Fréttablaðið - 17.11.2005, Blaðsíða 6

6 17. nóvember 2005 FIMMTUDAGUR
af Sanpellegrino saumlausum undirfatna›i
og toppum í Fjar›arkaupum.
20% AFSLÁTTUR
KYNN
ING á
morg
un, k
l. 14-
18.
KJÖRKASSINN
Er fjárhagsstaða Reykjavíkur-
borgar góð?
Já 40%
Nei 60%
SPURNING DAGSINS Í DAG:
Eiga íslensk stjórnvöld að banna
lendingar fangaflugvéla CIA hér
á landi?
Segðu skoðun þína á Vísi.is
VINNUMARKAÐUR Halldór Ásgríms-
son forsætisráðherra telur allar
líkur á því að lögbundnar takmark-
anir á flæði fólks í atvinnuleit frá
nýjum ríkjum innan Evrópusam-
bandsins verði ekki endurnýjaðar
næsta vor.
Mörg Evrópuríki tóku upp
slíkar takmarkanir til aðlögun-
ar þegar ríkjum Austur-Evrópu
fjölgaði í Evrópusambandinu.
Nýleg skýrsla Norrænu ráð-
herranefndarinnar bendir meðal
annars til þess að takmarkan-
irnar hafi stuðlað að flutningi
á vinnuafli milli landa í skjóli
starfsmannaleiga.
„Ég hef skilið aðila vinnumark-
aðarins þannig að það þjóni ekki
tilgangi við þessar aðstæður að
framlengja þessar reglur sem
settar voru á sínum tíma. Ætlunin
er að taka á þessum málum með
sambærilegum hætti hvort sem
um er að ræða eldri ríki Evrópu-
sambandsins eða nýrri aðildar-
lönd eins og Pólland og Eystra-
saltslöndin. Það eru allar líkur á
því að þetta verði fellt úr gildi en
við gerum það ekki nema í sam-
ráði við aðila vinnumarkaðarins,“
segir forsætisráðherra. - jh
Forsætisráðherra telur að hömlum verði létt af fólki í atvinnuleit:
Takmarkanir felldar úr gildi
HALLDÓR ÁSGRÍMSSON FORSÆTIS-
RÁÐHERRA Fólk frá öllu Evrópusam-
bandinu verður með sömu réttindi.
VÍMUEFNI Neysla hvers kyns vímu-
efna eykst umtalsvert um tvítugs-
aldur samkvæmt nýrri úttekt sem
Rannsóknir og greining hafa unnið
fyrir Lýðheilsustofnun og birt var
í vikunni.
Sýnir hún að ungmenni eru við-
kvæmust fyrir á tímabilinu eftir
grunnskóla og fyrir framhalds-
skóla og aukið aðhald á þeim tíma-
punkti frá foreldrum og vinum
getur haft úrslitaáhrif.
Í skýrslunni, sem var mjög ítar-
leg og náði til rúmlega ellefu þús-
und ungmenna í framhaldsskól-
um landsins, kemur fram að þrátt
fyrir mikinn áróður stjórnvalda
og stofnana gegn reykingum ung-
menna síðastliðin ár hefur orðið
lítil breyting á reykingum síðustu
árin. Frá síðasta ári grunnskóla
og að fyrsta ári í framhaldsskóla
aukast reykingar sama aldurs-
hóps um rúmlega þrjú prósent
og um tvítugt reykja yfir þrjátíu
prósent allra framhaldsskólanem-
enda sígarettur daglega.
Inga Dóra Sigfúsdóttir, doktor
í félagsfræði og einn aðstandenda
skýrslunnar, segir upp úr standa
hversu viðkvæmt skeið tímabilið
milli grunn- og framhaldsskóla
sé. Það geti haft úrslitaáhrif á
hvort ungmenni leiðist út í vímu-
efnanotkun eður ei. - aöe
Skýrsla Rannsókna og greiningar um fíkniefnaneyslu ungmenna:
Foreldrar hafa úrslitaáhrif
MIÐBÆRINN Á LAUGARDAGSKVÖLDI
Fimmtán prósent ungmenna undir sextán
ára aldri reykir að staðaldri. Fjórum árum
síðar er hlutfallið komið yfir þrjátíu prósent.
UMMÆLI Jón Ólafsson athafna-
maður hefur beðið Skúla Egg-
ert Þórðarson skattrannsóknar-
stjóra velvirðingar á ummælum
sínum.
Jón sagði skattrannsóknar-
stjóra hafa verið ölvaðan þegar
hann sagði frá því í gleðskap að
embættinu hefðu verið boðnar
tvær tuttugu milljóna króna
fjárveitingar sérstaklega ætl-
aðar til þess að rannsaka starf-
semi Jóns Ólafssonar og Jóns
Ásgeirs Jóhannessonar.
Í yfirlýsingu segir Jón að
ölvun komi málinu ekkert við
og biður hlutaðeigandi velvirð-
ingar. - saj
Jón Ólafsson biðst afsökunar:
Ölvun kemur
málinu ekki við
BAUGSMÁL Efnahagsbrotadeild
Ríkislögreglustjóra hefur sagt
sig frá öllum ákæruliðum Baugs-
málsins og er það sem stendur allt
í höndum Sigurðar T. Magnússon-
ar, setts ríkissaksóknara.
Álitamál um æðsta ákæruvald
yfir þeim átta ákærum sem ekki
hefur verið vísað frá dómi voru
reifuð í Héraðsdómi Reykjavíkur í
gær. Í stað Jóns H.B. Snorrasonar,
saksóknara hjá embætti ríkislög-
reglustjóra, sótti Sigurður málið í
fyrsta sinn.
Sigurður taldi ekkert hafa
gerst sem spillti hæfi hans sjálfs
til að fara með málið.
Gestur Jónsson, verjandi Jóns
Ásgeirs Jóhannessonar, mótmælti
því að Bogi Nilsson ríkissaksókn-
ari hefði í raun sagt sig formlega
frá þeim átta ákærum sem enn
væru fyrir dómstólum. Bogi hefði
einvörðungu tekið til athugunar
ákærurnar 32 sem vísað var frá
dómi. Leiddi Gestur líkur að því
að umboð og valdheimildir Sig-
urðar næðu ekki til ákæranna
átta og skipan hans stangaðist á
við lög.
Verjendur gerðu ekki kröfu um
frávísun en bíða úrskurðar dóms-
ins líkt og saksóknari.
Að þessu loknu krafðist Gest-
ur þess að dómurinn úrskurðaði
að Björn Bjarnason dómsmála-
ráðherra hefði verið vanhæfur
til þess að setja sérstakan sak-
sóknara yfir ákærunum átta. Því
til áréttingar lagði hann fram
ummæli ráðherrans, einkum af
heimasíðu hans, „bjorn.is“. Taldi
hann ummæli Björns afar and-
snúin Baugi. „Hann er bullandi,
bullandi vanhæfur,“ sagði Gestur.
Hann líkti háttsemi ráðherrans
einnig við einelti og vísaði meðal
annars til ummæla Björns um að
réttarkerfið „hefði ekki sagt sitt
síðasta orð“, eftir að Hæstiréttur
vísaði frá dómi 32 ákærum í mál-
inu.
Sigurður T. Magnússon sagði
að sem stjórnmálamaður hefði
Björn tjáningarfrelsi út fyrir
dómsmálaráðuneytið og væri
raunar fyrirferðamikill í stjórn-
málaumræðu. Hann virti engu að
síður þrígreiningu valdsins. Þess
utan taldi Sigurður ekki augljóst
að hann væri sjálfur vanhæfur til
að fara með málið þótt ráðherr-
ann hefði hugsanlega verið það
við skipun saksóknara.
johannh@frettabladid.is
Ríkislögreglustjóri
hættur í Baugsmáli
Jón H.B.Snorrason, saksóknari hjá efnahagsbrotadeild Ríkislögreglustjóra,
hefur sagt sig frá þeim hluta Baugsmálsins sem enn er fyrir dómi. Héraðsdóm-
ur Reykjavíkur úrskurðar um hæfi dómsmálaráðherra á næstu dögum.
SAKSÓKNARI OG VERJANDI Sigurður T. Magnússon, settur ríkissaksóknari í Baugsmálinu,
ræðir við Gest Jónsson, verjanda Jóns Ásgeirs Jóhannessonar, í dómssalnum í gær.
FRÉTTABLAÐIÐ/GVA