Morgunblaðið - 18.12.2005, Blaðsíða 35

MORGUNBLAÐIÐ SUNNUDAGUR 18. DESEMBER 2005 35
Ég elska þig,“ stendur skrifaðá árbakka í höfuðborgLitháens, Vilníus. Ég stendá brúnni yfir ána sem renn-
ur í gegnum borgina, virði ástarjátn-
inguna fyrir mér og verð skyndilega
heltekin af þeirri hugmynd að læra
lithásku. Stuttu síðar bráir af mér
og ég man að tungumál eru ekki mín
sterkasta hlið. Ég kann ekki sinni al-
mennilega dönsku. Og hvar týndi ég
þýskunni minni? Kannski einhvers
staðar með fyrstu gleraugunum
mínum.
Ég horfi yfir ána af brúnni og lít
síðan upp á stóra styttu við hliðina á
mér. Hún er frá sovéttímanum. Eft-
ir töluverðar vangaveltur var ákveð-
ið að taka styttuna ekki niður heldur
leyfa henni að standa sem minnis-
varði um það sem eitt sinn var.
Litháen lýsti yfir sjálfstæði frá Sov-
étríkjunum árið 1990.
Framhjá styttunni gengur ungt
fólk, gamalt fólk, fólk á hraðferð,
stúdentar, eldri konur með skýlu-
klúta, gamlir menn með hatta, fólk
sem lærði rússnesku undir sovét-
mönnum og börn sem ekkert muna
annað en sjálfstæði landsins.
Borg á heimsminjalista
Vilníus er heillandi borg. Gamli
miðbærinn er á heimsminjalista
UNESCO, þeim sama og Þingvellir
komust á í fyrra. Það er heillandi að
ganga um þröngar göturnar, virða
fyrir sér handverk götusala og
sveifla sér inn í næstu kirkju þegar
byrjar að rigna eða hvíla þarf lúin
bein.
Rannsóknarblaðamennska mín og
hárnákvæm vísindaleg athugun
leiða í ljós að sá sem stendur mið-
svæðis í Vilníus hefur alltaf einn
kirkjuturn fyrir augum sér og mjög
líklega tvo. Hann þarf síðan ekki
annað en að snúa höfðinu um nokkr-
ar gráður til að reka augun í nýjan
turn. Í borginni er á sjötta tug
kirkna.
Stæðilegur sjónvarpsturn
Kannski finnst sjálfri mér best að
setjast á kaffihús, horfa á mannlífið
og prófa athyglisverða rétti á borð
við kartöflupönnukökur með sýrðum
rjóma eða cepelinai, hakkað kjöt vaf-
ið inn í einhvers konar kartöflujafn-
ing. Með öllu er drukkinn bjórinn
Svyturas, framleiddur í Litháen og
bruggaður síðan 1784.
„Hversu lengi hafa Íslendingar
bruggað bjór? Ha ha, Ísland, best í
heimi,“ segi ég og borga 80 krónur
fyrir stóran Svyturas. Verðlagið í
Litháen er allt annað en á Íslandi.
Ég kaupi lasagna á veitingastað á
190 krónur og borga 130 krónur fyr-
ir stutta leigubílaferð. Inn um
gluggann á McDonalds sé ég að Bic-
Mac-máltíð er á 215 krónur.
Stundum óska ég þess að tala að
minnsta kosti rússnesku, fyrst ég
kann ekki lithásku. Það væri miklu
auðveldara að gera sig skiljanlega
hér á rússnesku en það er á ensku.
Einn daginn vel ég súpu af handa-
hófi af matseðli og stari á hana þeg-
ar hún kemur á borðið. Þetta er
rauðrófusúpa, skærbleik og borin
fram köld. Á sérdiski við hliðina eru
heitar kartöflur með dilli. Ég horfi á
súpuna, klóra mér í höfðinu og skil
ekki alveg tenginguna á milli skær-
bleikrar súpu og soðinna kartaflna.
Síðan tauta ég að útlendingar heima
skilji örugglega ekki heldur sam-
suðu á borð við soðin kindahöfuð og
kartöflur. Já, eða tenginguna á milli
hákarls og kúmendrykks með því
aðlaðandi nafni Black Death.
Skærbleika súpan reynist ljóm-
andi góð og eftir matinn blikka ég
þjóninn, reiði fram 85 krónur og
sveifla mér út á götu. Ég þarf að
kíkja aðeins betur á handprjónuðu
ullarvettlingana sem gamla konan
stóð og seldi við eina kirkjuna og at-
huga sjónvarpsturninn. Hann er sá
fimmti hæsti í heimi og á honum
miðjum er veitingastaður sem snýst
í hring. Öskjuhlíðin er greinilega
ekki eini staðurinn með slíku fíneríi.
sigridurv@mbl.is
Kirkjur og skærbleik súpa
Morgunblaðið/Sigríður Víðis
Fólk í höfuðborginni Vilníus bíður eftir strætisvagni hjá stórri kirkju.
Svipmynd frá Litháen
Sigríður Víðis Jónsdóttir
Opið í dag
frá kl.13-17
Nýjar sendingar - Mikið úrval!
Ertu í húsgagnaleit?



 


   







 

    

 
 
 
 
 

      

 
   
        

      
  
 


    

     
  
   
 
 
 
 
      
 
  

 FISKELDISSTÖÐ TIL SÖLU!
Miklilax að Hrauni I í Fljótum
Fiskeldisstöðin Miklilax er staðsett á jörðinni
Hraun I, Fljótahreppi, skammt frá Siglufirði.
Húsakostur:
Vandað sláturhús úr límtré, 485,3 m2 stálklætt.
Rafstöðvarhús 153,7 m2 (steypt).
Djúpdæluhús 38,8 m2 (steypt ) og skúrar.
Fiskeldisker:
Steyptur botn og hliðar úr glerjungshúðuðu stáli:
8 stk. Ø 23,9 m og 3 stk. Ø 12,9 m.
Véla- og tækjabúnaður:
Rafstöð Cummins 820 hp, keyrð 900 klst., Rafall Leroy-Somer 516 kw,
4 stk. Framo djúpdælur, 4-5 stk. loftdælur, krapavél Type B105 o.m.fl.
Lausamunir:
Talsvert magn af plaströrum Ø600 mm og 170 mm og ýmsu
öðru efni og búnaði.
Upplýsingar verða gefnar í síma 444 8706 og einnig má senda fyrirspurnir
á faxnúmerið 444 8709 og á netfangið henry@kbbanki.is.
Óskað er eftir tilboðum í alla stöðina eða hluta
þ.e. byggingar, vélar eða lausamuni
Senda skal inn formleg tilboð ásamt greiðsluskilmálum.
Tilboðsfrestur er til 14. janúar 2006.
Tilboð sendist til KB banka, Sóltúni 26, 105 R. c/o Henrý Þór.
Kaupþing banki hf. áskilur sér rétt til að taka hvaða tilboði sem er,
eða hafna öllum.
X