Morgunblaðið - 18.12.2005, Blaðsíða 48
48 SUNNUDAGUR 18. DESEMBER 2005 MORGUNBLAÐIÐ
UMRÆÐAN
UNDIRRITUÐ rak upp stór augu
þegar hún las á vef Morgunblaðsins
www.mbl.is, að forseti Íslands og for-
sætisráðherra hefðu sent íslenskri
stúlku heillaskeyti í tilefni af krýn-
ingu hennar sem Ungfrú heimur
2005. Heillaskeyti forsetans til stúlk-
unnar er hægt að nálgast á vefsíðu
forsetaembættisins
www.forseti.is. Þar
kemur fram að forset-
inn telji árangur henn-
ar glæsilegan og að
stúlkan hafi verið landi
og þjóð til sóma.
Undirrituð telur
óviðeigandi að for-
sætisráðherra og for-
seti Íslands hafi sent
þessi skeyti og birt þau
opinberlega. Forsætis-
ráðherra og forseti
verða að gera sér grein
fyrir því að með þess-
um skilaboðum eru
þeir að lýsa yfir stuðningi sínum við
slíka keppni. Einnig eru forseti og
forsætisráðherra að gefa það í skyn
að þessi stúlka hafi verið fulltrúi ís-
lensku þjóðarinnar en sú er alls ekki
raunin. Keppnin Ungfrú Ísland er
ekki ríkisrekin, hún er einkafyrirtæki
í eigu Arnars Laufdal (sjá nánar
www.ungfruisland.is). Íslenska stúlk-
an var því í raun og veru fulltrúi þess
fyrirtækis og ekki íslensku þjóð-
arinnar. Þá vil ég benda á að það má
álíta það vanhelgun á íslenska fán-
anum að hann sé bendlaður við þessa
keppni. Samkvæmt 12. grein laga um
þjóðfána Íslendinga og ríkisskjald-
armerkið er óheimilt að óvirða þjóð-
fánann í orði og verki og einnig er
óheimilt „að nota þjóðfánann sem
einkamerki einstaklinga, félaga eða
stofnana eða auðkennismerki á að-
göngumiðum, samskotamerkjum eða
öðru þess háttar“. (http://www.alt-
hingi.is/lagas/125b/1944034.html)
Fengu eigendur Ungfrú Ísland leyfi
hjá forsætisráðuneytinu
til að nota fánann í
keppninni?
Hér á landi hafa verið
haldnar blautbola- og
nektardanskeppnir.
Styðja forseti Íslands og
forsætisráðherra slíka
starfsemi? Nektardans-
keppnir er rétta orðið
yfir þær keppnir sem
Ungfrú Ísland og
Ungfrú heimur eru. Það
er mótsagnakennt í ljósi
aukinnar umræðu um
klámvæðingu að verið sé
að hefja þessar keppnir
upp á stall. Það eru sorgleg áhrif
klámvæðingarinnar að fegurð-
arsamkeppnir eru að verða sam-
þykktur hluti af okkar samfélagi.
Forseti Íslands og forsætisráð-
herra eiga ekki opinberlega að lýsa
yfir stuðningi sínum við svo umdeild
fyrirbæri sem fegurðarsamkeppnir
eru með því að lofsama gott gengi í
slíkum keppnum. Mér finnst óviðeig-
andi að forseti Íslands sem samein-
ingartákn íslensku þjóðarinnar taki
svo sterka afstöðu til málefnis sem
þjóðin er alls ekki sammála um með
því að birta heillaskeyti sitt og konu
sinnar til íslensku stúlkunnar á vef-
síðu forsetaembættisins. Mikið af
ungu fólki á Íslandi er að gera frá-
bæri hluti á ýmsum sviðum bæði á
heimavelli sem og á erlendri grund.
Íslensk ungmenni hafa til dæmis í ár
notið velgengni á ólympíuleikunum í
þýsku og stærðfræði. Fengu þeir að-
ilar nöfn sín birt á heimasíðu forseta-
embættisins? Dæmin eru mörg. Aðal-
atriðið er að varpa eftirfarandi
spurningum upp: Kemur einka-
keppnin Ungfrú heimur íslensku
þjóðinni eitthvað við? Af hverju kjósa
forseti Íslands og forsætisráðherra
að lofsama opinberlega gott gengi í
fegurðarsamkeppni í einkaeign?
Sem forseti og forsætisráðherra
hafið þið vald til að hafa áhrif á
þankagang íslenskra ungmenna.
Augljóst er að lof frá forseta Íslands
og forsætisráðherra hefur þau áhrif
að ýta undir þá hegðun og hug-
myndafræði sem til lofsins leiddi. Það
er greinilegt að þessi embætti vilji að
íslenskar konur taki þátt í fegurð-
arsamkeppnum og „verði landi sínu
til sóma“. Hér með er fegurðar-
samkeppni orðin viðurkennd leið til
að verða landi sínu til sóma. Í þessu
bréfi hef ég ekki farið í saumana á
umdeildri hugmyndafræði fegurð-
arsamkeppna, enda vona ég að forseti
Íslands og forsætisráðherra kunni á
henni skil. En eitt atriði til viðbótar
vil ég minnast á í þessu samhengi og
það eru staðalímyndirnar sem slíkar
keppnir ýta undir. Listir og vísindi
vinna gegn samfélagslegri stöðnun og
staðalímyndum. Vilja forseti og for-
sætisráðherra ónýta starf þeirra?
Ættu þessi embætti ekki frekar að
hvetja ungmenni til dáða á þeim svið-
um? Hvers konar árangur vilja for-
seti og forsætisráðherra Íslands að
ungmenni og aðrir þjóðfélagsþegnar
taki sér til fyrirmyndar? Er ungfrú
Heimur, burtséð frá því hvaða stúlka
ber þann titil, góð fyrirmynd?
Ég tel að forseti Íslands og for-
sætisráðherra eigi að biðja íslensku
þjóðina opinberlega afsökunar á þeim
mistökum að lýsa velþóknun þessara
embætta á fegurðarsamkeppnum.
Opið bréf til forseta Íslands
og forsætisráðherra
Sigríður Mjöll Björnsdóttir
fjallar um fegurðarsamkeppnir ’Ég tel að forseti Ís-lands og forsætisráð-
herra eigi að biðja ís-
lensku þjóðina opin-
berlega afsökunar á
þeim mistökum að lýsa
velþóknun þessara
embætta á fegurð-
arsamkeppnum.‘
Sigríður Mjöll
Björnsdóttir
Höfundur er 17 ára og nemi
við Háskóla Íslands.
ÍMYNDUM okkur, lesendur
góðir, að tveir ungir Reykvíkingar
séu að ræða saman á sínu máli og
að samtalið hefjist á eftirfarandi
orðum þess yngra: „Frændi minn
fór erlendis fyrir einhverju síðan til
þess að versla sér flottan og ógeðs-
lega expensivan jeppa.“ Og ekki
stendur á ákaflega jákvæðum við-
brögðum þess eldra sem segir:
„Sjúperkúl hjá honum!“ og bæt-
ir svo um betur með svohljóðandi
yfirlýsingum: „Pabbi minn fór líka
hérlendis fyrir einhverjum fáum
dögum síðan til að versla sér fjóra
eða fimm eyðifarma fyrir skít og
ingenting.“
Sá sem hér heldur á penna hefur
lagt stund á allmörg erlend tungu-
mál áratugum saman, en þrátt fyr-
ir það finnst honum svona talsmáti
býsna framandi, reyndar svo fram-
andi að hann á í stökustu vandræð-
um með að útskýra hvaða málfyr-
irbæri er hér á ferðinni. Það væri ef
til vill á færi nútímamálvísinda-
manna, sem finnst flest ef ekki allt
leyfilegt í þessum efnum, að gera
það. Að lokum tók ég þá ákvörðun
eftir þónokkur heilabrot að reyna að
snúa þessu samtali á íslensku:
„Frændi minn fór utan fyrir nokkru
til að kaupa fallegan og rándýran
jeppa.“
„Stórkostlegt hjá honum! Pabbi
minn fór nýlega út á land til að
kaupa fjögur eða fimm eyðibýli fyrir
hlægilega lítinn pening.“
Og ekki orð um þetta mál meir,
að minnsta kosti ekki í bili. P.S.
Sögnin að versla er ekki áhrifssögn,
þ.e.a.s. hún stýrir ekki falli eins og
sögnin að kaupa, sem stýrir þolfalli.
Halldór Þorsteinsson
Er þetta vandað mál?
Höfundur er skólastjóri
Málaskóla Halldórs.
Suðurlandsbraut 4a • 108 Rvk. • Fax 533 4811 • midborg@midborg.is
533 4800
Björn Þorri hdl., lögg. fastsali, Karl Georg hrl., lögg. fastsali.
La gavegur 182 • 105 Rvík • Fax 53 481 • i r idborg.is
Til sölu nýjar og glæsilegar 2ja og 3ja herbergja íbúðir á annarri og þriðju hæð á
þessum vinsæla stað við Skipholt. Allar innihurðir eru yfirfeldar eikarhurðir.
Skápar úr eik. Gólf eru parketlögð með eikarparketi. Eldhúsinnrétting er úr eik-
arlíki, hvíttuð frá HTH. Eldhústæki eru úr stáli. Teikningar og nánari upplýsingar
á skrifstofu Miðborgar. Verð er frá 15,8-26,6 millj.
Skipholt 19
Fullbúnar íbúðir
112,6 fm glæsileg 3ja herbergja íbúð á 3. hæð (efstu hæð) með stæði í bílskýli.
Húsið stendur á fallegum útsýnisstað. Íbúðin skiptist í hol, tvö rúmgóð parket-
lögð svefnherbergi, stóra og bjarta parketlagða stofu, eldhús með fallegri inn-
réttingu, granítborðplötu og borðkrók, flísalagt baðherbergi og sérþvottahús.
Eign sem vert er að skoða. 6019. Verð 29,9 millj.
Kristnibraut
Glæsilegt útsýni
225,0 fm glæsilegt einbýli á einni hæð, þar af 34,1 fm bílskúr, á besta stað á
Seltjarnarnesi. Eignin skiptist í forstofu, stofu, borðstofu, arinstofu, eldhús með
borðkrók, þrjú góð barnaherbergi, hjónaherbergi, gestasnyrtingu, baðherbergi,
þvottahús og geymsla. Falleg lóð, með heitum potti. 6037. Verð 63 millj.
Sævargarðar
Seltjarnarnesi
60 fm mjög góð 2ja herbergja íbúð á annarri hæð auk stæðis í bílageymslu í
Bryggjuhverfinu í Reykjavík. Íbúðin skiptist í hol, stofu með svölum til austurs,
svefnherbergi, eldhús og baðherbergi með hornbaðkari. Sérþvottahús í íbúð.
Geymsla í kjallara. Húsið er byggt árið 2003. 6035. Verð 17,5 millj.
Básbryggja – 2ja herb.
115,5 fm endaíbúð á jarðhæð í fallegu húsi við Næfurás. Sérgarður og fallegt út-
sýni. Íbúðin skiptist í hol, stóra stofu, eldhús með borðkrók, tvö svefnherbergi,
gluggalaust herbergi og baðherbergi með baðkari og lögn fyrir þvottavél.
Geymsla á hæð. 6008. Verð 20,7 millj.
Næfurás – Laus fljótlega
Atvinnu-
húsnæði
Um er að ræða atvinnu-
húsnæði sem er skipt í 14
sjálfstæða eignarhluta sem
hver um sig er um ca. 150 fm
að stærð með millilofti. Inn-
keyrsludyr eru um 4 metra há-
ar og lofthæð upp í mæni um
6,85 m. Göngudyr verða við
hliðina á innkeyrsludyrum í
hverju bili.
Verð frá 13,2 millj.
5506
BORGIR
Ármúla 1, sími 588 2030 – fax 588 2033
F A S T E I G N A S A L A
SELJANDI LÁNAR ALLT AÐ 85% AF KAUPVERÐI
STEINHELLA – TILBÚIÐ FLJÓTLEGA