baðvörur, föndurvörur, tréleik-
föng, jólaskraut, kaffi, te, ávaxta-
drykkir og spennandi matvara.
Reynt er að stilla verðinu í hóf og svo
verður einnig með verslunina hér á
landi. „Þær hafa alltaf lagt mikið upp
úr því að neytendur fái að njóta
þeirra góðu kjara sem þær njóta og
við höldum því í heiðri.“
Systurnar Grene
komnar til Íslands
Morgunblaðið/Ásdís
Kristín Reynisdóttir og Jóhanna Einarsdóttir í nýju búðinni.
 VERSLUN