Fréttablaðið - 17.11.2005, Blaðsíða 37

FIMMTUDAGUR 17. nóvember 2005
CHANEL DAGAR Í HYGEU VERSLUNUM
17. TIL 19. NÓVEMBER
Gréta Boða - Heiðar Jónsson og Hrafnhildur kynna það nýjasta
• CHANCE Edp - nýtt Eau de Parfume
• Micro Solutions - 3 nýjir andlitskúrar
• Ultra Correction Lip - nýtt varakrem
• Satin Smoothing Creme Compact - nýtt kökumeik með satin áferð
• Satin Smoothing Creme Concealer - nýr satinmjúkur hyljari
Kringlan • 533 4533 Smáralind • 554 3960 Laugavegi • 511 4533
Loksins, loksins! Fötin frá Stellu McCartney voru til sölu hjá H og M
á fimmtudag og líklega mörg tískufríkin búin að bíða lengi. Þetta er
nokkuð sem er í takt við tímann og er kallað „Masstige“ sem kemur
úr mass (fjöldi) og stige í préstige (háklassi). Þessi merkjavara smell-
ur því eins og flís við rass við tískuna. Unga fólkið í dag er mikið
fyrir að blanda saman fínum merkjum og ódýrum varningi frá Zöru,
H og M og fleirum. Til dæmis ódýrum gallabuxum eða toppum sem
eru svo notuð með fínum beltum eða skóm frá tískuhúsunum.
Alla síðustu viku var starfsfólk H og M að koma fyrir gluggaút-
stillingum í búðunum og þannig var sköpuð eftirvænting. Viðskipta-
vinirnir gerðu ekki annað en að spyrja hvort þeir gætu keypt Stella
McCartney-vörurnar fyrirfram sem auðvitað var ekki hægt. Það var
svo eins og við manninn mælt, biðraðir fyrir utan H og M búðirnar
á fimmtudagsmorgun en það voru aðeins fjögur hundruð af hinum
fimmtánhundruð H og M búðum í heiminum sem fengu Stellu-vör-
urnar. Það tók ekki langan tíma að tæma búðirnar og mátti sjá í búð-
argluggum hjá H og M skrifað stórum stöfum „Stelluvörurnar upp-
seldar“. En þó að Stella McCartney sé þekktari fyrir að hanna heldur
„þæga“ tísku og illar tungur hafi stundum sagt að hún hafi komist
langt á frægð föður síns Pauls þá var auglýsingaherferð H og M fyrir
tískulínu Stellu tengd hneyksli. Eftir að kókanínneysla fyrirsætunn-
ar Kate Moss komst í hámæli var hún rekin frá H og M. Á síðasta
augnabliki þurfti að endurhanna herferðina og hin nýja stjarna og
uppáhald margra hönnuða, hin ítalska Mariacarla Boscono, fengin
sem nýtt andlit H og M.
En það er ekki H og M sem á þessa hugmynd að fá frægan hönn-
uð til að hanna tískulínu. Fyrir tíu árum þegar smóking Yves Saint
Laurent var á toppnum framleiddi hann fyrstur tískukónga smóking
sem seldur var í pöntunarlista Redoute (svipað og Kays eða Quelle
sem þið þekkið á Íslandi) á vægu verði og seldist hann upp á smátíma.
Nú er það Jean Paul Gaultier sem mun hanna fyrir Redoute pöntun-
arlistann. Japanski hönnuðurinn Yamamoto hefur í nokkur ár hann-
að íþróttaskó fyrir Adidas þar sem Stella McCartney hefur reyndar
sömuleiðis hannað íþróttaföt. Fyrir ári var það Karl Lagerfeld sem
hannaði fyrir H og M. Þá voru víða raðir fyrir framan H og M búð-
irnar og fötin voru rifin út á nokkrum tímum svo lá við slagsmálum.
Velta H og M hækkaði um 24 prósent þegar tískulína Lagerfelds kom
í búðirnar. Sumar fíkurnar voru síðan jafnvel seldar á internetinu á
uppsprengdu verði, ófáanlegar í búðum. ■
Stella hjá H og M
Úr háborg tískunnar
BERGÞÓR BJARNASON SKRIFAR FRÁ PARÍS