Morgunblaðið - 11.12.2005, Síða 6
6 SUNNUDAGUR 11. DESEMBER 2005 MORGUNBLAÐIÐ
FRÉTTIR
Verðlaunasjóður íslenskra barnabóka efnir nú enn á ný til verðlaunasamkeppni.
Að þessu sinni er auglýst eftir tvenns konar handritum:
Handriti að skáldsögu fyrir börn og unglinga. Útprentað handrit skal vera að lágmarki 70
blaðsíður að lengd. Ekki er gert ráð fyrir því að verðlaunasagan verði myndskreytt.
Handriti að myndskreyttri bók fyrir börn. Skila skal handriti að texta, að minnsta kosti
tveimur fullunnum myndum og skissum að öðrum opnum bókarinnar. Miða skal við að sagan sé
sögð á tólf opnum, að frátöldum titilsíðum og saurblöðum.
Dómnefnd velur besta handrit í báðum flokkum og verðlaunin nema 400.000 kr. fyrir hvora bók
auk venjulegra höfundarlauna. Bækurnar koma út hjá Eddu útgáfu – Vöku-Helgafelli haustið
2006. Skilafrestur er til 15. febrúar 2006.
Íslensku barnabókaverðlaunin hafa á undanförnum árum opnað mörgum nýjum höfundum leið
út á rithöfundabrautina og orðið til þess að auka úrval góðra bókmennta fyrir börn og unglinga.
Stjórn verðlaunasjóðsins hvetur jafnt þekkta sem óþekkta höfunda til þess að taka þátt í
samkeppninni um Íslensku barnabókaverðlaunin.
Handritum skal skila til:
Verðlaunasjóður íslenskra barnabóka
Edda útgáfa – Vaka-Helgafell
Suðurlandsbraut 12
108 Reykjavík
Verður þú næsti verðlaunahafi?
Íslensku barnabókaverðlaunin tvöföld á næsta ári!
edda.is
Handrit á að merkja með
dulnefni en rétt nafn höfundar
fylgi með í umslagi.
Skagafjörður | Þrjár kindur voru
nýlega sóttar inn á Hofsárafrétt,
inn af Vesturdal í Skagafirði.
Staðurinn er í um 550 metra hæð
yfir sjó og lítinn gróður að hafa um
þessar mundir.
Menn frá Siglufirði sem voru
þarna á ferð á jeppum fundu kind-
urnar og gerðu þegar viðvart til
byggða. Þeir höfðu ekki tök á að
taka kindurnar með því þeir voru á
leið uppá Sprengisandsleið en stað-
settu þær með GPS-tæki. Veður
hamlaði því í nokkra daga að hægt
væri að sækja kindurnar. Þá var
suðvestanátt ríkjandi en þá er
hreint óveður þarna uppi þegar
snjóinn skefur niður af Hofsjökli.
Það voru bræðurnir Borgþór
Borgarsson á Hofsvöllum og Smári
Borgarsson í Goðdölum sem sóttu
féð. Þeir fóru á snjósleðum með
aftanísleða upp á Hofsfjall og síðan
inn að Ásbjarnarvötnum, um 35
kílómetra vegalengd. Gekk leið-
angur þeirra vel, tók alls um fjórar
klukkustundir.
Höfðu fært sig til
Fundu þeir kindurnar við vötnin
sem eru nokkuð austan við Ingólfs-
skála og um átta kílómetra frá
Hofsjökli. Um var að ræða á frá
bænum Litluhlíð í Vesturdal og
veturgamla kind frá Bústöðum í
Austurdal.
Þarna höfðu kindurnar hafst við
um tíma, samkvæmt ummerkjum,
en svæðið var leitað í haust og
seinna fóru rjúpnaskyttur um án
þessa að verða þeirra varir og er
því ljóst að kindurnar hafa komið
þangað í vetur. Þær höfðu haft ein-
hverja snöp á vatnsbakkanum en
voru þó orðnar verulega aflagðar.
Kindurnar voru ein klakabrynja
enda lítið skjól að hafa á þessum
slóðum og eflaust hafa mörg vond
veður skollið á þeim, í liðlega 550
metra hæð. Sýnir þetta enn einu
sinni hvað íslenska sauðkindin er
lífseig.
Ljósmynd/Guðrún Baldursdóttir
Menn og fé komið á vélsleðum niður af Hofsvöllum. Borgþór Borgarsson og Smári Borgarsson.
Björguðu þremur kindum
úr hagleysu við Hofsjökul
Eftir Örn Þórarinsson
ÞAGNARSKYLDA lækna við sjúk-
linga sem bera fíkniefni í iðrum sér,
svokölluð burðardýr eða gleyparar,
var til umræðu á ráðstefnu fyrir
lækna og lögreglumenn sem haldin
var í liðinni viku. Ráðstefnan bar
heitið Fíkniefni – samstarf og sam-
skipti lögreglu og heilbrigðisyfir-
valda og fluttu lögreglumenn,
læknar og lögfræðingar erindi.
Var ýmsum spurningum velt
fram um hvernig takast ætti á við
aukin fíkniefnavanda samfélagsins
og þá sérstaklega hvað varðar sam-
starf og samskipti lögreglu og heil-
brigðisyfirvalda.
Gunnar Ármannsson, lögfræðing-
ur og framkvæmdastjóri Lækna-
félags Íslands, sagði lagaumhverfi á
Íslandi alveg skýrt í þessum efnum,
læknum væri aðeins heimilt að rjúfa
þagnarskyldu við sjúkling ef talið
væri að brot varðaði tveggja ára
fangelsisvist eða meira.
Læknum skylt að sinna öllum
Kristín Sigurðardóttir, læknir á
slysa- og bráðadeild Landspítala –
háskólasjúkrahúss, hafði frumkvæði
að ráðstefnuninni og sagði hún að
vandamálið væri ekki hvað gera
ætti við efnin þegar þeim hefur ver-
ið náð úr sjúklingnum, þeim væri
komið til lögreglu og nafni þess sem
þau bar haldið leyndu, en ýmsir sem
ráðstefnuna sóttu höfðu velt þessari
spurningu upp, meðal annars hjúkr-
unarfræðingar á slysa- og bráða-
deild. Sagði hún að vandamál væri
til staðar þegar fólk ætlaði að fara
með efnin í líkamanum af slysa- og
bráðadeild vegna þess að það vildi
ekki vera þar lengur þó þeim væri
sagt að full þagnarskylda ríkti.
Sagði hún að lagaheimildin væri
ekki nógu skýr í þessum efnum og
hana þyrfti að skoða betur.
Þá sagði Kristín að enginnn vafi
væri í sínum huga um það hverjum
ætti að sinna og hverjum ekki, öll-
um væri sinnt sem á þyrftu að
halda.
Ástríður Stefánsdóttir læknir
benti á að aldrei mættu lögin verða
til þess að fólk sem þyrfti á hjálp að
halda leitaði hennar ekki vegna þess
að þagnarskylda lækna væri rýmri
en nú er.
Jóhann R. Benediktsson, sýslu-
maður á Keflavíkurflugvelli, sagði
að ekki væri ljóst hvar vista ætti
fólk sem náðst hefði með fíkniefni
innvortis meðan beðið væri eftir að
þau skiluðu sér.
Kristín sagði að það væri ekki
stefnan hjá slysa- og bráðadeildinni
að taka við slíku fólki en það væri
velkomið ef það hefði einhver ein-
kenni. Skildist henni að strandað
hefði á því að fjármagn vantaði til
að hafa eftirlit með þessu fólki og
þar stæðu þessi mál enn.
Þarf skýrari reglur
Sigurður Guðmundsson land-
læknir var fundarstjóri og sagði
hann að sitt hlutverk væri að koma
þessum málum á hreint. Sigurður
sagði ljóst að þagnarskylda lækna
hefði verið brotin hvað ofbeldisbrot
gegn börnum varðaði og smitsjúk-
dóma. Sagði hann við lok ráðstefn-
unnar að í ljósi umræðunnar sem
farið hefði fram á ráðstefnunni
væru skilaboð þau að það þyrfti
skýrari reglur og jafnvel skýrari lög
varðandi þessi mál.
„Það sýnist mér vera aðalverk-
efni okkar. Það hefur ekki verið, svo
ég viti til, formlegt samráð á milli
lögregluyfirvalda og heilbrigðis-
þjónustu um þessi mál og við mun-
um reyna að bæta úr því og koma
því á. Fyrsta umræða er hvort og
hvernig unnt er að gera þessi mál
skýrari,“ sagði Sigurður í lok ráð-
stefnunnar.
Þagnarskylda
rýmri við
fíkniefnabrot?
Eftir Sigurhönnu Kristinsdóttur
sigurhanna@mbl.is
Skýrari reglur þarf í samskiptum
lögreglu og heilbrigðisyfirvalda
ÓLYKT sem fundist hefur í nokkr-
um íbúðum í Reykjavík stafar af
efninu styrol, að því er fram kemur
á vef umhverfissviðs. Þar segir að
ekki sé um eiturgufur að ræða.
„Lyktin sem hefur fundist að
undanförnu í sumum íbúðum fólks
stafar af skólplagnaviðgerð í göt-
um. Þar eru eldri skólplagnir fóðr-
aðar með nýju plastefni sem inni-
heldur efnið styren eða styrol.
Þetta efni er rokgjarnt og gufar því
alltaf eitthvað af efninu upp þegar
fóðrað er. Lyktin fer meðal annars
eftir skólplögnum frá götum í heim-
æðar íbúða,“ segir á vefsíðunni.
Þar kemur fram að sé allt með
felldu eigi lyktin ekki að berast inn
í híbýli fólks en það geti þó gerst ef
vatnslásar eru ekki í lagi eða ef rif-
ur og smágöt eru á lögnunum. Haft
er eftir Lúðvík Gústafssyni, deild-
arstjóra mengunarvarna umhverf-
issviðs, að gerist slíkt sé ráðlagt að
leita til pípulagningamanns sem
getur athugað málið og lagað lagn-
irnar.
Flokkast sem hættulegt efni
Enn fremur er haft eftir Lúðvík
að lykt af efninu styrol finnist við
mjög lágan styrk efnisins, eða um
0,32 ppm. Það sé hundrað sinnum
minna en leyfilegur styrkur þess í
vinnuumhverfi þar sem fólk með-
höndlar efnið.
„Ekki er því hægt að tala um eit-
urgufur,“ segir Lúðvík, „hins vegar
er ekki útilokað að sumir geti fund-
ið fyrir óþægindum þegar þeir
finna lyktina af styrol. „Styrol er
ekki eiturefni, en flokkast engu að
síður sem hættulegt. Ef lyktin
berst inn í íbúðir er besta ráðið að
lofta út,“ segir á vef umhverfis-
sviðs.
Ólykt í íbúðum
stafar af styrol
RANNSÓKN hefur leitt í ljós að eld-
urinn í Aðalstræti 25 á Ísafirði í lið-
inni viku kviknaði í stofu. Einn mað-
ur lést í eldsvoðanum og fannst hann
skammt frá þeim stað sem eldurinn
kviknaði. Réttarkrufning leiddi í ljós
að hann lést af völdum reyksins sem
myndaðist við eldsvoðann.
Í tilkynningu frá lögreglunni á
Ísafirði kemur fram að eldurinn
kviknaði í tauklæddum stól, út frá
opnum eldi.
Ekki er hægt að fullyrða hvað það
var sem kveikti eldinn en að sögn
lögreglu telst m.a. sígarettuglóð og
kertaljós vera opinn eldur.
Eldurinn kviknaði í stól