Fréttablaðið - 17.11.2005, Blaðsíða 86

17. nóvember 2005 FIMMTUDAGUR62
1
6 7 8
10
13
119
12
15
16
18
21
20
17
14
19
2 3 4 5
TÓNLISTIN: Um þessar mundir er ég
að hlusta svolítið á The White Stripes
og Sigur Rós, svona rétt til þess að
búa mig undir tónleika hljómsveitanna
núna í nóvember. Annars er ég nánast
alæta á tónlist.
BÓKIN: Í haust byrjaði ég á bókinni
Dýrðlegt fjöldasjálfsmorð eftir Finnann
Arto Paasilinna. Svo hætti ég einhverra
hluta vegna að lesa en ákvað að taka
aftur upp þráðinn eftir að ég heimsótti
Finnland fyrir nokkrum vikum. Þetta
er stórskemmtileg og kaldhæðin bók.
Svo eru það nú skólabækurnar sem
þurfa að fara að taka völdin.
BÍÓMYNDIN: Ég verð bara að viður-
kenna að ég bíð spennt eftir nýju
Harry Potter-myndinni, enda mikill
aðdáandi bókanna. Síðustu tvær
myndir sem ég sá eru hins vegar The
40 Year Old Virgin, sem kom heilmikið
á óvart og var bara nokkuð fyndin, og
svo The Exorcism of Emily Rose sem
mér þótti hundleiðinleg, enda er ég
ekki mikið fyrir hryllingsmyndir.
BORGIN: Núna er það París, en mig
langar mikið til að flytja þangað þegar
ég klára skólann í vor. Þar ætla ég að
reyna að læra frönsku almennilega og
skemmta mér og vera menningarleg í
leiðinni.
BÚÐIN: Mér finnst mjög gaman hvað
mikið finnst af nýjum og fjölbreytilegri
búðum núna, sérstaklega í miðbæn-
um þar sem þörf er á upplífgun. Ég
finn mér alltaf flotta skó í Kron, en svo
er bara misjafnt hvort ég hef efni á að
kaupa þá!
VERKEFNIÐ: Nemendafélagið er
mitt stærsta verkefni þar til næsta
vor. Annars er ég stjórnarmeðlimur í
Hagsmunaráði íslenskra framhalds-
skólanema og við stöndum í ströngu
þessa dagana að skipuleggja mótmæli
gegn styttingu náms til stúdentsprófs
og samræmdum stúdentsprófum. Það
er tími til kominn að fólk hætti að láta
vaða yfir sig og þetta er mjög spenn-
andi verkefni.
AÐ MÍNU SKAPI ÞÓRUNN ELÍSABET BOGADÓTTIR, FORSETI NFVÍ
Sigur Rós, Finnland og Harry Potter
ÓKEYPIS
LÖGFRÆÐIAÐSTOÐ
á hverju fimmtudagskvöldi
kl. 19.30 til 22.00 í síma 5511012.
ORATOR,
félag laganema við
Háskóla Íslands.
LÁRÉTT 2 feikn 6 skammstöfun 8
þrá 9 óhreinindi 11 drykkur 12 krafsa
14 frárennsli 16 kringum 17 sigti 18
farvegur 20 frú 21 gagnsær.
LÓÐRÉTT 1 hjólbarði 3 kusk 4 kynlíf 5
gerast 7 kragi 10 blundur 13 blóm 15
samstæða 16 sarg 19 sjó.
LAUSN
LÁRÉTT: 2 glás, 6 eh, 8 ósk, 9 kám, 11
te, 12 klóra, 14 skólp, 16 um, 17 sía, 18
rás, 20 fr, 21 glær.
LÓÐRÉTT: 1 dekk, 3 ló, 4 ástalíf, 5 ske,
7 hálsmál, 10 mók, 13 rós, 15 para, 16
urg, 19 sæ.
Það er rúmur mánuður síðan
Kvöldþáttur Guðmundar Stein-
grímssonar var tekinn af dagskrá
hjá sjónvarpsstöðinni Sirkus. „Ég
er bara að slaka á,“ sagði spjall-
þáttastjórnandinn fyrrverandi
þegar hann var inntur eftir and-
legri og líkamlegri líðan. „Jólin eru
að koma, ég er að vinna í heimilinu
og er að skrifa bók,“ bætti hann
við og sagðist enn fremur vera að
sökkva sér niður í jólabækurnar.
„Var að klára Rokland eftir Hall-
grím Helgason og finnst hún tær
snilld,“ segir Guðmundur en vill
sem minnst tala um eigin skriftir.
„Þetta er ekki glæpasaga en ætli
ég verði ekki skella inn eins og
einu morði til að hún seljist,“ segir
skáldið og skellir upp úr.
Guðmundur leynir ekki von-
brigðum sínum með að Kvöldþátt-
urinn skyldi vera blásinn af. „Ég
hefði verið til í að stjórna þættin-
um í fimm ár en hann var einmitt
í þeim anda sem ég var spenntur
fyrir,“ segir hann. Þátturinn hafi
verið hispurslaus enda segist
Guðmundur hafa lítinn áhuga á
pólitískt rétthugsandi viðtölum.
Guðmundur er enn fremur mjög
ósáttur við þá óþolinmæði sem
þættinum var sýnd. „Þeir hættu
með þáttinn þegar hann var loks-
ins að verða góður,“ útskýrir hann.
„Það tekur síðan miklu lengri tíma
en nokkra mánuði að festa svona
þætti í sessi,“ bætir hann við. Þó að
Guðmundur sé ósáttur með ákvörð-
unina segist hann ekki geta annað
en verið feginn að losna frá sjón-
varpsstöðinni úr því sem komið
var án þess að hann ætli sér að
troða illsakir við ráðamenn stöðv-
arinnar í framtíðinni.“ Ég er ekki
að reyna að koma mönnum fyrir
kattarnef með einhverjum vúdú-
dúkkum,“ segir hann og hlær.
Guðmundur segist nýta lausa
tímann í smá naflaskoðun. „Síð-
ustu ár ævi minnar hafa ekki
verið eintóm velgengni. Þátturinn
er kominn af dagskrá og síðasta
bókin mín fékk einróma lélega
dóma,“ segir Guðmundur og hefur
augljóslega húmor fyrir sjálfum
sér. Spurður hvort það hafi komið
honum á óvart að hann skyldi ekki
vera tilnefndur til Edduverðlaun-
anna segir hann svo hreint ekki
vera. „Ég er hins vegar ánægður
með sigur Ágústu Evu vinkonu
minnar,“ bætir hann við.
freyrgigja@frettabladid.is
GUÐMUNDUR STEINGRÍMSSON: SENDIR SIRKUS TÓNINN
Óþolinmæði drap
Kvöldþáttinn á Sirkus
GUÐMUNDUR STEINGRÍMSSON Segir síðustu ár ævi sinnar ekki hafa verið eintóma velgeng-
ni. Þátturinn sé kominn af dagskrá og síðasta bók hans hafi fengið einróma lélega dóma.
HRÓSIÐ
... fær Jakob Frímann Magnússon
og félagar í hljómsveitinni Rifs-
berja sem eru að koma saman til
að rjúfa 32 ára þögn.
„Þetta er enn ein „okkur“-bókin og
ég er á svipuðum slóðum og í Forð-
ist okkur,“ segir Hugleikur Dags-
son myndasöguhöfundur, en í dag
kemur nýjasta bók hans, Bjargið
okkur, út.
Hér er á ferðinni nýtt efni að
sögn Hugleiks, fyrir utan örfáar
sögur sem hafa birst áður í DV.
„Ég var ekki lengi að semja þessa
bók, satt best að segja,“ segir hann.
„Ég samdi margar sögurnar með-
fram því sem ég var að undirbúa
leikritið sem var gert eftir Forð-
ist okkur.“ Það er óhætt að segja
að margar af sögum Hugleiks séu
á grensunni og viðkvæmar sálir
gætu sopið hveljur yfir kolsvört-
um gálgahúmornum. Hugleikur
kveðst þó fráleitt rekinn áfram af
þörf til að hneyksla. „Nei, og ég er
alls ekki að reyna að toppa mig. Sá
munur er helstur að sögurnar eru
kannski orðnar súrrealískari og
brandararnir langsóttari, en hvort
mér takist betur upp en áður verða
aðrir að dæma um en ég.“
Fyrstu vikuna verður aðeins
hægt að nálgast Bjargið okkur í
Nexus við Hverfisgötu, en eftir
það í almennum bókaverslunum.
„Pétur í Nexus hefur verið lang-
duglegastur að selja bækurnar
mínar og reynst mér vel og þegar
hann bað mig um þetta sagði ég
bara já.“ Ef lesendur leggja leið
sína í Nexus á föstudag milli
klukkan 15 og 18.30 geta þeir
fengið aukaglaðning, því þá mun
Hugleikur árita bækur sínar. „Ég
hef áritað tvisvar áður þarna og
það hefur alltaf gengið ágætlega.
Það er fínt að árita í Nexus, maður
getur bara slappað af og lesið
myndasögur.“
Dyggustu lesendur Hugleiks
eru oftar en ekki ungt fólk, en
hann segist ekki reyna að höfða
til eins hóps frekar en annars.
„Fólk af öllum stærðum og gerð-
um hefur komið að máli við mig og
sagst vera dyggir lesendur.“
- bs
Bjargið okkur út í dag
HUGLEIKUR DAGSSON Fólk af öllum stærð-
um og gerðum les bækur hans.
FRÉTTABLAÐIÐ/ HEIÐA
FRÉTTIR AF FÓLKI
Bandarísku kvikmyndaleikstjórarnir Quentin Tarantino og Eli Roth
héldu af landi brott í gær eftir að hafa
snætt hádegisverð í boði Ólafs Ragn-
ars Grímssonar, forseta Íslands, á
Bessastöðum. Kapparnir yfirgáfu landið
sælir og glaðir eftir vel heppnaða
Íslandsheimsókn en þeir
voru með allar ferðatöskur
fullar af íslenskum kvik-
myndum og íslensku
skyri, en þeir ætla að
halda víkingaveislu í
stóra bíósalnum á
heimili Tarantinos
í Los Angeles í
kvöld.
Heimsókn Tarantinos er enn ein rósin í hnappagat Ísleifs B. Þórhalls-
sonar hjá Iceland Film Festival sem
hefur verið öðrum iðnari við að laða
stórstjörnur til landsins. Tarantino er
líkt og Eli Roth kolfallinn fyrir landi og
þjóð og það má því búast við því að
hann birtist hér aftur von bráðar. Meðal
þess sem Tarantino komst yfir að gera á
Íslandi, fyrir utan
að djamma, var að
fara í snjósleðaferð
þar sem hann gaf
ekkert eftir og
flaug af sleð-
anum auk þess
sem Fjörugoðinn
á Fjörukránni í
Hafnarfirði vígði
hann inn í víkingafélagsskap staðarins
samkvæmt öllum reglum og hefðum.
Rokkbandið Lights on the High-way er á leið í tónleikaferðalag til
Bretlands en fyrstu tónleikana ytra held-
ur sveitin í klúbbnum West 14 í London
á fimmtudaginn. Sveitin þarf vitaskuld
að hafa með sér gjaldeyri í ferðalagið
og slær því upp þremur tónleikum um
helgina og byrjar á Gauki á Stöng annað
kvöld en heldur svo stuðinu áfram á
Fjallabarnum í Breiðholti á föstudag og
á Dillon á laugardag.
[ VEISTU SVARIÐ ]
1 Ibrahim Al-Jaafari.
2 Ólafur Jóhann Ólafsson
og Straumur-Burðarás.
3 Glasgow Rangers.
SVÖR VIÐ SPURNINGUM Á SÍÐU 8