Fréttablaðið - 17.11.2005, Blaðsíða 60

17. nóvember 2005 FIMMTUDAGUR36
timamot@frettabladid.is
Elskuleg móðir okkar, tengdamóðir,
amma og systir,
Edda Eiríksdóttir
frá Kristnesi,
Reykhúsum 4c, Eyjafjarðarsveit,
andaðist að morgni 11. nóvember á Fjórðungssjúkrahúsinu á
Akureyri. Útförin fer fram frá Akureyrarkirkju fimmtudaginn
17. nóvember kl. 13.30. Jarðsett verður í Munkaþverárkirkju-
garði. Blóm og kransar vinsamlegast afþakkaðir, en þeim sem
vildu minnast hennar er bent á Fjórðungssjúkrahúsið á Akur-
eyri.
Eiríkur Rafnsson Bryndís Snorradóttir
Helgi Rafnsson Hjördís Magnúsdóttir
Emilía Rafnsdóttir Gauja Rúnarsdóttir
ömmubörn og systkini
Elskuleg sambýliskona mín, móðir okkar,
tengdamóðir, amma og langamma,
Dagbjört Elíasdóttir
Vogatungu 61,
sem lést að heimili sínu þann 8. nóvember, verður
jarðsungin frá Digraneskirkju föstudaginn
18. nóvember kl. 13.00.
Ágúst Bjarnason
Margrét Sigmundsdóttir
Sigrún Jónína Sigmundsdóttir Einar Sveinsson
Sigmundur Örn Sigmundsson
Dagbjört Erna Sigmundsdóttir Jóhann Grétarsson
barnabörn og barnabarnabörn.
Innilegar þakkir færum við öllum þeim
sem sýndu okkur samúð og vinarhug við
andlát og útför ástkærs eiginmanns míns,
föður, tengdaföður og afa,
Gunnars Sigurgeirssonar
Austurvegi 5, Grindavík.
Sérstakar þakkir til starfsfólks Víðihlíðar.
Sigurrós Benediktsdóttir
Hildur Gunnarsdóttir Ragnar Ragnarsson
Sigurrós Ragnarsdóttir
Gunnar Ólafur Ragnarsson
www.steinsmidjan.is
MERKISATBURÐIR
1869 Suez-skurðurinn er
opnaður.
1913 Fyrstu íslensku fréttamynd-
irnar birtast í Morgunblað-
inu.
1938 Vikublaðið Vikan kemur út í
fyrsta sinn.
1940 Akureyrarkirkja er vígð.
1983 Mikligarður, stærsta verslun
Íslands, er opnuð í Reykja-
vík.
1988 Linda Pétursdóttir er kosin
Ungfrú heimur.
2003 Arnold Schwarzenegger er
svarinn í embætti ríkisstjóra
Kaliforníu.
Á þessum degi árið 1839 var
fyrsta ópera ítalska tónskáldsins
Giuseppe Verdi, Oberto, conte
di San Bonifacio, frumsýnd í La
Scala óperunni í Mílanó. Verk-
inu var vel tekið og Verdi var þá
strax fenginn til að skrifa þrjár
óperur til viðbótar fyrir La Scala.
Þrjú ár liðu þó þar til næsta
verk Verdis var flutt á fjölum
óperunnar en það var Nabucco
sem varð geysivinsælt. Fleiri
óperur fylgdu í kjölfarið. Verk
eins og Il Trovatore, La Traviata,
Aída og Óþelló.
Verdi fæddist árið 1813 í
Parma. Faðir hans rak öldurhús
en Verdi sýndi snemma mikla
hæfileika á tónlistarsviðinu.
Átján ára að aldri fékk hann
styrk til að nema í Mílanó. Þó að
hann fengi ekki inni í aðaltón-
listarskólanum þar vegna hás
aldurs lærði Verdi tónsmíðar í
einkatímum.
Síðustu verk Verdis voru
óperurnar Óþelló sem hann
lauk 73 ára aldri, og Falstaff sem
frumsýnd var árið 1893 þegar
Verdi var áttræður. Verdi lést í
Mílanó árið 1901.
ÞETTA GERÐIST > 17. NÓVEMBER 1839
Fyrsta ópera Verdis frumsýnd
GIUSEPPE VERDI
AFMÆLI
JARÐARFARIR
13.00 Birgir Davíð Kornelíus-
son verður jarðsunginn
frá Hvítasunnukirkjunni,
Hátúni 2.
13.30 Edda Eiríksdóttir, frá
Kristnesi, Reykhúsum 4c,
Eyjafjarðarsveit, verður
jarðsungin frá Akureyrar-
kirkju en jarðsett verður í
Munkaþverárkirkjugarði.
AUGUSTE RODIN (1840-1917)
LÉST ÞENNAN DAG.
„Ég finn ekkert upp, ég
enduruppgötva.“
Auguste Rodin var franskur myndhöggvari.
Hugsuðurinn er meðal frægustu verka hans.
ANDLÁT
Ágúst Guðbrandsson, frá Stígs-
húsi, Stokkseyri, lést sunnudaginn
13. nóvember.
Carla Pizarro Fernadez lést
sunnudaginn 13. nóvember.
Erlendur Guðni Erlendsson, frá
Helgastöðum, Krummahólum 4,
Reykjavík, lést sunnudaginn 30.
október. Jarðarförin hefur farið
fram í kyrrþey.
Ingibjörg Jónsdóttir Kolka er
látin.
Petra Mogensen, Miðleiti 5, lést
laugardaginn 12. nóvember.
Róbert Þór Ragnarsson,
Hveralind 6, Kópavogi, lést
mánudaginn 14. nóvember.
Björn Davíðsson
þróunarstjóri
Snerpu á Ísafirði er
42 ára
Anna Líndal
myndlistarmaður
er 48 ára
Kristín
Jóhannesdóttir
kvikmynda-
gerðarmaður er 57
ára.
Um þessar mundir fagna
Alfa-konur því að 30 ár eru
liðin frá því að Delta Kappa
Gamma samtökin hófu starf-
semi á Íslandi. Delta Kappa
Gamma eru alþjóðleg sam-
tök sem stofnuð voru í Aust-
in í Texas í Bandaríkjunum
árið 1929 af tólf konum.
Markmið þeirra var að bæta
faglega menntun sína og
annarra kvenna.
Árið 1975 stofnuðu svo
íslenskar konur Alfa deild
sem heyrir undir samtökin
í Austin. Nú starfa 35 konur
í deildinni og hafa ellefu
þeirra starfað frá upphafi.
„Þetta er sem sagt alþjóð-
legt félag kvenna í fræðslu-
störfum,“ segir Herdís
Egilsdóttir, meðstjórnandi í
Alfa deild. „Og það sem er
kannski sérstakt við þetta
félag fram yfir önnur félög
er að saman í hverri deild
er reynt að hafa kennara frá
öllum skólastigum, allt frá
leikskóla og upp í háskóla.
Konur geta þó ekki bara
gengið inn því að það er
valinn inn í félagið fulltrúi
fyrir hvert stig og stærstu
deildirnar eiga aldrei að
vera stærri en svo að þær
komist ekki fyrir í heima-
húsi,“ útskýrir Herdís.
Nú eru starfandi 140 þús-
und konur í Delta Kappa
Gamma deildum víðs vegar
um heiminn. Svo eru hald-
in Evrópuþing og jafnvel
heimsþing þar sem kven-
skörungarnir hittast. En
hvernig láta þær svo til sín
taka? „Til dæmis höfum við
lesið þingsályktanatillögur
um menntamál og komið
með athugasemdir við þau
atriði sem betur mega fara
á framfæri við ráðherra,
þingmenn og aðra sem málið
varða,“ segir Herdís. „Svo
höfum við skrifað nokkuð í
blöðin um þessi málefni en
það sem snýr að alþjóðlega
starfinu, að þá veita samtök-
in konum styrk víðs vegar
um heim til framhaldsnáms.
Sá styrkur kemur ekkert
síður í hlut konu sem er ekki
í félaginu. Okkur þykir vænt
um þennan félagsskap og
samneyti við þessar konur
hefur reynst hverju okkar
alveg ómetanlegt.“
Delta Kappa Gamma er
heiti á þremur grískum stöf-
um sem skammstafa nafnið
„Konur í lykilhlutverkum“
sem er hið eiginlega heiti
samtakanna.
DELTA KAPPA GAMMA Á ÍSLANDI: 30 ÁRA
Konur í lykilhlutverkum
KONUR Í LYKILHLUTVERKUM Stjórnarmenn Alfa deildar halda upp á áfangann. Marta Guðjónsdóttir, Sigríður Ragna Sigurðardóttir, Herdís Egilsdóttir, Þóra
Kristinsdóttir og Margrét G Schram. FRÉTTABLAÐIÐ/STEFÁN
Guðný Bjarnadóttir ljós-
móðir heldur fyrirlestur
á vegum Nýrrar dögunar,
samtaka um sorg og sorgar-
viðbrögð, í Fossvogskirkju
í kvöld klukkan 20. Fyrir-
lesturinn nefnist Barnið
sem ég kynntist ekki, og
fjallar um fósturmissi og
andvanafæðingar. Að sögn
Auðar Ingu Einarsdóttur,
talsmanns Nýrrar dögun-
ar, hefur lítið verið fjallað
um þetta málefni á vegum
samtakanna og tími til
kominn að beina sjónum að
sorginni sem fylgir því að
missa fóstur eða fæða and-
vana barn.
Samtökin Ný dögun voru
stofnuð 1987 og stóðu hjón-
in Jóna Dóra Karlsdóttir
og Guðmundur Árni Stef-
ánsson, nú sendiherra, að
stofnun þeirra ásamt fleira
fólki. Í hverjum mánuði
eru haldnir fyrirlestrar á
vegum samtakanna um til-
tekið efni sem tengist sorg-
inni á einhvern hátt.
Í næsta mánuði verður
sjónum beint að sorginni í
tengslum við jólahátíðina
en einmitt þá knýr sorgin
víða dyra enda sækja minn-
ingarnar að á hátíð ljóss og
friðar.
Ný dögun – samtök um sorg og sorgarviðbrögð:
Fósturmissir og andvana fæðingar
DUFTREITUR Í FOSSVOGSKIRKJUGARÐI.